رواية حارسي العزيز الفصل السابع 7 - بقلم ولاء

هاجر: ياماما قومي علشان تأكلي، انتي من يومين مأكلتيش. أمنه: أنا عاوزه ابني، مش عاوزه أكل، أنا عاوزه ابني في حضني، مش ممكن يروح زي ما أبوكي راح مني، اااه ياقلبي عليك ياصقر يابني. هاجر تبكي على كلام أمها وتحضنها. (منزل الوزير) ساميه: راحه فين يازينه ع الصبح كده؟ زينه: هروح المستشفى أطمّن ع صقر. محمود: زينه مافيش خروج من البيت خالص، انتي فاهمه؟

زينه: أنا مش هقدر أسيب صقر في الظروف دي يابابا، انت عارف هو عمل كل ده علشان مين. محمود: علشان شغله يا زينه، أوعي تنسي إن ده شغل صقر ووارد إن يحصل فيه أكتر من كده. زينه: بس يابابا. محمود: مافيش بابا، الموضوع خلص، ع الأوضة بتاعتك لو سمحتي. تطلع زينه غرفتها. ويدخل محمود المكتب ويمسك الهاتف. محمود: الو؟ محمود: إيه رأيك ياباشا، عملت كل اللي قولتي عليه. محمود: أنت غبي، أنا مش قولتلك أقتل صقر؟

: ملحقتش ياباشا، وكمان دا بين الحياة والموت، يعني رجل برا ورجل جوا. محمود: الموضوع ده يتقفل في أقرب وقت، أنت سمعت؟ : حاضر ياباشا. (في المستشفى) ياسين: يعني إيه ماينفعش أدخل؟ الممرضة: يعني زي ماقولت لحضرتك، دي تعليمات الدكتور، ممنوع دخول أي حد ع الحالة. ياسين: بقولك عاوز أدخل أطمّن ع أخويا، تقوليلي لا، هو فين الدكتور ده؟ الممرضة: تقدر حضرتك تسأل عليه في الاستقبال.

ياسين: أنا هروح لمدير المخروبة دي أشوف إزاي مقدرش أشوف ابن عمي. هاتف ياسين يرن. ياسين: الو. ياسين: يا أحمد في إيه؟ مش وقتك خالص. أحمد: بسرعة يا ياسين، اتحرك من مكانك. ياسين: في إيه؟ أحمد: حازم اتقتل في السجن قبل الحكم عليه، وعاوزينك تغطي الخبر. يغلق ياسين الهاتف ويذهب. (منزل الوزير) ساميه: لا حول ولا قوة إلا بالله، اتقتل في السجن إزاي بس.

زينه: ماما أنا حاسة إن فيه حاجة غلط بتحصل، الموضوع أكبر من كده بكتير، أنا خايفة حد يروح لصقر المستشفى يعمل فيه حاجة، أنا لازم أمشي. ساميه: هتروحي فين يا زينه؟ بابا لو رجع وإنتي مش في البيت هتكون مصيبة. زينه: مقدرش أقعد أكتر من كده، أنا لازم أعرف إيه اللي بيحصل ياماما، عن إذنك. زينه تأخذ مفاتيح السيارة وتخرج. ساميه: يا زينه استني، استني عشان خاطري. (في المستشفى في غرفة صقر) صقر: اتقتل إزاي؟

فين الحراس اللي جنبه يافندم؟ منصور: أنا كنت متوقع حاجة زي دي تحصل، بس مكنتش عارف إن هي هتحصل بسرعة كده، المهم دلوقتي أكيد محمود العفيفي هيبعت حد يقتلك قريب جدا، عاوزك تخلي بالك كويس أوي، أنا حطيتك في المكان ده علشان عارف إن إنت قدها يا صقر. صقر: طيب والدكتورة زينه؟

منصور: زينه برا الموضوع خالص، محمود اتخلص منهم بطريقته علشان يطلع هو الطيب، ولما عرف إنك قربت من الطريق حاول يقتلك، المهم دلوقتي إن إحنا عاوزين دليل قاطع ع محمود العفيفي علشان نعرف نقبض عليه. زينه بصدمة وذعر: بابا؟ بتقول بابا؟ صقر: زينه؟