رواية جريمة عشق الفصل الخامس والخمسون 55 - بقلم مريم نصار

فيلا العدوي.. تالين نائمة، صاحية على رجل مريم، وبتمسد على شعرها. فريحة قاعدة وقلبها مشغول. مريم لاحظت قلق فريحة وسألتها: مالك يافريحة؟ فريحة بقلق: مش عارفة ياماما، قلقانة أوي على مراد. من ساعة ما كلمني الصبح يطمن على شهادة مريم، متصلش تاني، مع إنه قال لي ساعة وهكلمك عشان أطمن عليها. مريم: حبيبتي، إنتي عارفة نظام شغله، ممكن يكون جاله شغل مستعجل. فريحة: مش عارفة، أنا خايفة أوي.

مريم: إن شاء الله خير. طيب حاولي تتصلي عليه إنتي. فريحة: ماينفعش ياماما، لما بتصل عليه بيقولي خارج الخدمة، ما إنتي عارفة نظام شغله. ربنا يستر. رينو: قلبها دق بقلق. إيه يا فريحة، إنتي قلقتيني أكتر على أبيه مراد وفهد. آدم: بقولكم إيه؟ مراد وفهد كلموني الصبح وكانوا كويسين، شيلوا الأفكار دي من دماغكم إنتي وهي.

محمد: فعلاً يا فريحة إنتي ورينو، حاولوا تفكروا بإيجابية. وبعدين مراد وفهد اللهم بارك عليهم يقدروا على مواجهة أسطول حربي كامل، يعني متقلقوش. بإذن الله خير. نور: إن شاء الله. وبلاش بقى الأفكار السلبية دي، إحنا النهاردة مبسوطين جداً بشهادة الولاد، وكمان رجوع آدم قلب عمتو بالسلامة. ريتال: آه والله يانور، بجد أنا مبسوطة أوي. ربنا يديم علينا نعمة الفرح والسرور يا رب. كلهم: آمين يارب.

زين: احم، على فكرة يا حج، يوسف كلمني وقالي على ميعادنا بكرة إن شاء الله. أنا رديت عليه وقولت له تشرف في أي وقت. آدم: هز رأسه. تمام. وأشرف كلمني وهيكونوا موجودين بكرة إن شاء الله بعد صلاة العشا. وإنت يا دكتور محمد لازم تكون موجود في الاتفاق. محمد: ابتسم. تحت أمرك يا حج. آدم: ضحك. وعايزين ناخد منك ميعاد إنت كمان عشان آريان مش ساكت. محمد: بتنهيدة. يا خبر، إحنا كلنا تحت أمرك يا حج آدم.

آدم: تسلم يا دكتور. بس كله بالأصول. أول ما مراد وفهد يرجعوا بالسلامة إن شاء الله، نحدد ميعاد على طول هتلاقينا كلنا في بيتك بنطلب حفيدة الغالي تمارا لآريان الغالي ابن الغالي. زين: ابتسم بحب كبير. محمد: وتمارا مش هتلاقي حد أحسن من الدكتور آريان. وربنا يقدم اللي فيه الخير. نور: عيونها لمعت بدموع. آدم: إيه يا نور؟ ده إحنا لسه بنقول يهادي. وبعدين هي تمارا هتروح فين يعني؟ دي حفيدة العدوي وعزيز، يعني هتبقى في أمان.

نور: بدموع. غصب عني يابابي. السنين جرت بسرعة، وفجأة بنتي كبرت وتبعد عني. رينو: قامت بسرعة واحتوت أختها وضمتها لقلبها بحنان. مريم: ضحكت. وحدي الله يانور ياحبيبتي، ودي سنة الحياة. وبصت لآدم. احم، لكن أنا عندي سؤال يا آدم. آدم: ابتسم وفهم هي عايزة إيه، ولكن قال: اتفضلي يا حبيبتي خير، سؤال عن إيه؟ مريم: يعني كنت عايزة أسأل، آريان وتمارا هيتجوزوا هنا في الفيلا؟ ولا...

آدم: بصي يا روحي، أنا هقولك نفس الكلام اللي قولته زمان. كل واحد براحته. آريان عايز يعيش معانا هنا هكون مبسوط. ولو عايز يعيش في شقة في أي عمارة من بتوعنا بردو هكون مبسوط. أهم حاجة إن أحفادي يعيشوا مبسوطين. مريم: بزعل حقيقي. كنت أتمنى بجد إنهم يكونوا حواليا. زين: قام وقعد جنب أمه وباس على إيدها. وأنا مقدرش أزعلك يا ست الكل. وطلباتك أوامر.

وبص لآدم وقال: احم، أنا عندي اقتراح صغير كدا يا حج. يا ريت لو توافقني عليه أكون سعيد جداً. آدم: وأنا سمعك، إيه الاقتراح ده؟ زين: ... عند الشباب، ركنوا العربيات ووصلوا عند الكورنيش. وكل أخ مع أخته، بيتمشوا كلهم ورا بعض. آرين ماشية وشافت واحد بيبيع درة مشوي، وقالت بطفولية: آركان، أنا عايزة درة مشوي. آركان: درة مشوي؟ يابت اصبري، إحنا لسه بنقول يهادي، متبقيش طفسة.

آرين: خبطت برجليها على الأرض مكانها. إنت رخيم، إنت لا يمكن تكون أخويا توأمي أبداً. آركان: هههههه، آه يابت بدلوني في المستشفى واحنا في اللفة. أنا قولت بردو مش معقول أختي تبقى بالبشاعة دي. آرين: صكت على أسنانها بغيظ وزعقت. أنا شكلي بشع يا آركان؟ طيب والله لأقول لتيم وآدم وهما هيتصرفوا معاك. متتكلمش معايا تااااااني بقى. وسابته وراحت عند آدم وتيم، وزعلانة. آدم: كشر عينيه. مالك يا آرين؟ حد ضايقك؟

تيم: انتبه وجه بسرعة. إيه يا آرين؟ آرين: بطفولية. آركان بيقول عليا شكلي بشع. تيم: ضحك. آدم: بصوت جهوري. إنتي شكلك بشع؟ هو واحد مبيفهمش. وإنتي لازم تكوني واثقة في نفسك يا آرين. آرين: بدموع. أنا طلبت منه درة مشوي ومش راضي يجبهالي. أنا مش هتكلم معاه تاني. آدم: ابتسم على براءتها. وإنتي بتطلبي منه ليه؟ لما تعوزي أي حاجة قوليلي أنا. فاهمة؟ آرين: ببرائة. ميرسي جدا يا آدم.

تيم: ههههههه. متزعليش. وأنا هربيلك آركان ده. وزي ما قالك آدم أي طلب اطلبيه منه أو مني يستي. سيبك من الواد الفاشل ده. آدم: قبض على إيديه بغيرة وسكت. آركان: جه عليهم وبيضحك. والله أنا بريء يا جدعان. هي اللي بدأت وخبطت برجليها على الأرض زي العيال وقالت إنت رخيم، إنت لا يمكن تكون أخويا توأمي أبداً. وأنا قصفتلها جبهتها وبس كده. آدم: بجمود. آركان اهدا شوية. تعالي معايا يا آرين أنا هجبلك اللي إنتي عايزاه.

آرين: صقفت بفرحة وحبت تغيظ آركان وطلعت لسانها ليه ومشيت بسرعة جنب آدم. تيم: خبط آركان على قفاه بهزار. مالكش دعوة بآرين تاني عشان معلمش عليك. آركان: تسلم إيدك يادكتور. يامنصف العدالة. أنا هروح أجيب حمص الشام. أجيب لك معايا ياميرو؟ تيم: خبطه تاني. ميرو دي قولنا ف البيت مش ف الشارع. وإجري بقى من هنا. ليليان: جت عليهم. تمارا، تعالي أقولك على حاجة. وإنت يا آركان تعالي نجيب حمص الشام. وأخدت تمارا ومشوا.

تمارا: حاسبي، بتشديني كده ليه يا بت يا ليلي؟ ليليان: أصل آريان عايز يقولك كلمة في ودنك هههههههههههه. تمارا: اتوترت وقلبها بيدق وبلعت ريقها بتوتر. ا. إنتي بتقولي إيه؟ ليليان: هههههههههههه. بهزر يا صلاح. بصي آريان أخويا ضارب بوز وهيتجنن ويكلمك ومش عارف. وأنا يعيني عليا وحدانية. ف أنا بقى هاخد الواد آركان ده ونشتري أي حاجة ونقزقز مع بعضينا. وإنتي اتكلمي مع أخويا شوية. أشطا؟ يلا سلام. وسابتها وجريت بسرعة مع آركان.

تيم: واقف وحاطط إيده في جيبه. إيه يامريم. عاملة إيه دلوقتي؟ ميرو: أنا تمام ياتيم. تيم: تعالي نتمشى شوية على ما آدم يشتري لآرين. ميرو: هزت راسها. اتفضل. تيم: ماشي وهي ماشية جنبه بتوتر ولخبطة. تيم: تحبي أجيبلك أي حاجة؟ ميرو: لأ ميرسي ياتيم. تيم: إنتي بخيلة بقى ولا إيه؟ ميرو: ابتسمت. أنا أبداً والله. تيم: طيب أومال إيه بقى ميرسي دي؟ قولي أجيبلك إيه؟ نفسك في إيه؟ ميرو: وقفت

وبصت بعيد وقالت جواها: اللي أنا نفسي فيه صعب جداً إنه يتحقق ياتيم. وبشبه ابتسامة قالت: احم، قولي إنت نفسك في إيه؟ وأنا هعزمك المرة دي عشان تعرف بس إنّي مش بخيلة. تيم: ابتسم. لأ خلي عزومتك دي لما تاخدي الدكتوراه، اوكي؟ ميرو: إن شاء الله. تيم: وقف وسألها. مريم، إنتي مش عايزة تقولي حاجة؟ ميرو: وقفت واتوترت. ح..حاجة؟ حاجة زي إيه؟ تيم: هز كتفه. أنا بسألك إنتي. لأني حاسس إنك متغيره بقالك فترة. إنتي مش عايزة تقولي أي حاجة؟

ميرو: بلعت ريقها بتوتر. ا. أبداً، أنا مش متغيرة ولا حاجة. إنت بس بتتهيألك. تيم: هز رأسه. اممم تمام. إيه رأيك في ياسين جمال يامريم؟ ميرو: باستغراب. من ناحية إيه؟ تيم: من ناحية كل حاجة. إيه رأيك فيه؟ ميرو: ياسين شاب محترم جداً وطموح ومثالي. تيم: فعلاً هو طموح ومثالي. بقولك إيه، اعملي حسابك إني أنا هجهزلك أوراق الرسالة وأقدمك في الجامعة.

ميرو: ابتسمت. بصراحة أنا مش عارفة أقولك إيه ياتيم. إنت مهتم بيا وتعبان معايا. وضحكت بوجع كبير. وعارفة هتقولي إنت أختي، لكن ده مايمنعش إني أشكرك. وبصت في عينيه وقالت بحب كبير: شكراً جداً ياتيم. تيم: شكراً دي تقوليها للغريب، مش لتيم عزيز، اوكي؟ وتعالى بقى إيه رأيك أجيبلك ترمس؟ ولا عايزة حمص الشام؟ ميرو: بتنهيدة. أي حاجة. تيم: طيب تعالي أنا هاكلك على ذوقي. واتحركوا.

آدم مراد ماشي وقال لآرين: اقفي هنا. أنا هجبلك الدرة وجاي. آرين: هزت راسها. اوكي. بس متتأخرش. آدم مراد: ابتسم. يابنتي أنا هيبقى بيني وبينك ٣ خطوات بس. هأتأخر فين؟ ثواني وجاي. آرين: اوكي يا آدم. آدم مراد: ابتسم بحب. وعايز يقولها إنه بيحب يسمع اسمه منها جداً، وراح يشتري ليها. آرين: واقفة

وبصت على آدم وقالت جواها: اممم آدم شكله كدا في هيئة بابي حبيبي. اممم بس بابي عضلاته أكبر. وكمان بابي أطول. لأ لأ. أنا حاسة إن آدم نفس طول بابي أو أطول. تؤ تؤ آدم طول بابا آدم؟ أوووف لأ آدم ممكن يكون طول بابي حبيبي. يوووه موش عارفة بقى. آدم مراد: جاب ليها الدرة. اتفضلي يا آرين، جبتلك أحلى درة مشوي. آرين: انتبهت وقالت بفرحة. واااو. وأخدتها. اممم ريحتها تجنن فعلاً يا آدم. ميرسي جداً بجد.

آدم مراد: ابتسم وبياكل معاها. امممم. قوليلي بقى، كنتي سرحانة في إيه من شوية؟ آرين: بتاكل وبصتله. امم لأ لأ مش هقولك. ده سر بيني وبين نفسي. آدم مراد: ضحك على براءتها. طيب ماينفعش أشاركك السر ده؟ أنا شايفك كنتي محتارة. آرين: بدهشة. أيوه فعلاً يا آدم. عرفت إزاي إني كنت محتارة؟ إنت ذكي جداً بجد. آدم مراد: هههههه. طيب يستي متشكر. ها بقى هتقولي إنتي كنتي بتفكري في إيه؟

آرين: بعفوية. اممم، أبداً. بصراحة كنت بعمل مقارنة بينك وبين بابي. آدم مراد: ... آرين: امممم الدرة جميلة أوي أوي يا آدم. آدم مراد: احم، ابدأ. أنا بحب بابي جداً، وبحب كل تفاصيله، وحافظ كل حاجة في بابي. ولما شوفتك دلوقتي حسيت إني شايفه بابي قدامي، بس محتارة. طيب أنت قول لي، عضلات بابي أكبر منك؟ آدم مراد: ههههه، أيوه صح. آرين: يس. طيب وأنت طويل جداً زي بابي ولا جدو آدم ولا خالو مراد؟ دي بقى محيراني بجد. آدم مراد:

ابتسم بحب وقال: لأ، أنا أطول من عمي فهد بحاجات بسيطة جداً. آرين: واووو، جميل جداً. بس تعرف أنا زعلانة جداً يا آدم. آدم مراد: للحظة، ونفسه ياخدها في حضنه من براءتها، لكنه دارى مشاعره وقال: ليه زعلانة يا آرين؟ آرين: عشان أنا قصيرة جداً، طالعة لمامي وماما مريم. آدم مراد: بثقة، دي أحلى حاجة فيكي يا آرين. آرين: تؤ، لأ. أنا كنت عايزة أبقى زي البنات الفرعة دي. ووقفت جنبه بعفوية: شفت يا آدم أنت أطول مني بكتير جداً.

آدم مراد: لما آرين قربت ووقفت جنبه، قلبه دق. آرين: حتى تيمو أطول مني بكتير، أنا متضايقة بجد. آدم مراد: نفخ بغضب واضح وقعد على الكورنيش، ومسح وشه بإيديه بغيظ كبير. آرين: بحيرة، مالك يا آدم؟ أنا قولت حاجة غلط؟ آريان: قرب من تمارا، أخيراً. أنتِ متعرفيش أنتِ وحشاني قد إيه. تمارا: بتوتر، احم، لو سمحت يا آريان...

آريان: بحب كبير، لو سمحتي أنتِ بقى يا تيما، خليني أعبر عن مشاعري. خلاص العيلة كلها عرفت إني بحبك وهتقدملك، يعني مافيهاش حاجة لما أقولك وحشتيني. تمارا: بلعت ريقها بتوتر، لأ فيها يا آريان، وأنت عارف إن كده غلط. مش معنى إننا خرجنا مع بعض نتكلم في الكلام ده، ومافيش أي رابط رسمي بينك وبيني. آريان: هز رأسه بزعل حقيقي وحط إيده في جيبه، تمام، أنا آسف.

تمارا: بتنهيدة، لو سمحت يا آريان، أرجوك متزعلش مني. أنت عارف حقيقة مشاعري أنا كمان ناحيتك. لكن لازم نحافظ على الحب ده. وأنا مش متعودة إني أقول الكلام ده، وإني أسمعه منك شيء جميل، لكن أنا عايزة كل حاجة تكون في الحلال أحسن. مش عايزة أخاف من حاجة لما أسمع منك غزل ليا وأنا أرد عليك. أرجوك ممكن تفهم وجهة نظري. آريان: قلبه دق بحب

كبير وابتسم من قلبه وقال: طبعاً، ودي حاجة تسعدني جداً. متزعليش مني، أنا بس حابس عشقك جوايا 9 سنين ياتمارا. وعندي قصايد بوصف فيها جمالك، ونفسي أقولك على كل حاجة جوايا، لكن وجهة نظرك تحترم جداً، وهصبر لحد كتب الكتاب، ووقتها بقى مش عايز أسمع منك غير كل كلام الغزل. اتفقنا ياتيما؟ تمارا: اتكسفت ووشها احمر جداً وهزت رأسها وسكتت. آريان: طيب تعالي نتمشى شوية وأعزمك على عصير. تمارا: ماشية جنبه وقلبها بيدق بسعادة كبيرة.

آرين: بحيرة، مالك يا آدم؟ أنا قولت حاجة غلط؟ آدم مراد: بغضب، تعالي اقعدي هنا يا آرين. آرين: قعدت جنبه مع حفظ المسافة، وبتاكل في الدرة. آدم مراد: غمض عينيه وقال جواه: أهدى يا آدم، وحاول تتأكد من مشاعرها، علشان لو هي بتحب تيم، أنت لازم تنسحب من حياتها تماماً. ونفخ بنفاذ صبر، وبص لآرين وقال بطريقة غير مباشرة: تعرفي إن كريم جاي بكرة يتقدم لليليان؟ آرين: بطفولية، أيوه عارفة. وكمان الدكتور آريان قرر يخطب تمارا.

آدم مراد: اممم، عرفت. مبروك ليهم. عارفة أنا عايز أفرح بتيم. آرين: بصتله وقالت بغيظ: دي الله يكون في عونها اللي هتكون من نصيبه. آدم مراد: كشر عينيه واتعدل ليها بتركيز وقال بمكر: ده أنا بفكر أجوزهولك. آرين: شهقت بصوت عالي، أييييه؟ أنا حرام عليك يا آدم. ده تيم ده خانقني بجد في حياتي. وبتقلد بطفولية: اسمعي يا آرين، البت دي متعرفيهاش تاني. واسمعي كمان السنتر ده انسيه خالص. إيه ده يا آرين؟ أنتِ منزلة على فونك تيك توك؟

يتسمح حالاً. إيه ده يا آرين؟ ممنوع تروحي الجيم غير مع باباكِ وبس. إيه ده يا رينو؟ لأ، مفيش خروج من غير ما أكون موجود معاكم. وكملت بغيظ كبير: عارف ببقى عايزة أخنقه بإيديا دول وأقوله ارحمناااااي شوية ياشيخ. والله اللي دخله طب ظلمه. وتقولي أجوزهولك؟ لأ طبعاً. آدم مراد: ضحك من قلبه، ودي كانت أول مرة. آرين: بصت عليه بدهشة وقالت: ده بيضحك زينا؟ وقالت جواها: اممم، ضحكتك قمر يا آدم. إيه ده؟

استغفر الله العظيم يارب. يخربيتك شبه بابي جداً. آدم مراد: بتفاؤل، يعني أفهم من كلامك ده إن تيم آخر حد تفكري فيه؟ آرين: كشرت عينيها، بص يا آدم، هو تيم قمر جداً، وجامد أخر حاجة، وأي واحدة تتمناه، بس أنا لأ، ليه بقى؟ آدم مراد: صك على أسنانه بغيره كبيرة، اممم، ليييه؟ آرين: أولاً، لإني لسه صغيرة على الحاجات دي، ومبفكرش فيها خالص.

وكمان لإن كبرت على أساس إن تيم أخويا، وهو مش أخويا وبس، لا ده لازق لحياتي بغرا، وبيتعاملني على إني أخته. وغير كده بيغيظني كتير. آدم مراد: مخنوق جداً من وصفها لتيم، لكن برضه مبسوط جداً إن آرين مش مقتنعة بتيم. وقال: أنا عارف إنك لسه صغيرة يا آرين، أنا كنت بهزر معاكي. المهم بقى، أنتِ كنتِ عايزة تروحي السينما؟ آرين: بفرحة كبيرة، يا ريت. بجد يا آدم. آدم: طيب تعالي يلا، أنا هوديكي. آرين: شهقت بفرحة، بجد هنروح السينما بجد؟

آدم مراد: قال: أيوه بجد. تعالي نروح نشوف الشباب ونطلع على السينما على طول. فيلا العدوي. آدم: وأنا أسمع إيه الاقتراح ده؟ زين: بصراحة ياحج، أنا عرفت إن صاحب الأرض اللي جنب الفيلا بتاعتنا دي، عارضها للبيع عشان هيسافر بره مصر. آدم: بتفكير، اممم، بس الأرض دي مساحتها كبيرة جداً يازين، بتتهيأ لي أكبر من الفيلا دي مرتين تلاتة وأكتر كمان.

زين: أيوه فعلاً ياحج. لكن أنا سمعت عوض الجنايني بيتكلم مع الغفير بتاع الأرض دي بالصدفة، وإن صاحب الأرض دي عارضها كلها للبيع. وبصراحة أنا جات لي فكرة يعني لو... آدم: هز رأسه بابتسامة، امم، أنت عايز نشتريها ونبني فيها للولاد مش كده يازين؟

زين: ابتسم، أيوه ياحج. أنا فكرت وقلت ليه آريان وآدم يبعدوا عننا، لما ممكن يعيشوا جنبنا. ومنها يعيشوا براحتهم وعلى حريتهم. ومنها يكونوا جنب أمي حبيبتي لأني عارف قد إيه هي متعلقة بأحفادها. آدم: ابتسم، وبص لمريم: ها، إيه رأيك يا روحي؟ مريم: بسعادة، ودي عايزة كلام يا آدم. ياريت بجد، أكون فرحانة أوي إن أحفادي جنب مني. آدم: خلاص يا حبيبتي، وأنا يهمني سعادتك.

وأنت يازين، امشي في الإجراءات اللازمة، واتفق مع صاحب الأرض، وخلص فيها. بس قبل كل حاجة، تتأكد إن الأرض مفيش عليها قضايا أو مشاكل. زين: بفرحة، تمام ياحج. ربنا يخليك لينا. مريم: طيب إن شاء الله لو اشتريت الأرض دي، هتبني عليها فيلا؟ آدم: يا حبيبتي، دي قطعة أرض كبيرة جداً، يعني يتبنى فيها أكتر من فيلا. لكن أنا في دماغي حاجة تانية خالص. زين: ممكن أعرفها ياحج؟

آدم: طبعاً. إن شاء الله، إن ربنا أراد واشترينا الأرض دي، أنا هبني عليها فيلا لآريان، وفيلا لآدم، وفيلا لوحدها كده على جنب. وهبني عمارة كبيرة الدور على شقتين كبار جداً لمراد وزين ولبناتي وأحفادي كلهم. وهخصص جزء نتبرع بيه لأي مؤسسة خيرية. زين: فكرة جميلة جداً ياحج. رينو: بس يابابي، إحنا عندنا بدل الشقة اتنين، ده غير خير حضرتك علينا. يعني مالهوش لازمة تتعب نفسك. نور: فعلاً يابابي، إحنا مش عايزين غير حضرتك أنت ومامي وبس.

آدم: يا حبيبتي، أنا عارف كل ده. وكمان عارف إن محمد وفهد مش حارمينكم من حاجة. لكن دي هدية مني ليكم ولأحفادي. يعني مثلاً، إحنا كلنا قاعدين وسهرانين مع بعض، والوقت اتأخر، هيكون لكل واحد شقته الخاصة جنبنا. يطلع يستريح فيها. وبعدين محدش يرفض هدية آدم العدوي أبداً، ولا إيه؟ مريم: بحب كبير، ربنا يديمك نعمة في حياتنا ويبارك في عمرك يا آدم يارب. كلهم: بتمني، آمين يارب العالمين. بعد شوية. قدام السينما.

تيم: تمام، خليكوا كلكم هنا وأنا هروح أحجز التذاكر. خلي بالك منهم يا آدم. آدم مراد: هز رأسه، تمام يادكتور. تيم: دخل يقطع التذاكر. ليليان: آريان ياحبيب أختك. آريان: اهرغي. ليليان: بغيظ مكبوت، احم، ماشي. بقولك ياحبيبي، مش أنا أختك حبيبتك وتوأمك؟ آريان: أسوأ حاجة حصلت. اخلصي عايزة تطلبي إيه؟

ليليان: كشرت عينيها، أنا أسوأ حاجة، مااااشي يا آريان. ما علينا. احم، أنت عارف إني جايلى عريس بكرة وكده، وكنت عايزة أشتري فستان جديد. آريان: من قلة الفساتين عندك يعني؟ ليليان: بهمس، أبو تقل دمك ياشيخ. آريان: بتقولي حاجة يا ليلي؟ ليليان: بغيظ، أبداً ياحبيبي. بس يعني أنا عارفة إني عندي فساتين كتير. بس مافيهاش حاجة لو تدلع أختك حبيبتك وتجبلها فستان.

وكملت بمكر، وتجيب لتمارا كمان. إيه رأيك لو أخد تمارا، وأنت تيجي معانا وتختار ليها فستان هدية؟ هتبقى أنت في نظره جينتل مان أوي أوي. آريان: بصي، هو حوارك فكسان زيك، وأنا فاهم دماغك يابت. بس فكرة حلوة. وبص حواليه، تعالي، محل فساتين هناك أهو. ليليان: ضحكت بسعادة، حبيبي أخويا حبيبي. ثواني بقى أروح أجيب البت تمارا وكمان مريم عشان ذوقها حلو. آريان: راح لآدم، بقولك إيه يا آدم؟ آدم مراد: قول.

آريان: أنا هاخد ليليان وتمارا ومريم المحل اللي جنب السينما ده، عايزة تشتري فستان عشان بكرة. آدم مراد: هز رأسه، تمام بس متتأخروش. آريان: ههههه، يبني دول حريم، يعني يدوبك 3 ساعات بس. آدم مراد: وأنت هتقولي. يلا ربنا معاك. آريان: أخد ليليان وتمارا وميرو وراحوا المحل. آدم مراد: واقف وعينيه على آرين، وفونه رن ولف ظهره ليهم ورد على أمير صاحبه في كلية الشرطة. آرين: واقفة جنب أركان، وقالت: أركان عايزة كاندي.

أركان: ههههه، أنتِ نفسك مفتوحة أوي انهارده. آرين: بزعل، على فكرة بقى أنا ما أكلتش وقت الغدا، وبعدين هو أنا كل ما أطلب منك حاجة هتضايقني كده؟ مش عايزة منك حاجة خلاص. أركان: إيه يابت الرقة والجمال ده؟ يخربيت كدا. وأنا عمري ما أضايقك بره البيت يعم. أنتِ عايزة الحج فهد لما يرجع يعلم عليا. مش عارف أنا محسسني إنه مخلفش غير آرين هانم.

آرين: طلعت لسانها ليه بتغيظه، بابي حبيبي أنا. وأنا عارفة إنك غيران عشان بيحبني موت واسمع كلامي عشان مقولش ليه أول ما يرجع، أوكي. أركان: أمري لله. عندي أخت هبلة. تعالي يستي أجيبلك أحلى كاندي كراش، احم، قصدى كاندي. آرين: بفرحة، أيوه كدا. وحطت إيدها في دراعه، يلا بينا. أركان: ماشي، كام خطوة ووصل لآخر الشارع، وبيضحك مع آرين. وفجأة جم شابين ووقفوا قدام أركان. شاب 1: مساء الجمال يا غزال.

شاب 2: إيه يا كابتن، أنت مش شايف نفسك صغير على المود الجامد ده؟ آرين خافت ووقفت ورا أركان. أركان: بص لآرين وقال بجمود: متخافيش. ووقف قدامها وضهره ليها وبص بغيظ للشابين. شاب 1: ههههه، ليه متخافش بس؟ لا هتخاف يانجم. يلا يلا سيبها واتكل. الحتة الجامدة دي تلزمنا. آركان: بغضب. ماتحترم نفسك يالا انت وهو. ويلا غورو من هنا عشان متغبش عليكو. چو: هههههههه تتغبى ع مين ياض؟ وبص لصاحبه وقال: شكله لسه ف ثانوى ههههه.

آرين: بتعيط بصمت وخايفة ع أخوها. آركان: اه ياخفة. لسه ف ثانوى بس أعلمك الرجولة أوى. چو: عينيه ع آرين بطريقة مقززة. علمهالنا بعدين. المهم تعالى ياموزة. صدقينى الواد ده لسه صغير. تعالى معانا ومش هتندمى. لف ليها وقال: دي لو لون عينيكي الحقيقي يبقى يخر عينيكى. آرين: برجفة، وعياط وهمست: بابي... آركان: بغيظ وكمان خايف ع أخته. رجع خطوة لورا. انتو لو مامشيتوش من هنا. أنا هربيك انت وهو. &: تربي مين يالا.

وبص ل آرين: بتعيطي ليه ياحتة؟ چو: هششش بس ماتعيطيش ياقمر. ورفع إيده عشان يمسك دراعها. آرين: اتخضت وشهقت بصوت عالى. آركان: لسه هيرفع إيده عشان يضرب. لكن فجأة. بوكس من آدم مراد طاير مترين قدام. آدم مراد: قفل المكالمة. ولف ضهره. وبص ع آرين وآركان ومش موجودين. واتحرك خطوتين ولمح أركان واقف وآرين وراه وبتعيط. وشاف الشابين. وصك ع أسنانه بغضب كبير. لكن شاف إن الولد هيرفع إيده يمسك آرين. اتحرك بسرعة كبيرة. وضرب بوكس بقوته.

آرين: شهقت بخوف كبير. وجسمها بيرجف. آركان: شاف آدم. وحضن أخته اللي واقفة خايفة. اهدى متخافيش. آدم هي... آدم مراد: اتحرك بغضب وقرب من الولاد وضرب بغباء. واحد: انقذ نفسه وجرى بسرعة ومرعوب. والتاني هيموت ف إيد آدم. آرين: أول مرة تخاف من آدم بالشكل ده. وخبت وشها ف حضن أخوها. آدم: بيضرب ومش شايف قدامه. وقال بصوت جحيم: انت بقى كنت عايز إيه؟ چو: بينهج بصوت عالى من الضرب. أ. أنا مش...

مش عايز حاجة. وبلع ريقه بصعوبة. سبنى الله يخليك. آدم مراد: شده من شعره وقومه من مكانه. وقال بفحيح أفعى: لو شوفت وش أمك هنا تاني هخليك زي الحريم. وزقه بقوته. والشاب وقع ع وشه ومناخيره نزفت. ورفع راسه وبص ع آدم بخبث كبير. وهز راسه: ماااشي أنا ماشي. وقام بصعوبة وبيكح. ومشي. ودخل ف شارع جانبي. آدم مراد: قرب من أركان بغضب. وزعق: انت إزاي تتحرك وتمشي من غير ما تقولي. آركان: حاضن أخته. وقال بخنقة: خلاص يا آدم اللي حصل.

آدم مراد: مسح وشه بإيديه ونفخ بديق: آرين خلاص فوقي ومش عايزك تخافي من حاجة. آرين: طلعت من حضن أركان وبتعيط بشهقات. أنا عايزة أرجع البيت. أنا عايزة مامي. وفتحت عينيها بسرعة وصرخت: حاااااسب يا آااااادااااااام. الولد اللي ضرب جاي ومعاه... آدم مراد: لف وراه. وشاف الولد اللي ضرب جاي ومعاه أكتر من 5 شباب ومعاهم سلاح أبيض. وطلع مفاتيح العربية. وحدفها ل أركان.

آدم مراد: بصوت غضبان. أركااااان. خدها واركبوا العربية واقفوا ع نفسكم. ولو حصل أي حاجة متنزلوش من العربية فاااهمين. يلااااااا. آركان: خاف ع أخته. وخاف ع آدم. وقال: بس يا آد... آدم مراد: اتحرك للشباب. وقال بتحذير: مش هعيد كلامي تاني يا أركان. اخللللص. آرين: عيطت بصوت عالى. وخايفة ع آدم. آركان: بخوف. يلا يا آرين. تعالي. آرين: بدموع. آدم يا أركان. آركان: تعالي بس أنا هتصرف. هتصل ع تيم و آريان. تعالي بسرعة. يلا. واتحركوا.

آدم مراد: واقف قدامهم وقبض ع إيديه. واحد منهم ماسك سلاح أبيض شبيه للسكينة. وقال: هو ده اللي ضرب يا جو؟ جو: بيكح. أيوه. وأنا عايزكم تربوه. مش عايز فيه حتة سليمة. $: إشطا يا جو. وهنحط مع جثته كفنه هدية لأمه إنهرده. جو: بيتألم. ااااه. انتو مستنين إيه. قط يلاااا. الخمسة قربوا ع آدم اللي واقف مكانه ومتحركش. وبص ع يمينه.

شاف واحد بيفك جنزير من كوتش المكنة بتاعته. واتحرك بسرعة. وأخد الجنزير من إيد الشاب. وراح ع الخمسة. وهجم عليهم بغيره وغضب كبير. آركان: اركبي يا آرين بسرعة. آرين: ركبت وجسمها كله بيترعش من الخوف وبتعيط. آركان: قفل باب العربية ع أخته. وهو واقف بره. وطلع فونه واتصل بسرعة ع تيم. ورد عليه. وقاله. واتصل ع آريان. آريان: هههههه. عارفة يامريم. البت ليليان دي أكبر واحدة مصلحجية.

مريم: ههههه. حرام عليك يا آريان. دي لي لي طيبة جدا. آريان: والله انتي اللي طيبة. رابع فستان تقيسه. والفيلم هيفوتنا ومش هنحضره. وهتقولي آريان قال. واتفضلي. آركان بيتصل أهو أكيد بيستعجلنا. ثواني هرد عليه. الو. آركان: بلهفة. أيوه يا آريان انت فين تعالى بسرعة. آريان: كشر عينيه بقلق. أنا ف محل جمب السينما. انت مال صوتك فيه إيه؟ آركان: تعالى بسرعة يا آريان. ف شباب مسلحين بيضربوا آدم. آريان: فتح عينيه بصدمة كبيرة. إيه؟

مسلحين. وقفل المكالمة. ولف ل مريم. وقال بلخبطة: مريم بصي أنا نازل بسرعة وراجع تاني. متخرجوش من المحل ماشي. استنوني هنا. وسابها ومشي بسرعة. ميرو: كشرت عينيها بعدم فهم. هو آريان ماله أنا مش فاهمة حاجة. تيم: خارج من السينما بيجري بسرعة. وراح عند أركان. فين آدم يا أركان؟ آركان: شارو بإيده. هناك آخر الشارع عند الزحمة دي. تيم: طلع يجري بسرعة. وآريان وصل بسرعة.

ليليان: خرجت من البروفة. ولابسة فستان رقيق. وبتلف حوالين نفسها. ها إيه رأيك ياميرو. حلو أوي مش كده؟ ميرو: بانبهار. واو يجنن عليكي يالي لي. بجد تحفة. تمارا: خرجت هي كمان. طيب وأنا إيه رأيك؟ ليليان وميرو: ف صوت واحد. يخربيت الجمال. تمارا: ابتسمت بحرج. احم ميرسي يا بنات. وبصت حواليها. أومال فين آريان يامريم؟ ميرو: بحيرة. والله أركان اتصل عليه. وخرج بسرعة من المحل. ليليان: كشرت عينيها. لاا هو الواد ده هيخلع ولا إيه؟

عتلاق مايحصل أبداً. ولازم أدبسه وهيدفع يعني هيدفع. ميرو: شهقت بصوت مهموس. عليكي إيه؟ الله يخربيتك يا چود. بصي طول ما انتي ماشية ورا چود اللي أصغر منك ده. انتي مش هتنفعي. تمارا: هههههههه بصراحة اتصدمت. بكالوريوس الهندسة مش لايق عليكي يالي لي هههههه. صح ياميرو ههههه. ليليان: هيهيهي. خفة يابت انتي وهي. بكره نشوفك يختي وانتي بتترافقي عن أبو دهشان اللي عور أم شوقية عشان خاطر إيجار الشهر. ميرو: هههههههه.

تمارا: كشرت عينيها بغيظ مكبوت. مااااشي ياليليان هانم. كلها بكره وأشوفك وانتي شبه الكتكوت المبلول قدام كريم اوكي. ليليان: بهيام. هيييح كيمو. يلهوي ع جمال أمه. ميرو: وتمارا بصوا لبعض ببلاهة. وخبطو كف ع كف. ليليان: انتبهت. بقولك إيه يامعقدة منك ليها. أنا هدخل ألبس فستاني. وأنا خلاص حجزت ده. وأما نشوف سي آريان باشا. يلا تعالي ابت اتموره ورايا. تمارا: همست بغباء. تموره؟

ميرو: هههههههه معلش استحمليها ياتيما. هي كدا ساعات بتجيلها الحالة. يلا ادخلي غيري الفستان. وأنا هستناكم هنا ونتصل ع آريان قبل ما يشوفك بالجمال ده ويروح يتقدملك حالا. تمارا: بحرج. اوكي. تيم بيجري بسرعة. وآريان وراه ع طول. لكن وقفوا مرة واحدة. وفتحوا عينيهم ع الآخر بدهشة كبيرة. آريان: بينهج. وقال بزهول. ينهار أسو... آدم قتلهم. تيم: بينهج وابتسم. مايبقاش ابن العدوي. لو معملش كدا.

آدم مراد: ضربهم كلهم. واتنين واقعين قدامه ع الأرض. وبيربط 3 بالجنزير جمب بعض. واتعدل بغضب. وبص ع الشاب اللي جاب الشباب دي. چو: واقف مصدوم من قوة آدم. وأنه مخلاش فيهم حتة سليمة. وشاف آدم جاي عليه. وبلع ريقه بصعوبة. وجه يجري. آدم مراد: جري وراه بسرعة البرق. وجابه من قفاه. وضربوا روسية. وشده من التيشيرت وجرجره جمب أصحابه. ورماه جمبهم. تيم وآريان. راحوا وقفو جمب آدم. تيم: بفخر. أي مساعدة يا آدم باشا؟ آريان: تنح. مساعدة؟

ده واكل العيال... آدم مراد: هز راسه بغضب. أيوه ياتيم. اتصل ع عمي مالك. يبعت فريق ياخد الكلاب دول ع الحجز. تيم: رفع حاجبه. اممم تمام. واتصل ع مالك. آريان: قرب من آدم. هو إيه اللي حصل يا صاحبي يخليك تشلوحهم كدا؟ آدم مراد: بص قدامه بغيظ. وقال: غلطوا يا آريان. غلطوا غلط كبير جدا. وسابهم ومشي. الناس كل واحد رجع مكانه. والزحمة خفت. آدم مراد: راح عند آرين. آرين: بتعيط. وشافت آدم جاي. وضحكت بدموع. ونزلت بسرعة من العربية.

آركان: بخوف ع أخته آرين. اركبي العربية خلي اليوم ده يعدي. آرين: مسحت دموعها وابتسمت. آدم جه هناك أهو يا أركان. آركان: بص قدامه. وشافه. وهز راسه واتنهد بارتياح إنه بخير. آدم مراد: قرب منهم. وقال: آرين انتي كويسة؟ آرين: قربت منه ووقفت قدامه ورفعت راسها ليه. وابتسمت بدموع: أيوه أنا كويسة. انت كويس يا آدم؟ آدم مراد: جواه غيظ كبير. ولكن شاف لون عيونها بتلمع مع الدموع. وعشقه ليها بيزيد. أنا كويس.

وكمل بصوت جهوري: وتاني مرة متتحركيش خطوة واحدة غير لما أكون معاكي. آركان: والله يا آدم هي اللي زنت عليا وكانت عايزة كاندي. وزعلت مني. وأنا عشان مزعلهاش أخدتها ع أول الشارع عند الراجل عشان أجبلها. طلعوا قدامنا الحيوان هو والتاني. صدقني أنا كنت هضرب بس بصراحة خوفت ع آرين جدا. آرين: بحرج كبير نزلت وشها ف الأرض بكسوف. وسكتت. آدم مراد: بشبه ابتسامة. كنتي عايزة كاندي؟ آرين: هزت راسها بزعل. لأ خلاص مش عايزة حاجة.

آدم مراد: ارفعي راسك فوق يا آرين وكلميني. كنتي عايزة كاندي؟ آرين: رفعت راسها وعينيها جت ف عينيه وهزت راسها. أيوه كنت عايزة. آدم مراد: بابتسامة جذابة. وأنا قولتلك قبل كدا لما تحتاجي لأي حاجة تطلبي مني أنا. أنا وبس تمام يا آرين؟ آرين: ابتسمت بمرح. وهزت راسها. اوكي يا آدم. وبعدها شهقت بصوت عالى. وقالت: آدم انت عملت إيه ف المجرمين؟ ضربتهم؟ آدم مراد: ههههه لتاني مرة. أيوه يستي. ضربت المجرمين. ومش عايزك تخافي من حاجة.

آرين: بخوف. احم ممكن نروح. أنا عايزة مامي. آدم مراد: مش عايز أشوف لمحة خوف ف عينيكي طول ما انتي معايا. ومش هنروح قبل ما تتفرجي ع الفيلم. اوكي. وتعالى معايا يلا. آرين: بصت ل أركان ول آدم وقالت: ع فين؟ آدم مراد: أجيبلك كاندي. يلا بينا. تعالي يا أركان. آرين: بمرح. يس. آدم هيجبلي كل حاجة. آدم مراد: ضحك بصمت. وأخدها ومشي جمبها. ومعاه أركان. وراح اشترى ليها كل حاجة هي عايزاها. وبعد شوية. القوة جت. وآدم شرح للظابط كل حاجة.

وتيم رفض إن آرين تدخل القسم. ومالك اتصل ع الظابط. واتصرف. وخدوا الشباب ع القسم. آريان: راح بسرعة ع المحل. واشترى فستان ليليان وتمارا. وقال ل مريم تشتري فستان لكن رفضت. وبعد كده. دخلوا السينما. والشباب قاعدين جمب بعض. والبنات جمب بعض. وكان آدم بيسرق النظرات لحبيبته كل شوية. ضحك من قلبه على شكلها وهي بتاكل الفيشار ومندمجة مع أحداث الفيلم. بعد شوية. فيلا العدوي. محمد: قام وقف، طيب يا جماعة، تستأذن إحنا بقى.

مريم: على فين بس يا محمد؟ لسه بدري يا ابني. محمد: بدري إيه بس يا ست الكل، الساعة 11. مريم: بصت لآدم، الولاد اتأخروا يا آدم. آدم: أنا اتصلت على تيم وقال جايين في الطريق، يعني كلها دقايق ويكونوا هنا. محمد: طيب تمام، وتيم هيجيب تمارا ويروحوا على البيت، نسبقهم إحنا. يلا يا نوري. نور: قامت، يلا يا حبيبي. وسلمت على مريم وآدم ورينو وباقي العيلة. محمد: سلم عليهم وأخد نور ومشوا.

آدم: لاحظ توتر رينو. إيه يا رينو يا حبيبتي مالك؟ رينو: بصراحة يا بابي، خايفة لما فهد يعرف إن آرين خرجت وكمان راجعة بعد 11. آدم: هز رأسه، يا بنتي هي آرين لوحدها؟ أخواتها معاها. مريم: متقلقيش يا رينو يا حبيبتي، وبعدين ما فيهاش حاجة يعني لما يخرجوا. البنات خارجة من امتحانات، والله يكون في عونهم. ومدام كل واحدة أخوها معاها فين المشكلة؟ رينو: بخنقة، ربنا يستر إن شاء الله. بعد شوية. الشباب وصلوا.

شاهين: واقف وغصب عنه بص على مريم، لكن افتكر كلام عوض وبص بعيد. آدم مراد: نزل من العربية وقرب من كل الشباب وقال، بقولكم إيه؟ الكل: إيه؟ آدم مراد: مش لازم اللي حصل النهارده حد يعرف بيه، على الأقل دلوقتي. لأن عمتو لارين قلقانة من غير حاجة. اتفقنا؟ الكل: تمام، اتفقنا. آدم مراد: بتحذير، وانتِ يا آرين، يا ريت متقوليش حاجة عشان المصلحة العامة. اوكي؟ آرين: هزت كتفها، اوكي.

تيم: طيب يلا بقى عشان أسلم عليهم وأوصل رينو على البيت قبل ما أروح. آدم مراد: معلش يا دكتور، أنا هوصل عمتو. تيم: ليه يا ابني؟ أنت راجع تعبان من الكلية، ده غير اللي أنت عملته مع العيال. ارتاح أنت وأنا هوصلهم. آدم مراد: أنا مش تعبان، لكن أنا عايز أوصل عمتو. وقال بمكر، أنا يا عم فين وفين لما بشوفهم. تيم: ابتسم، خلاص زي ما تحب. كلهم دخلوا الفيلا وسلموا على بعض. تيم: أخد تمارا ومشوا. رينو: قامت، تصبحوا على خير يا جماعة.

آدم: ما تباتي هنا يا رينو. رينو: ابتسمت بحب، معلش بقى يا بابي عشان سي أركان ميزعلش. بكرة إن شاء الله، هكون موجودة من بدري عشان عروستنا القمر ليليان. آدم: هز رأسه تمام، وبص لآدم مراد، وصلهم يا حبيب جدك ومتتأخرش. آدم مراد: حاضر يا بابا. اتفضلي يا عمتو. رينو: تسلملي يا حبيب عمتك. واتحركت ومعاها آرين. آدم مراد: خرج وفتح الباب لرينو وركبت جنبه، وفتح الباب لآرين وابتسم لها، وركبت جنب أركان في الخلف، وآدم ركب وساق.

زين: مسح وشه بإيديه بتعب، طيب يا حج أنا يدوبك أطلع أصلي وأنام. آدم: ماشي يا زين، ومش عايزك تفكر كتير، ماشي؟ زين: هز رأسه وابتسم بخبث، متقلقش يا حج. وقال جواه، هيكل نهايته محتومة. وقام وأخد ريتال وطلعوا. فريحة: قامت وقلقانة على مراد، وطلعت تنيم تالين وتنام. ميرو: قامت، عايزين مني حاجة قبل ما أطلع؟ مريم: ابتسمت، عايزاكي بخير وسعادة يا روحي. آدم: ابتسم، تصبحي على أخبار جميلة زيك يا ميرو. ميرو: ابتسمت وسلمت عليهم وطلعت.

ليليان وآريان: سلموا عليهم وطلعوا. آدم: بص ل مريم، يلا يا روحي. مريم: مش هنستنى آدم لما يرجع بالسلامة؟ آدم: قام وقف وابتسم، متقلقيش على حفيدي. وبعدين إحنا لسه هنصلي، هيكون رجع بالسلامة إن شاء الله. مريم: قامت، إن شاء الله. يلا يا حبيبي. وطلعوا. آدم مراد: وصل تحت العمارة ونزل، وطلع معاهم لحد باب الشقة. رينو: تعالي ادخل يا آدم. آدم مراد: ابتسم، معلش يا عمتو، الوقت اتأخر. مرة تانية بقى. أنتِ مش عايزة مني أي حاجة؟

رينو: ابتسمت، عايزة سلامتك يا قلبي. وخلي بالك من نفسك. آدم مراد: إن شاء الله يا حبيبتي. آرين: آدم سوق على مهلك، أنت سواقتك متهورة جدا، زي بابي. آدم مراد: ضحك، حاضر يا آرين. يلا تصبحوا على خير. الكل: وانت بخير. رينو: آدم رن عليا أول ما توصل، طمنيني عليك يا حبيبي. آدم مراد: حاضر يا حبيبتي. يلا ادخلي واقفلِ عشان أنزل. رينو: قفلت، وآدم نزل وركب العربية واتحرك وجواه مشاعر متلخبطة. عند رينو.

رينو: غيرت هدومها وراحت لآركان تطمن عليه. وخبطت وقالت، آركان؟ آركان: ثواني يا ماما، متدخليش، أنا بلبس. رينو: بصت في الساعة وكانت 1، كل ده بتغير يا آركان؟ آركان: فتح الباب، اتفضلي يا ست الكل، معلش كنت باخد شاور سخن. رينو: دخلت، ماشي يا حبيب مامي. تحب تاكل أو تشرب حاجة أعملها لك قبل ما تنام؟ آركان: بيتاوب، لأ، أنا على آخري. آرين بنتك مخلتناش نفسنا في حاجة، أكلنا كل حاجة على الكورنيش.

رينو: هههههه، بألف هنا يا حبيبي. طيب أنا هروح أطمن عليها، وأنت نام على طول عشان صلاة الفجر، اوكي؟ آركان: هز رأسه، ماشي. هقعد شوية على النت وبعدها أنام. رينو: آه، يبقى هتعبني وأنا بصحيك زي كل يوم. آركان: أنا؟ ده أنا حمل وديع، ده أنا نسمة. رينو: هههههه، أمم، هنشوف حوار نسمة ده وقت الصلاة، وساعتها متزعلش مني بقى، اوكي.

آركان: أبوّس إيدك يا رينو هانم، بلاش ميه في قفايا وأنا نايم. آرين علمتك الشقاوة، البت دي مجنونة والله العظيم. رينو: بتحذير، آركاااان! وبعدين معاك، اختك حبيبتك عيب تقول عليها كده. اختك مش مجنونة، اوكي؟ آركان: أمم، أنتِ هتقوليلي، طيب أنا راضي ذمتك، امبارح أنا وهي بنتفرج على فيلم أكشن خيال علمي عادي جدا.

الأقيها مطلعة لي كمية أسئلة في قلب الفيلم، تقول لي ليه الريبوت الألماني خبيث وبيقف البشر. وليه الريبوت الأمريكي بيحمي البشر. وليه الريبوت الطيب لما بيشوف حد اتقى قدامه مابيعيطش زي ما أنا بعيط؟ وليه الريبوت الشرير مابيضحكش ضحكة شريرة بعد ما بيقف البشر في نهاية الفيلم؟ رينو: ههههههه، بجد؟

ما أنت عارف آرين اختك بتحب تسأل عن حاجات كتير وغريبة في نفس الوقت، وساعات أنا بتهرب منها. ههههه، معلش اختك وبتحب تشغل عقلها كتير. يلا يا حبيبي، هسيبك أنا وهروح أطمن عليها. تصبح على خير. آركان: وحضرتك بخير. آرين: خارجة من الأوضة. آركان: ماما... رينو: لفت له، نعم يا حبيبي؟ آركان: بتنهيدة، هو بابا كلمك؟ رينو: هزت رأسها بزعل، لأ. آركان: بابا وحشني أوي. رينو: عيونها لمعت بدموع، ربنا يرجعه لنا بالسلامة.

آركان: يا رب ويكون بخير. رينو: مسحت دموعها وابتسمت بحب، هو أكيد بخير يا حبيبي. أنت بس ادعيله في كل صلاة وربنا هيستجيب. آركان: إن شاء الله. تصبح على خير. رينو: وأنت بخير. وخرجت. آرين في أوضتها، لابسة بيجامة وعليها رسوم كرتونية مضحكة. وعاملة شعرها ديل حصان من الناحيتين، وقاعدة في نص السرير وبتكلم نفسها. تؤ، آدم لما قرب من المجرم ده، ضربه في جنبه ولا وشه؟ تؤ، بتأيلي في وشه عشان عينيه ورمت، أحسن أحسن، يستاهل الحقير ده.

أنا بقى عايزة لما أكبر أكون ظابط مخابرات زي بابي فهد حبيبي وخالو مراد القمر، وكمان آدم. عشان أي حد يقرب مني أقوم بوووم بوكس في وشه كدا. وكيم بوكس تاني في نفس ذات الوش برضه. وبعد ما أضر، أطلع السلاح وأحطه على راسه، وأفرح جدا وأضحك ضحكة شر متقطعة وهو يكون مرعوب مني وبيترجاني أرحمه. أيوه طبعًا، وهو أنا أي حد؟ ده أنا آرين فهد السيوفي. اممم. تؤ، بس آدم أطول مني بكتير، أنا هضرب المجرم ده إزاي؟

أيوووه، في بطنه. وزززو تاني في بطنه على طول. إيه زو دي كمان؟ إيه الهبل ده؟ أوووف، أنت فين بقى يا بابي؟ نفسي أحكيلك كل حاجة وعايزة أسألك على حاجات كتير جدا. اممم، كان في كيس شيبسي هنا، راح فين؟ لما أقوم أشوفه. وقامت بسرعة بتدور على الشيبسي وبتغني كرتون ريبونزل أجنبي.

Oh my heart, let the strength appear to me. He returned to me. He used to be lost in time, loosen the wounds. I will return to him. He will return to me. He used to return to a lost time. يا وردة المعي.. خلي القوة تبان.. يرجع اللي كان.. اللي ضاع زمان.. خففي الجروح.. رجعي اللي فات.. يرجع اللي كان.. يرجع اللي ضاع.. ضاع من زمان. إيه ده؟ هو الشيبس فين؟ يا وردة المعي، خلي الشيبس يبااااااان. رينو: هههههههههه، يا مجنونة.

آرين: هيييه مامي، حضرتك واقفة على الباب هنا من امتى؟ رينو: دخلت بابتسامة، من أول كيس الشيبسي. آرين: ببراءة، اممم. طيب هو راح فين؟ رينو: بمكر، أخوكي آركان أكله. آرين: بغيظ مكبوت، إييييه؟ هو على طول ياكل حاجتي ليه بقى؟ ماليش دعوة، دي الشيبس بتاعتي أنا. وتيم اللي جايبهولي مع الشوكليت. اعااااا. أعمل إيه في ابنك ده بقى؟ رينو: ههههه، عارفة لو بابي كان موجود وشافك كدا دلوقتي كان عمل إيه؟

آرين: بزعل طفولي، بابي كان زمانه أخدني السوبر ماركت وجابلي كل حاجة. اعااااااا، بابي وحشني أوي أوي. رينو: ههههه، يا بنتي أنتِ مش هتكبري بقى. آرين: بدلع، تؤ، أكبر إيه بس. أنا كدا حلوة أوي وأنا بنوتة 16 سنة. لسه بدري أوي عشان أكبر. وكملت بغيظ، أنا هروح لابنك ده ينزل يجيب لي شيبس دلوقتي. رينو: ينزل؟

هههههه، بلاش عشان هيطلب قصاد الطلب ده، تكوية القميص وتعملي قهوة وعصير وممكن يخليكي تعملي عشا كمان. وفي الآخر يقول لك ماليش نفس خلاص. ههههه. آرين: بتتنفس غيظ وصكت على أسنانها، وبعدين بقى، هو الواد ده مش هيجيبها لبر معايا؟ رينو: خبطتها على راسها، عيب تقولي على أخوكي واد. أنا مش عارفة انتوا طالعين لمين كدا. على العموم تعالي أنا هديكي شوكولاتة من عندي. خديها واسمعي الكلام ونامي، اوكي؟

آرين: بمرح، يس يس. أجمل MoOoOM في العالم كله. ههههه. رينو: ههههه، تعالي يا لمضة يلا. آرين: بمرح، أووووووكي يلا بينا. فيلا العدوي. آدم مراد: نزل من العربية وبص على شاهين ومتكلمش. ودخل الفيلا وملقاش حد موجود تحت. وطلع على السلم ووصل الدور الأول. مريم: في الطرقة، حمد الله على سلامتك يا حبيبي. آدم مراد: ابتسم بحب ووقف مكانه، الله يسلمك يا ماما. إيه أنتِ منمتيش ليه؟ مريم: ومن امتى بنام، وحد من ولادي بره البيت.

آدم مراد: باس جبينها، يا حبيبتي أنا مش عايزك تقلقي عليا. مريم: ربنا يطمن قلبي عليك ديما يا روحي. وصلت رينو بالسلامة؟ آدم مراد: أيوه يا حبيبتي. واتصلت عليها من شوية طمنتني عليا. مريم: ابتسمت، طيب يا حبيبي، اطلع نام واستريح أنت من الصبح مستريحتش. آدم مراد: حاضر يا حبيبتي. تصبح على خير. مريم: وأنت بخير وسعادة. آدم مراد: طلع على السلم. ومريم: دخلت الأوضة وبتقلع الإسدال. آدم: نايم ومرجع ضهره لورا وقفل الكتاب.

وقال: اطمنتي على حفيدك؟ مريم: راحت جنبه. أيوه يا حبيبي. وربنا يطمني على مراد وفهد ويريح قلوبنا جميعًا. آدم: ابتسم بحب كبير. آمين يا روحي. يلا بقى ننام، سهرنا انهارده. مريم: أيوه عندك حق. أنت ظبطت المنبه لصلاة الفجر؟ آدم: أيوه يا روحي. تعالى بقى.. حضنك وحشني أوي. مريم: ضحكت، وقفت الإضاءة، ونامت في حضنه. تصبح على خير. بعد فترة، الساعة 4 الفجر.

مراد: فتح الأوضة ببطء شديد. وقرب من فريحة قلبه وكانت نايمة. وباسها باشتياق كبير، وهمس: فريحتي. عند فهد. رينو نايمة: وفتحت عينيها. وشهقت: فاااااهد!