رواية حب عبر السوشيال ميديا الفصل العاشر 10 - بقلم نورا محمد

فى يوم جديد يحمل المفاجأت للجميع. على السفره كانت تجلس اريج بجوارها يوسف وفى المقابل نوران ومكه ومحمد يترأس السفره وأمه من الناحيه المقابله له. محمد كان مركز مع اريج وهي لا تعطيه أي أهمية. ولكن توجد عين تراقب محمد وهي نوران. أما مكه كانت تنظر ليوسف وهو لا يبالي. مكه بخبث: أبيه محمد ممكن أروح الجامعه؟ يوسف بغضب: أنا رايح الشركه. مامت محمد: كمل فطارك الأول. يوسف باس أيدها: مليش نفس، يلا يا اريج.

محمد بذهول: اريج هتروح فين؟ يوسف بهدوء: اريج عايزة تشتغل وأنا اقترحت عليها تشتغل فى الشركه بتاعتنا. محمد خبط على السفره وقام: وانت وهي قررتوا من نفسكوا؟ هي ملهاش جوز تسألوا ولا أنا إيه بالظبط؟ يوسف ببرود: وانت متضايق ليه؟ دي هتشتغل فى شركتنا يعني هتكون تحت عينك، ثانيا تغير جو. محمد بصوت عالى: وإن قولت لأ. اريج بستهزاء: عادي، بس هشتغل فى مكان تاني. محمد كور أيده بغضب واتجه لاريج ولكن وقف فى وشه يوسف.

يوسف بهدوء: متكبرش الموضوع يا محمد، خليها تشتغل علشان خاطري. نوران بخبث: خلاص يا محمد، سيبها على راحتها، اريج شاطرة جدا. يوسف بسخريه: أهي قالتلك، يلا يا اريج. مامت محمد بقهر: أنا مش عارفه انت عصبي زيادة عن اللزوم ليه. وسابته وراحت اوضته. نوران حطت أيدها على كتفه: متزعلش علشان خاطري. محمد تجاهلها واتنهد: مكه يلا علشان أوصلك لجامعة. مكه بزعل: غيرت راي، حاسة إني تعبانة. محمد بحنيه: تحبي أجيبلك دكتور؟

مكه: لأ، أنا هطلع أرتاح. عايز حاجة يا أبيه؟ وطلعت. نوران قربت من محمد: متتعصبش على حاجة متستاهلش. نوران وهي بتحضنه من ضهره: أنت تستاهل واحدة تحبك وتسمع كلامك زي أنا بحبك. محمد بتهرب: أنا ماشي، عندي شغل. ومشي قبل ما ترد. فى مكتب يوسف. يوسف: هتبقي سكرتيرة بتاعتي، تمام؟ اريج بسرحان: بتقول حاجة؟ يوسف: أبدا، شرحتلك شغلك ومكانك، بس انتي مش معايا. اريج بحرج: آسفة يا يوسف.

يوسف بمرح: انتي أختي الكبيرة ومتخافيش، هجبهولك تحت رجلك بس انتي متحنيش. اريج اكتفت بهز رأسها. يوسف بحزم: يلا على مكتبك، دا مكان أكل عيش. اريج راحت مكتبها. يوسف وضع أيده على رأسه يفكر فى تلك الشقيه. محمد خرج وركب عربيته وساق وهو متعصب والغيرة بتنهش فيه وهو بيغير عليها وهي معاه. مكه فى نفسها: ممكن يتعصب عليا إني خرجت من غير إذنه، بس أنا لازم أصلحه. فاقت من شروده على صوت. مكه: أنت هنا؟ مكه: ه هو أنت.

مصطفي: كويس إنك فكراني. مكه: ه هو أنت هنا بتعمل إيه؟ مصطفي: أخويا هنا بيعمل اتفاق شراكة مع الشركه دي وأنا قولت آخد جولة. مكه: تمام. مصطفي: انتي هنا بتعملي إيه؟ مكه: أنا جايه لأبيه يوسف. مصطفي: أخوكي دا عصبي أوي، بس بصراحة عنده حق، أصلك مزة أوي وتتاكلي أكل. وغمزلها. مكه بصدمة.