رواية جيم اوڤر الفصل السادس 6 - بقلم ديدا الشهاوي

_اهدي بس ياشاكر _لاااا اهدي ازي انتي مش شايفه وشي بقي عامل ازي بسبب حضرتك _سببي انا انت نسيت ولا اي انت اللي ودتني المكان والناس دول _والله وانا اللي قولتلك اقومي تتزفتي ترقصي _والله انا قومت لما حضرتك سبتني ورحت تتكلم مع البنت المتسهوكه بتاعتك _بتاعتي متتكلمي عدل ست حسنا وبعدين ايه معني متسهوكه دي _يعني مايصه وبتتدلع علي حضرتك _حسنا لو مسكتيش هوريكي شغلك عشان جبت اخري منك ومن جدي ومن الدنيا كلها

_طبعا كلنا وحشين وست الحسن والجمال بتاعتك حلوه _يووووه انا قايم من وشك شاكر جه يقوم طبعا نضارته ضاعت في الزحمه ومعرفوش يلاقوها، خبط في التربيزه اللي في اوضتهم. _اااه رجلي.... رجلي... والله حرام اللي بيحصلي دا.. احنا لازم ننزل القاهره بقي حسنا فضلت تضحك على شاكر اللي بيمشي يتحسس في الاوضه لانه حرفيًا نظره ضعيف وشغال يخبط في كل حاجه بسبب عصبيته. _اقومي شوفيلي النضاره التانيه هتلاقيها في الشنطه _الله انت معاك وحده تانيه

_اه بس كنت ناسيها اقومي شوفيلي هي فين وقامت حسنا ورايحه ناحيه الشنطه، خبطت في شاكر اللي كان حرفيا شبه طه حسين بيتحسس المكان وممد ايده عشان مش شايف. حسنا خبطت في شاكر وفجأة وقعت في حضنه. _الله حسنا ايه اللي انا ماسكه دا ووقع في حضني _حسنا بحب وهيام انا ياشاكر

هنا شاكر بدأ يتحسس حسنا، وأول ما قالتله أنا سبها ووقعت في الأرض وهو كمل لغاية السرير عشان يقعد. لأن شاكر وحسنا في حضنه قلبه دق وريحتها كانت ماليه ايده وصدره واللي داخل أول ما شمها. أما حسنا: _اااي... كده ياشاكر _الله.. مخدتش بالي هو انتي شيفاني بشوف وبعدين واحده بواحده ياست هانم ولا نسيتي عملتك _والله شوف نفسك انت بقي وهنا حسنا رمت النظاره لشاكر، واللي بقى يتحسس السرير لغاية ملاقاها ولبسها.

_ياااااه النضاره دي نعمه ونعمه النظر دي نعمه... خلي بالك من نظرك ياحسنا النظر مهم _لااااياشيخ... تصدق عندك.حق النظر نعمه وأنا الصراحة معنديش نظر _ليه ياماما البسي نظاره عشان تشوفي كويس _اوووووف يامرارتي وفجأة موبايل شاكر رن، واللي بص عليه لاقاه جد شاكر. _استر يارب العجوز المتصابي بيرن _مين دا اللي بتقول عليه _جدك ياستي تلاقيه هبت معاه في فكرة قال يطبقها علينا

_متتكلمش عليه كده والا هقوله .. دا جدو دا قمر وحابوب وكل أصحابي بيموتوا عليه _ليه ياختي .براد بيت.. ولا أي _جدي أحسن منه... وطلعت حسنا لسانها لشاكر كوبه وهنا رد شاكر على جده: _صحيتكم يا كتاكيت _لا ياجدي صاحيين.. خير ياجدي _اي خير دي ولد... المفروض تقولي تؤمر يااجدي شاكر وهو بينفخ وماسك نفسه: _تؤمر يااجدي _جهزوا نفسكم ولاد عمتكم على وصووول اجهزوا وانزلوا _اي يااوقعة سوده أنا متحملكم لما أتحمل ولاد عمتي دوول

وهنا شاكر خلص المكالمة: _ياربي ياعني أنا عاوز أنزل القاهره عشان أجهز حاجتي وأغور من خلقكم .. ألاقيكم مكملين عليا حسنا بضحك وفرحانة في شاكر: _اهدي ياشاكر دول ولاد عمتك برضوا ولازم تحبهم _انتي حرة تستقبليهم تحبيهم أنا مالي _الله.. جايين يباركولنا _على اي يباركولي على الابكاس اللي باخدها كل شويه _اهدي ياشكوره وخليك كوووول _تصدقي انتي جبله وفعلا شاكر جهز هو وحسنا ونزلوا تحت، واللي لاقوا جدهم بيستقبل عمتهم واولادها.

وحسنا أول ما شافت عمتها: _حمدالله على السلامة ياعمتو نورتي الساحل _بنور العروسة القمر حبيبة عمتو وقلبها شاكر مكنش على علاقة كويسة بعمته بس حاول أنه يكون لطيف معاها وبضحكة صفرا: _حمد الله على السلامه ياعمتي نورتي _بنورك ياابن أخويا والف مبروك على الجواز _الله يبارك فيكي عقبال سليم وهنا سليم: _چاميييه مش هتجوز أنا خالص كفاية أنت يااشكوره وهنا شاكر اللي مكنش بيقبل ابن عمته نهائي عشان شايفه مدلع وتافه ومعندوش أي فكر،

مخه فاضي من الآخر: _اسمي شاكر ومحبش حد يقولي شكوره _ليه ياشكوره.... باردون يااشاكر... أنا بحب الكل يقولي ياااسولي _والله انت حر في اسمك وهنا حسنا تدخلت: _نانو القمر ساكتة ليه _بسمعكم... مبروك ياعروسة الجواز... وبعدين ملقتيش إلا.. شاكر وهنا شاكر اتعصب: _وماله شاكر يااا ياست ناديه _لا.... اسمي نانو أو إوعى تقولي ناديه.. اسمي نانو فاهم .. ناديه اسم مامي أنا نانو شاكر بص لعمته:

_جري إيه يااعمتي عيالك متبرية من أساميهم ليه _أصحابهم بقي ياشاكر وأنت عارف أنهم متربين بره مصر الجد كان سامع الحوار: _والله ياناديه يابنتي بتلخبط في أسامي عيالك سولي ونانو تحسي بندهة على رقصات في خماره _بابا أنت هتمسكني تريقة أنا وعيالي ولا أي _ياحببتي بهزر معاكي نورتي حبيبتي الساحل وهنا سولي بص لحسنا: _سونه أنت احلوتي أوي هما كل اللي بيتجوزوا يحلوا كده

حسنا.. كانت مبسوطة عشان لقت حد ياخد باله منها، لكن شاكر بقى يبص حواليه وبيتلفت حواليه وبص لسولي: _مين سونه دي _سونا دي حسنا أنت مش عارف دلعها ولا أي مش المفروض جوزها _والله يابني خدوني من الدار للنار وهنا حسنا بعصبية: _يعني إيه ياشاكر أنا نار 🔥 _شاكر لا والله نار 🔥 شعلل في قلبي لما قالولي هتجوزك مقدرتش استحمل سولي قطع كلام شاكر: _إيه دا ياشاكر أنت كده بتتغزل في عروستك اوووو نووووو

الجد قطع كلامهم، واللي كان باين له أنهم مش بيطيقوا بعض. هنا الجد قال: ولاد اطلعوا ارتاحوا في أوضكم عشان شوية وهنتغدى وننزل البحر. شاكر هنا: _تاني ياجدو بحر تاني _وتالت ياحبيبي أنتم عرايس ادلعوا واتمتعوا بشبابكم حسنا... إحنا ننزل دلوقتي وبعدين نطلع نرتاح ونتغدى الكل وافق وفعلا نزلوا البحر، وسولي كان البنات كلها بتعاكسه عشان كان مز، وكان بيعوم مع حسنا ونونا. الجد: هو أنت مش هتنزل البحر ولا إيه شاكر: لاماليش مزاج

شاكر خاف يقول لجده أنه مش بيعرف يعوم وأنه بيخاف من الميه والبخر. الجد: أقوم أسبح مع مراتك أنت... مش شايفها مع ابن عمتك أنت معندكش نخوة شاكر: مالها ياجدو ماهي مبسوطة أهو ومع ابن عمتها أنا مالي بقي الجد: أنا بقي مش مبسوط وأقوم ياشاكر بدل ما أغضب عليك شاكر: يوووه والله دا ظلم

شاكر قام وهو خايف وبيترعب من نزول الميه، بس هيعمل إيه. وأول ما رجله بدأت تلمس الميه بدأ يترعب ويرتعش. اتردد ورجع تاني مكانه على الشاطئ، لقى جده قاعد. الجد: هااااا انزل شوف مراتك شاكر نزل الميه وهو بيتشهد، واللي حسنا وسولي ونونا لاقوه راحوا عنده. حسنا: يلا ياشاكر تعالي أنت وسولي اتسبقوا شاكر: برعب بعدين ... بعدين وكل ما موج يجي كان شاكر بينط برعب. سولي: يلا ياشكوره تعالي ندخل جوا عند البراميل دي

شاكر: بص للبراميل دي لاقاها جوه البحر خالص... لاااا بلاش خليها بكرة. وشاكر بينط، كانت نانو تضحك عليه، واللي ضايق حسنا. وبدأوا يعوموا وشاكر واقف مكانه. سولي: واقف كده ليه شاكر: كده حلو وهنا سولي شد شاكر عشان يدخل معاه، ودخله بالعافية وهنا الموج على وبدأ شاكر يقع في الميه. شاكر: الحقوني بغرق سولي أنقذ شاكر وطلعوا من البحر وسولي بيضحك. سولي: ماتقول يااعم أنك مش بتعرف تعوم عشان أعلمك

شاكر: شكرا لما أحب أتعلم هبقى أقولك. وهنا بص لحسنا. أنا طالع أوضتي هتطلعي معايا حسنا: اه يلااا الكل طلع الأوض، وشاكر وحسنا طلعوا أوضهم. وشاكر كان هينفجر من الغيظ، وحسنا كانت مبسوطة أن أولاد عمتها جم هيسلوها. _إنسان تافه ودماغه فاضيه _مين دا _استاذ سولي _لا دا لطيف خالص وذوق وبيعرف يتعامل مع الأنثى _أنثى فين الأنثى حضرتك إذا كنت شاكك فيه يكون من مشروع ليلي اللي جده بيقول عليه _شاكر بلاش الكلام دا سولي ابن عمتنا متنساش

_كتك نيلة عليكي وعليه أنتم الاتنين دماغكوا فاضيه وبعد ساعات نزلوا الكل للمطعم عشان يتغدوا. واللي كان الجد عامل لهم وليمة للاحتفال برجوع بنته ناديه وأولادها من فرنسا 🇫🇷 سولي: واو وو إيه دا يااجدو كل دا عشانا الجد: طبعًا ياروح جدو... وهو إني أفديك الساعة أنكم معايا والكل بدأ الأكل والضحك والهزار بين نانو وسولي وحسنا. أما عمو شاكر كان ملتهي في طاجن ورق العنب والريش والفراخ المشوية أكلته المفضلة.

سولي: الجو هنا تحفة أوي والمزيكا خرافة تخلي الواحد يرقص من غير ما يحس شاكر: بصوت هامس لجده اللي كان قاعد جنبه.. إيه أخبار ليلي ومشروعها الجدو: إيه بتقول إيه معلش يااشكوره سمعي تقيل ياحبيبي شاكر: لا والله تقل دلوقتي سولي: مين هيجي يرقص معايا نونا: أنا أنا حسنا: وأنا كمان الجد شاكر: موجه كلامه لحسنا... اترزعي يابت جنب جوزك حسنا: عاوزة أرقص ياجدو الجد شاكر: قومي ارقصي مع جوزك شاكر: وهو مشغول في الأكل وخصوصا المحشي

مش بعرف ياجدو أرقص الجد: كتك القرف مش فالح غير في الأكل شاكر: الله ما أنت حلو أهو وبتسمع الجد: إيه بتقول إيه... قومي يابت ياحسنا ارقصي مع ولاد عمتك حسنا: الجد كان مقهور من خيبة حفيده اللي من صلبه، وحفيده التاني سولي اللي مقطع السمكة وديلها والبنات بتترمي حواليه. سولي كان بيرقص والبنات كلها عايزة ترقص معاه، لدرجة البست فضي لسولي وكان بيرقص بمهارة وخفة والناس كلها بتشجعه. سولي قلب المكان.

نادية: حبيبي يابني الله يحفظك، شايف يابابا سولي مجنن البنات. الجد: طبعًا، طبعًا، إذا كان مجنني أنا شخصيًا. وهنا بص لشاكر: هنخلص امتى من الطفح ده؟ شاكر: ليه يا جدي؟ الجد: شوف كده مراتك بتعمل إيه. وهنا شاكر بص على مكان البيست واتصدم لما لقى حسنا وسولي بيرقصوا مع بعض ديسكو، وصلصة، والكل بيشجعهم. شاكر: والله حرام، مش كل شوية أقوم أجيبها من رقصة شكل. الجد: أقوم أرقص مع مراتك أنت، مش بتغير عليها؟ أقوم ولا مش هيحصل طيب.

شاكر: أوووف، حاضر، أنا زهقت. وهنا شاكر قام، وطبعًا كان بيعدل في النضارة، كان خايف دي تتكسر كمان. وطلع على البيست، وخلع النضارة لحسن تضيع ولا تتكسر. ومشي شاكر وهو مش شايف حاجة، ومفكر إنه وصل لحسنا اللي كانت ناسيه الدنيا. شاكر: حسنا، خسنا، يلا نرقص. وهنا نانو. نانو: يلا نرقص. وأول ما مسك إيدها وبدأ يدبش ويشد نانو، والكل خد باله من شاكر إنه مش عارف يرقص وبقى يدوس على رجل نانو. نانو: ااه، خلي بالك يا شاكر.

شاكر: الله، ماهو الرقص حلو أهو. أنا سامع الكل بيسقف تسقيف أكتر من ساعة مارقصت. بس سابت، يا حسنا، صوتك اتغير كده ليه؟ وهو كان بيرقص، أقصد بيشلت الناس، بدأت تضحك عليه وتستهزأ منه. الجد: الله يكسفك يا شاكر، جرّستنا قدام الناس. نادية: هو شاكر بيعمل إيه؟ ألحقه يابابا، هيوقع البت. الجد: الله يحرقكم كلكم. شاكر كان شغال تشليت وهو مفكر إنه رقص. وهنا حسنا قربت من شاكر. حسنا: شاكر، كفاية، أنت مش شايف حاجة.

شاكر: ماهو أنا عملت حسابي وعيّنت النضارة، يلا كملي. الله، صوتك رجع تاني. حسنا: حاااسب يا شاكر. شاكر: ااااااخ، الحقيني يا حسنا. شاكر وقع، ونونا، والكل كان بيضحك عليهم. وقامت نونا بزعيق. نانو: يامتخلف، أنا اللي كنت برقص معاك. شاكر قام وجاب النضارة من جيبه وقام قرب لنونا. وضربها بالقلم، ونونا جرت على مامتها وجدها. سولي: يعني متخلف وعبيط، وكمان إيدك طويلة. وهنا سولي رد القلم لشاكر، والكل كان بيتفرج عليهم.

الجد بعصبية: يلااااا، كلنا هننزل القاهرة فورًا.