رواية جريمة عشق الفصل السابع والخمسون 57 - بقلم مريم نصار

عند محمد عزيز .. ع الفطار . نور : اتفضل يا حبيبي اشرب العصير ده.. محمد : بياكل لأ ياروحي انا شربت قهوه من ايد تيما اول ما صحيت. تيما : طبعا . ده انا عليا فنجال قهوه تووووحفه . ولا ايه ياتيمو؟ تيم : ... تيما : كشرت عينيها بعدم فهم .وبصت ل محمد ونور . وهمست ماله؟ نور : رفعت كتفها مش عارفه . وبصت ل محمد بنظره معناها شوفه ماله؟ محمد : بابتسامه . هز راسه . وبص ل تيم . ايه يادكتور تيم . روحت فين كدا؟

تيم : انتبه . احم معاك يابابا . خير ف حاجه؟ محمد : لا ابدا مفيش حاجه . لكن انت موجود معانا ع الفطار . واكلك قدامك زى ما هو وتيما بتكلمك وانت سرحان . خير ياحبيبى ف حاجه شغلاك؟ تيم : بتنهيده.. احم اسف انا بس سرحت شويه ف.. احم ف..اخر سنه ليا ف الجامعه و..وكنت بفكر اعملها بره مصر . احم .. نور : عيونها لمعت بدموع . انت عايز تسافر سنه كامله وتسيبنا ياتيم؟

تيم : غمض عينيه واتنهد بتعب . امي ارجوكي انا بقول مجرد اقتراح جه ع بالي مش اكتر ..

محمد : ربت ع ايد نور . اهدى يانورى الأمور متتاخدش كدا .. وبص ل تيم . بص ياتيم يبنى انت ماشاء الله عليك كل درجاتك ممتازه وكمان اللهم بارك زكي جدا . ونجاحك ف بلدك جميل جدا .ولكن انا عارف إن بره مصر ف اكتساب خبره ع أعلى مستوى ومهارات وكفاءه عاليه جدا . فكر وخد قرارك برحتك خالص ولسه بدرى جدا ع بداية السنه الجديده . وانا معاك ف اي قرار تاخده وهدعمك ديما . المهم النتيجه وراحتك انت .

نور وتمارا . لمجرد الفكره . زعلو وعيونهم لمعت بدموع.. تيم : هز راسه وبص قدامه بشرود . وقال إن شاء الله يابابا .. محمد : مسح دموع نور . وهمس ف ودنها . انا واثق أنه مابيقولش الحقيقه . اهدى يانورى ومتزعلنيش منك اوكي .. نور : ابتسمت بتمثيل. وهزت راسها حاضر اسفه ياحبيبى.. تمارا : المهم بقى.احنا هنروح عند بابا آدم امتى؟ انهردا كريم هيتقدم لليليان ..

تيم : قام وقف . بعد اذنكم . انا رايح مشوار مهم . وبعدها هطلع ع النادي. والجيم.. محمد : بتعجب لكن محبش يلفت انتباه تيم . احم وماله ياحبيبى . لكن متنساش معادنا كلنا عند جدك الساعه ٧ تمام ياتيم؟ تيم : إن شاء الله . بعد اذنكم وخرج.. نور : بعدم فهم . هو ماله يامحمد؟ تيم بقاله شهرين تقريبا؟ مابيتكلمش معانا زى الاول .. محمد : اهدى يا روحي كل واحد بيجي عليه وقت ويفضل الصمت فيه. واحنا لازم نقدر ده .

تمارا : بطفوليه . برضو محدش قالى هنروح امتى؟ عايزه اشوف لي لي .. محمد : ضحك . خلصو فطار والبسو . هوصلكو ف طريقي وانا رايح المستشفى.. نور : طيب وانا؟ مش هروح معاك المستشفى؟ محمد : لا ارتاحي انتى انهردا . لسه اليوم طويل . وانا هخلص بدرى إن شاء الله . وهطلع قبل الميعاد . تمارا : قامت . طيب انا هاقوم البس فستانى وجريت من قدامهم .. محمد : ضحك عليها . وقال ل نور شايفه بنتك طفله ازاى؟

وبص ليها شاف نور بتبصله بغموض كبير واسئله كتير وساكته .. محمد : اخد نفس عميق واتنهد .. وقال صدقينى انا معرفش تيم ماله .. نور : هزت راسها لأ . انت لازم تعرف ابنك ماله .. انا مش ناسيه من شهرين لما ابنك راجع من بره . وكانت حالته وحشه جدا وغضبان وكسر كل حاجه ف اوضته. انا استحاله انسى اليوم ده يامحمد .. تيم مابيغضبش وياخد جمب غير لما بكون حد بيحبه اوى بعد عنه .. وانا مش قادره افهم ..

محمد : غمض عينيه واتنهد بتعب . وافتكر اليوم ده . وقال مش عارف يانور . صدقينى مش عارف. حاولت كتير جدا انى اعرف ايه الل حصل ليه ف اليوم ده .لكن تيم رافض يقول . وانا عارف ابنى اكتر من نفسي . تيم ديما يصارحنا بكل حاجه حصلت معاه . حتى لو زعلان من رينو أو آرين . لكن بما أنه حصل معاه موقف ومش راضي يتكلم فيه ومجرد فكرة أنه اتخانق مع حد بخصوص آرين ف المدرسه دي انا مش مقتنع بيها وحاسس انها حجه ومبرر . ف انا متأكد أن تيم مجروح جدا . وبيمثل أنه مرح مع العيله . ومش عايز حد يشاركه اى حاجه حصلت ف اليوم ده. وانا احترمت رغبته. او تقدري تقولى استسلمت ل رغبته ..

فيلا عزيز . كريم : بياكل بسرعه . وقال بابا حضرتك هتروح الشركه انهردا؟ كلهم قاعدين وضحكو عليه. يوسف : هو انهردا اجازه وانا معرفش؟ طبعا رايح الشركه . وانت كمان هتيجي معايا . كريم : كح كح . لأ اجي فين حضرتك . انهردا أهم يوم . انتو نسيتو ولا ايه ياجماعه؟ اشرف وهنا . بيضحكو بصمت ع لهفة حفيدهم .. مصطفى : بمكر . ايه انهردا عيد العمال؟ ولا عيد تحرير سيناء؟ ولا يمكن الجمعه؟ وبص ل لامه بخبث . هو انهردا الجمعه ياماما؟

كريم : صك ع أسنانه بغيظ مكبت من مصطفى الل رافعله الضغط كل شويه. واستحلف ليه .. مريم : كاتمه الضحكه .احم لأ ياحبيب ماما انهراد يوم عادي جدا .. مصطفى : بص ل كريم ورقص حاجبه اهو ياكيمو طلع يوم عادي اهو . ايه يبنى عامل شبوره ليه ع الصبح . هنا : بتحذير . مصطفى وبعدين معاك؟ مش قولنا نختار كلمات ارقي من كدا؟ مصطفى : بمكر . اسف ياناناه . نقول بدال شبوره. بوليكه ها ايه رايك ياكريم ياحبيبى هههههههه. كلهم : ضحكو.

كريم : بغيظ مكبت اه بوليكه ياخفيف . بس ياترى انا سمعت الكلمه دى قبل كده من مين؟ ومثل الحيره .. اممم من مين؟ ياكريم. من مييين؟ ايوووووه افتكرت .. مصطفى : بلع ريقه بتوتر . وبص ل كريم بترجي .. كريم : بمكررر . ايووووه من چو… مصطفى : كح كح .. احم كح كح . وشرب ميا بتوتر .. كريم : رفع حاجبه. وكمل چو…اد .. چواد إبن عمى فارس. صح يا .. درش..؟ مصطفى : بغيظ مكبت . اه صح وكويس انك فاكر ..

كريم : بخبث . لا خلي بالك انا بسيڤ الحاجه ف مخي من مره واحده .. اشطا ..؟ يوسف : ماشاء الله مخلف ٢ معلمين . واقفين لبعض ع الواحده .. مريم : ههههه معلش ياحبيبى هي تربية الولاد كدا صعبه .. هنا : ابتسمت بس حفيدى كريم هادى وعاقل . لكن مصطفى ده بكاش وديما مزعلنى .. مصطفى : بدهاء . قام وقف بسرعه . وقال هو ف حد هنا اسمه مصطفى؟ ايه دا؟ لا بجد قوليلى ياناناه مصطفى مين الل مزعلك؟ واوعي تقولى أنه مصطفى عزيز . إبن يوسف اشرف عزيز؟

لانى اسمع ديما إن المنطقه كلها بتقول ع الاستاذ مصطفى ده كلام ذي الفل . اه والله . ده انا حتى حبيبك وغلبان . وغمز ليها . صباحك قشطه ياقلبى . هههههههههههه كلهم ضحكو عليه .. هنا : هههههههه .. مش قولتلكم بكاش.. كريم : بغيظ مكبت . وقام قعد جمب جدو . وقال جدو حبيبي انت الوحيد الل هتنصفنى ..مش كدا؟

اشرف : افتكر نفس الموقف لما يوسف طلب من جدو مصطفى انه يطلب مريم . واتنهد ودعى بقلبه بالرحمه ليهم . وابتسم . وقال اطمن ياحبيب جدك . محدش يقدر ينسى أهم يوم لحفيد عزيز . انهارده إن شاء الله . الساعه ٧ هنكون هناك ..اطمن .. كريم : بسعاده كبيره . باس ع أيد جدو . ربنا يخليك لينا ياحلا جدو ف الدنيا كلها… فيلا الصاوي .. ملك : اتفضل ياجاسر المسكن . الل معرفش انت بتاخدو يوميا ليه؟

جاسر : بياكل . كح كح . حبيبتي دور برد بسيط وباخد مسكن . فين المشكله . ملك : بتنهيده الف سلامه عليك ياحبيبى.. جاسر : ربت ع أيدها الله يسلمك ياحبيبتي.. مالك : بابا حضرتك مش هتنزل الشركه انهردا؟ جاسر : اطمن يامالك انا كويس يبنى .. مالك : وعشان اطمن اكتر . ياريت حضرتك تسمع كلامى وتريحنى. ساره . واسر هيطلعو ع الشركه . وانا هخلص شغل واحصلهم ع هناك . وحضرتك ياريت ترتاح بقى .

جاسر : ابتسم . يامالك ياحبيبى انا نفسي فعلا ارتاح . لكن هسيب الشركات دي لمين؟ ساره ماشاء الله عليها متابعه شركاتها وشغلها . آسر حفيدي؟ لسه هيدخل الجامعه ومتابع معايا شويه والحمدلله بدء يستوعب كل أمور الشركه . وانت؟ انت ف شغلك . وساعات تلحق تجيلى الشركه وسعات متلحقش. قولى بقى املاكي كلها اسيبها لمين؟ مالك : فكر بحيره . طيب اعمل ايه؟ بابا الشغل كتير عليه ولوحدو؟ و انا ف شغلى . وكمان ساره؟

تؤ . اوووف انا نفسي يرتاح بقى . ايوه لقيتها خالو آدم. انا اكيد هلاقى عندو الحل .. احم وقال ل جاسر. طيب ياحج جاسر انا من بكره هقدم ع اجازه من شغلى . وهتابع كل حاجه لحد مانلاقى حل. بس اهم حاجه حضرتك تستريح . جاسر : هز راسه بابتسامه . ماشي يامالك ربنا معاك . لكن اعمل حسابك انهردا هتكون موجود معايا ف مقابلة كريم عزيز الساعه ٧ متنساش يبنى .. مالك : متقلقش ياحج . ٧ بالدقيقه هكون موجود هناك . وربنا يتمم بخير .. كلهم آمين ..

آسر : عينيه ع جدو جاسر . وبيفكر ازاى يريح جدو من الحمل الل عليه … فيلا العدوي .. مياده : وصلت عند اوضة آدم ورفعت أيدها عشان تخبط . . لكن فكرت بخبث . لأ انا مش هخبط . انا هدخل ع آدم بيه وهو نايم كأني معرفش اي حاجه لاني جديده هنا . . اااه يخربيتهم كلهم حلوين اوي اوي . ايه ده مفيش فيهم واحد وحش . آريان بيه جماله يهبل ولما شوفت آركان بيه اقسم بالله دوخت من جماله .

يلهوووى بقى لما شوفت تيم بيه اااه يخربيت عينيه ولا شعرو لأ لأ هو كله ع بعضه قمررر وباقي شباب العيله كلهم يهبلو . ولا رجالة العيله سي آدم بيه ينهار اسو…ع جماله وشعرو الابيض جنني .. ولا زين بيه يلهوي عليه وع وسامته . ولسه بيقوله ف الظابط مراد بيه وانا متاكده انه هيطلع صاروخ . اه هو يعنى هيطلع وحش لمين؟

.. كفايه ابوهم الل بحلم بيه ليل ونهار. ولا بقى لما شوفت آدم بيه الصغير امبارح يلهوووى قلبى ده عمال يدق عندو هيبه كدا وحسيت أنه بطل . تؤ انتى هتتكلمى كتير يامياده . خشي ملي عينيكي منه . قبل ما يصحى واطلعي بسرعه . وبلعت ريقها بتوتر وفتحت الباب بحظر . وبصت يمين وشمال . وحطت ايدها ع قلبها ونفخت بتوتر . ودخلت .. ومشيت ع أطراف صوابعها براحه . ووقفت عند السرير . وقلبها دق جامد من الخوف .

آدم : نايم ع ضهرو . ولابس بنطلون فقط . وحاضن مخده صغيره . مياده : همست يلهوووي ايه العضلات دي . يخربيت جمالك .. وعايزه تمد ايدها ع دراعه لكن خافت . . وقالت بقلبها يسلام لو يحبنى يبقى ياسعدك يامياده . لأ ده انت حلو أوي يا سي آدم. ااااه، ولا اسمك جميل أوي. ورفعت أيدها في اللاوعي وقربت منه. آدم مراد: نايم بعمق. لكن فتح عينيه مرة واحدة وشافها مقربة على وشه. وقال بغضب وبحدة: انتي مين؟ وبتعملي إيه هنا؟

ميادة: اتفزعت وشهقت بصوت عالي ورجعت لورا بسرعة وكانت هتقع من الخضة. واتكلمت بتلعثم: ا. ا. أنا. ا. أنا... آدم مراد: قام وقف بغضب. وزعق: انتي مين يا بت انتي؟ وانتي إزاي تدخلي عليا الأوضة؟ ميادة: اترعشت من صوته. واترعبت من غضبه. س... سامحني يا سيدي. ا. أنا... آدم مراد: زعق: انتي؟ دا انتي يومك أسو... انهارده ومرفودة. اطلعيييي بررررا! ميادة: انتفضت من مكانها بخوف. حا...

حاضر. حاضر. بس الله يخليك يا بيه تسامحني. ا. أنا الخدامة الجديدة ومعرفش... آدم مراد: صك على أسنانه بغيظ كبير. وقاطعها: أنا قولت اطلعي براااااا. واعرفي إن ده آخر يوم ليكي هنا، انتي واللي بعتك ليا.

ميادة: مثلت العياط. ونزلت على ركبها قدامه. أبوس إيدك يا بيه والله غلطة ومش هتتكرر. والله العظيم لو هويت ناحية أوضتك سعاتك دي تاني أعمل فيا اللي انت عايزه. أبوس إيدك أنا يتيمة الأب وبصرف على أمي وإخواتي. أبوس رجلك ماتقطعش عيشي. آدم مراد: قبض على إيديه واتكلم بأمر: أول وآخر مرة أشوف وشك في الأوضة هنا. انتي فاهمة؟ برااااااااا. ميادة: قامت بسرعة برجفة. وجريت من قدامه. وفتحت الباب وخبطت في مراد.

ميرو: شهقت بصوت مهموس وحطت إيدها على بقها. مراد: بعد عنها بسرعة. انتي مين؟ ميادة: جواها. انبهرت من جمال مراد. لكن خافت وواقفة تتنفض مكانها. وقالت: أنا آسفة والله ما شوفتك يا سيدي. أنا الخدامة الجديدة... وا... مراد: بص في نظرة سريعة عليها وعلى آدم اللي واقف جوه متنرفز وبيمسح شعره ومتغاظ. وقال: انتي دخلتي على آدم ابني من غير ما يسمحلك تدخلي، مش كده؟ ميادة: شهقت بخوف. وهزت راسها: أيوه.

وعيطت: بس والله العظيم أنا ما كنت أعرف. سامحني يا سيدي أبوس رجلك والله غلطة ومش هعمل كده تاني. مراد: هز رأسه وبص في عينيها ودرسها. تمام خلاص حصل خير. بس اسمعي، يا ريت تتعلمي من غلطك بسرعة. عشان آدم غير أي حد وقرصته في القبر. عيشي وكلي عيش. روحي على شغلك. ميادة: ح... حاضر يا سيدي. وجريت من قدامه بخوف كبير. وقالت: يلهوي! إيه ده؟ كنت هروح فيها. آدم مراد: سمع صوت مراد ونسي كل حاجة. ولبس تيشرت. ولف ليه. بشبه ابتسامة.

مراد: إيه يا دومي؟ مسموح لي أدخل عادي ولا فيها إنذار؟ هههههه. آدم مراد: العفو يا بابا. وقرب من أبوه بسرعة وحضنوا بعض. وقال: وحشني أوي يا بابا. حمد الله على السلامة. مراد: مسد على ظهره. الله يسلمك يا آدم يا ابني. وانت كمان وحشني يااض. حمد الله على سلامتك. آدم مراد: طلع من حضنه. الله يسلمك. بجد مفاجأة جميلة أوي. حضرتك وصلت إمتى؟ مراد: الفجر. آدم مراد: بص لمريم. صباح الخير يا ميرو. ميرو: بابتسامة. صباح الخير يا آدم.

مراد: ربت على كتفه. يلا ظبط حالك كده. وحصلنا على تحت. متتأخرش. آدم مراد: حاضر. 10 دقايق وأحصلك. مراد: أخد ميرو وخرج. وفضل أنه ما يفتحش حوار ميادة تاني. لكن هو خلاص حطها في دماغه. آدم مراد: قلع التيشرت بنرفزة. ودخل الحمام ياخد شاور. *** زينب: في المطبخ بتحط الأكل في الأطباق.

وقالت: امسكي يا بت يا عزة. طلعي العصاير دي وهتحطيها على السفرة. هتحطي عصير البرتقال قدام سي مراد بيه وزين بيه وكمان تالين الصغيرة. أما عصير الموز باللبن ده هتحطيه قدام ست الدكتورة فريحة وست الباشمهندسة ريتال. أما اللبن ده هتحطيه قدام الأحفاد. وكوباية اللبن دي اللي عليها بيض دي لسي آدم بيه الصغير. واسمعي حسك عينك تتلخبطي وخصوصا قدام سي آدم بيه الصغير. واتحركي يلا بسرعة. وندهت على ميادة.

عزة: هزت راسها. حاضر يا ست زينب. وشالت الصينية وخرجت. ميادة: واقفة جنب التلاجة ووشها أصفر. وبتترعش. زينب: كشرت عينيها. وقربت منها. اله انتي يا بت يا ميادة؟ مش بنادي عليكي يا بت؟ ميادة: انتبهت. ها؟ أه معلش يا ست زينب. بتقولي حاجة؟ زينب: عوجت بوقها وحطت إيدها في جنبها. نعم يا اختي بقول حاجة؟ مالك يا بت نازلة من فوق مش على بعضك ليه؟ ها؟ ووشك لونه مخطوف كده ليه؟ .وشهقت: ياسوادك!

أوعي يا الل تنشكي تكوني عملتي حاجة ضايقتي بيها آدم بيه الصغير؟ نهارك هيبقى مدحوس. انطقي يا بت مالك واقفة متنحة كده ليه؟ ميادة: بلعت ريقها بخوف. ا. أنا معملتش حاجة والله. ا. أنا. ا. أنا بس خبطت في سي مراد بيه بالغلط ومن ساعتها وأنا مخضوضة. اتكسفت يعني. احم. زينب: هييييه! خبطت في سي العقيد المقدم الرائد مراد باشا؟ نهارك مطين.

ورفعت حاجبها. بس لأ. باين عليكي وش كسوف أوي يا بت. الله يرحم أول يوم جيتي فيه هنا وانتي لابسة المحزق والملزق وست فريحة وست ريتال كانوا هيخلوكِ تمشي. لولا ست مريم صعبت عليكي. ونصحتك. يلا يلا يا اختي. خدي الأكل ورصيه على السفرة. ميادة: عوجت بوقها بغيظ. حاضر يا ست زينب. اووف. وخدت الأطباق وراحت تحطها على السفرة. مراد: نازل وشاف ميادة وهي خارجة من المطبخ. وقال: اسبقيني انتي يا ميرو. وأنا هحصلك. ميرو: حاضر يا بابي.

مراد: دخل المطبخ. إزيك يا زينبو؟ زينب: بابتسامة. تسلم وتعيش يا باشا. مراد: ههههه. اباشا؟ محسساني إني قابضة عليكي. عوض فين أومال؟ زينب: بلعت ريقها بتوتر. عوض بيحط الفطار للحرس يا سي المقدم العقيد الرائد مراد بيه. مراد: ههههه. الله يجازي شيطانك يا زينبو. وكمل بمكر. أنا شايف إن فيه بنات جديدة بتشتغل هنا. هما كام واحدة؟ وجم هنا إزاي؟ زينب: أيوه يا باشا. فيه 3 بنات جديدة بتشتغل هنا.

سياتك عارف بعد وفاة ست سعاد الله يرحمها. وكمان وبناتها كل واحدة قعدت في بيتها عشان رجالتهم طلبوا منهم ما يشتغلوش تاني. قوم إيه بقى؟ عم الشيخ صبحي جه هنا وجاب الـ 3 بنات دول. وقال إنهم محتاجين أي شغلانة. وست مريم ست الكل وافقت عليهم واشتغلوا من يومها. مراد: بمكر أكبر. اممم تمام يا زينب. بس همتك انتي بقى وعايزك تعرفيهم نظام البيت إيه؟ وماشي إزاي؟ الكل بيحب إيه وبيكره إيه؟ وخصوصا آدم ابني. ولا انتي معرفتيهمش النظام؟

زينب: بسرعة. لأ. ودي تفوتني بردك يا باشا؟ أنا عرفتهم على كل حاجة بالساعة وبالثانية كمان. وسي آدم بيه الصغير. أنا حفظت البنات إيه اللي بيحبه وإيه اللي مبيحبوش. وأنا قولت قدام سعاتك فوق إني قولت للمخفية ميادة لازم تخبط عليه الأول وقولتلها أوعك ف يوم تدخلي الأوضة دي بالذات من غير إذن. وهي عملت كده وسمعت الكلام. مراد: مط شفايفه. امممم. ماشي يا زينب. انتي هنا شغلك تشرفي عليهم وخلي عينيك عليهم. تمام؟

زينب: بفرحة. حاضر من عينيا يا باشا. مراد: أخد تفاحة عشان لو حد سأله كنت في المطبخ ليه. وخرج. ميادة: راجعة. ومراد في وشها. وبصلها بتوعد ونظرة تخوفها. وعدى من جمبها. وميادة بلعت ريقها بتوتر من نظرته ليها. *** عند فهد. آرين: نايمة وبدأت تفوق. وفتحت عينيها. واتعدلت وبتتاوب. وبصت على الساعة وكانت 11. وقالت: ياااه! أنا نمت كتير أوي. تؤ. إزاي مامي مصحتنيش؟

.وشالت الغطا اللي واقع على الأرض من طريقة نومها. وقامت. ورايحة على الحمام. لكن وقفت مكانها وتنحت. ورجعت خطوتين بضهرها. وبصت على المكتب. .وشافت كيس كبير على المكتب. وفتحت عينيها وبوقها بعدم تصديق. وهزت راسها ببطء. وهمست: لأ لأ. مش معقووول. وفتحت الكيس بسرعة. وطلعت منه حاجات كتير أوي. عصاير مختلفة وأنواع شيبسي كتيرة. وكوكيز. والأكتر شوكولاتات. وفتحت بوقها بسعادة كبيرة كأنها حصلت على كنز. .وقالت ببلاهة: اش معقووول؟

نو نو نو. أخويا آركان؟ لأ استحالة. أنا مش مصدقة. بوقي يابخ؟ لأ لأ لأ. آركان مايعملهاش. طيب ميييين؟ مييين غير تيمو القمر؟ أيوه هو تيمووو. .وجريت على السرير. وجابت الفون. وقالت: أنا هتصل عليه أشكرة بنفسي. اااه! دخل عليا وع قلبي وع حياتي السعادة. آه والله. وبتتصل. يلا رد. رد بقي. تيم: واقف بالعربية في مكان هادي. ومرجع راسه لورا ومغمض عينيه ومشغل الميوزك. وسمع صوت الفون. واتعدل. واخد نفس عميق. ورد. بابتسامة: صباح الفل.

آرين: صباح الخير يا تيمو باشا. عامل إيه؟ تيم: هز راسه. تمام. انتي عاملة إيه دلوقتي؟ آرين: أنا فلة شمعة منورة. هههههه. تيم: ههههه. طيب يا ستي كويس جدا إنك فلة. أهم حاجة متكونيش وقعتي بالكلام قدام رينو وعرفت بالل حصل امبارح؟ آرين: هزت راسها. لأ لأ. أقول إيه؟ لأ طبعاً محصلش وأنا عبيطة. ومتقلقش. ربنا يستر يعني وموقعش بالكلام. بس فيه حاجة بقى عايزة أسألك عليها. تيم: هههههههههه. أبوس إيدك بلاش أسئلة أرجوكي.

آرين: ههههه. وأنا مسمعا أوي كده. هههه. لا هو سؤال يخصك انت متقلقش. تيم: كشر عينيه بعدم فهم. سؤال إيه؟ آرين: مال صوتك؟ أنا حاسة وسط ضحكتك إن فيه حاجة مضايقاك. تيم: بت يا رينو يا صغيرة انتي. أنا لا مضايق ولا أي حاجة. أنا زي الفل وشمعه ومنور برضه هههههه. آرين: ههههه. وانت يا خويا محتاج تنور. ده انت غلبت نور فيحاء في فيلم اللمبي. لما قالها. وبتقلدو بطفولية. فيحاء. فيحاء. هو فيه كدا؟ فيه كدا في الدنيا؟ حد يزعل القمر ده؟

دي فاضلها 2 فولت وتنور. ههههههه. تيم: هههههههههه. صاحية فايقة ورايقة. آرين: بمرح. طبعاً. بعد ما شفت الحاجات اللي انت جبتهالي دي. وأنا مزاجي اتعدل مليون درجة. بجد ثااااااانكس كتير أوووووي. بس انت جيت إمتى؟ تيم: بعدم فهم. حاجات جبتهالك؟ حاجات إيه؟ وجيت فين؟ آرين: إيه دا؟ إيه دا. لحظة واحدة. هو انت مجبتش ليا كيس كبير مليان شوكليت وحاجات تانية كتير؟ تيم: امممم. لأ. أنا لسه مجبتش حاجة. لكن بليل إن شاء الله.

آرين: هرشت في شعرها. وهمست. اله أومال مييين يعني؟ تؤ. اوووف. تيم: انتي يا بت. مين اللي جبهالك؟ آرين: تؤ. ممكن يكون آركان. لكن أشك أصلاً ده بياكل هدومي لو جاع. بس احتمال يكون ضميره صحي. وكملت بغيظ مكبوت. أصله المفجوع أكل الشيبس بتاعي وكمان شرب الحاجة الساقعة بتاعتي. اعاااااااااا. تيم: هههههههه. بس يامجنونة. طيب ما هو عوضك اهو.

آرين: كشرت عينيها. اممم صدق صح. بس هو مايعملش حاجة من نفسه أبداً. أكيد مامي كلمته. يلا هعرف كل حاجة دلوقتي. المهم بقى انت فين كدا؟ تيم: بص حواليه. أنا رايح الجيم. وبعد كده هرجع ع البيت. آرين: كشرت عينيها. البيت؟ طيب انت مش هتكون موجود عند بابا آدم؟ انت ناسي إن كريم هيتقدم لليليان انهارده؟ تيم: لأ يا حبيبتي مش ناسي. أنا هرجع البيت أغير هدومي مش معقول هروح بلبس التدريب. ومتقلقيش. هعدي عليكي أخده انتي ورينو.

آرين: اووووكي يامان. متتأخرش بس علينا. عايزة أشوف لي لي وهو مكسوف ههههه. تيم: حاضر يا حبيبتي. متقلقيش مش هتأخر عليكم. يلا باي. آرين: باي. وقفت قدام الكيس وقالت. .تؤ. والله أنا مش مصدقة إن آركان أخويا. يصرف إلا إذا كان ليه مصلحه . ومطط شفايفها . اممم هعرف دلوقتي . بس ادخل اخد شاور وافوق كدا . واخدت هدومها وراحت ع الحمام . فهد : نايم بعمق كبير .

رينو : نايمه جمبه . ولكن صاحيه من بدري . وبتحفر تفاصيله الل بتعشقها . وحطت ايدها ع خدها وسرحانه بهيام . فهد : حرك راسه . وايدو . وكمل نوم . رينو : ابتسمت بحب كبير . وهمست فهد . فهد : رينو : حطت ايدها ع خدو . فهد حبيبى اصحى . فهد : بدأ يفوق . وفتح عينيه ببطء . وبعدها ابتسم ابتسامه جميله. خطفت قلبها . صباح الحب يانجمتى . رينو : صباح الخير ياحبيبى . فهد : اتعدل . وباسها من خدها . الساعه كام دلوقتي حاسس انى منمتش كتير .

رينو : بصت ف الساعه . وقالت 12 وربع معلش بقى انا صحيتك عشان كدا كدا هتصحي من دوشة ولادك . فهد : ابتسم . هما صحيو . رينو : اكيد . انا سمعت حركه جايه من المطبخ . وده اكيد آركان . لأن ريبونزل هانم . بتعمل دوشه كبيره . فهد : ههههه وحشانى جدا ريبونزل هانم دي . وفجاءه سمعو صوت جري بره الاوضه ف الصاله . وبصو لبعض وضحكو .

رينو : ههههه اهي شرفت . قوم بقى خد شاور واتوضي عشان الضهر ع وشك الآذان . وانا هطلع الحق الحرب الل بره دي . وشهقت بخضه . فاااهد حرام عليك والله بجد . فهد : شدها لحضنه بقوه . وخضها . هههههههه يابنتى انتى الل بسكوته اعمل ايه . ومليون مره اقولك لازم تتعودي ع كدا . رينو : ههههه بصراحه انا مش قادره احفظ تصرفاتك . يعنى انت دلوقتى بتبصلي عادي جدا . وفجاءه تشدنى ف طبيعي اتخض يعنى .

فهد : ضمها لقلبه ودفن وشه ف شعرها . وحشتينى اوى وبتوحشينى ف كل ثانيه . رينو : ضمته بحنان كبير . واتنهدت وانت بتوحشني ديما . ربنا يباركلى فيك يارب ياحبيبي . فهد : مسد ع شعرها . وباس جبينها . قومي الحقى ابنك اكيد بياكل أخته قبل ما اطلع اعلقه . رينو : ههههه . والله الخوف عليا انا مش عليها . بص يقلبى انا جهزتلك هدومك متتاخرش اوكي وباسته من خدو. وقامت . فهد : اوكي . لكن ماتعرفيهاش اتفقنا .

رينو : لبست فستان رقيق . حاضر اتفقنا . وخارجه من الاوضه . فهد : مسح ع شعرو . وقام واخد هدومه ودخل الحمام . آركان بيجري . و آرين بتجري وراه بغيظ كبير جدا . آركان : يابت استنى . افهمي انا كنت جعان والله . آرين : بتجري . مش هسيبك . انا مش هسيييبك . انت لايمكن تكون اخويا. اعاااااا . اعااااااا . يامااااااامي. وقعدت ع كنبة الليفنج بغيظ . رينو : خرجت . ايه ياولاد . ف ايه ع الصبح . انتو مش هتكبرو ابدا . ف ايه يا آركان .

آركان : بيبلع الاكل . والله ياماما بنتك دي معندهاش روح المشاركه خالص . وانا معملتلهاش اى حاجه حتى اساليها . رينو : قعدت جنبها . ايه الل حصل يا آرين . آرين : بغيظ . بصي يامامي انا صحيت من النوم . ولقيت كيس كبير فيه شوكيلت وحاجات كتير جدا . وفكرت انه تيم . واتصلت عليه وشكرته لكن مطلعش تيم. قولت يبقى الواد ده . بما إن بابي مش موجود مين يعنى هيجبلى . قولت هاخد شاور . وابقى اروح اشكر آركان من باب الزوق يعنى .

وكملت بغيظ كبير . وقالت . اخرج من الحماااام يامامي. الا ى آركان قاعد ع المكتب . وبياكل ف كل حاجه موجوده وبيشرب نسكافيه كمان . لاااااااااء . وبعدين يقولى هو مين الل جابلك الحجات دي . يعنى مش هو الل جابها . وكمان اكل نصها . اعاااااااااا . اعااااااا . انا عايزه باااابي . رينو : بصت ل آركان بلوم . وقالت كدا يا آركان . مش عيب الل انت بتعمله ف اختك ده . آركان : قرب منها وبيتكلم بطريقة محمد هنيدي . وقال . ياست الكل .

انا جعان وحضرتك كنتى نايمه . ف انا قلبى كبير وقولت ياواد آركان ياسيوفي . سيب رينو نايمه وتصحى براحتها وخش لأختك القمر دي تعملك احلا فطار . وخبطت عليها ربع ساعه كامله . وده طبعا جوعنى اكتر . اومال . ماهو مجهود ياساده . المهم قلقت عليها . وفتحت الباب اشوفها .. تكون كتمت نفسها بمخده ولا حاجه . منا عارف بتنام زي النعامه هههههههه . المهم مش موضوعنا . دخلت خوفا عليها والله ده أولا طبعا .

وثانيا انا عارف إن لبسها بيجامات وده قرار جمهورى من فهد باشا وعشان كده دخلت بقلب جامد . ولقيت اختى الصغيره . ايه الل انا بقوله ده .. احم صغيره ايه دي توأمي . المهم لقيتها ف الحمام . خبطت عليها وقولتلها يا آرين انا جعان . وقالت أنا تعبانه يا آركان وابعد عني . صعبت عليا. قولت اه اختى حبيبتى تعبانه . قوم وانا خارج لمحت الكيس الملعون . هههههههه . فتحت الكيس واتفتح معاه شهيتى . غصب عني ياناس. يرضي مين ده بس .

لقيت نفسي بعمل زي عادل امام.. انتى كيس وانا كيس . انتى باكو .. وانا باكو . وقسمت بالعدل والله ع ما اقول شهيد . واكلت بس ٢ شوكلاته و٣ بسكوت و٢ كوكيز . وكيس شبيسي . وكمل بتمثيل الزعل . مكنتش اعرف انك هتزعلى اوي اوي كدا يا آرين بجد . عموما لو شايفه إن الكيس قل عن الاول . هاتى الباقى واعتبري إن مفيش حاجه جت من الأساس هههههههههههه هههههههههههه . رينو : بتسمع وكاتمه الضحكه ع شكلهم الاتنين واحده مفروسه والتاني ممثل عاالمي.

آرين : خبطت برجليها ع الأرض بغيظ كبير . اعاااااااااا اعااااااا انت مش اخوياااااا . انا عايزه باااابي . ماليش دعوه انا عايزه بااااااابي. فهد : من وراها . وبابي جمبك يا ريبونزل . فهد : اخد شاور وصلى . وخرج . وواقف ومتابع . وبيضحك بسعاده ع الاتنين المناكفين . ولكن هيعاتب آركان ع الل عمله ده بعدين . آرين : سكتت مره واحده . وقالت أنا سمعت صوت بابي . انتو سمعتوه .

آركان : بمكر . صوت بابا . انتى دخلتى ف حالة تاهيوأت عشان كلت منك شوية حجات . هي يعنى اول مره اكل منك حاجه. . آرين : اعاااااااااا انت مستفز . والله لما بابي يرجع . اعااااااا . ماااامي خليه يروح عند بابا طارق . وانا هعيش معاكي عند بابا آدم . لحد ما بابي حبيبى يرجع اعاااااااااا. . انا عايزه باااابي حبيبي. فهد : قرب خطوه ووقف وراها بخطوتين.. منا قولتلك بابي جمبك يا ريبونزل . رينو : كتمت الضحكه .

آركان : هرش ف قفاه وعارف أنه هيتسلم تسليم أهالى . آرين : تنحت . وفتحت بوقها . ولفت بسرعه . وشافت فهد . وصرخت بصوت عالى. لاااااااااا بااااااابي . لااااااااااااااء مش معقوووول . وجريت خطوتين واتشعلقت ف رقبته . بااابي. فهد : ضحك بسعاده . وضمها لقلبه ولف بيها كتير. بنتى وروحي وعمري كله . وحشتينى اوى اوى يا آرين . آرين : بتعيط بفرحه . بااابي انا مش مصدقه نفسي حضرتك رجعت لينا . انا مبسوطه اوووى وحضتنه اكتر .

فهد : نزلها ع الأرض . وباس جبينها . وضحك . حبيبتي عامله ايه وحشتينى اوى . آرين : ضحكت بدموع . وانت كمان وحشتنى اوي اوي بجد . بابي انت بجد هنا صح . واترمت ف حضنه تانى . فهد : ههههه ايوه ياروح بابي انا رجعت . آرين : للحظه انتبهت . وخرجت من حضنه . وقالت يبقى حضرتك الل جبتلى كل الحجات دي صح . فهد : هز راسه اممم صح .

آرين : اعااااااا . طيب يرضيك آركان ياكلها .. ومسحت دموعها وابتسمت . مش مهم . مش مهم مش عايزاها خلاص. قولى بقى حضرتك وصلت امتي . رينو : قامت . هههههههه طيب ع المحاكمه تخلص انا هدخل احضر الفطار . حبيبى اعملك قهوه . فهد : ياريت بجد ياحبيبتى . رينو : من عينيا. وراحت ع المطبخ . آركان : قرب منه . صباح الخير يابابا . وسلم عليه. فهد : ضمه وقرب من ودنه . حسابك معايا بعدين .

آركان : بنفس الهمس . حضرتك لسه جاي ومحاسب ناس كتير . وبعدين دا انت ضنايا . حبيبك يابابا . حد يعمل ف ضناه كدا . فهد : كتم الضحكه. وقال انا ضناك . يلا يالا . شوف وراك ايه . آركان : ورايا . اصالح ماكدونالدز هانم . احم قصدى ريبونزل هانم . متزعليش ارينو ياصغيره. انا اخوكي حبيبك. مش انا امبارح كنت هجبلك دره مشوي واحنا ع الكورنيش . وهمس ينهار اسوس ع رأي خالو . احم . ونده يامامااااااا . وجري من قدام فهد .

فهد : بغيظ متدراي . بص ل آرين وضحك بخبث طبعا بنوتي الحلوه هتقولى كل حاجه موووش كداااا . آرين : بلعت ريقها وهمست. الله يخربيتك يا آركان . احم ايوه طبعا . وكملت بطفوليه ممكن حضرة عقيد قلب بنته يقولى بقى وصل امتي . فهد : عينيه ع رينو وصك ع اسنانه بغيظ مكبت. لكن استنى يسمع الاول . وقالها الفجر ياحبيبتى .

آرين : شهقت بصوت عالى. اييييه . الفجر يابابي . يعنى حضرتك موجود هنا من بدري . وانا معرفش . وربعت ايديها بزعل . ولفت راسها بعيد انا زحلانه . فهد : غصب عنه ابتسم . تعالى نقعد طيب. وانا هقولك كل حاجه وهصالحك. هو انا عمري خبيت ع بنوتي الحلوه دي حاجه . آرين : هزت راسها نو نو . وقعدت جنبه . وقلبها مبسوط . طيب قولى الاول خالو مراد كويس وجه معاك .

فهد : ايوه ياروحي اطمنى . ومتزعليش انا كنت راجع مرهق وصليت الفجر وجبتلك انتى واخوكي الحجات دي ودخلت نمت ع طول . آرين : ربعت رجليها بطفوليه . تعرف يابابي انا بجد مبسوطه اوى اوى . إن حضرتك رجعتلى بالسلامه . بجد بحس بالأمان ف وجودك . فهد : مسد ع شعرها . حبيبتي بابي طول عمره ف ضهرك وجمبك . ومبروك ياقلبى ع نجاحك . آرين : الله يبارك ف حضرتك . ع كدا بقى لما اخلص ثانوي ادخل حربيه وانا مستريحه .

رينو : جابت القهوه . اتفضل يا حبيبي. قهوتك . وانتى يالمضه اشربي اللبن . وبصت لفهد عقل بنتك عايزه تدخل حربيه . فهد : اخد القهوه . وهز راسه ليها ف نظره غامضه . وقال بخنقه متداريه . متقلقيش . آرين : اخدت اللبن . وبصت ل فهد بترجي . بابي هي ليه مامي معترضه ع الحربيه . فهد : بيشرب القهوه . وقال . لأن ده الطبيعي . خوفها عليكي . ده آمر طبيعي . تعرفي انا اول ما سمعتك دلوقتي وانتى بتقولى حربيه قلقت وخوفت عليكي .

آرين : ليه الخوف يا بابي . وفيها ايه انا عايزه اكون ظابط وكمان اكون قويه زي حضرتك . فهد : اخد نفس عميق واتنهد وقال. آرين . أولا الموضوع ده مرفوض . وانا ليا أسبابي . ثانيا اوعي تكوني مفكره إن شغل المخابرات سهل . لأ دا صعب جدا . وكله مخاطر . انا مش بقولك كدا عشان تخافى منه أو تخافي عليا .

انا كراجل اقدر أواجه اقدر احارب سواء ليل أو نهار . اقدر اسافر ف اي وقت ومع اي حد . لانى راجل . انما انتى بنت . وانتى عارفه إن ف حجات كتير جدا ممنوعه سواء ف الدين وف حكم فهد السيوفي . وانا عمري ما هسمح اني بنتى تسافر أو تتعرض للخطر . آرين : بدموع. بس انا حلمي اكون زي حضرتك وخالو مراد وكمان حلمي اكون زي آدم . انا لما شوفت آدم وهو بيضرب ف المجرمين امبارح . انا حبيت جدا اكون عندي كل الفنون دي . بابي ارجوك .

فهد : كشر عينيه. وقال آدم مراد . وشوفتيه امبارح . وضرب مين قدامك يا آرين . آرين : شهقت بصوت مهموس . ونزلت وشها ف الارض بخوف . فهد : بثبات انفعالي . رفع دقنها بايدو . ممكن ريبونزل حبيبة بابى تحكي كل حاجه حصلت امبارح . ولا ثقتها فيه قلت لما سافر وبعد عنها . آرين : بصت ليه بترجي . ثقتى ف حضرتك زى عمرى يابابى . بس وعد متزعلش منى وتسمعنى للآخر ارجوك . لاني ماليش زنب ف الل حصل . فهد : جواه بركان من نار . وحاول يجاهد نفسه .

وابتسم بتمثيل وهز رأسه. وعد. قول لي بقى إزاي خرجتم وليه؟ ومن أول أركان والدرة المشوي على الكورنيش لحد آدم...

آرين: بتوتر. حكيت كل حاجة لفهد. اللي بيتخيل خوف بنته وابنه اللي لسه 16 سنة، واتعرضوا لموقف زي ده. ورغم دفاع تيم إنها متدخلش القسم، ورغم ضرب آدم مراد لهم، إلا إن طبع حوت المخابرات زي ما هو. وكمان اكتسب خبرة على مدار السنين اللي فاتت إنه إزاي يكون عنده ثبات انفعالي ويفصل أحياناً. أنا بقول أحياناً. عن بيته وشغله. وغمض عينيه بغيظ كبير.

آرين: بس حضرتك وبعد ما خرجنا من السينما رجعنا على البيت على طول. وآدم وصلنا لحد هنا ورجع. لكن مامي متعرفش حاجة لأن آدم نبه علينا وكان خايف على مامي. لأنها كانت رافضة إننا نخرج. بس ماما مريم وبابا آدم. شافوا إن من حقنا نخرج شوية. عشان كلنا خارجين من امتحانات. سوري يا بابي. فهد: جواه شايط. ولكن التمس العذر لـ رينو. وقال بتمثيل. اممم تمام. أهم حاجة إن بنوتي بخير.

آرين: يس أنا كنت مبسوطة جداً جداً يا بابي. ودلوقتي أنا فرحاااانة أوووى. واترمت في حضنه بمرح. لأن بابي حبيبي رجعلي بالسلامة. فهد: غصب عنه ضحك بصمت. ومسد على شعرها بحنان. وأنا كمان فرحان عشان بنتي فرحانة. رينو: جت وشافتهم وابتسمت بحب. حبيبي يلا الفطار جاهز. فهد: طلع آرين من حضنه وباس جبينها وقام. وقرب من رينو. وباس خدها. افطروا انتوا أنا لازم أروح الجهاز حالا. رينو: كشرت عينيها. جهاز؟ ليه يا فهد؟

فهد: نسيت دليل مهم جداً. ولازم يتسلم. عشان متتاخدش جزء من القضية. ساعتين وراجع. وانتوا أفطروا وأجهزوا. أكون أنا خلصت مشواري وهروح عند ماما أسلم عليها. ونروح على آدم. وسابهم ودخل لبس بسرعة وأخد فونه وخرج. رينو: باستغراب. هو فيه إيه؟ آرين: بتنهيدة. بابي رافض كلية الحربية يا ماما. رينو: حبيبتي ده الصح. ويا ريت يا آرين تطلعي الموضوع ده من دماغك. أقولك أنا هخلي آدم يقنعك بنفسه. أهو في الكلية واسأليه وشوفي هيقولك إيه؟

آرين: امممم فكرة برضو. في نفس الوقت في فيلا العدوي. آدم مراد: أخد شاور. ولبس بنطلون أسود وتيشرت أسود. ونزل. وسلم عليهم. مراد: تعالى يا آدم اشرب المشروب بتاعك. يكون الفطار جهز. آدم مراد: شوية كدا. أنا هطلع أجري في الجنينة. بعد إذنكم. وخرج. شاهين: واقف. عوض: راح عنده بغيظ. اتفضل يا أخويا القهوة. شاهين: متشكر يا ريس عوض. عوض: بغيظ. العفو. شاهين: بعدم فهم. مالك يا ريس عوض. أنت شكلك مضايق من حاجة.

عوض: بتفكير. وقال. هش. وطّي صوتك. شاهين: بتعجب. أوطي صوتي؟ ليه يا ريس؟ فيه إيه؟ عوض: بهمس. اسكت أنت متعرفش حاجة خالص. شاهين: بعدم فهم. طيب فهمني. وبتتكلم كده ليه بصوت واطي. عوض: بدهاء. أصل أنا سمعت امبارح بالصدفة. وأنا ماشي كده في الجنينة. صوت حد مش معروف. بيقولوا إيه بقى.

. إني أقولك. سمعتهم بيقولوا كله كده تمام. كل الشجر اللي موجود في الجنينة اتركب عليه مايكروفونات وكاميرات مراقبة. ده غير الكاميرات اللي في كل مكان في الفيلا. وأجهزة الـ... التصـ... اسمها إيه؟ يا عوض. اسمها إيه. آه أجهزة التصنت. شاهين: كشر عينيه. تصنت؟ وضحك. آه أيوه أيوه تقصد أجهزة التصنت يا ريس عوض. عوض: أيوووه الله ينور عليك يا أبو المفهومية. وكمان سمعت إن فيه ناس من المخابرات مراقبة الفيلا هنا في سرية تامة.

. عشان لو حد بيراقب البيت أو ناوي يسرق أو يعمل أي حاجة كده ولا كده. هيقتلوه طوااااالي من غير أي حاجة سؤال. شاهين: يا سلام. المخابرات مرة واحدة يا ريس عوض؟ عوض: أنا قولتلك اللي سمعته. وأنت خليك في حالك. وامشي عدل يحتار عدوك فيك. سلامو عليكوو. شاهين: ضحك بصمت. وعليكم السلام يا ريس عوض. وشرب القهوة. وضحك أكتر. أجهزة التصنت. ههههه.

آدم مراد: بيجري في الجنينة. وحاطط السماعة في ودنه. وفونه رن. ووقف مكانه بينهج. ورد. عملت إيه؟ #: أبيض يا باشا. آدم مراد: هز رأسه. مستني الرسالة. #: تحت أمرك. آدم مراد: قفل. وبص على شاهين. وقال. لما نشوف. آخرة التوتر اللي في عينيك دي إيه. يا شاهين. وكمل جري. ووصلت الرسالة. وبعد كده دخل الفيلا. زينب: جابت الفوطة. اتفضل يا سي آدم بيه.

آدم مراد: هز رأسه ليها. شكراً يا داده. وأخد الفوطة وبينشف وشه. وبصلها بتحذير. ولسه هيقولها على ميادة. مراد: اتدخل بسرعة. وقال. آدم انجز بقى. جدك راح ع السفرة. وأنت عارف مبيحبش الانتظار. روحي أنتِ يا زينب. زينب: حاضر. ومشيت. آدم مراد: بلمحة ذكاء. أنت كلمتها. مراد: يا عم الموضوع تافه. البنت جديدة هنا ومتعرفش قوانين حضرتك. ممكن بقى تفرد بوز أمك ده. وتيجي تفطر. ولا أروح أنا. وأنت تاكل مع عوض.

آدم مراد: ضحك. لا طبعاً. وأنا أقدر ما أفطرش معاك يا بابا. مراد: أصيل يا ضنايا. يلا بينا. آدم مراد: راح وقعد جنب تالين. تالين: بابتسامة بريئة. صباح الخير يا أبيه. آدم مراد: ابتسم وباس راسها. صباح الجمال يا قلب أبيه. مريم: بابتسامة. اتفضل يا حبيبي العلاج وبالشفاء إن شاء الله. آدم: باس أيدها قدام الكل. تسلم إيدك يا روحي. .. بعد الفطار ..

آدم: دخل المكتب. مع مراد وحكاله تفاصيل المهمة كالعادة. وخرجوا وكلهم قاعدين مع بعض بشربوا القهوة في الليفنج. آدم: قاعد وجنبه مريم. وميرو. مراد: قاعد و تالين قاعدة على رجله بفرحة كبيرة. ومراد محتويها بسعادة كبيرة. وفريحة جنبه مبسوطة جداً. زين: قاعد وجنبه ريتال وليليان. آريان: قاعد وجنبه آدم مراد. زين: بعد إذنك يا حج. كنت عايز حضرتك في المكتب. آدم: هز رأسه تمام. وقام وقف. تعالى يا زين. ريتال: بهمس. زين هو فيه حاجة حصلت؟

زين: لا يا حبيبتي مفيش حاجة متقلقيش. واتحرك ورا آدم. آدم: دخل المكتب. وقعد على الكنبة. زين: قعد جنبه. آدم: ها يا زين. خير كنت عايز إيه؟ زين: بصراحة يا بابا. أنا طول الليل مش عارف أنام. بسبب زكي هيكل. وكنت بفكر إزاي أقضي عليه وأديله درس يفوقه ويعرف مين هو زين العدوي. وكمان بعدها يفكر مليون مرة قبل ما يخطّي خطوة واحدة ناحية مجموعة الإمبراطور بتاعت حضرتك. آدم: مط شفايفه. امممم. ووصلت لحاجة؟

زين: ابتسم بمكر. وبص لـ آدم وقاله. ده أنا ابنك يا حج. ومتعلم على إيدك. أيوه وصلت لخطّة. هي مش خطة بالمعنى بس هنلعب شوية مع هيكل. هزار يعني. آدم: سامعك.

زين: دلوقتي. هيكل كدب عليا في حوار المناقصة. يعني ظبط ملف كامل وكل سعر موجود في الملف ده وهمي. وقالي المناقصة قدامها 4 شهور وأكتر على الأقل. وقالي كمان إنه هيروح المناقصة لوحده بحيث إني مشغول في المجموعة وكده. وهو من باب الصداقة هيروح مكاني. أنا بقى هكمل مع هيكل عادي جداً. ولا كأني عرفت حاجة. وهو هيروح المناقصة مكاني وكل حاجة. آدم: كشر عينيه بتركيز. امممم. وبعدين؟

زين: قام وقف واتحرك كام خطوة لقدام. وقال. المناقصة دي لازم ترسي عليا يا حج. وهاخدها إن شاء الله. لكن مش باسمي أنا. آدم: فهم قصده. وابتسم. وهز رأسه. أنا معاك وكل ده جميل. لكن هيكل عارف كل أفراد المجموعة. وكمان الجبالي عارف أشرف عزيز وطارق وجاسر وكمان زياد. وهيكل عارف إن آريان مسك الإدارة تحت إشرافك وعارف اسم عزيز كويس. عشان يعني لو بتفكر تدخل الدكتور محمد. وكمان عيلة الصاوي والسيوفي. يعني المناقصة دي هتدخل باسم مين؟

زين: بص قدامه وقال بخبث. أنا عارف إن هيكل مدسوس معانا في الشركة عشان يعرف كل حاجة عننا وعن علاقتنا مع رجال الأعمال. لكن هيكل ما يعرفش. أهم واحد هيساعدني آخد المناقصة دي وأنا مستريح. آدم: تمام. خطتك إيه؟ زين: أنا هسلم الملف لهيكل وهيروح المناقصة وهيمشي في الإجراءات. وقبل تحديد المناقصة هيكون الشخص ده سابقة بخطوة. وحضرتك هتعمل حاجة صغيرة جداً. آدم: بإعجاب كبير. إيه هي؟

زين: هتسحب كل رصيدي في البنك. وقتها هيوصلني رسالة على حسابي الشخصي إن رصيدي صفر. وساعتها هقول لهيكل. أسف ما باليد حيلة يا صاحبي. وياخد الضربة من غير أي مجهود. ومن ناحية تانية المناقصة تبقى بين إيديا. آدم: هز رأسه. وابتسم بفخر من تفكير زين. وقال. هو مين الشخص ده يا زين؟ زين: بمكر. رعد الجوهري. بعد شوية. فهد: بغيظ مكتوم. العيال اللي آدم ضربهم امبارح موجودين في قسم إيه؟

مالك: قال جواه. ربنا يستر. احم. آه فاكرهم. لا يا عم أنت متقلقش خالص أنا هظبطهم. فهد: بحده. مالك أنا لو عايز أعرف هما فين؟ هعرف. بس أنا بختصر في الوقت. وكمل بغضب مكتوم. همااا فيييييين يامااااالك؟