رواية حامل ليلة الزفاف الفصل الثاني عشر 12 - بقلم فاطمة أبو جلاب

أيمن: مش هسيبه لحد ما أعرف هو عمل إيه في أميرة. يحيى: سايبه يا أيمن، وهنعرف. ووقتها أقسم بالله ما هسيبه. وهنا أتت والدة أميرة وهي تقول: إيه اللي حصل يا أيمن؟ أنتم بتتخانقوا ليه؟ أميرة فيا إيه يا يحيى؟ يحيى: أميرة مفهاش حاجة، بس تعبانة شوية. ويلا عشان نطلع من هنا. وخرج يحيى وهو يضم أميرة وهي تبكي، وقام بمساعدتها في ركوب العربة. والدة أميرة: إيه اللي حصل لبنتي يا يحيى؟ ليه بتعيطي؟

يحيى: مفهاش حاجة يا أمي. إحنا هنتحرك عشان كده هتأخر على ميعادي لشغلي. والدة أميرة: يحيى بنتي أمانة معاك، خد بالك منها. يحيى: مش محتاجة توصيني على مراتي يا أم أميرة. ومتخافيش، أميرة جوه عيني. أيمن: خدوا بالكم من نفسكم، وأنا هعرف إيه سبب الخناقة ده وأقولك. يحيى: ماشي يا أيمن. يلا مع السلامة. وبعد رحيل أميرة ويحيى، خرج إسلام من الصيدلية وهو غاضب، ولم يوقفه كلام أيمن وهو يقول له: استنى يا إسلام. إسلام! إسلام!

والدة أميرة: هو إيه اللي حصل يا أيمن؟ هو أنت وإسلام متخانقين؟ أيمن: مفيش حاجة، أنا بس عايز أكلمه في موضوع. والدة أميرة: أنت رايح فين؟ أيمن: هروح أتكلم مع إسلام. والدة أميرة: امشي اطلع قدامي على البيت. أيمن: أطلع فين يا ماما؟ أنا عندي شغل ورايا ألف حاجة هعملها. والدة أميرة: مش هتعمل حاجة غير لما تحكيلي إيه اللي حصل في الصيدلية. أيمن: بقولك إيه يا ست الكل، إنتي مش هتعملي لنا غدا النهاردة.

والدة أميرة: هو مال الأكل واللي أنا بكلمك فيه؟ أيمن: أصل أنا جعان ومستني الغدا من الصبح. والدة أميرة: يا رب ارحمني من الواد ده. يا ابني احكيلي إيه اللي حصل. أيمن: هو إنتي مشغلاني عصفورة عندك يا ماما؟ والدة أميرة: أنت ولد قليل الأدب ومتربتش. أيمن: طيب خلاص متزعليش. بصي يا ماما، إنتي اطلعي جهزي الغدا، وإحنا بنتغدى هحكيلك إيه اللي حصل. والدة أميرة: ماشي يا طفس. يلا روح الصيدلية.

أيمن: ماشي يا ماما. وخدي بالك من نفسك وإنتي طالعة البيت، وأوعي حد يعاكسك. والدة أميرة: يلا يا واد على شغلك. أيمن: ماشي يا ماما. وذهب أيمن إلى الصيدلية، وعندما وجد تهاني مع تامر قال: الله يا نور يا دكتور تامر. إحنا بقى نقفل الصيدلية ونفتح كافتيريا عشان تقعد براحتك إنت والست هانم. تامر: إيه فيه إيه يا أيمن؟ هو إيه اللي حصل لكل ده؟ أيمن: لأ محصلش حاجة، بس أنا مبحبش الدلع في مكان الشغل.

تهاني: طيب بعد إذنكم أنا همشي عشان عندي بورفات هعملها على برنامجي الجديد. أيمن: إيه ده؟ هي تهاني اللي سقطت سنتين في إعلام هتقدم برنامج؟ تهاني: أيوه، هقدم نفس البرنامج اللي أختك كانت هتقدمه قبل ما تتخطب. أيمن: طيب مبروك، بس متنسيش إنك منجحتيش غير...