رواية جريمة عشق الفصل التسعون 90 - بقلم مريم نصار

في شقة محمد عزيز.. محمد واقف قدام المرايا بيلبس الكراڤت. علشان رايحين فيلا العدوي.. نور خرجت من الحمام وشافته وابتسمت. وراحت عند الدولاب وفتحت وجابت علبه صغيره وراحت عند محمد وضمته من ضهرو وقالت بابتسامه جميله: بحبك. محمد ضحك بسعاده ولف ليها وقال بحب: من قبل الحادثه بيومين مسمعتش الكلمه ال بتنعشني دي. نور حطت ايدها ع خدو: حقك عليا..انت تستاهل كل دقيقه اقولك بحبك وبموت فيك. محمد حاوطها من وسطها وابتسم:

وانتي عايزه كل ثانيه ابص ف عينكي..كل كلام الحب هتلاقيه بيتقال تحت تأثير عيونك..يانوري. نور رفعت ايديها ع صدرو وبتفك الكراڤت وقالت: محمد انا بجد مش عارفه اقولك ايه ع ال انت عملته معايا الفتره الاخيره. محمد رفع حاجبه بتعجب: طيب افهم بتفكي الكراڤت ليه؟ وبعدين نشوف حوار عملت ايه ده. نور بضحكه رقيقه: طبعا ياحبيبى..ثانيه واحده. وحطت الكرافت ع السرير وجابت العلبه وفتحتها وقالت: عشان دي. وكانت جايبه كراڤت جديده هديه ل محمد.

محمد بإعجاب: اممم..جميله جدا..بس ليه تعبتي نفسك ياروحي. نور بتلبسه الكراڤت وقالت بتنهيده: تعبك ديما راحه..والهديه دي انا جايبهالك قبل الحادثه بيوم..وقولت هقدمهالك بعد ماترجع من عيد ميلاد الشركه واعزمك ع عشا رومانسي..بس ال حصل بقى. محمد ابتسم وهز راسه لأ: مبقاش ف مجال للحزن خلاص..كانت محنه وعدت بفضل الله..وال جاي كله فرح بإذن الله. نور حطت راسها ع صدرو وغمضت عينيها بأمان وقالت:

أنا اتعلمت منك حجات كتير اوي يامحمد..اتعلمت منك الصبر والقوه وقدرة التحمل..انت وقفت جمبي كتير اوى..عمرك ما ف يوم نهرتني وضايقتني..دايما بتصبر عليا..انت معايا احن من آلام ع بنتها..راعتني زي ما بابي ما راعانا..كملت مسيرة آدم ومريم..واخدتني من عندو بنته ل بنتك..عمرك ما زعلتنى ولا كسرت بخاطري يوم..ولا نيمتني زعلانه..ديما كنت ومازلت نعم السند والحبيب والصديق.

صدقني انا عايزه اقدملك كل السعاده ال ف الكون كله..انا بحبك..بحبك اوى يامحمد. محمد بدقة قلب ضمها لقلبه بحنان كبير واخد نفس عميق واتنهد وقال: يااااه..انا كل ده يانوري. نور غمضت عينيها بأمان وقالت: انت اكتر من كده بكتير يامحمد..انا مهما قولت مستحيل اوفيك حقك..ربنا يباركلي فيك ياحبيبى. محمد ضمها لقلبه اكتر وابتسم وقال: انا معملتش حاجه اكتر من ال المفروض يتعمل..انا طبقت شرع الله وسنة رسوله. عليه الصلاة والسلام.

ربنا أمرنا بالموده والرحمة واللين ف المعامله..وانتي وصية الرسول..ازاي ماراعيش ربنا فيكي..المعاملة الحسنة هي ال بتخلي الزوج والزوجه يعيشو ف حياه هاديه..الاحترام والتقدير من اسباب نجاح العلاقة مهما كانت الظروف..انا معملتش حاجه معاكي يانور..تخليكي تمني عليا وتشكريني. نور خرجت من حضنه وباست ع ايدو بحب كبير وقالت: دومت لي نعم الزوج والسند. محمد باس جبينها بحب اكبر: بحبك يانوري. فيلا تيم عزيز.

تيم نايم وميرو ف حضنه والمنبه رن. ميرو فتحت عينيها بكسل. تيم فاق ورفع ايدو فصل المنبه ورجع ضم ميرو لحضنه وكمل نوم. ميرو فاقت وابتسمت وداعبت أنف تيم وقالت بهمس: صباح الخير. تيم مغمض عينيه وابتسم وقال بنفس الهمس: صباح الخير ياروحي. ميرو بصت حواليها وشافت انها ف اوضتها الجديده ف الفيلا. وافتكرت انها صممت تعيش جمب جدها آدم الفتره دي قبل السفر للدراسه. وافتكرت..وشهقت بصوت عالى وقالت: ياخبر..علاج بابا آدم. تيم اتعدل واتخض:

ايه..ايه ف ايه يا مريم. ميرو قامت بسرعه وهتجري ع الحمام وقالت: قوم بسرعه ياتيم مفيش وقت. تيم قام بسرعه وشدها لحضنه. ميرو شهقت وشعرها جه ع كتفه وقلبها بيدق. تيم ضمها اكتر وقال بمكر: قوليلي بقى ماله بابا آدم. ميرو بلعت ريقها بتوتر وقالت بلخبطه: اء..احم.. ا.انت عارف إن بابا آدم..احم. صمم انه يرجع..وجه الصبح بدري وجاب ماما مريم ع البيت.

.و..ورفض انه يفضل ف المستشفى اكتر من كده..وا..هيكمل علاجه ف البيت..و..وف علاج وليه مواعيد لازم يمشي عليها. تيم ابتسم لارتباكها ال بيحبه ورجع شعرها ورا ودنها وكمل بمكر: انا عارف كل ده..انتي بقى رايحه فين. ميرو بلعت ريقها بتوتر: اء..انا رايحه ل بابا آدم..احم هو المفروض نروح انا وانت. عشان نطمن عليه هو وماما مريم..ويفطرو عشان العلاج. تيم قرب من خدها وهمس بخبث: طيب وانا. ميرو غمضت عينيها وقلبها بيدق

بسرعه كبيره وقالت بتلعثم: اء..انت ايه. تيم باسها برقه وقال: انا تيم حبيبك وانتي امبارح قولتي إني وحشتك..ولا انا سمعت غلط. ميرو مسكت هدوهها واتوترت اكتر لكن قالت بتوهان: لأ انت سمعت صح. تيم بخبث: سمعت.. ال هو ايه. ميرو بدقة قلب: إنك وحشتني. تيم بإشتياق: وانتي وحشاني ياملاكي. وقرب منها بحب كبير واخدها لعالمه الخاص. فيلا آريان العدوي. آريان بيصلى الضحى. تمارا اتصلت ع الشغاله: الو صباح الخير يابطه. بطه:

صباح الخير ياست هانم..صباحك نادي إن شاء الله. تمارا: تسلمي..ياريت تجهزي الفطار بسرعه. بطه: حاضر من عينيا. تمارا قفلت وقربت من اريان بابتسامه: تقبل الله ياحبيبى. آريان شال السجاده وابتسم: منا ومنك ياقلب حبيبك. تمارا مسكت ايديه وبصت ف عينيه بدموع الفرح وقالت: انا مبسوطه لفرحتك اوي يا آريان. آريان باس كف أيدها وقال:

مش عايز اقولك ياروحي..انا فرحان ومبسوط قد ايه..رجوع بابا آدم لينا.خلاني اعرف قد ايه وجوده نعمة كبيرة ف حياتنا. تمارا بفرحه: فعلا يا آريان..شوفت مملكة العدوي دبت فيها الروح من تاني..كأن موسم المطر جه قبل أوانه..وجودهم خير ف الدنيا..ربنا يديمهم نعمة كبيرة ف حياتنا. آريان مسك وشها بايديه وباس جبينها وقال: تيما انا عايز اشكرك ع وقفتك معايا.وكلامك ال قواني وصبرني ع الابتلاء ده. تمارا بابتسامه: تشكرني..!!

اومال انا بقى اقول ايه. اقولك مليون شكر..ع إنك اتحملت تعبي النفسي والتوتر طول الفترة الاخيرة. ولا اقولك مليون شكرا. ع إنك بتساعدني ف مراجعة المواد..مع أنه مش مجالك..آريان.!! انت إنسان عظيم وجميل جدا..وانا ال أشكرك مش انت.!! آريان بضحكه: خلاص يبقى مفيش بينا شكر خالص..انتي بنتي الحلوه ومراتي ودنيتي..وواجبي اني اكون ديما جمبك ف أي وقت. وشدها لحضنه. تمارا ضمته بفرحه كبيره وقالت:

حبيبى ربنا يباركلي فيك ولا يحرمني من وجودك جمبي. آريان: ولا منك ياروحي..يلا عشان نفطر..وننزل نطمن ع بابا آدم وماما مريم. شقة كريم. كريم قام من النوم واتوضى وصلى. وليليان لسه نايمه وراح قعد جمبها يصحيها وقال بتفائل: لي لي. كريم: انتي يابت ياليليانو..ايه كل ده نوم. ليليان بنوم: بس ياكريم سبني انام ف حضنه. كريم تنح..وبص ليها بزهول: تنامي ف حضنه. وهزها من كتفها بغيره: انتي يازفت انتي حضن مين ال تنامي فيه.

ليليان فتحت عينيها وبتتاوب واتعدلت بكسل: صباح الخير يا كيمو. كريم بغيظ: صباح القرطسه ياليليان هانم. ليليان بنفاذ صبر: ف ايه ع الصبح ياكريم. مالك مضايق ليه. كريم كشر عينيه ليها ومسك شعرها براحه وقال بغيره واضحه: انا عايز اعرف..انتي كنتى عايزاني اسيبك تنامي ف حضن مين. هااا. ليليان بدهشه وبعدها انفجرت ف الضحك: هههههه هههههه. كريم صك ع أسنانه بغيظ: اللهم طولك ياروح. ليليان مسكت كريم من خدوده وقالت:

انتي بتغيري عليا من بابا آدم يابيضه انتي..بحبك مووووت ياكيمو. كريم مسك أيدها وكتفها وشدها ع صدرو بهزار وقال: بيضه. ع آخر الزمن بقت انتي وبيضه. انتي عايزه تشوفي وشي التاني يابت. ليليان مثلت الخوف وقالت: لأ لأ بليز بليز ياكيمو قلبك ابيض.خلاص والله انت سيد الرجاله كلهم. كريم رفع حاجبه: ايوه كدا ناس مابتجيش الا بالعين الخضرا. ليليان: هههههه واحلا عيون خضرا ياكيمو باشا.

وباسته من خدو وقالت بمرح: يلا بقى نفطر ونلبس ونروح ل بابا آدم. كريم بغمزه: وايه المقابل اليليانو. ليليان: ههههههه خد قلبي كله ياكريم..بس يلا بليز عشان منتأخرش..وبعدين انا عندى ليكو مفاجأه هتعجبكم جدآ. كريم كشر عينيه بعدم فهم وقال: مفاجأة ايه. ليليان ضغطت ع شفايفها بحيره كبيره وقالت جواها:

طيب أقوله ولا اقول قدام كل العيله..اوووف لأ ياليليان انتى مجنونه..ماينفعش كريم يعرف زي الباقيين ويتفاجيء وقتها ممكن يضايق ويعملى مشكله كمان..يوووه انا كان نفسي افرح بابا آدم. كريم بصوت عالى: الووووو انتى يابنتي..بنادي عليكي روحتي فييين. ليليان انتبهت: ها. وقالت بحيره: معاك..انا معاك اهو ياكريم. كريم بتعجب: اله. انتي مش بتقولي ف مفاجأه. ممكن بقى اعرفها. ليليان قامت بسرعه وقالت: نلبس الأول اوكي.

ودخلت الحمام وبتفكر ازاى تقول خبر حملها..كريم الاول ولا كل العيله الأول. بعد شويه. ليليان خرجت من الحمام ولبست الاسدال وصلت الضحى وفطرو. كريم بيلبس وبيفكر ياترى ايه هي المفاجأة. ليليان بتلبس واخدت القرار. كريم واقف قدام التسريحه بيسرح شعرو. ليليان من وراه ندهت برقه: كريم. كريم لف ليها وابتسم بحب وقال: عيون كريم..ايه القمر ال قدامي ده. ليليان ابتسمت بحرج. ميرسي ياحبيبي.. ومسكت ايد كريم وحطتها ع بطنها.. وبصتله.

كريم: كشر عينيه بعدم فهم.. وبص ع ايدو وبص ع ليليان.. وهز راسه.. وقال باستفهام: إيه؟ ليليان: وشها بقى احمر جدا.. وقالت: دي المفاجأه ياكريم! كريم: ببلاها.. ها..!! وبص ليها بزهول.. وقال بتنبيه: ليليان.. أنا بشوف الحركة دي ف التليفزيون.. بالله عليكي اوعي تكوني بتهزري! ليليان: هزت راسها بضحكه.. وقالت: لأ مبهزرش.. أنا حامل.. حامل ياكريم! كريم: قلبه دق بقوه كبيره.. وشال ليليان ولف بيها كتير.. وضحك بفرحه كبيره..

وقال بصوت عالى جدا: بحبببببببببك.. بحبببببببك ياليلياني.. بموووت فيكي! ليليان: غمضت عينيها وبتضحك بسعاده كبيره. وأخيراً.. داقت طعم وحلاوة فرحتها بالحمل. والفرحه هلت.. ودخلت ع قلوبهم برجوع الامبراطور.. والأخبار الحلوه بعدها. كريم: نزلها.. وضمها لقلبه بفرحه كبيره.. وقال بسعاده: أنا مش مصدق بجد ياليليان انتى حامل بجد! ليليان: مسحت دموعها وضحكت بسعاده وقالت: بجد ياروح ليليان.. أنا حامل ف الشهر الأول. كريم: باس ع راسها..

وقال: يا احلى اخبار دخلت ع قلبي.. الف مبروك ياحبيبتى. ليليان: حضنت دراعه بحب كبير وقالت بسعاده: الله يبارك فيك ياحبيبى! وكملت بتوتر. وقالت. احم بس ليا طلب عندك.. كريم: بفرحه. إيه بتتوحمي؟ قولي نفسك جايه ع ايه؟ عايزه رنجه؟ ولا وحمك من النوع إل بياكل صابون وكلام من ده؟ قولي ياحبيبتي.. ال نفسك فيه هتلاقيه! ليليان: بدهشه. صابون..!! صابون ايه ياكريم انت كمان..! وبعدين لسه بدري ع الوحم.. أنا طلبي غير كدا خالص.

كريم: طيب ياستي الحمدلله.. المهم اؤمري ياعيون كريم. ليليان: ابتسمت بحب. تسلملي.. بص ياكيمو.. احم. أنا طبعا هاقول الخبر الحلو ده قدام بابا آدم والعيله.. ف أنا عايزاك تتفاجيء كانك متعرفش وكدا يعني! كريم: كشر عينيه بعدم فهم.. وقال ل نفسه: هي هرمونات الحمل بدأت ولا ايه! ليليان: بنفاذ صبر. كريم انت سامعني! كريم: ها..! اه معاكي ياروحي.. احم.. طيب ممكن اعرف ليه!

ليليان: حطت راسها ع دراعه وقالت بحب. نفسي افرح بابا آدم وماما مريم.. بعد المحنه ال كنا فيها.. وخصوصاً بابي ومامي.. نفسي اقولهم أنهم اول حد يعرفو .. معرفش ليه.. بس نفسي اعمل كدا. كريم: أبتسم.. وقال: مجنونه.. هي يعنى الفرحه هتقل ف قلبهم..!! بس عادي يقلبي بما انك عايزه كدا.. أنا معاكي.. المهم اني عرفت اول واحد.. والبااقي بعد كده سهل. ليليان: بحب كبير. حبيبى انا ياكيمو.. ربنا مايحرمنيش منك ابدا ياروحي انا!

كريم: باس ع راسها.. ولا يحرمني منك ياقلب كريم! ف شقة فهد. فهد: نايم وواخد رينو ف حضنو. نايمين ف أمان الله. آرين: طبعا مبسوطه اوى برجوع الامبراطور ل مملكته.. وقامت وقفت ع السرير.. وفردت ايديها بسعاده كبيره.. وقالت. Here we are again.. and the kingdom has returned with a ray of hope. The Emperor Adam Al -Adawy and his princess Maryam Al

-Adawy returned safely across the borders of the Kingdom. And the weddings and the navigator’s nights will return.. and the working hour has arrived.. In my name, I am Arin Fahd Al -Seyoufi.. I welcome you all.. in the kingdom of the legacy of love.. Bravo. Bravo. Bravo.. ها قد عدنا من جديد.. وعادت المملكه بشعاع الأمل. وقد عاد الامبراطور آدم العدوي و أميرته مريم العدوي عبر حدود المملكه بسلام.

وستعود الأفراح وليالي الملاح.. ودقت ساعة العمل. ف بأسمي أنا آرين فهد السيوفي .. أرحب بكم جميعا. في مملكة ميراث العشق. برافو. برافو. برافو. فهد: فتح عينيه. رينو: ف حضنه وحست بيه.. وقالت. اطمن دي المجنونه بنتك.. رجعت للجنان من تاني. فهد: بضحكه.. والله اتخضيت.. وبص ل رينو.. وباس أنفها. صباح الورد يانجمتي الحلوه. رينو: اتعدلت بكسل.. صباح الخير ياحبيبى.. وباساته من خدو. فهد: حط ايدو ع بطنها..

وقال: صباح الخير ع حبيبتي وقلبي. رينو: بضحكه.. رغم وجعها انها خسرت حته منها.. لكن حمدت ربنا.. وقالت: يسلام وكمان حددت نوع البيبي! فهد: باس بطنها. وقال: والله انا راضي بكل ال يجيبه ربنا.. ولد بنت كله رزق وخير.. وكفايه انه هيبقى حته منك. رينو: بتمسد ع شعرو.. وابتسمت وقالت بحب.. ربنا يحققلك كل امنياتك ياحبيبى. فهد: شاف ابتسامتها. وضمه لقلبه. ودفن وشه ف شعرها.. واخد نفس عميق واتنهد بحب..

وقال: أخيراً يانجمتي. شوفت ضحكتك ال بتنور قلبي. رينو: رفعت ايديها حوالين رقبته.. وقالت بحب كبير.. أنا عايزه اشكرك لانك ف حياتي يافهد. فهد: طلعها من حضنه وباس خدها.. وقال بتشكريني ع ايه يانجمتي..!!! رينو: بصت ل عينيه وقالت بإمتنان كبير.. شكراً لانك حسيت بوجعي وقدرتني. شكراً لانك قدمت ليا الدعم رغم خسارتنا احنا الاتنين.. شكراً لانك احتوتني رغم انشغالك مابين شغلك والمستشفي. وقضية بابي.

شكراً لانك كنت ليا أب وأم واخ وصديق وزوج وحبيب وعاشق. بجد بشكرك من قلبي. رغم الحزن مسيطر علينا كلنا.. إلا أنك كنت ف ضهر الكل قبل مني. ربنا يباركلي فيك ويديمك نعمه كبيره ف حياتنا. فهد: مبتسم.. وبيرتب شعرها كالعاده.. وقال. اولا ده واجبي وفرض عليا.. ثانيا.. والأهم.. أنا ال بشكر ربنا انه خلقك من قسمتي ونصيبي.

وعايز اقولك يانجمة قلب فهد.. مفيش بينا كلمة شكرا دي.. انتي فعلا بنتي قبل اختي وأمي قبل مراتي.. وعشقي قبل حبي.. انتي كل حاجه حلوه يا لاري!!! رينو: عيونها لمعت بدموع السعاده.. وحطت راسها ع صدرو. وغمضت عينيها بأمان كبير.. وقالت: ربنا بيحبني.. لانه رزقني بنعم السند!!! آرين: خبطت ع الباب بتذمر.. ياااااااابي.. ماااااامي.. قووومو بقى عشان اروح ل بابا آدم. رينو اتخضت.. وفهد ضحك بصمت.

رينو: صكت ع أسنانها بغيظ واضح.. وبصت ل فهد.. مستحيل تعقل.. مفيش أمل واحد ف الميه. فهد: بضحكه.. آريني تعمل ال هي عايزاه. رينو: بتذمر.. طيب يافهد.. قوم بقى اتصرف معاها.. عشان مقلبش عليكو انتو ال اتنين. فهد: ضحك.. وقام بسرعه.. وقال: أنا هفتح اهو. رينو: قامت بسرعه وشهقت. لأ لأ استنى.. وجريت ع الحمام عشان لبسها ماينفعش بنتها تشوفها بيه.. وبصت ل فهد بتوعد.. وقفلت باب الحمام بغيظ. فهد: ضحك من قلبه.

آرين: بغيظ.. يوووه بااااااااابي قوووووم بقى!!! فهد: لبس التيشرت.. وفتح الباب.. بابتسامه.. صباح الورد. آرين: اتشعلقت ف رقبته.. صباح القمر والسكر والعسل وكل حاجه حلوه. ع اجمل بابي ف الدنيا. فهد: ضمها لقلبه بحنان.. صباح النوتيلا. ممكن اعرف ليه بقى رجعتي تعملي دوشه من تاني. آرين: كشرت عينيها.. وقالت. نو نو نو. دي احلا حاجه الدوشه. انتو ال نسيتو قواعد آرين فهد السيوفي.. وبعدين مش كفايه أننا بقالنا فتره كبيره مفرحناش.

فهد: راح ع المطبخ. وبيمسح ع شعرو.. وقال: ع فكره رينو مبتعرفش تنام كويس من دوشتك دي ع الصبح.. وبعدين انتي صوتك كان عالي ليه ف اوضتك. يا مجنونه انتي!! آرين: بمرح.. واو. وأنا مسمعه اوي كدا.. ههههه. اوكي أنا بعتذر من مامي القمر طبعا.. بس أنا كنت برحب بجدو القمر. فهد: ابتسم.. وبيعمل القهوه.. وقال: طيب ادخلي البسي.. وأنا هجهز الفطار عشان تلحقي محاضراتك. آرين: قعدت ع الكرسي بتذمر.. وقالت: إيه؟

محاضرات ايه يابابي أنا ف اجازه تلات ايام. فهد: جاب اللبن من التلاجه.. وبص ليها بعدم فهم. وقال: اجازه؟ إجازة ايه؟ بتهايألي ف مناسبات الفتره دي ولا اجازه رسميه!!! آرين: مثلت الذكاء.. وقالت. ايوه أنا عارفه كل ده.. بس أنا ال أديت لنفسي اجازه. فهد: لف ليها. وقال: نعم!!! آرين: قامت بمرح.. وضحكت بتمثيل الترجي.. بابي حبيبي هو ف احلا من مناسبة إن بابا جدو آدم حبيبى قام بالسلامه..! ها!

فهد: بتفهم.. امممم.. بقى انتي عايزه تاخدي اجازه عشان كدا.. طيب هو يوم واحد بس!! آرين: بزعل طفولي.. بابي بليز خليني اقعد مع بابا آدم التلات ايام ارجوك. فهد: ابتسم بغيظ. وقال بتحذير.. أنا قولت هو يوم واحد بس..!! يا اما مفيش خالص وتدخلي تلبسي عشان اوصلك.. قولتي ايه! آرين: باستسلام. وتنهيده.. قولت اوكي بقى..!! فهد: لاعب شعرها.. وقال: حبيبت قلبي ال بتسمع كلام أبوها. آرين: صكت ع أسنانها بغيظ مكبت.. واتحركت خطوه وبتبرطم..!!

فهد: بتحذير.. هااااا..!!! آرين: بتمثيل العياط.. هو أنا قولت حاجه.. أنا اهو سمعت الكلام. فهد: شاطره ياحبيبتي.. ادخلي البسي عشان نفطر وننزل للعيله!!! فيلا العدوي.. ف جناح آدم. مريم: انت مش بس ونعم الزوج.. انت رفيق رحيم . خفيف الروح . هيّن الطبع.. وجودك ل مريم جنه. آدم: بابتسامة عاشق. انتي جنة آدم ع الأرض يامريم….!!!!

مريم: قلبها انتعش. وبقى أشبه ببستان زهور.. وخرجت من حضن آدم بابتسامه.. لكن بصت حواليها.. وقالت بتعجب.. اله.. ده الجناح بتاعنا! أنا جيت هنا ازاى! آدم: ابتسم.. وقال بهدوء.. أنا.. أنا قولت مستحيل ابعد عنك يوم واحد بعد كل ده.. وللأسف بقى مراد ال شالك وطلعك لحد هنا. مريم: بدهشه.. وحطت أيدها ع جرح آدم.. وقالت بقلق.. إزاي.. إزاي تخرج وانت لسه تعبان يا آدم!

آدم: حط ايدو ع ايدها.. وقال. أنا كويس جدا الحمدلله.. وكفايه قاعده ف المستشفى اكتر من كده. مريم: بقلق.. محمد ازاي يسمحلك بالخروج! آدم: بضحكه.. انتي نسيتي قدرات جوزك ولا ايه يا اميرتي..! وبعدين متقلقيش. أنا بخير صدقيني. وكمان أنا عايز منك تكوني بخير عشاني. مريم: بتنهيده.. ربنا يجعل اسمك وصوتك ف الدنيا ولا يحرمنا منك.. ويمد ف أجلك.. ربنا يديك ع قد رحمته وكرمه يا آدم.

آدم: بابتسامه.. يبقى كدا أنا ف أمان ليوم الدين ياقلب آدم!!! ف الليفنج. مراد: نازل من ع السلم.. وجمبه فريحه. وبيقولها.. اكيد ماما صحيت دلوقتي واتفاجأت انها ف البيت. فريحه: بسعاده. مش مهم جت ازاي.. المهم إن البيت هيرجع زي الاول أنا مبسوطه اوى يامراد. . وبعدها وقفو مكانهم. فريحه: اتخضت وقالت بدهشة.. ياستار يارب. الحق يامراد البيت بيتحرق.. ايه الدخانة دي؟ مراد: بقلق.. مش عارف.. فعلاً دخان كتير جداً.. خليكي مكانك.

فريحة: بتكح.. وبتتنفس بصعوبة. وقالت: أووف يا ستار يا رب.. مراد: نزل بسرعة. زين: نازل بسرعة. وقال بدهشة: البيت بيولع.. ينهار مش فايق.. ونزل بسرعة. زينب: مولعة بخور.. وماشية في الدور الأول كله بترقية. وبتقول: بسم الله الرحمن الرحيم. قل أعوذ برب الفلق من شر ما خلق. ومن شر غاسق إذا وقب. ومن شر النفاثات في العقد. ومن شر حاسد إذا حسد. صدق الله العظيم. رقيتك واسترقيتك.. من كل عين دخلت البيت وشافته ولا صلتش ع النبي.

رقيتك من عين الحرس واحد واحد.. ومن عين عوض.. ومن عين عوض تاني.. ومن عين البت الصفرا سوسن بتاعة الخضار.. ومن عم طلعت اللبان.. ومن عين فتحية.. ومن عين فتحية تاني.. ومن عين فتحية تالت. الله أكبر في عينيها.. هي بعينيها المدورة دي اللي جايبة البيت الأرض.. كانت داخلتها سودا. في نفس الوقت.. فهد ورينو وصلوا.. ووراهم تيم وميرو وآريان وتمارا. مراد بيكح.. وقرب من زينب.. وحط إيده على بوقه. وقال: بتنيلى إيه يا زينب؟

زينب: بفخر.. بـبـخـر البيت يا سي العقيد المقدم الرائد مراد بيه. مراد: من بين أسنانه.. بـتـبـخـري؟ ولا بتولعي فينا يا زينب؟ زين: بيكح. إيه ده ف إيه بالظبط.. أنا مش شايف حاجة. فهد: دخل والكل اتخض. ويسأل: ف إيه؟ رينو: مستحملتش ريحة البخور.. ومعدتها قلبت عليها وجريت على الحمام. وآرين راحت وراها تتطمن عليها. ميرو: بتكح وتمارا. آريان: بتعجب. ف إيه؟ البيت كله دخان ليه؟ تيم: بيكح وقرب من زينب. إيه الاختراع بتاعك ده يا دادة؟

زينب: بشهقة. اختراااع؟ ده بخور أنا بعت جبته مخصوص من السيدة زينب.. وكويس أوي إنكم جيتوا دلوقتي. وقالت: اقعد هنا يا سي مراد بيه.. وقعدته على الكنبة. وانت كمان يا سي زين بيه.. اقعد.. إيه ده.. العقيد المقدم الرائد فهد بيه.. تعالى اقعد جمبهم. فهد: قعد جمب مراد. وقال باستفهام: هتولعي فينا ولا إيه يا زينب؟ زينب: مسكت دراع تيم. وقالت: انتوا محسودين ولازم رقوة تطلع العين من جتتكم. آريان: قعد جمب تيم. وقال: جتتنا؟

تيم: بهزار.. اللي هي الجثة يعني.. شوفي شغلك يا دادة.. الاختراع ده عجبني. زينب: وقفت وراهم. وبتبخرهم كلهم. وقالت: بسم الله الرحمن الرحيم. قل أعوذ برب الناس. ملك الناس. إله الناس. من شر الوسواس الخناس. الذي يوسوس في صدور الناس. من الجنة والناس. صدق الله العظيم. أعوذ بكلمات الله التامة من كل شيطان وهامة.

رقيتكو واسترقيتكو يا شباب العدوي والسيوفي وعزيز من كل اللي يشوفكو ولا يصليش ع النبي. رقيتكو من كل عين خبيثة.. ومن شر كل ست ناوية الأذية. مراد وفهد وزين بيبصوا لبعض ببلاهة. فريحة وريتال والبنات واقفين يضحكوا ويكحوا. زينب: رقيتكو من عين فتحية وع.. مراد: قام وقف. وقال: باااااس.. كفاية يا زينب. زينب: بعفوية.. اقعد يا سي مراد.. أنا لسه مخلصتش الرقوة. مراد: بتريقة.. رقوة؟

هي دي اسمها رقوة.. دي تعاويذ يا زينب.. دي طلاسم.. قال من عين فتحية قال. وبعدين تعالى هنا.. مين فتحية وسوسن ها؟ ولا هو أي هري وخلاص؟ الكل ضحك. زينب: كشرت عينيها. وقالت بشهقة: هييييي.. انت مش عارف مين فتحية؟ دي بت اشتغلت هنا أسبوع وغارت في داهية.. كانت عينيها مدورة ومقورة قد كده.. وصفرا.. إلهي لا يرجعها البعيدة.. من أول ما دخلت هنا والدنيا اتشقلب حالها.. فهد: ضحك بصمت.

زين: طيب كفاية كده يا زينب.. الحمد لله.. أنا بعد الرقوة حاسس بكمية باور رهيبة.. صح يا شباب. آريان: قام وقف. وقال بهزار: فعلاً.. أنا كان عندي مشكلة في كتفي اليمين.. ودلوقتي مش حاسس بحاجة. زينب: أيوه.. هي دي العين.. وطلعت من كتفك الحمد لله. الكل كاتب الضحكة. مراد: من بين أسنانه.. عين طلعت من كتفه؟ زينب: لو الدخانة الهباب دي طلعت لجناح الحج.. أنا هطلع منك العين بطريقة المخابرات.. فاهمة!

زينب: عوجت بوقها.. أهو العين بانت عليك واتعصبت.. انت عايز رقوة خميس وجمعة.. انت أكتر واحد محسود.. اسم الله عليك. الكل ضحك. مراد: بغيظ.. بص للكل. انتوا بتضحكوا على إيه؟ الكل يفتح الشبابيك عشان الدخانة دي غلط على بابا وماما.. يلا اتحركوا. الكل اتحرك بسرعة وفتحوا الأبواب والشبابيك. فهد: هههههههه.. رقوة خميس وجمعة هههههههه.. انت يبني لو رحت لشيخ هتفضل على طول متخلف.

مراد: بتريقة.. مابلاش انت يا فهودة.. اللي عليك غبي ومبيشوفش قدامه. زينب: بعفوية.. أهو ست الدكتورة رينو.. أول واحدة العين طلعت من عليها.. أومال إيه.. ده بخور أصلي من السيدة زينب. رينو: هزت راسها بنفاذ صبر. وقالت بتعب: بخور إيه بس يا زينب.. الله يهديكي.. كل ده بدعة يا زينب.. فيه حاجة اسمها الرقية الشرعية.. مش بخور وكلام فاضي.. أنا تعبت من الريحة دي.

ميرو: بضحكة صافية.. خلاص يا جماعة حصل خير.. ودادة زينب أكيد نيتها خير.. مكانتش تعرف إنها بدعة. زينب: أي والله يا ست ميرو.. أنا نيتي خير. ميرو: بابتسامة.. تعالي يا دادة معايا المطبخ عايزاكي.. وراحوا على المطبخ. آرين: واقفة على باب الفيلا. وشافت هارون وعوض شايلين ورد كتير وجايين على البيت. وسقفت. وقالت: واو.. ورد كتير جداً!