رواية حامل ليلة الزفاف الفصل الخامس عشر 15 - بقلم فاطمة أبو جلاب

وتوقف يحيى أمام غرفة وقام بفتحها، ومن ثم أدخل أميرة وهو يقول: دلوقتي تقدري تفتحي عيونك. أميرة بأندهاش: إيه الجمال ده؟ يحيى: ده أوضتنا. كنت طلبت إنها تتجهز بالشكل ده عشان نقضي هنا شهر العسل. وعلى فكرة، أنا جبت كل حاجة بتحبيها. يعني هتلاقي كل شبابيك الأوضة بتبص على البحر. وكمان فيه عصافير ألوان في البلكونة. وكمان فيه ورد كتير. وانتِ بقي تعتني بكل ده. أميرة: انت لحقت تعمل كل ده امتى؟ وعرفت عني كل حاجة بحبها إزاي؟

إحنا يدوب اتخطبنا من خمس شهور بس، ومكنش بنتكلم كتير. ومحدش فينا كان عارف التاني كويس. يحيى: إحنا اتخطبنا من خمس شهور بس، أنا بحبك من سنين. عارفة يا أميرة، يوم ما طلبت إيدك وانتي عندك خمستاشر سنة ووالدتك رفضتني.

أنا قلت لها: أميرة هتكون ليا، وهنفذ كل طلباتها. لأنها قبل ما تكون زوجة ليا، كانت بنتي اللي ياما كنت بشوفها قدامي وهي بتلعب في شارعنا. وهي بتزرع ورد على سطح بيتها. وهي بتشتري آيس كريم من المحل اللي قدامنا. وهي بتخاف من الضلمة. وبتضحك وهي بتبكي. وهي بتغني للبحر، رغم إنها مشافتهوش قبل كده. عرفتي بقي يا أميرة أنا عرفت كل حاجة عنك إزاي؟ أميرة: مش قادرة أصدق إنك كل السنين دي بتحبني وأنا مخدتش بالي. يحيى:

عشان كنتي بتسمعي كلام اللي حواليكي. كنتي بتصدقي كلامهم لما يقولوا لك إن قد أخوكي ومنفعكيش. وإني أكبر منك بعشر سنين. وكنتي بتخافي مني لما تسمعي إني بقيت ظابط وهكون شديد ومعنديش مشاعر ومش هعرف أكون رومانسي زي أفلام الأميرات والفرسان اللي انتي بتحبي تتفرجي عليها. وسمعتي كلامهم إني معقد عشان والدتي اتوفت وأنا عندي عشر سنين، ووالدي سابني لعمتي واتجوز واحدة تانية ونسيني. كنتي بتشوفي الوحش بس. كنتي مصممة متديش لنفسك فرصة

تعرفيني. عشان كده مخدتيش بالك أنا بحبك قد إيه. ورجعت وطلبت إيدك أكتر من مرة بعد التخرج، وانتي رفضتيني. لحد ما اتفاجئت بأخوكي بيكلمني ويقول إنك موافقة إننا نتجوز. ورغم إنك محبتينيش طول فترة الخطوبة. إلا وأنا كنت بقول إنك بكرة تحبيني وتتعودي عليا. بس في الآخر عرفت إنتي اتجوزتيني ليه. عشان كده الأوضة ده من انهارده بتاعتك انتي وبس. خدي بالك من نفسك. أنا هنزل أفتح الباب لجلال ونمشي على الشغل. مع السلامة يا أميرة.

وترك يحيى أميرة بمفردها وهي تندب حظها، وألقت نفسها على السرير تبكي وهي تتألم من ظلم هذه الحياة لها. وعندما وصل يحيى وصديقه جلال إلى مقر العمل، تحدث جلال قائلاً: أهلاً بيك.