رواية حافية القدمين الفصل الثالث 3 - بقلم ياسمين علاء

تاني يوم. صحيت ولبست ترينج رياضي ونزلت أجري شوية. زي ما اتعودت. صبا كل تفكيرها إزاي هتعيش جاسم في وجع نفسي، بعد أما سببتله الوجع الجسدي. جاسم خرج من أوضته ووشه كان كله كدمات. قعد يشرب قهوة. ورقية الشغالة بصتله بصدمة. إزاي جاسم حد يعمل فيه كده ومن واحدة كمان. مش أي واحدة دي مراته. رجعت صبا من بره ووشها أحمر من الجري. جاسم أول أما شافها، بص لها: ادخلي يا صبا. صبا: ما أنا داخلة. ده بيتي ولا نسيت.

جاسم: منستيش. انتي اللي بعدتي الفترة اللي فاتت. صبا: قصدك هربت من عذابك. جاسم: أنا آسف على كل اللي عملته فيكي. صبا: تؤ. هعمل إيه بأسفك. جاسم: مكفكيش. اللي عملتيه فيا. صبا: أنت لسه شوفت حاجة. أنا هطلع على جتك القديم والجديد. جاسم: موافق. صبا رفعت حاجبها باستغراب: معندكش حل تاني. جاسم: لازم نصلح علاقتنا. صبا: ههههههههههه. أنت دمك بقى خفيف أوي.

جاسم: صبا، أنا دورت عليكي كتير عشان أعتذرلك، بس انتي اختفيتي. بعد شهر من الغيبوبة. صبا: أنت السبب في كل حاجة سيئة حصلت لي. جاسم: أنا كنت وقتها صغير ومغصوب على الجوازة دي. صبا: أنا كمان كنت زيك. كان فيه ألف طريقة غير الضرب والإهانة. جاسم: عارف. أنا غلطان. صبا: أنا بكرهك يا جاسم. جاسم الكلمة هزته من جواه. بص في عينيها مش شايف غير الكره فعلاً. بس هو عايز يصلح كل اللي حصل زمان.

أما صبا، فطلعت غرفتها ودخلت الحمام. خدت دش دافي وغيرت هدومها. بشيميز أسود وبنطلون جينز وعليه هايلز أسود. وصففت شعرها بعناية. ووضعت القليل من الميكاب. خدت شنطتها ونزلت تاني. كان هو لابس البدلة ونازل. شافها وأعجب بيها. بقت قوية بمعنى الكلمة. جاسم صفر. وصبا بصتله باحتقار. جاسم: رايحة فين أوصلك. صبا: هه. فين مفتاح عربيتك. جاسم: معايا. صبا: هاتها. عشان مجبتش معايا عربية. جاسم: تعالي أشتريلك واحدة.

صبا: تؤ. هاخد عربيتك. أنت مش بتحبها. جاسم افتكر أما كانت بترسم وياخد أدوات الرسم بتاعتها منها عشان هي كانت بتحب الرسم. أو لو قرأت كتاب كان بردو بياخده يرميه منها، عشان يضايقها وخلاص. جاسم: خدي المفتاح. بس كنت هجبلك واحدة جديدة. صبا شدت منه المفتاح: تؤ. بقشش على نفسك. جاسم: طيب ممكن توصليني في طريقك. صبا: اممم. ماشي. جاسم: كتر خيرك. صبا: قلبي أبيض. جاسم: انتي هتقولي. صبا: عندك اعتراض. جاسم رفع إيده باستسلام.

صبا ركبت العربية وساقته وهو ركب جنبها. صبا: على فين. جاسم: على """""". اشتري عربية. صبا: أحسن. أصلي عربيتك هتكسر. جاسم: إيه. وليه بقي. صبا: عشان أنت بتحبها. اتنهد وسكت. ساقت صبا على محل العربيات. لسه هتتحرك شافت كريمان صحبتها. نزلت وسلمت عليها. كريمان: مين. صبا ضحكت: أنا صبا يا غبية. كريمان باستغراب: صبا حسين. صبا: أيوه. كريمان حضنتها: إيه يا بنتي التغير ده معرفتكيش. صبا: كبرت بقى.

كريمان: كبرتي إيه. قولي احلويتي. إيه الحلوة دي. بقيتي مزة جامدة. قوليلي دخلتي جامعة إيه. صبا سكتت لأن جاسم مخلهاش تكمل تعليمها. جاسم كان متابع الحوار ولاحظ سكوت صبا. هي افتكرت كل محاولاتها في إقناعه إنها تكمل تعليمها، وهو كان بيضربها وترفض. الاتنين المشاهد بتعدي قدام عينيهم. جاسم: صبا. تعالي اختاري معايا العربية. كريمان قربت على صبا بهمس: مين المز ده. صبا: جوزي. كريمان غمزتلها: ليكي حق تحلوي. صبا: هه.

كريمان: همشي أنا. عشان متتأخريش على جوزك. وهنتقابل مرة تاني. صبا: أكيد. كريمان: ده رقمي. كلميني. كتبت كريمان رقمها على ورقة وادتها لها. صبا: أوك. جاسم في محاولة للكلام مع صبا: حلوة العربية دي. صبا: أنت هتصاحبني. جاسم: هصاحبك إيه. أنت مراتي. صبا: يا راجل لسه فاكر. جاسم: عمري ما نسيت ولا هنسى. صبا: أنت أقل من إنك تكون جوزي. أنا بقرف أصلًا أما بشوفك. جاسم كلماتها بتقطع فيه. بس دول كلامه هو وإهاناته. منطقش.

صبا ضحكت باستهزاء. ولبست نضارتها وركبت العربية ومشيت. جاسم واقف وهو بتبعد. جاسم: هصلح العلاقة. وهنرجع لبعض. عشان خاطر أدهم ابننا. صبا راحت المطعم لمقابلة صديق جاسم القديم. أو عدوه اللدود حاليًا. وهي تنوي تدميره. كما دمرها وقتل ابنها اللي هو عمران. عمران: صبا. انتي صبا. صبا: آه. اتغيرت أوي كده. عمران: اتغيرتي. انتي اتحولتي. صبا بثقة: لأقوى. عمران: وأجمل كمان. صبا: متحولش تعاكس. عشان متندمش.

عمران: مفتكرش واحدة بجمالك تعمل حاجة. صبا: لأ افتكر. أنت متعرفش صبا الجديدة ممكن تعمل إيه. عمران: أحب أعرف. صبا: عمران. أنا هنا عشان أتكلم في الشغل. عمران: أوك. متتعصبيش. صبا: قولتلي هتساعدني في انتقامي من جاسم. عمران: آه. بصي في صفقة جاسم داخل فيها. وانتي لو عرفتي تجيبلي الورق بتاعها. هنخسر جاسم خسارة كبيرة أوي. صبا: صفقة إيه. عمران: جاسم هياخد صفقة أدوية من شركة دنماركية. وأنا عايز الورق اللي يخص الصفقة دي.

صبا: تمام. عمران: هنتظر تليفونك ومعاكي الورق. صبا: أول أما أعرف مكان الورق هكلمك. عمران: اتفقنا. صبا: هقوم أنا. عمران: خليكي قاعدة شوية. صبا بصتله بتحذير ومشيت. خرجت صبا من المطعم وركبت عربيتها راحت للنادي. اتمرنت ملاكمة عشان تهدأ شوية. بالرغم الضرب اللي ضربته لجاسم لسه مش مرتاحة. هي كسبت جولة لسه بقيت المباراة. تمرنت لحد وقت متأخر وأعجب بها مدرب فريق الملاكمة وطلب منها الانضمام إلى الفريق النسائي. صبا: هفكر.

المدرب: ياريت توفقي. انتي مستواكي رائع. هزت راسها صبا. خرجت من النادي بعد أن بدلت ثيابها. عادت إلى البيت. كانت حاسة بتعب في صدرها بس ضغطت على نفسها. وصلت البيت. رقية: الأكل جاهز يا مدام. صبا: جاسم جهز. رقية: لسه. صبا: هطلع آخد دش وأنزل. رقية: ماشي. طلعت أوضتها و دخلت الحمام خدت دش. بدلت هدومها ببجامة بيتي شورت وبتفكر هتجيب الورق إزاي لعمران عشان تكمل انتقامها من جاسم. ومن التعب نامت.