رواية حارسي العزيز الفصل الثامن 8 - بقلم ولاء

زينه... بابا انت بتقول بابا. صقر... زينه إيه اللي دخلك هنا. يروح صقر عند زينه ويمسكها من إيدها. صقر... اسمعي يا زينه. زينه... اسمع إيه؟ اسمع إن أبويه هو السبب في كل ده. أكيد إنت كداب. إنت عارف يعني إيه محمود عفيفي في البلد؟ منصور... أبوكي مش زي ما إنتي فاكرة يا دكتورة زينه. أبوكي أكل مال البلد والغلابة. زينه... اخرس. أنا والدي أنضف من أمثالك. صقر... زينه افهمي كويس. إنتي بتتكلمي من غير عقلك. زينه...

مرة واحدة تضرب صقر بالقلم على وشه جامد. زينه... لو جبت سيرة والدي تاني على لسانك مش هرحمك. إنت فاهم؟ وتسيب صقر وهو واقف وتمشي. منصور... زينه كده خطر علينا. أنا هطلب من حد يتصرف. صقر... لا يا فندم. زينه فاهمه هي بتعمل إيه. صدقني هي لوحدها هتفهم كل حاجة ومش هتقدر تتكلم. زينه تخرج من المستشفى ومش قادرة تتكلم ولا تتنفس من اللي سمعته. تحدث نفسها وتقول: زينه... يعني إيه؟ يعني كل ده وأنا بنت حرامي؟ وزير حرامي؟ إزاي طيب؟

وأمي لو عرفت حاجة زي دي هيحصلها إيه؟ طيب ومستقبلي المهني خلاص ضاع؟ كل سنين الشغل دي والعمل ضاع عشان أبويا حرامي؟ طيب وفضحتنا قدام الناس والمجتمع؟ الناس هتقول إيه؟ كانت عالمة آثار عشان يسرقها ويبيعها بره البلد؟ لا لا كل ده غلط. مافيش حاجة صح. كل ده غلط. ولسه بتتكلم تيجي عربية سودا تاخدها بسرعة وتمشي. زينه... سيبوني. إنتوا مين؟ ابعدوا عني. ولسه بتتكلم حد يخبطها على رأسها تفقد الوعي. (منزل الوزير) محمود...

خليهم يحضروا العشاء يا ساميه. مالك يا ساميه بتعيطي ليه؟ فيه إيه؟ ساميه... تقول لمحمود اللي حصل بينها وبين زينه. محمود... وهي فين دلوقتي؟ ساميه... مش عارفة. تليفونها مقفول ومعرفش أي حاجة عنها. محمود... طيب روحي إنتي دلوقتي وأنا هتصرف. ساميه... أنا عاوزة بنتي. عاوزة أطمن عليها. محمود... قولتلك أنا هتصرف. امشي من قدامي دلوقتي. يأخذ محمود العربية ويطلع على المستشفى. الدكتور... معالي الوزير نورت المستشفى كلها والله.

محمود... صقر فين؟ الدكتور... صقر تحت الرعاية والأجهزة. مش عاوز حضرتك تقلق خالص. محمود... طيب أنا عاوز أدخله. الدكتور... خير؟ فيه حاجة؟ محمود... لا بس عاوز أشوف وأطمن عليه. دكتور... طيب اتفضل على المكتب نشرب حاجة الأول وبعدين نروح العناية. وبعد ما محمود يدخل للدكتور. الدكتور... يحدث الممرضة من برا الغرفة بسرعة. روحي اعملي اللي قولته لك عليه. محمود... هي زينه جت النهارده هنا يا دكتور؟ الدكتور...

على ما أظن لا. مشوفتش دكتورة زينه النهارده خالص. محمود... طيب أنا أقدر أشوف صقر دلوقتي؟ الدكتور... أيوه طبعًا. اتفضل معايا. يدخل محمود لـ صقر العناية ويتركه الدكتور لوحده. محمود يقعد على الكرسي ويقول: محمود... قوم يا صقر كلمني. أنا عارف إنك صاحي. بلاش المسرحية المكشوفة دي. صقر... سامع بس متحركش من مكانه. محمود... بلاش لف ودوران يا صقر. بقولك قوم كلمني. أنا عاوز أعرف بنتي فين. صقر... زينه حصل إيه لـ زينه؟ محمود...

يعني إنت مش عارف زينه فين؟ صقر... لا معرفش. يقوم محمود عشان يمشي. يسمكه فيه صقر بشدة. صقر... زينه فين؟ إيه اللي حصل؟ قولي. محمود... زينه مرجعتش البيت لحد دلوقتي والفون بتاعها مقفول. إنت عارف يا صقر لو دي تمثيلية قذرة من بتاعتكم أنا مش هرحمكم. ويشد أيده ويمشي. صقر... يطلع تليفونه بسرعة ويكلم الرائد منصور ويحكيله اللي حصل. صقر... يعني إيه اختفت؟ منصور... صقر إحنا مش فاضيين للموضوع ده. مش عاوزك تشغل بالك بـ زينه دلوقتي.

محمود أكيد مش هيأجل الصفقة بتاعت آخر مرة. ودي فرصتنا الأخيرة. ارجوك بلاش تضيع منك. صقر... يا فندم زينه ممكن تكون في خطر. منصور... أنا قولتلك ملكش دعوة بالموضوع ده. خليك في شغلك. سلام. (في مكتب الرائد منصور) منصور... أنا آسف يا دكتورة زينه. كان لازم أعمل كده. زينه... كان لازم تخبطني على راسي وتجرجرني هنا؟ منصور... لازم. عشان لما الفيديو يروح لأبوكي محمود عفيفي يصدق إنك في خطر.

صدقيني كل ده لمصلحتك ولمصلحة أبوكي. أنا عاوز أنقذ الموقف ولازم كل واحد ياخد عقابه. إنتي دكتورة وفاهمة كويس. زينه... متردش عليه وعيونها تدمع من كتر اللي هي فيه.