رواية حازم و ريم الفصل الحادي عشر 11 - بقلم وهج ابراهيم

زقته بسرعة وراحت على أوضتها. اتمدت على سريرها بتعيط. وهو مسح وشه بضيق وبيبص لأثرها. بعد يومين. أم حازم: الكلام اللي قاله حازم صحيح يا بنتي. ريم: يا خالتي، أنتِ بجد عايزة تفركشي الجوازة خلاص؟ أم حازم: ريم عيطت: حازم بيخوني. أم حازم بضيق: هو قال كان سوء فهم بس. ريم: يا خالتي، أنا شيفاه بعنيا. أم حازم: يعني أنتِ مش عايزة حازم خلاص؟ ريم: ... أم حازم بابتسامة: يا عبيطة، أنا فاهماكي أساسًا. أنتِ عايزة تعاقبيه مش كده؟

ريم: بس هو مبيحسش. جبلة. بعد عنكبـ... أم حازم: ضحكته مبتحلش. ده متجنن بقاله يومين. عايز بس يفتح أي حوار معاكي، وأنتِ مطنشاه. أم حازم: يستاهل. خليه عليه شوية. ريم: لا، لازم يتأدب الأول. دخل حازم عليهم. وباس راس أمه وبص ليها وقال: حازم: النهاردة فرح صاحبي. أصر إنكم تحضروا. أم حازم: والله يا ابني أنا مش هعرف أروح. تعبانة ومش حمل سهر وأفراح. خد ريم وروحوا أنتم بدل قعدتها بالبيت طول اليوم.

أم حازم: لسه هتعتذر، غمزتها خلتها إنها لازم تروح. ومتكلمتش. حازم: طيب، هاخد شور لحد ما تجهزي. بس متتأخريش. وراح أوضته. ريم: أنتِ عملتي إيه؟ أنا مش هروح معاه أي حتة. أم حازم: يا عبيطة، لازم تروحي عشان تفضلوا مع بعض ويتلحلح شوية. وأنتِ ادخلي ظبطي روحك واجهزي. عايزة أخليكي تجننيه. ريم: تفتكري كده؟

أم حازم: أيوااا. يلا بسرعة قبل ما يطلع ومتلحقيش تعملي حاجة. اختاري فستان حلووو كده من اللي اشتريناهم عشان جهازك. الأحمر ده هياكل منك حتة. ريم بسعادة: ماشي. وراحت جري على أوضتها. عند مي. أم أحمد: مالك يا بنتي؟ خايفة من إيه بس؟ مي: مفيش. بس أنا متوترة شوية. أم أحمد: عادي، ده بيحصل لكل البنات. بس أحمد مش هيخليكي تخافي. أنتِ عارفاه. مي بكسوف وتكلم نفسها: منا عشان عارفاه خايفة. عند ريم.

خرجت ريم لابسة فستان أحمر وكعب عالي شوية وحاطة ميكاب كامل. وطلعت تجنن، تخطف العقل. أول ما خرجت فضل متنح فيها ومن جماله لحد ما سمع صوتها الهادي. ريم: مش هنمشي؟ حازم: نعمممم؟ ريم ببرأة مصطنعة: هنتأخر كده. حازم: مانتِ ظريفة. أنتِ عايزة تروحي الفرح كده؟ ريم: ماله؟ مش حلوة؟ يا عمتو. وهي بتلف على نفسها. أم حازم: تجنني يا حبيبتي، زي القمر. حازم بغيظ: قمر إيه وزفت إيه. اتفضلي غيري أي فستان وشيلي القرف اللي على وشك ده.

ريم: ليه بقى؟ أنا بقالي ساعة بعمله. بعدين إحنا رايحين فرح مش مأتم. حازم بحدة: رييييم. ريم: أنا هروح كده. مش عاجبك براحتك. حازم: طيب. وشدها على أوضتها وقفل الباب بالمفتاح. ريم بخوف: أنت بتعمل إيه؟ حازم وهو بيقرب منها: هتعرفي دلوقتي. ويتبع.