رواية جريمة عشق الفصل السادس والخمسون 56 - بقلم مريم نصار

فيلا العدوي. منزل عوض زينب : نايمه بعمق. عوض : نايم صاحي ومش عارف ينام. وبيتقلب جمبها كل شويه. زينب : حست بيه وفتحت عينيها مره واتنين. واستغربت أنه لسه صاحي. واتعدلت مكانها وبتتاوب. وقالت ايه ياعوض. انت لسه صاحي؟ عوض : اتعدل بخنقه. ايوه يازينب لسه صاحي. ومش عارف انام. النوم طار من عيني. زينب : بعدم فهم. ليه جرا ايه؟ عشان النوم يطير. ما انت متعشي قبل ما تنام.

عوض : نفخ بزهق. انام ازاى بس يازينب انتي متعرفيش حاجه. اني حاسس اني عملت مصيبه. ومش عارف اعمل ايه؟ زينب : بقلق. نهارك اسود... ياعوض انت سرقت ولا نهبت ع حد؟ عوض : بغيظ يابت اتهدي وقولي كلمتين حلوين يخربيتك. سرقة ايه وزفت ايه هو احنا بتوع الكلام ده. زينب : بقلق اكبر. عملت ايه ياعوض؟ عوض : بصلها بتردد. ... زينب : اتكلم يامدهول عملت ايه. قلبي واكلني انطق اخلص. عوض : بصي اني هقولك. بس متتظريش عليا.

زينب : شهقت هي وصلت للظظظره ياعوض. الله يجيبك ياطولة البال. ياراجل انطق انا بصحي من النجمه. عوض : نفخ بديق حقيقي استغفر الله العظيم يارب. ماشي هنطق اهو. اسمعى يستى. اني عملت القهوه وروحت اوديها للحرس. حصل.. وقالها ع حوار شاهين وهو مع بعض. وخلص. وقال هو ده الل حصل. واني من ساعتها حاسس اني عملت مصيبه و مخنوق. زينب : بزهول. خبطت ايدها ع قلبها. وقالت ينهار عيلتك واهلك كلهم مطين؟ انت ايه الل انت هببته ده ياعوض؟

انت عارف انت عملت ايه؟ ده سيدى آدم بيه لو شم بس خبر. ممكن يخلص عليك. ولا يدفنك حي. ولا يحطك ف دماغه. ياسوادك يازينب ياحظك المهبب ياززززيييييينب. عوض : بنرفزه. اكتمي جاك خابط ف نفوخك انتي كمان. هو اني ناقص خوف لما هترعبينى الله يخربيتك. زينب : بغيظ. مرعوب؟ انت لسه شوفت رعب؟ بقي يهبل واحد لسه ماتمش شغل يوم واحد. ويسالك عن العيله. تقر و تعترف بكل حاجه من غير ماتاخد قلم حتى؟ يامرارك يازينب. ياوقعتنا المنيله بنيله.

عوض : بخنقه. يابت وطي صوتك العيال هتصحى. واني فهمتك قصدي. اني والله العظيم. قولتله بحسن نيه. وكمان اني قولت اخوفه من هيبة العيله. وأعرفه هو شغال عند مين. وكمان اني مجبتش سيرة الحريم..و.... زينب : بخوف. قاطعته بسرعه. بسسسس الله يخربيتك اسمهم حريم؟ اكتم انت مش عارف دماغ سيدى آدم بيه؟ ده ممكن يكون مركب مكرفونات ف كل مكان. ويسمعنا. عوض : بص للسقف ببلاها. وقال ينهار مدوحس.

طب والعمل يازينب. اني خايف وكمان ضميري واجعني وخايف. زينب : رايحه جايه ف الاوضه بحيره كبيره. وقالت مش عارفه. ماهو ممكن يكون بيسأل بحسن نيه. وممكن يكون حد زاقو ع العيله.الله ينتقم من الظالم يشيخ. قلبت دماغي... اوووف. عوض : يابت منا قولتلك اني حكيتله ع الل يخوفه. مقولتش حاجه اكتر من كدا. زينب : صكت ع أسنانها بغيظ كبير. يخوفه؟ انت قولت ع كل حاجه ياخويا. دانت قولتله ع كل حركه بيصحو امتى؟ وينامو امتى؟

وكمان بيت المزرعه وسهيل الحصان وخصوصيات سي آدم بيه الصغير. وشهاقت ولطمت ع وشها ينهار مش فايت لو سي آدم بيه الصغير شم خبر. هتبقى ارمله بدرررررى ياززززيييينب عوض: بقلق وغضب. الله يخربيت ال يفكر يحكى للحريم حاجه. اني غلطان اني قولتلك ع حاجه. اني اه منكرش اني غلطت. بس اني قصدت اني اخليه يخاف من العيله. وكدا كدا يختي هو حرس ورديات. يعني هيعرف سيدى آدم بيه بيصحى امتى. والبسين مش ف تانى بلد. وبيت المزرعه بيرحوه ف الصيف.

اني نيتى كانت خير. وفزى اتخمدى قلقتينى اكتر مانى قلقان ومرعوب منك لله نسوان هم. زينب : عوجت بوقها. مني لله. اه تبوظ الدنيا وتعكها ع دماغنا ونيتك خير. ونسوان هم. يلا الله يرحمك ياعوض. ورايحه اتخمد. واتخمد انت كمان. وزي ما ربك رايد هيكون. وراحت ع السرير وشدت الغطا بزهق. عوض : مسح وشه بايديه بقلق ونفخ بنفاذ صبر. وراح ع السرير. وشد الغطا. ونام وهو مخنوق. جوه الفيلا.

آدم مراد : قبل ما يطلع ع اوضته. اطمن ع تالين. ودخل اوضته وراح الحمام واخد شاور وخرج. ولبس بنطلون وتيشرت. واتصل ع زميل ليه. وطلب منه طلب مهم. ورايح ينام ع السرير. الباب خبط. آدم مراد : اتعدل ووقف باستغراب. ادخل. فريحه : دخلت وابتسمت حمدالله ع سلامتك ياحبيبى. آدم مراد : ابتسم. الله يسلمك ياماما. ايه مش جايلك نوم ولا ايه؟ فريحه : بابتسامه. طبعا مش هنام غير بعد ما اطمن عليك. انت متعرفش انت كنت وحشنى اوى قد ايه.

آدم مراد : حبيبتى يا امي ربنا يباركلى فيكى. فريحه : ويباركلى فيكو ياولادي. المهم ياحبيبى جعان انزل اجهزلك عشا؟ آدم مراد : افتكر آرين. وابتسم لا ياحبيبتي انا شبعان جدا. انا بس محتاج انام. فريحه : حطت ايدها ع خدو. وماله يانور عيني نوم الهنا إن شاء الله. تصبح ع خير. آدم مراد : وانتى بخير ياحبيبتى. فريحه : خرجت. وراحت تطمن ع ميرو. ميرو : لابسه بيجامه رقيقه. وفرده شعرها. وقاعده ع طرف السرير ومرجعه ضهرها لورا. وسرحانه.

فريحه : خبطت. مره واتنين. وقالت معقول نامت؟ وفتحت الباب بشويش. ميرو : انتبهت. وشافت فريحه.احم. وابتسمت اهلا مامي. فريحه : دخلت. حبيبتي انا خبطت عليكى. وفكرتك نمتى لما مردتيش. انتى كويسه؟ ميرو : الحمدلله انا كويسه جدا. بس كنت سرحانه بفكر ف بابي وأنه متصلش تانى عشان يطمن. فريحه : مسدت ع شعرها. اكيد غصب عنه ياحبيبتى.انتى عارفه مراد روحه فيكى انتى وآدم وتالين.

ميرو : بمرح. اممم ولما انا وآدم وتوتا روحه بقى. انتى يافريحه تبقى ايه؟ فريحه : ضحكت. انا ايه يابت انا مراته عادي يعنى. ميرو : لفت حواليها بمرح. ووقفت قدامها. ومسكت أيد فريحه وبتقلد مراد وبنفس الطريقه. . فريحتى وحشتينى اوى اوى يابت يافريحه يخربيت كدا. كل ده جمدان. هههههههه. فريحه : ههههههههه. يابت حرام عليكى للحظه تخيلت ابوكي قدامي ههههه. ميرو : هههههههه مسيطر اوى مراد. فريحه : بتنهيدة حب. مراد؟

ربنا وحده الل عالم هو عندى ايه؟ ربنا يحميه ويرجعهولى بالسلامه. ميرو : يارب يامامي. انا بجد مبسوطه اوى ع عشق بابي ليكي. . بجد حبه نادر جدا. قليل جدا الل تقابليه ف حياتك ويجاهد نفسه عشان بس يشوف ابتسامتك وانك ع طول مبسوطه وسعيده. فريحه : حست ببنتها. وضمتها لقلبها بحنان كبير. ومسدت ع ضهرها. وقالت تعرفي ياحبيبتى إن ماما مريم قالت نفس كلامك ده زمان.

. وانا شايفه إنك نسخه مصغره منها. وإن شاء الله انا واثقه من إن ربنا هيكرمك ويريح قلبك يامريم يابنتى. ميرو : عيونها لمعت بدموع. واتنهدت. ومسحت دموعها بسرعه وابتسمت. وخرجت من حضنها. حبيبتى يامامي ربنا يخليكي ليا يارب. فريحه : بابتسامه. ويخليكى لقلبى يانبض قلبى. يلا ارتاحي شويه. انتى صاحيه من بدرى. تصبحي ع خير. ميرو : وحضرتك بخير وسعاده.

فريحه : خرجت. وراحت ع اوضتها. وقلعت الاسدال. وراحت ع السرير. وبتدعي بقلبها لجوزها واولادها. ونامت بعد تفكير ف عشق المراد. آدم مراد : نايم ع السرير. وغمض عينيه. وشاف صورة آرين وهي ف السينما وبتاكل الفيشار ومندمجه وفاتحه بوقها بزهول من أحداث الفيلم. والفيشار بيقع منها. وابتسم تلقائي ع برأتها وعفويتها. . ونام ع ضهرو. وحط ايدو ورا راسه. وفتح عينيه. واستغرب نفسه. هي الوحيده الل بيضحك من قلبه معاها. هي وبس.

وافتكر اسألتها عن الفيلم. ازاى البطل بيطير ف الجو. وبينزل ع الأرض من غير بارشوت؟ . وازاى البطل بعد ما يموت. البطله تزعق ليه يقوم يرجع من الموت تانى؟ . وازاى البطله تحب واحد زميلها وبعدها تحب كمان البطل؟ وضحك بصمت لأن ده طبع عندها تسأل كتير. واتنهد بحب. وقال بحبك يا آرين وكمل بثقه وقريبا هتكونى ملك ال آدم.وغمض عينيه ونام. عند ميرو.

نايمه ع السرير. وبتفكر ف تيم. وغمضت عينيها. وبتحاول تنام. لكن مش عارفه. وفتحت عينيها واتنهدت. .وقامت. وراحت عند الدولاب. وجابت المفكره. وقعدت ع كرسي المكتب وشغلت إضاءة المكتب. وفتحت ع صفحه. ومسكت القلم. وكتبت. انهردا كان يوم رغم صعوبته إلا أنه من اجمل الايام. حسيت فيه للحظه عن غيرة تيم. ايوه هي كانت لحظه صغيره لكن احساسها حلو اوى. انا شوفت عيون تيم انهردا وانا ف الجامعه بوضوح.

.عيونه جميله اوى. لأ مش جميله وبس. عيون فيها جمال بلوره نادرة الوجود. ايوه انا شوفتها كدا. حسيتها ايكونه جميله جدا جديره انى اقول تشبه الكره الارضيه. ورجعنا مع بعض. هو وصلنى وجابلى علبة شوكليت كامله. رغم أنه مابيحبهاش. . لكن ياترى ممكن اكون عند تيم زي الشوكليت ده ومبيحبنيش؟ مش عارفه. المهم. تالين : توتا الجميله. بنوتى واختى وقلبى وكل حاجه رقيقه. . انهراده قالت إنها حلمت بيا. وقالت الحلم. هو غريب شويه.

. لأ هو فيه جزء غامض. لكن نهايته مبهجه. واحلام توتا بتتحقق. بصراحه انا قلقت ومنكرش إن قلبى اتقبض. لكن فكرت بإيجابيه. وإن كل مايصيبنا إلا ما كتبه الله لنا. وإن شاء الله خير. آدم .. اخويا. ده كدا ف حته تانيه. بموت فيه. جه انهردا. واتعلقت ف رقبته باحتياج كبير. ايوه ما هو حمايتى برضو. حسيت بالفرحه الكبيره. وكانت هتبقى فرحة العمر لو بابي كان موجود جمبى. هو بيسافر كتير اوى. وبابا آدم بيعوضني شويه.

. لأ لأ مش شويه. بابا آدم بيعوضني كتير جدا. انا بحبه اووي. او بعشقه. بحس انى بنته واغلى. ايوه ماهو بابا آدم وبس ههههه. انا اول مره اشوف ضحكة اخويا آدم ف وجود آرين. ايوه هي الوحيده الل اخترقت حصن ال آدم. آرين. آرين دي جميله اوى. بوبنايه. زعلها الطفولي بحبه اوي. رغم... احم. رغم انى بحسدها ع كلمة حبيبتى. والله أعلم إيه درجة الحب ده.

ليليان: اللمضة اتجننت خلاص بسبب چود. طلعت مجنونة بكريم. أيوه هي قالتلي.. ونفسها تتجوز ههههه. أتمنى ليها حياة جميلة. تمارا: النهاردة كانت محرجة جداً من آريان. عارفاه أنا الإحساس ده. تمارا شخصيتها بتتغير في وجود آريان. أكيد. لأني أنا كمان كده. وبتمنالها حياة أجمل. على فكرة.. أنا مش ضعيفة. ممكن ليليان أو چود يشوفوا إني ضعيفة. لأ أنا مش كده. أنا أقوى بعيلتي. أيوه تيم نقطة ضعفي. وبعشقه لحد الانهيار.

لكن أنا عمري ما هفكر أهين نفسي. وأبقى مجرد احتمال في حياة حد. يا أكون أكيد يا أكون بعيد.. لكن مش ضعيفة. أنا عمري ما هقول لتيم إني بحبه. لأ. هو اللي يقولي. أنا لازم أحس وأعيش الاعتراف ده. هههههههه ده لو يعني بيحبني. تيم: النهاردة كان جميل جداً معايا. حسيته مختلف. وفجأة يقولي انتي أختي. كلمة سخيفة محبتهاش منه. بس عادي. هو سألني أنا مخبية عنه حاجة؟ طيب ياترى السؤال ده مقصود فعلاً؟

ولا لمجرد شايف إني متغيره. آآآه ياترى جواك إيه ياتيم؟ فريحة مراد.. عن قلق مامي على بابي. بتمنى ترجع بقى يا بابي. وجودك جنة وبيفرق. في حاجة عايزة أقولهالك ياتيم. "لا نحتاج سوى الرأفة ببعضنا البعض. الرأفة في الحديث. في الفعل. في التمسك. وحتى في التخلي." قبل ما أنسى في حاجة مهمة. قررت إني أقولها كل يوم. "اللهم وإن إستحالت.. بأمرك تكون." المهم اليوم النهاردة كان حلو لقلبي. M/T

وقفت المفكرة. وقامت. خبتها في هدومها. ورجعت تاني على السرير. وحاولت تنام. وقالت بابتسامة اشتياق.. تصبح على خير ياتيم. وغمضت عينيها. بعد فترة الساعة ٤ الفجر.. مراد: وصل الفيلا. ودخل بطريقته المعتادة من غير ماحد يشوفه. وطلع على السلم بشويش. وطلع الجناح بتاعه وفتح الأوضة ببطء شديد وقلع الشنطة. وشاف حبيبته نايمة. وقلبه دق. وقرب من فريحة قلبه. وباسها باشياق كبير وهمس فريحتي. فريحة: فتحت عينيها. وابتسمت وغمضت تاني ونامت.

مراد: ضحك بصمت. وقرب منها تاني وهمس في ودنها بت يافريحة. فريحة: بدأت تفوق. وسمعت صوت وحست بوجود مرادها جمبها. وفتحت عينيها بسرعة. مراد: حط إيده على خدها وبيمسد عليه بحنان. وابتسم ليها. وحشتيني أوي يابنت المستخبي. فريحة: فتحت عينيها بدهشة أكبر. وقلبها دق بسرعة كبيرة جداً واتعدلت. وقالت بصوت عالي شوية مرااااد.. مراااد. ا.انت. اا.انت هنا؟ مراد: حط إيده بين خصلات شعرها. أيوه ياقلب مراد. أنا رجعتلك.

فريحة: ضحكت بدموع واتعدلت أكتر. واتشعلقت في رقته باشياق كبير. وعيطت بفرحة. وكلبشت فيه بكل قوتها. مراد: حضنها وضمها لقلبه أوي. وحشتيني يافريحة. فريحة: مردتش عليه وبتعيط وبتضحك وقلبها مبسوط وعندها مشاعر عشق مختلطة. مراد: همس في ودنها بقولك وحشتيني أوي يافريحتي.

فريحة: طلعت من حضنه وباست كل مكان في وشه. وحشتني أوي أوي يامراد. حمدالله على سلامتك يا حبيبي. بجد أنا قلبي طاير من الفرحة. مراد انت رجعتلي صح. أنا مش بحلم مش كده؟ مراد: رجع خصلة شعر ورا ودنها. تؤ مش بتحلمي يا حبيبتي. أنا رجعتلك أنا جنبك ومعاكي. فريحة: ضحكت بدموع أكتر. وهمست مراد.. أنا…. مراد: قاطع كلامها. وباسها برقة. انتي إيه يا روح المراد. فريحة: تاهت في عشقه. وغمضت وفتحت عينيها بتوهان.. وهمست ا.أنا….

مراد: ابتسم على عشقها. وقرب منها وباسها باشياق كبير. يعبر ليها عن مدى عشقه ليها. وقرب منها وعاشوا في بحر العشق. وفريحة: بتحاول تستوعب إن مرادها رجع ليها وف حضنها أخيراً…. عند فهد. فهد: طالع على السلم. وفتح باب الشقة بشويش. ودخل ببطء شديد. وقرب من أوضة معشوقته. وفتح الباب بشويش. ودخل وحط الشنطة على الكنبة.

وشاف رينو نايمة. وابتسم وقلبه جواه اشتياق كبير ليها. وقرب منها وقعد جنبها على طرف السرير. بيتأمل فيها. ورجع شعرها اللي متناثر على وشها. وهمس نجمتي. رينو: ….. فهد: رينو حبيبتي اصحي. رينو: ….. وحركت راسها وعملت صوت أنين بسيط. فهد: قلبه دق ليها. ورفع راسها وهي نايمة. واخدها كلها في حضنه وهمس وحشتيني أوي يارينو. رينو: نايمة وحست بحضن وريحة فهد وفتحت عينيها مرة واتنين بنوم.

وبعدها فاقت وفتحت عينيها على الآخر بزهول. وحركت راسها وشافته. شافت عشق الفهد أخيراً. وشهقت بصوت مسموع فاااااهد. فهد: مغمض عينيه وزاد من حضنها. قلب الفهد يارينو. رينو: سمعت صوته أخيراً. وقلبها بيدق وضحكت بدموع وسعادة. ورفعت أيديها وكلبشت فيه بكل قوتها. فهد حبيبي. ا.انت معايا يافهد انت رجعتلي انت ف حضني. فهد: حبيبتي وحشتيني أوي.

رينو: بسعادة كبيرة. زادت من حضنه. وعيطت. انت اللي وحشتني أوي يا فهد. بجد أنا قلبي هيوقف من الفرحة. معقول فهد انت جيت بجد. فهد: زاد من حضنها. هششش بس ماتعيطيش أنا جنبك وف حضن نجمتي. رينو: حاولت تخرج من حضنه. فهد: مكلبش فيها. هششش بس عايز أغذي روحي. ريحتك وكل حاجة فيكي وحشاني أوي يارينو. رينو: ابتسمت بحب وقلبها دق. ورفعت أيديها وحضنته أكتر. وغمضت عينيها بسعادة كبيرة.

وفضلوا في حضن بعض شوية. في صمت تام. كل واحد بياخد احتياجه من عشقه. فهد: دفن وشه في شعرها. واخد نفس عميق واتنهد باشياق كبير. رينو: قلبها بيدق بسرعة كبيرة. وهمست وحشتني أوي يا…. فهد: قاطع كلامها بالبوسة المعهودة وقرب منها. وبيحاول يثبت لنفسه أنه أخيراً وصل بخير لمعشوقته. بعد فترة. عند مراد. مراد: نايم واخد فريحة كلها في حضنه. وباسها من انفها بمرح. وحشتيني أوي يابنت الوارمة.

فريحة: ههههه. وحطت راسها على صدره وغمضت بسعادة. وانت كمان وحشتني أوي يا مرادي. ورفعت عينيها ليه. حبيبي انت قلقتني أوي عليك لما متصلتش تاني. مراد: شبك إيدها في إيده وباس على إيدها. غصب عني والله يافريحتي. أنا فعلاً كنت هتصل عليكي. لكن أنا يدوبك قفلت معاكي. فهد بعتلي إشارة إننا لازم نتحرك حالا ونقبض على العصابة لأن جاتلنا إشارة من فوق.

وجهزنا نفسنا في ثواني. وخرجنا ورا الهدف. والحمد لله وبتوفيق من ربنا. إننا قبضنا عليهم من غير أي خسائر. واترحلوا على مصر بالطيارة. وإحنا في طيارة تانية وكل واحد أخد شاور وغيرنا هدومنا. وأنا والواد فهد قولنا مش هنستنى لبكرة. إحنا نروح الجهاز دلوقتي ونسلم الأدلة. وكل واحد فينا يطلع على بيته. وابتسم ليها. كنت وحشاني موت يابت مقتدرتش أصبر للصبح يعم.

فريحة: رفعت إيدها على خده. حمدالله على سلامتك يا حبيبي. بجد أنا مبسوطة أوي. رجعوك انت وآدم ونجاح مريم بجد يوم من أجمل أيام حياتي. مراد: تعرفي انتي لما قولتي آدم رجع. أنا كنت عايز أروح أشوفه دلوقتي. وكمان أشوف ميرو وأبارك ليها. البت دي وحشاني موت. وكمان تالين. ياآه بعشق أمها وعايز أصحّيها. لكن كلها كام ساعة والنهار يطلع. وأشوفها وأشوف ابن الكئيبة ده. فريحة: كشرت عينيها ليه. نعم ابن الإيه؟

مراد: بغمزة. ابن الكئيبة يابت. فريحة: بغيظ. موراااد أنا كئيبة؟ مراد: باسها. أجمل وأحلى كئيبة في الدنيا. فريحة: بحرج. يلهوي بقى. مراد: أنا قولت هبلة محدش صدقني ههههههههه. فريحة: خبطته في كتفه بهزار. أنا زعلانة منك. مراد: ضمها لقلبه. أوعي. أوعي في يوم تزعلي من مرادك. انتي ضحكتي يابت. فريحة: بتنهيدة. وانت الدنيا ومافيها. ربنا يخليك ليا يا مرادي. وسمعوا أذان الفجر.

مراد: قام أخد شاور. وخرج. وبعدها فريحة وصلوا الفجر مع بعض. فريحة: تقبل الله يا حبيبي. مراد: منا ومنك يا روحي. فريحة: هتسلم على ماما وبابا آدم. هما أكيد صاحيين للصلاة دلوقتي. مراد: بيتاوب. لأ عشان مريوم لو عرفت مش هتعرف تنام بعدها. أنا بس أخطفلي ساعتين في حضنك. وإنزلهم على الفطار. فريحة: قلعت الأسدال. وابتسمت وماله يا حبيبي. تعالى ارتاح شوية. مراد: راح على السرير بارهاق. وأخد فريحته في حضنه. ونام على طول.

أما فريحة: نايمة صاحية في حضنه بتقول الأذكار. ورفعت عينيها ل مراد وابتسمت بسعادة كبيرة. وباسته من خده. ودقنه. وغمضت عينيها بحب كبير ونامت بعمق وف أمان. عند فهد. فهد: واخد معشوقته في حضنه. وبيلاعب خصلات شعرها. وبيحكيلها وكمل وقال. بس ياروحي وبعدها. أنا ومراد قولنا مش هنستنى لبكرة. وطلعنا على الجهاز وسلمنا الأدلة. وخرجنا وجينا بعربية تبع الشغل.

وبصلها بحب. ودفن وشه في شعرها وقال وطلعت أجري على السلم زي المجنون. عشان أشوف نجمتي جرعة إدماني وحياتي. رينو: غمضت عينيها. ورفعت أيديها وحضنته أكتر وحطت راسها على صدره. عارف يافهد. لما فريحة قالت إن مراد المفروض يتصل ومتصلش أنا كنت مرعوبة وقلبي كان مشغول عليكو جداً. لكن دعيت ربنا كتير. واستودعتكم عند الله. وع يقين إن ربنا هيحفظكم لينا. فهد: ابتسم. طبعاً ربنا هو الحافظ. الحمد لله.

واتعدل. وعدل رينو معاه. وبيتأمل فيها. قوليلي بقى آرين عاملة إيه؟ و آركان؟ بجد وحشوني بغباء. رينو: ههههه آرين مجنونة رسمي يافهد. وهتجنني معاها قريب. و آركان الحمد لله تمام ولسه بيعاند فيها بطريقة مجنونة. لكن الاتنين مطلعين عيني. تعرفي آركان أكل الشيبسي بتاعها عشان يرخم عليها وقولتله تعالى خدي شوكليت بدالها.

وراحت على التلاجة تجيب الكانز بتاعها شافت آركان خارج من أوضته وهو بيشرب فيها هههه اتطنتط في الأرض وصرخت وعيطت وجريت وراه وآركان يغيظها. ومتغاظة إن الحاجة خلصت من عندها لكن هديت بأعجوبة. بصراحة يافهد عندهم قوة رخامة على بعض رهيبة. فهد: بابتسامة. آرين دي روحي وتعمل الل هي عايزاه. أنا بموت في جنانها. وع أتم الاستعداد إني أجوبها على الأسئلة التافهة ههههه.

رينو: ههههه. سبحان الله. اللي يشوفك وآرين صغيرة وأنك مصمم تلبسها النقاب مايشوفش العلاقة بينكم دلوقتي. ساعات بحس إنها الل مراتك. وصكت على أسنانها بتمثيل. وأنا ضرتها اللي جايه عليها. ست ريبونزل بتاعتك دي. فهد: ههههههه. أعمل إيه بس يا روحي. بنتك خطفتني. وكفاية إنها منك. وطريقة زعلها وطفوليتها بحس إني عايز آكلها بنت اللذين دي. رينو: بتمثيل الغيرة. وكشرت عينيها وسكتت.

فهد: ههههه. وبيرتب شعرها زي ماعودها. قلبي وروحي وعمري انتي يارينو. أوعي تحطي نفسك في مقارنة بينك وبين أي حد. أي حد فاهمه؟ لأنك عايشة وساكنة في صميم قلبي. عشقك محتل عقلي وروحي. وآرين دي بجد نور عيني وكفاية إنها تشبه نجمتي القمر. رينو: قلبها دق. تعرف يافهد. غيابك عني بيقتلني. آآآه لو تعرف قد إيه مشتاقة لعشق الفهد. فهد: باس كف إيدها. وفهد وعشقه وروحه بين إيديكي ومعاكي يا روحي.

رينو: حبيبي ربنا مايحرمنيش منك أبداً. ها قوللي بقى. هتسلم على آرين و آركان دلوقتي؟ فهد: سمع صوت أذان الفجر. وابتسم. نصلي الفجر بس وربك يحلها. رينو: قامت وضحكتها على وشها ومبسوطة. أخدت شاور وخرجت. جهزت لفهد هدومه. فهد دخل أخد شاور وخرج. رينو: بابتسامة: نصلي جماعة؟ فهد: ابتسم. طبعًا. وفرش السجادة وصلى بيها. وبعد شوية. رينو: تقبل الله يا حبيبي. فهد: منا ومنك يا حبيبتي. وقام وساعدها إنها تقوم.

رينو: مسكت راسها. آه لسه دور آركان. ساعة على ما أصحيه. فهد: لأ يا روحي. أنا هتولى المهمة دي. رينو: نفخت. أوف ريحتني والله. وإزازة المية جنب سريره. فهد: هههههههه. ماشي. لكن أنا هصحيه وهنزل. وإنتي صحي آرين، أوكي. رينو: بعدم فهم. تنزل؟ رايح فين دلوقتي يا فهد؟ فهد: بابتسامة. هتعرفي بعدين. دول ربع ساعة يعني مش هتأخر. لكن مش عايز آرين تعرف إني جيت، أوكي. رينو: اممم عرفت إنت رايح فين. عمومًا حاضر يا حبيبي زي ما تحب.

فهد: بغمزة. متناميش، أوكي. رينو: بمرح. وأنا عبيطة. وأنام وأسيبك؟ إنت تصحي آركان وتنزل وترجعلي بسرعة عشان تاخدني في حضنك. فهد: حاضر يا روحي. وخرج من الأوضة بشويش. رينو: ضحكت بسعادة كبيرة على شكل فهد وهو بيتسحب وخايف آرين تشوفه. لأنها لو شافته استحالة تخليه ينام. فهد: دخل على آركان. وكان نايم والفون جنبه. ابتسم بحب كبير. وشال الفون وحطه على الكمود. وبدأ يصحيه. آركان. آركان: ... فهد: هز كتف آركان بإيده. ولا يا آركان.

آركان: ... فهد: بنفاذ صبر. ياض قوم، نومك تقيل جدًا. قووم. آركان: هرش في قفاه وهلوس في الكلام. اعمليلي شاي بلبن. فهد: ضحك عليه. قوم ياض، شكلك هتخليها تصحى وهنشرب كلنا شاي بلبن. قوم يا حبيبي قوم ياض، إنت واحشني. آركان: بيضحك وهو نايم. هههههه أنا أخدت منك الملزمة وخبيتها. أحسن عشان تغسلي القميص وتسمعي كلام أخوكي. فهد: هز راسه بنفاذ صبر. مفيش قدامي غير كدا. ومسك إزازة المية وفتح الغطا نص فتحة ودلق مية في قفا آركان.

آركان: شهق. واتعدل بسرعة. إيه إيه! أنا فين؟ أنا فين؟ وليه؟ إيه اللي حصل؟ فهد: ههههه. اللي يصبحك بالخير يا حج طارق. آركان: فتح عينيه وغمضها. وفرك في عينيه جامد ومش مصدق. وقال بتعجب. بابا؟ فهد: تخيل. أيوه بابا يا آركان باشا. آركان: فتح عينيه بدهشة. وضحك. بااااابا. واتعدل بسرعة واترمي في حضنه. فهد: ابتسم بحب وضم ابنه لقلبه. ومسح على ضهره. واحشني أوي يا حبيبي.

آركان: بسعادة. بابا إنت واحشني جدًا. اقسم بالله واحشني. وطلع من حضنه. حضرتك رجعت امتى؟ أنا والله مش مصدق. فهد: ربت على كتفه. رجعت من شوية يا بطل. قولي عامل إيه يا حبيبي. آركان: بسعادة. أنا كويس جدًا جدًا حضرتك. حمد الله على سلامة حضرتك. فهد: الله يسلمك. المهم الفجر أذن، قوم صلي وكمل نومك تاني. ونتقابل لما أصحى إن شاء الله. بس بحذرك تقول لآرين إني رجعت. أنا عايز أنام ساعتين قبل ما تصحى، تمام.

آركان: بسعادة. حاضر يا بابا. وحمد الله على سلامة حضرتك تاني. فهد: بابتسامة. الله يسلمك يا حبيبي. وقام واتحرك وفتح باب الأوضة. ولف ضهره وبص على آركان. وشافه شد الغطا ونام تاني. وصك على أسنانه بغيظ. مكبوت آركاااان. آركان: نط من مكانه. حاضر، أنا رايح أتوضى أهو. وجري على الحمام. وخبط في باب الحمام. وحط إيده على جبهته ولف لفهد وضحك ببلاهة. عنيف أوي الباب ده. مش شايف إني جاي عليه؟ ههههههه. اتفضل حضرتك يا حج.

فهد: ضحك بصمت على حركات ابنه. وهز راسه ليه. ماشي. ولو رجعت ولقيتك نمت. أنا. آركان: لأ لأ يا حج، اطمن. أنا قمت خلاص والله. فهد: تمام. يلا أنجز. صلى ونام. وخرج ومشي بشويش. رينو: شاورت لفهد. فهد: همس ليها. أنا نازل. روحي صحيها. رينو: هزت راسها. أوكي. خلي بالك من نفسك. فهد: ههههه. هششش. اسكتي يابت. يلا باي. ونزل. رينو: حضنت المخدة بسعادة كأنها فراشة. وقالت بعشقك يا فهد. وراحت تصحي آرين. وخبطت ودخلت.

آرين: نايمة. ورجل فوق البطانية وفاردة إيديها وراسها على جنب. وشعرها على وشها. رينو: ههههه. مجنونة حتى في نومها. وقعدت جنبها ومبسوطة. رينو يا صغيرة قومي. آرين: نفخت بضيق ونامت على جنبها. رينو: كشرت عينيها. قومي يا آرين عشان تصلي الفجر. آرين: ببراءة. وبتتأوب. صليته امبارح. رينو: ههههه. صليته امبارح؟ قومي يا آرين يا حبيبتي عشان عايزة أنام. آرين: بتمثيل العياط. أعااااااا. سبيني أنام يا مامي بلييييز.

رينو: بنفاذ صبر. هو كل يوم هتتعبوني وأنا بصحيكوا كدا. طيييييب. فين إزازة المية؟ آرين: فتحت عينيها بدهشة واتعدلت. لااااااااااااااء. الميااااااا في قفاياااااا. لااااااااااااااء. أرجوكو كفاية عذاب. قفايا داااااااب. رينو: فتحت عينيها بدهشة. وانفجرت في الضحك. هههههههههههه. مجنونة. أنا مخلفة مجنونة رسمي. آرين: بمرح. صباح الخير يا نجمتي. هههههههه. رينو: بابتسامة. صباح الورد يا حبيبتي. قومي صلي يلا وكملي نوم.

آرين: مامي. عندي سؤال صغير. رينو: برفض. لااااااء. مش وقت أسئلة يا آرين. حرام عليكي يا بنتي. إنتي مبتزهقيش؟ آرين: بمرح. ربعت رجليها. نو يارينو يا حبيبتي نو. ده اسمه ذكاء. أنا واحدة نابغة وبابي الوحيد اللي بيقدر الموهبة دي. وحضرتك لو مسمعتيش سؤالي هفضل أعاااااااااا لحد الصبح. وغمضت وفتحت بسرعة وطفولية. وفي الآخر هتسمعي سؤالي. رينو: بسسس. افصلي يا آخرة صبري. قولي إيه سؤالك يا نابغة.

آرين: بصتلها بمكر. ونزلت من على السرير. واتحركت كام خطوة وقالت. هي الزقازيق فيها كام زقزوقة؟ وجريت على الحمام بسرعة. هههههههه. رينو: فتحت عينيها بدهشة. وقالت بهمس. زقزوقة؟ هو أنا اللي غبية ولا البت دي هتجنني معاها؟ بعد شوية. رينو: في أوضتها. ومبسوطة جدًا جدًا. وواقفة قدام المرايا بتسرح شعرها. وحطت برفان. وبتغني بصوت مهموس جدًا. فهد: دخل عليها بشويش. وقفل الباب. وحط كيسة كبيرة على التربيزة.

وقرب منها ولفها ليه وحاوطها من وسطها وقال بابتسامة. ها. كل حاجة تمام؟ رينو: بضحكة رقيقة. امم. صحيت. وصّلت الفجر ونامت تاني. ورفعت إيدها حوالين رقبته. امم. قولي بقى جبتلها إيه؟ فهد: رجع خصلة شعر ورا ودنها. وباسها برقة وقال. جبتلها كل أنواع الشيبسي والشوكولاتة وكل حاجة هي بتحبها. وفاضل بس آخر خطوة. هتاخدي الكيس ده وتحطيه جنبها على السرير. وبشويش مش عايزها تصحى، أوكي يا روحي. رينو: بتنهيدة حب. أوكي يا حبيبي. طيب وآركان؟

فهد: ههههه. لأ ده ليه هدية مني بس لما يفوق كدا. رينو: بابتسامة. أوكي. ثواني وراجعالك. فهد: ماشي. متتأخريش. لإن فاصل بجد. رينو: اتحركت بسرعة. ثواني وأكون عندك. وأخدت الكيس. وخرجت بشويش. ودخلت على آرين. وحطت الكيس على المكتب. وبصت عليها وضحكت بصمت على شكلها وهي نايمة وغطتها. وخرجت بحذر. فهد: قلع التيشرت. وراح نام بإرهاق.

رينو: دخلت. وراحت عند فهد. وأخدها في حضنه ونام بعمق. ورينو نامت وابتسامتها على وشها. لأنها أخيرًا حست بالأمان. في نفس اليوم الساعة ١٠ صباحًا. عند زياد. كلهم قاعدين بيفطروا. ياسين: بيفطر وسرحان ومخنوق. حياة: زعلانة بطفولية. لأن الدكتور آريان مطلعش بيحبها. وهي شايفاه البطل الخارق ليها. من آخر موقف وزعق ليها عشان متقفش مع شباب بره المدرسة حتى لو بيسألوها عن حاجة بحسن نية.

طبعًا آريان اتصرف كدا لأنهم اتربوا كلهم على مبدأ إنهم عيلة واحدة وكلهم إخوات. وحياة بالنسباله طفلة صغيرة. رايحة تانية ثانوي. لكن حياة في مرحلة المراهقة. ومن وقتها أقنعت نفسها إنها بتحب آريان. وآريان بيحبها لأنه خايف عليها. ماليكه: لزياد. حبيبي. كل مربى الفراولة إنت بتحبها. زياد: عينيه على ياسين. وابتسم ليها. أنا شبعت جدًا يا ماكي. أنا يدوبك أنزل على الشركة. ماليكه: ربنا معاك ويوفقك يا رب.

زياد: قام. حبيبتي. متحرمش منك. وبص لياسين. فطرت يا حضرة الظابط؟ ياسين: ها؟ زياد: تعالى معايا عايزك في الشركة. ياسين: هز راسه. حاضر يا بابا. وقام. أنا هسبق حضرتك على العربية. وسلم على ماليكه وخرج. زياد: باس على راس ماليكه. وابتسم. هتعوزي مني حاجة يا ماكي؟ ماليكه: ابتسمت بحب. عايزة سلامتك يا حبيبي. زياد: الله يسلمك. وإنتي يا حياة قلبي عايزة من بابي حبيبك حاجة؟

حياة: قامت وراحت وقفت قدامه. ورفعت راسها ليه ببراءة. بصراحة يا بابي. كنت عايزة نروح أنا ومامي عند نانا ملك. عايزة ألعب مع كارما. زياد: هههه. تلعبي؟ عمومًا يا روحي أنا معنديش مانع. لكن شوفي مامي رأيها إيه. ماليكه: قامت وبتشيل الأكل. خلاص يا حبيبي نروح ونطمن على بابي ومامي وأقضي معاهم وقت. إيه رأيك؟ إنت عارف إن بابي تعبان. زياد: تمام. السواق يوصلك لحد البيت وطمنيني عليكي. ولعب في شعر حياة. مبسوطة يا حبيبتي؟

حياة: بفرحة. حضنت أبوها. أوي أوي. ميرسي جدًا يا بابي. زياد: ضحك بسعادة. إنتي تأمري يا قلبي. وباسها. وخرج. ياسين. ركب العربية. زياد: ركب جنبه واتحرك بالعربية. ها. مالك بقى؟ ياسين: مثل عدم الفهم. وقال. مالي؟ أنا زي الفل يا بابا. زياد: يا ولا. على أبوك برضه. طيب ده أنا صاحبك وعمرك ما خبيت عليا حاجة. وكمان حفظك أكتر من نفسك. وشكلك مانمتش من امبارح. ياسين: بتنهيدة. أبدًا يا بابا. متشغلش نفسك.

زياد: ركن على جنب. وقال. ولو مشغلش بالي بيك. وإنت أهم حاجة عندي. هشغل بالي بمين؟ وحط إيده على كتف ياسين. وقال. مريم بردو؟ ياسين: بص بعيد. وقال بتعب. أيوه يا بابا. للأسف شكلي كدا مش في دماغي أساسًا. زياد: بعدم فهم. إزاي يعني؟ إنت مش قولتلي قبل كده وإنت عندنا في الشركة الأم إنك بتحبها. وهي شكلها معجبة بيك إنت كمان. ومعاملتها معاك مختلفة غير أي حد.

ياسين: بص له. شكلي كنت غلطان يا بابا. وإحساسي كان غلط. وإحساسك إنت كان الصح. مريم بتعبرني أخوها الصغير. هي امبارح قالتلي كدا. أنا كنت ببارك ليها. وكنت خلاص على وشك إني أقولها قد إيه إني بحبها. لكن هي قالت. إحنا إخوات ولازم نفرح لفرح بعض. وخصوصًا أفرح لأخويا الصغير. حسيت إني مكشوف قدامها وهي بتفوقني وبتقولي في رسالة إني أخوها الصغير مش أكتر. واتنهد بتعب. بجد مش عارف أعمل إيه.

زياد: بتفهم. اسمع يا ياسين. إنت لازم تفوق لنفسك وتركز في دراستك. إنت خلاص فاضلك آخر سنة يا ابني. وبعدين أنا قولتلك على فرق السن. هو مش عائق أوي فرق السن بينك وبينها. لكن مش عايزك تبني جواك وهم كبير إنك بتحبها وهي كمان بتحبك. لأ. أنا عايزك تحاول تقنع نفسك إن اللي جواك ده إعجاب بشخصية مريم. وعايزك تتأكد لو ليك نصيب فيها هتاخدها. أنا طبعًا أتمنى مريم تكون من نصيبك.

بس يا ياسين إنت غلطان. إنت بنيت في مخيلتك إنها بتعاملك معاملة خاصة. وأنا قولتلك قبل كده في الشركة يا ياسين إن مريم بنت رقيقة جدًا ومعاملتها كويسة مع الكل مش إنت بس. لكن انت عشان بتحبها شايف إن أي كلمة منها ليك بتكون مميزة. وياريت تحاول تفوق، أنا مش عايزك تتعلق وتتعذب على وهم. أنا لو شايف إن مريم نظرتها ليك مختلفة، أنا كنت طلبتها ليك على طول. لكن أنا مش عايز أعمل حاجة وأندم عليها. أنا عايزك على طول راسك مرفوعة.

وعايزك كمان تركز في شغلك. أنت هتبقى الظابط ياسين جمال، يعني أنت حلمي يبني. وكمل بهزار: ووالله العظيم لو ليك نصيب فيها لاتاخدها غصب عن اللي خلفك نفسه. ها إيه رأيك بقى؟ ياسين: ابتسم وهز رأسه. فعلاً يابابا، لو ربنا رايد هتكون من نصيبي. زياد: ابتسم ولعب في شعره. أيوه كدا، عايز أشوف ضحكتك منورة وشك كدا. ماشي يا حبيب أبوك. ياسين: ضحك. حاضر يا حج، ربنا يخليك لينا.

زياد: شغل العربية واتحرك. ولا يحرمني منك أنت وأختك يا حبيب أبوك. *** فيلا السيوفي. كلهم بيفطروا. رودي: بتاكل بسرعة ومستعجلة. فارس: براحة يا رودي، هتتخوري. رودي: والأكل في بوقها. معلش يا حبيبي، أصل أنا متأخرة على العيادة وعندي كشف كتير النهاردة. الكل تنح. رنا: هزت رأسها بنفاذ صبر، ورزعت الطبق قدام طارق بغيظ. طارق: اتخض. الله مالك، حاسبي متحطي الطبق براحة.

فارس: بدهشة وغيظ. أقسم بالله ما فهمت غير كلمة "معلش" و"النهاردة". وميت مرة أقولك متتكلميش والأكل في بوقك. چود: هههههههههههه. چواد: بتضحكي على إيه يا بت. أنتِ أصلاً فهمتي ماما قالت إيه؟ چود: بتاكل. ومين يفهم أمك يا ابني. بقولك إيه، اخلع من نفوخي، أنا جعانة وعايزة آكل. رودي: بلعت الأكل وشربت مياه بسرعة وأخذت نفسها. وقالت: ماتهدا عليا يا فارس، إيه باكل وأنت بتكلمني. ومش فاهمة إيه الصعب جداً اللي قولته في كلامي.

دلوقتي أنا بقولك: معلش يا حبيبي، أصل أنا متأخرة على العيادة وعندي كشف كتير النهاردة. فارس: صك على أسنانه بغيظ مكبوت وهمس. طيب يا رودي، ما فيش عيادة النهاردة. رودي: بغمزة وهمست وقالت: ليه وحشتك يا شقي، في وضح النهار كدا؟ هههههههههههه. طارق: هههههههههههه هههههههههههه. رنا: بغيظ. أنت بتضحك على إيه؟ أنت سمعتها قالت إيه؟

طارق: والله أبداً، بس بطريقة القعدة يا موزة يا جامدة أنتِ. هههههههههههه. وبص لرودي. مرات ابني منورة يا بت يا رودي. رودي: حبيبي يا طارق، تسلم يا غالي. فارس: مش عارف يقفل عينيه من الدهشة. وقام وقف. قومي معايا فوق. رودي: بصت في الأرض بتمثل الزعل. اوكي يا سيادة السفير. بعد إذنكم. ومشيت بسرعة من قدامهم. طارق: بنرفزة. لازم تنكد عليها. طبعاً وأنت هتجيبه من بره. رنا: بتحذير. قصدك إيه يا طارق؟

طارق: تاكلي خيار، بيقولوا مفيد للنظر. اهاهاهااااهههههههه. كح كح. مفيش سيجارة ولا حاجة الواحد يسلك بيها صدره. فارس: بعد إذنكم. احم. وراح ورا رودي اللي وحشاه من امبارح. چواد: تفتكري ماما وبابا هيتخانقوا؟ چود: هههههههههههه. يتخانقوا مين يا ابني. دي أمك دلوقتي داخلة على جروب ستات روشة وعاملة دوشة. رنا: بدهشة كبيرة. وقالت. أنت بتقول إيه يا طارق؟ سجاير؟ ومن إمتى إن شاء الله؟

طارق: جرا إيه يا رانوش. أنتِ واقفالي على الكلمة ليه؟ وغمزلها وهمس. ما تيجي نطلع فوق نرجع أمجاد الماضي. رنا: فتحت عينيها بصدمة وصكت على أسنانها بغيظ كبير. أعمل فيكوووو إيييييه. عوض عليا عوض الصابرين يااااارب. چود: بمرح. ما تسيبيه يمسكها يا فوزية. هههههههههههه. طارق: هههههههههههه. وبص لرنا. احم. وقال. چود يا بنت عيب، فوزية مين دي؟ وبص لرنا. ما تبيسه يا فوزية. ههههههه.

رودي: واقفة في نص الأوضة ومربعة أيديها وبتمثل النرفزة. فارس: وقف قدامها. وقال بصوت جهوري. ممكن أعرف أنتِ إزاي عايزة تروحي العيادة؟ وأنا راجع امبارح الصبح من السفر. رودي: رفعت صوباعها في وشه وبتتحرك لقدام وفارس بيرجع لورا. وقالت بتحذير. اسمع بقى يا جدع أنت. أنت مش كل شوية هتعلق على كلامي. وأظن أنت مش متجوزني امبارح. فارس: بيمثل الخوف. طيب اهدى يا دكتورة، مش كدا. الكلام أخذ وعطا.

أهو شوفتي بتكلم بطريقتك إزاي. مش كفاية بقول لزميل ليا. "اشطا استبينا". حرام عليكي والله. رودي: هههههههههههه. ينهار بني، قولت لزميلك كدا؟ ههههههههخخخههه. هتلاقي انت مشكلة يا ضنا يا فارس. فارس: شدها من وسطها عليه. وبعدين معاكي بقى، أنتِ مش هتعقلي. جننتيني معاكي. رودي: بغمزة ورفعت أيدها حوالين رقبته. بعد الشر عليا من العقل يا فروسة. فارس: وحشتيني جداً يا مجنونة. رودي: مش أكتر مني يا قلب المجنونة.

فارس: باسها برقة. ولما أنا وحشك أوي كدا، كنتي رايحة العيادة إزاي؟ رودي: بدلع. عيادة إيه بس دي حركة كدا مني. أنا من ساعة ما عرفت إنك وصلت المطار. أخدت إجازة أسبوع. ولازم تاخدني ونسافر أي مكان. إن شاء الله بلطيم. فارس: هتبقى أحلى إجازة على أجمل يخت مع مجنونتي. رودي: شهقت بفرحة كبيرة. بجد يا فارس؟ بجد هنطلع باليخت؟

فارس: بجد يا قلب فارس. وتعالى بقى عشان أنتِ مجننانى معاكي من امبارح. وقرب منها بحب كبير. ورودي تاهت في حب الفارس. *** فيلا العدوي. ميرو: راحت على المطبخ. ها يا دادة، عملتي القهوة الخضرا؟ زينب: من جواها مرعوب. لكن ابتسمت. أيوه يا دكتورتنا. كنت لسه هطلعها لسي آدم بيه حالا. ميرو: تسلم إيدك. هاتيها، أنا هطلعها. وأنتي كملي الفطار. زينب: من عينيا. اتفضلي. ميرو: أخذت الصينية وطلعت بيها. وخبطت على الباب.

آدم: سلم من صلاة الضحى. وقال. ادخلي يا ميرو. ميرو: فتحت الباب وسابته مفتوح ودخلت بابتسامة. صباح الورد على عيونك يا حبيبي. آدم: قام وشال السجادة وابتسم. صباح الخير يا حبيبتي. ميرو: حطت الصينية وسلمت عليه. نفسي أعرف عرفت إن أنا اللي بخبط إزاي؟ آدم: قعد على الكنبة. وقال. أنا بعرف أميز كويس قوي مين اللي على الباب من طريقة الخبط على باب أوضتي ومكتبي تحديداً. وفوق كل ده، أنتِ مميزة في كل حاجة. تعالي اقعدي جمبي هنا.

ميرو: قعدت ومسكت الفنجال. اتفضل أجمل فنجال قهوة خضرا لحبيب قلبي. وبصت حواليها. أومال ماما فين؟ آدم: بتصلي الضحى جوه. وشرب القهوة. قوليلي عاملة إيه دلوقتي؟ ميرو: بمرح. عندي أجمل بابا آدم في الدنيا. فمن الطبيعي طبعاً إني أكون أسعد واحدة في الدنيا. مراد: من بره. أسعد مين يا بت يا ميرو؟ احجووووج. صباحو عسل نحل. ميرو: قلبها دق بقوة. وقامت بسرعة البرق وشهقت بصوت عالي. باااابي! وجريت عليه بلهفة واتعلقت في رقبته. بااابي!

حبيبي! آدم: ضحك بسعادة وراحة كبيرة. إن عيلته اكتملت بوجود مراده أخيراً. مريم: سمعت صوت مراد من جوه. وسلمت الصلاة وقامت برجفة وفرحة كبيرة. وهمست. ألف حمد وشكر ليك يارب. مراد: رفع ميرو من على الأرض ولف بيها. حبيبتي يا ميرو، وحشتيني أوي أوي يا بنت اللذينة. ميرو: بعياط. بابي، أنت متعرفش أنت وحشني جداً قد إيه. بجد أنا فرحانة أوي إنك رجعت لينا بالسلامة. مراد: نزلها وطلعها من حضنه. ومسح دموعها. وباس جبينها بحب كبير.

بس يا ميرو، مش عايز أشوف دموعك دي يا بنتي. استنى هنا لما أسلم على الحاج وراجعلك نكمل وصلة العياط. أشطا. ميرو: مسحت دموعها وابتسمت بسعادة. حاضر. مراد: داعبها من أنفها بمرح. وقرب من آدم. إزيك يا حج؟ آدم: بابتسامة. أنا دلوقتي كويس يا حبيب أبوك. وفتح إيديه. وأخذ مراد في حضنه بحب كبير. وربت على ضهره. حمدلله على سلامتك يا ابني.

مراد: مغمض عينيه في حضن صديقه وأبوه وسنده وكل حاجة حلوة في حياته. الله يسلمك يا حج. وخرج من حضنه. وباس على إيديه. مريم: خرجت برجفة ودموع. ابني. حبيبي. حمد الله على سلامتك يا نور عيني. مراد: قرب منها بسرعة وأخذها كلها في حضنه. مريوم. مريوم قلبي. عاملة إيه يا حبيبتي. مريم: بدموع. أنا دلوقتي كويسة يا روحي. وحسست على صدره ودراعاته. أنت كويس يا حبيبي؟ حصلك أي مكروه؟

مراد: ابتسم. تعرفي خوفك أنتِ يا مريوم بيختلف عنهم كلهم. وباس على إيديها الاتنين. أنا كويس وزي الفل يا ست الكل. وأبوس إيدك تاني وتالت، متعيطيش الله يكرمك. مريم: مسحت دموعها وابتسمت بفرحة. حاضر يا حبيبي. قولي جيت إمتى؟ فريحة عرفت إنك جيت؟ دي قلبها كان مشغول عليك أوي. وفهد؟ فهد كويس وبخير. طمني عليكوا يا نور عيني. مراد: ههههه. والله العظيم أنا وفهد كويسين. وجيت قبل الفجر.

والبت فريحة نزلت دلوقتي تعملي قهوتي. وصحيت تالين وقعدت معاها يجي نص ساعة نلعب مع بعض. ههههه. وسلمت على زين وآريان والبت اللمضة ليليان وروتي مرات زينو. هههههههه. أنا مش عايزك تقلقي علينا. إحنا تمام جداً. طول ما أنتِ والحج بخير. مريم: بأريحية. ألف حمد وشكر ليك يارب. آدم: ربت على كتفه. حمدالله على سلامتك يا ابني. مراد: الله يسلمك يا حج. ميرو: قربت منهم ومسكت دراع مراد بفرحة كبيرة.

مراد: حاوطها من كتفها. وباس جبينها. مبروك يا ميرو. ألف مبروك يا روحي. ميرو: حطت راسها على كتفه بسعادة كبيرة. الله يبارك في حضرتك يا بابي. وغمضت عينيها بسعادة كبيرة. زينب: جت عليهم وبلعت ريقها بتوتر. صباح الخير. وسلمت على مراد. حمدلله على سلامتك يا سي العقيد المقدم الرائد مراد بيه. نورت بلدك ونورت بيتك. مراد: هههههههه. الله يخليكي يا زينب. أنتِ الوحيدة اللي بتلخبطيني في رتبتي. ههههه.

زينب: هييه لازم أحترمك يا سي العقيد المقدم الرائد مراد بيه. ده أنت والي زيك بيحمونا. بنام وأنتو يا كبدي سهرانين عشان تحمونا. الهي يسترك دنيا وآخرة. الهي يحميك لشبابك. الهي... مراد: بااااس كفايه يا زينب. لسه واصلة. عوض. عموماً يا ستي الله يخليكي. أحمد ودعاء بنتك عاملين إيه؟ زينب: نحمد الله. الواد أحمد نجح في تالتة إعدادي. والبت دعاء كيداني في مصاريني عايزة تطلع من أولى إعدادي. ومش عايزة تكمل علام.

آدم: باستغراب. ليه يا زينب؟ ومقولتليش ليه؟ زينب: بزعل حقيقي. هقولك إيه بس يا سي آدم بيه. كفاية خيرك علينا وسيادتك متكفل بمصاريفهم. آدم: رجعنا لكلامك الخايب يازينب. واللي أعرفه إن دعاء بتحب التعليم. ليه عايزة متكملش تاني علامها؟ زينب: بلعت ريقها بتوتر وحرج. احم. أصل بصراحة زمايلها في المدرسة عايروها في الامتحانات. إن أمها خدامة وأبوها جنايني. مريم: زعلت علشان دعاء.

آدم: كشر عينيه. وهز رأسه. اممم تمام. ماشي يا زينب. أنا هتصرف. وليا كلام مع دعاء. زينب: هزت رأسها. الهي يديمك فوق راسنا قادر يا كريم. ويخليك ويخليلك ست الكل. وبصت لمريم. احم. الفطار جهز يا ست مريم. وسي المهندس زين بيه والكل موجود تحت. مريم: شكراً يا زينب. آدم صحي؟ زينب: البت ميادة. راحت تخبط عليه تصحيه. مريم: نبهتي عليها إنها متدخلش أوضته أبداً.

زينب: بتأكيد. أيوه طبعاً. أنا فهمتها على كل حاجة تخص سي آدم بيه الصغير بالذات. مريم: تمام يا حبيبتي. ماشي. كلنا نازلين وراكي. زينب: هزت رأسها بالإذن. أجهز اللبن لتالين. وخرجت. آدم: نورت بيتك يا مراد. نفطر كدا. وتحصلني على المكتب. مراد: تحت أمرك يا حج. اتفضل أنت ومريومة اسبقوني. وانا هروح اسلم على آدم. آدم: تمام. وبص على ميرو، وشافها واقفة ومتعلقة في دراع أبوها وساندها زي الأطفال، وابتسم. وقال لأميرته: "يلا يروحي."

مريم: هزت راسها بسعادة. "يلا يا حبيبي." ونزلوا. مراد: بص لميرو. "عاملة إيه يا مريم؟ ميرو: بدموع احتياج، ورمت نفسها في حضنه. "أنا دلوقتي كويسة جداً يا بابي. أنت متعرفش أنا كنت محتاجاك أوي قد إيه." مراد: بقلق، وضمها لقلبه بحب كبير. "مالك يا مريم؟ قوللي يا بنتي حاسة بإيه؟ صوتك امبارح في الفون مكنش عاجبني. قوللي يا روحي، مش أنتي بتعتبريني أخوكي الكبير؟ قوللي مالك؟ ميرو: حست إنها هتضعف وهتقوله إنها ورثت منهم العشق.

انتبهت ومسحت دموعها بسرعة وابتسمت بتمثيل. "طبعاً لازم صوتي يتغير وأزعل جداً كمان، عشان بابي حبيبي وأخويا كمان في نفس الوقت. وأخويا الصغير بيسافروا بعيد عني، وبكون قلقانة وكمان وحشني جداً."

مراد: مسح على حجابها. "متعرفيش تكدبي، لكن بتعرفي تداري. إني أنا أبوكي، يعني سندك وحمايتك، ضهرك. أنا الوحيد اللي أعافر عشانك حتى لو روحي على كفي. محدش هيحبك قدي. محدش هيخاف عليكي قدي. ويوم ما تحسي إنك جاهزة تفتحلي قلبك، أنا هكون أمانك. سمعاني وفهماني يا ميرو؟ ميرو: عارفة إن أبوها ذكي، وقالت بمرح. "اممم طيب، وطي صوتك عشان بابا آدم ممكن يزعل، أوكي؟ لأنه كمان بيقولي نفس الكلام ده، وأنا مقدرش على زعله هههههههه."

مراد: بتفهم، وابتسم. "طبعاً آدم العدوي مش جدك وبس، لأ ده أبوكي وكلمته تمشي عليا وعليكي. وخوفه عليكي ده بيفرحني. وده اللي مطمني عليكوا في غيابي." ميرو: بفخر. "أكيد. ا... أنت... قصدي حضرتك هتسلم على آدم؟ مراد: "اممم طبعاً. إيه رأيك تيجي معايا نروح نرخم عليه؟ ميرو: بسعادة. "يلا بينا." وحطت إيدها في دراعه وماشية جنبه وقلبها بيدق بفرحة. آدم مراد: نايم بعمق، لكن فتح عينيه مرة واحدة وشافها مقربة على وشه،

وقال بغضب وبحدة: "انتي مين؟ وبتعملي إيه هنا؟