رواية حارة الباشا الفصل الحادي والثلاثون 31 - بقلم فيروز احمد

رواية حارة الباشا بقلم فيروز احمد برقت عينا مريم من الصدمة و المفاجأة سويا و تساءلت بعدم تصديق : _قبضتوا علي معتزز ؟ .. قبضتوا عليه ازاي ؟؟ ابتسم عمر بشدة و سعادة : _هحكيلك ... 》》 عودة بالاحداث للخلف قليلا .. بعد يومين من اليوم الذي عرف فيه عمر و نادين حقيقة ابوهم معتز .. جلس عمر مع نادين و قص عليها خطة علي الباشا و احتياجهم الي عمل تحليل DNA

و تواصل علي الباشا مع يوسف و ريانا و اشركهم في خطته علي أنهم من سيساعدونه من طرف معتز ! انتظرت ريانا مع نادين في بيت عمر .. و توجه يوسف الي البيت الذي يقيم فيه معتز ، دخل الي المنزل فقابل نصار والده الذي تهللت اساريره ما ان رآي ابنه : _يووسف !! .. مش مصدق عنيا انت عايش ! احتضنه سريعا لكن يوسف لم يبادله العناق و زجه بعيدا: _ايوة يا بابا عايش .. مين مفهمك اني ميت !!

_معتز من ساعة ما الشرطة طبت علي البيت اخر مرة و هو مفهمني انك ميت ! _لا يا بابا انا عايش و ريانا كمان عايشة .. و جاي اقابل معتز لأني خلاص قررت اني عايز اشتغل معاكم و بارادتي ، و عايز انزل معاك المستشفي ! اتسعت عينا نصار بعدم تصديق : _بجد يا يوسف ! .. بجدد خلاص قررت تشتغل معانا ده معتز هيتبسط اوووي !!! .... _لا مش هيحصل ! قالها معتز ببرود و هو ينظر ليوسف منذ ان اخبره انه يريد العمل معهم بارادته ..

تعجب نصار و سال بعدم فهم : _لا ليه يا معتز ، ده احنا كنا هنمووت و نخليهم يشتغلو معانا اذا كان هو و لا ريانا ! _ده كان زمان و بح .. خلص ، الواد ده بعد ما اتفق عليا مع ابن الباشا و هو بره حساباتي و شغلي و خليك عارف .. انا سايبه عايش بس علشان خاطرك ! _لا و الله كتر خيرك ! سخر بها نصار ، ليغضب معتز و يصرخ به : _ايوة كتررر خيري و نص كمان و ان كان مش عاجبك ..... و لا بلاش ! _لا قول يا معتز ! .. اذا كان مش عاجبني ايه ؟

هتقولي لا مفيش شغل زي ابني و لا ايه ! تنهد معتز و فرك مقدمة رأسه بالم من الصداع: _نصار انا مش قادر اتخانق .. انا مبأمنش لابنك و مش هشغله معانا ! _طب جربني و شوف ان كنت صادق و لا لا ! .. صدقني انا راجع ندمان ! رشف معتز من كوب القهوة امامه و نظر له بتفكير : _هعملك اختبار و صدقني لو طلعت بتلعب بديلك يا يوسف ! .. مش هسمي قبل ما اخلص عليك ! _متخفش صدقني مش هتندم !! ########################

بعد تلك المحادثة غادر يوسف المكتب ، ثم بعد دقائق دخلت خادمة تضع فنجان قهوة اخر لمعتز و ترفع الفارغ .. سار خلفها حتي المطبخ ثم ناداها : _بقووولك ايه ياااا .......... _يسرية يا بيه _بصي يا يسرية أنا بدور علي القميص الازرق بتاعي ، كنت سايبه في الاوضة فوق و مش لاقيه _مش انا و الله اللي بنضف الاوض يا بيه انا واقفة في المطبخ _طب ما تيجي تشوفيهولي انا مش لاقي حد خالص نظرت له بتفكير ثم اماءت :

_طب ثواني هدخل الفنجان ده و اجي معاك يا بيه _هاتي يا يسرية .. مش يسرية بردو ؟ ، هاتيه انا هدخله و اطلعي شوفيلي القميص ده بالنسبالي اهم علشان رايح مشوار ضروري _لا لا مينفعش يا بيه انا هدخله و ...... حينها صرخ عليها بعصبية : _هو ايييه انتي لسه هتقفي تجادليني .. بقولك اطلعي شوفيلي القميص حالا ، و هاتي الزفت ده .. اخلصي يلااا ! انتفضت فزعة من صراخه .. ناولته الكوب و ركضت الي اعلي حيث كانت غرفته لتبحث له عن القميص

اما هو فابتسم بمكر و اخرج كيسا اسود من جيبه ، وضع الفنجان في الكيس و صعد سريعا خلفها الي الغرفة ليصرفها منها ! .... ######################## بعد عدة ايام .. رن جرس الباب في شقة عمر ... فتحت نادين الباب فرأت يوسف فاسرعت بالنداء علي الاخري: _ريااانااا تعالي يوسف جه ! اتت ريانا مسرعة تستقبل يوسف ببسمة عذبة ، ابتسم لها بحب و قبل وجنتها برفق قبل ان يدخل للمنزل : _وحشتيني اوووي يا رينا ! _انت كمان وحشتني اوي يا يوسف !

ابتسما لبعضهما بحب شديد ، نظرت لهما نادين بفرحة و دخلت تنادي علي شقيقها ، دخلت غرفته فوجدته كالعادة منزوي علي نفسه كئيب الحال يغطي وجهه الحزن .. اقتربت منه و ربتت علي كتفه بحنان: _اللي واخد عقلك يا موري _مريم وحشتني اوي يا نادين ! تنهدت نادين بالم و ربتت علي كتفه : _معلش يا عمر قربنا نخلص من معتز .. هانت يا حبيبي ابتسم لها بسمة معذبة فبادلته باخري صافية قبل ان تهتف :

_اااه نسيت اقولك ، يوسف جه بره .. و فاتح واصله و هو و ريانا ايـــــــه عسل ،، بيحبو بعض اووي بجد يا عمر _يا ستي ربنا يهني سعيد بسعيده انا مالي .. اوعي اما اطلع اشوف عمل ايه ! ضحكت و تبعته للخارج ، حين خرج استغفر بصوت عالي و هو يري ريانا تجلس فوق قدمي يوسف و تحتضن رقبته يبدو انه كان يقبلها .. زفر بعنف و قال بقلة ذوق : _انا مش فاتح بيتي شقة مفروشة علي فكرة ! _حبيبتي يا عم انت مالك ! _عملت ايه يا روميو !

نهضت ريانا من علي قدمه فاخرج الفنجان من ثيابه و اعطاه لعمر قائلا : _عملت اللي عليا دوركم بقي و ياريت تخلصوا علشان معتز شاكك فيا و عاملي سين و جيم و هاريني مراقبة و مش مطمن لي عموما تنهد عمر بثقل و هتف بهدوء: _هانت يا يوسف كلها اسبوعين و نتيجة التحليل تطلع و نشوف ! ######################## في القسم التابع للمنطقة .. دخل علي الباشا الي مكتب احد الظباط الذي استقبله بحفاوة :

_اهلا اهلا بالباشا .. ازيك يا علي باشا نورت مكتبنا المتواضع ! سلم عليه علي و رحب به بحفاوة مماثلة : _ازيك انت يا حسام باشا عامل ايه .. و اللوا محمد عامل ايه _زي الفل و بيسلم عليك و الله ، اول لما عرف انك جايلي اتبسط ابتسم علي الباشا و قال : _ربنا يخليهولك يارب _ها قولي تشرب ايه بقي _فنجان قهوة مظبوطة ! اماء له و رفع سماعة الهاتف المتواجدة فوق مكتبه يقول : _يا عسكري هات اتنين قهوة مظبوطة علي مكتبي حالا ! اغلق

الهاتف ثم ربع يده و تساءل: _ها يا باشا قولي ايه اخبارك و كنت محتاجني في ايه ؟ _الصراحة يا حسام انا فيه قضية شغال عليها انا و عمر تخص معتز الدالي لو تسمع عنه _اسمع عنه طبعا ده مشهور جدا ، و مش عارفين نمسكه ! _مظبوط ، احنا داهمنا بيته من فترة بس قدر يهرب مننا ، لكن انا لقيت له ثغرة ! دخل العسكري يضع القهوة امامهم ثم انصرف باذن من حسام .. دقائق و تساءل حسام : _ثغرة ايه دي يا باشا !

_معتز كان ليه عشيقة اسمها .. اسمها نديم باين ، يوم المداهمة اتقبض عليها و انا عرفت انها هنا عندكم في القسم .. انا بقي عايز استجوبها و اقررها و اطلع بكل المعلومات اللي تعرفها عن معتز ! _اممم و الله فكرة هايله .. شوف عايز تستجوبها امتي و انا اجبهالك لحد عندك ! _لو ينفع تجيبها دلوقتي يا حسام لان انا مستعجل جدا ! استقام حسام من مكان و اماء له : _ماشي يا باشا زي ما تحب .. بعد اذنك ثواني !

قالها و خرج من المكتب يحضر له نديم ، دقائق و عاد و خلفه عسكري محتجز بيده نديم التي ما ان رأت علي الباشا حتي هجمت عليه بغضب: _انت .. انت سبب كل الذل و القرف و المرمطة اللي انا فيها دي ، هنتقم منك و هشرب من دمـــك قريب ! ازاح علي الباشا يدها و ابتسم ساخرا: _لو في حد سبب في اللي انتي فيه ده فهو معتز .. يعني المفروض تنتقمي منه هو مش مني انا _هنتقم منكم انتو الاتنين !!

_علي العموم انتي مش محتاجة تنتقمي مني انا لان انا مش عايز منك حاجه .. بس لو عايزة تنتقمي من معتز فانا عندي طريقة حلوة للانتقام و في نفس الوقت اوعدك لو عملتيها هخرجك زي الشعرة من العجينة .. ها قولتي ايه !! نظرت له مستفسرة بقلق ، تنحنح حسام و امر العسكري بفك وثاقها ثم قال لعلي الباشا: _طيب انا هستناك بره شوية يا باشا _تسلم يا حسام جلست نديم علي المقعد المقابل لعلي الباشا و سالته بلهفه: _طريقة ايه دي اللي تخرجني !!

_عايزك تقوليلي بالتفصيل كل حاجه تعرفيها عن معتز و شغله ! _ايوة بس انا اعرف كتييير ! _قوليلي تعرفي ايه ممكن يوديه لحبل المشنقة علي طول ! تصنعت التفكير ثم قالت بهدوء : _انا عارف اسم و مكان المستشفي اللي بيعملو فيها عملياتهم المشبوهه .. و اعرف كمان مكانهم السري اللي بيحتفظو فيه بشحنات الاسلحة و المخدرات ! _حلو اوي .. لو قولتلي علي الاماكن دي و قدرنا نمسك معتز و شهدتي ضده ف المحكمة ، اوعدك اني هخرجك !

_و انا ايه اللي يضمني انك مش هتاخد المعلومات و تبعني ! ضحك علي الباشا بسخرية و نظر لها ببرود هاتفا : _كده كده انتي عايشة هنا و ملكيش ضمنات في حاجه .. خدي كلمتي ضمان بدل ما تعيشي الباقي من عمرك هنا ، و لا ايه ؟؟ نظرت له بتفكير ثم تنهدت : _ماشي انا موافقة .. هقولك علي عنواين الاماكن دي ، و هشهد كمان ضد معتز في المحكمة .. بس هتخرجني ! ابتسم علي الباشا بشر و قال بهدوء : _هخرجك متقلقيش ! ##########################

ظهرت نتايج تحليل الحمض النووي .. عاد عمر الي بيته و هو يحمل النتيجة ، كان الجميع ينتظره ماعدا يوسف فتح الباب و دخل مكفهر الوجه علامات الكئآبة تظهر عليه .. نظرت له نادين و نفت برأها بألم هامسة : _قولي ان اللي بفكر فيه مش صح ! _صح يا نادين .. طلعنا ولاده فعلا ! اكفهر وجهها و انفجرت تبكي بمرارة علي حظها في ابيها ، ركضت ناحية غرفتها و اسرعت ريانا خلفها .. اما عمر فبقي ينظر لصاحبيه بأسي ربت علي الباشا

علي كتفه و اخبره بهدوء : _دي حاجه في مصلحتنا صدقني .. يوم ما نقبض علي معتز انت اكتر واحد هتكون فخور ، عمره ما كان و لا هكون اب ليكم .. انتو اغلي من انكم تبقو عيال الراجل ده ! تنهد عمر بقلة حيلة و اماء له ، رن جرس الباب ففتحه فارس .. دخل يوسف يبتسم بثقة و فخر و هتف بفرحة : _عرفتلكم معاد شحنة الاسلحة الجديدة هتبقي امتي !!! #########################

جلس علي الباشا في بهو بيت معتز ينظر حوله ببرود .. قدمت له الخادمة فنجان القهوة ،، دقائق و اتي معتز يسير ببرود يتساءل بتعجب : _ايه اللي حصل في الدنيا علشان ابن الباشا يجي لحد عندي من غير سلاح و لا عساكر ! ابتسم الباشا ساخرا و قال ببرود : _لا يا ابن الدالي المرة دي الخبر مش محتاج لا سلاح و لا عساكر ! _جاي بايه يا ابن الباشا اطلع باللي معاك ببرود القي علي الباشا ظرفا ابيض امام معتز علي الطاولة ،

امسك معتز الظرف و تساءل : _ايه ده ؟ _افتح و انت تشوف ! فتح معتز الظرف ، اخرج الاوراق التي فيه و قرأها بعناية قبل ان تنال منه صدمة غير مسبوقة و يصرخ : _يعني ايه الكلام ده ! .. انتو مزورين النتايج دي ! .. اكيد مزورينها هتجيبو عينة ال DNA بتاعتي منين !!! _انا ادتهالهم يا معتز قالها يوسف الذي اتي من خلفه ، نظر له معتز باعين متسعة غير مصدق و صرخ بفزع: _لا مش ممكن انتو اكييييد اتجننتوا هما مين دول اللي عيالي !!

.. عيالي ماتو من زمان ، عيالي ماتو اااه مااتو ! استقام الباشا و اقترب منه بهدوء ثم قال له ببرود: _كونك مش مصدق ده مش معناه انه مش حقيقي .. للاسف اكتشفنا كلنا متاخر ان نادين و عمر عيالك ، نادين اللي انت كنت بتعمل فيها ........ و لا بلاش انت أدري كنت بتعمل فيها ايه ! _مش ممكن اللي انت بتقوله ده .. نادين بنتي ازاي ! .. ازاي مخدتش بالي ازاي عملت فيها كده ! .... ازاي !

ابتسم علي الباشا لوصوله الي هدفه ، اشار بعينيه ليوسف ثم ربت علي كتف معتز و قال بفحيح : _اسيبك بقي تستوعب الصدمة براحتك .. لكن خليك عارف انك حتي لو استوعبتها عمرك ما هتطول شعره من شعر نادين او عمر !!! قالها و انصرف بعدما تاكد من انصراف يوسف دون ان يدركه معتز ، خرج فوجد يوسف ينتظره عند السيارة ، ابتسم بفخر و تنهد بثقل : _اخيــــرا يا يوسف فاضلنا خطوة صغيره !

.. دلوقتي معتز مشتت ، و العملية الجاية هيبقي سهل نمسكه فيها لانه اصلا مش في وعيه !! _يارب تعرفوا تمسكوه يا باشا لان انا خلاااص ، اتهريت ! ضحك علي بشدة و ابتسم يوسف براحه ، ثم ادار محرك السيارة و انطلق سريعا من امام منزل معتز !! ######################### قسم علي الباشا مع عمر و فارس فرقتين للامساك بشحنة معتز .. كان من المفترض ان معتز سيكون علي راس هذه الشحنة و يستقبلها في الميناء

اخذ علي الباشا و عمر مجموعة من الظباط و اتجهو للميناء ، و المجموعة الاخري كانت مع فارس اتجهت الي مستشفي نصار حيث اخبرتهم نديم للقبض علي العصابة هناك ! و جاءت اخيرا اللحظة الحاسمة ! ... وقف معتز علي راس السفينة يتأكد من الشحنة و عددها و مرورها و عقله ليس فيه ، لا يزال يفكر في مفاجأة اولاده التي صدم بها منذ ايام ...

تأكد من ان كل شيئ يخص الشحنة متكمل ، كان ينزل من السفينة ليتفاجئ باقتحام الشرطة و الظباط السفينة مع تفتيشهم لكل اركان السفينه صرخ بصدمة : _ايــه اللي بيحصل هنا ده .. مين دول !! خرج علي الباشا علي رأس السفينه و ضحك بانتصار: _و الله زمن يا معتز .. اخيرا يا راجل ! _انت .. انت .. انا هقتلك ! اسرع بامساك سلاح و وجهه ناحية علي الباشا ، و لكن اتاه سلاح في مؤخرة رأسه و عمر يقول بصوت مرعب:

_ارمي سلاحك بدل ما هفرغ سلاحي في راسك ! القي معتز سريعا سلاحه و التفت ينظر لعمر بشوق و عيناه تدمع : _عمر أنا .... _و لا كلمة سلم نفسك بهدوء احسن لك ! _مش هيحصل انتو مش هتقبضوا علياا .. انا ابوك يا عمر ايه مش عارفني !! ضحك عمر ملئ فمهه و وجهه السلاح لصدره قائلا بصراخ : _انا مليش اب .. انا يتيم و عايش طول عمري لاختي و بس !! رصاصة خرجت من سلاح عمر استقرت في منتصف صدره .. نظر لابيه البيولوجي بنظرة منعدمة

و صماء ثم هتف ببرود : _هنقبض عليه يا معتز و هنعدمك كمان في ميدان عام ، انت متستحقش يبقي عندك عيال زينا انا و نادين .. و احنا عمرنا ما هنعترف بيك و لا بوجودك ، انا ابويا مات .. مات من زمان اوووي !! ثم ارتفع صوته و صرخ بقوة : _يااا عسكرررري .. اقبض لي علي الراجل ده ، انا عايزه حي !

تم القبض علي معتز و كل من كان معه علي السفينة ، و كذالك القي فارس القبض علي نصار و كل الطاقم الطبي الاجرامي في تلك المشفي اللعينة التي تتاجر بارواح الناس !!!! 》》 عودة للوقت الحالي ... _بس يا ستي و اخيرا قبضتا علي معتز و عصابته و كابوسه انزاح من علي قلوبنا كلنا !! دمعت عينا مريم بألم ، اقتربت من عمر و نظرت في عينيه ثم سألته بحزن : _عمر انت متأكد انك كويس ؟ .. انت مش مبسوط بالقبض علي معتز صح ! تنهد عمر و نكس رأسه

ينظر لقبضة يده ثم قال : _انا قبضت عليه بايديا دي يا مريم ، حطيته في السجن بايديا و هوصله لحبل المشنقة بايديا بردو ! .. انا عمري ما كان ليا اب زيه ، انا بكرهه و هفضل اكرهه عمري كله ، و لو غضبان علي حاجه فانا غضبان اني عرفت في يوم أني ابقي ابنه ! ابتسم مريم بحنان و امسكت بوجهه ترفعه نحوها لينظر لها .. دمعت عيناها و همست له بحب: _انا فخورة بيك ، و عارفة ان لا معتز و لا غيره يقدروا يهزوك و لا يهزموك !

_و أنا بحبك .. سامحيني يا مريم انا مكنتش مستحمل الصدمة و قلت كلام مكنش ينفع اقوله ! عبست بشدة و دمعت عيناها و همست له بحزن : _بس انت طلقتني يا عمر !! _رديتك يا روح عمر ، هو انا اقدر اعيش من غيرك بردو .. يا شيخه ده انا مصدقت اخوكي رضي علينا و هنتجوز !! ضحكت مريم و نظرت له بحب : _أنا بحبك .. اوعي تعمل فيا كده تاني ، و مهما مهما حصل اوعي تجيب كلمة الطلاق دي بنا تاني !

امسك عمر يدها و قبل ظهرها برفق ، ثم قبل وجنتيها بحنان و بعدهم لثم شفتيها برقة و حب هامسا : _حقك عليا .. اوعدك مش هعمل كده تاني ، مليش غيرك في الدنيا دي بجد ! اخجلت مريم بشدة و احمر وجهها اثر قبلاته و حديثه .. ابتعد عنها عمر بسعادة ، وضع الورد بين يديها و قال بحب: _بصي بقي احلي ورد لأحلي ورده ، و بصي جبتلك ايه !

وضع امامها صندوق هدايا كبير فبدأت بفتحه و اخراج ما به من هدايا و حلوي سعيدة و قد طار قلبها فرحا من اهتمامه بها في معرض الدبسي للأثاث .. كان المعلم الدبسي يجلس كعادته يحتسي الشيشة الخاصة به بهدوء اتاه احد صبيانه يركض يصرخ بفزع: _الحق يا معلم دبسي .. الحكومة طبت علي مخزن البودرة ،، روحنا في داهية يا معلم .. روحنا في داااهية