رواية حب عفوي الفصل الحادي عشر 11 - بقلم سامية احمد

*في الشركه* محمود: اخيرا خلصنا. دي الاجتماع كان كبير قوي. فارس: عاوز اقولك حاجه. محمود: خير؟ فارس: في حد تاني بعتلي صور مش كويسه لريماس، بس الغريبه انه مش نفس الشخص بتاع المره اللي فاتت. محمود: يعني كدا ان في اتنين كدا؟ فارس: اه، بس انا ابتديت اشك في ريماس. محمود: دي باين عليها بنت ناس ومش وش كدا. فارس: رأيي من رأيك. محمود: وهنعمل ايه دلوقتي؟ فارس: عندي خطه لأني شاكك في حد كدا. محمود: حد مين؟ فارس بتفكير: بعدين.

محمود: طيب انا ماشي. فارس بغمزه: هي السكرتيره وحشتك ولا ايه؟ محمود: صراحه اه. فارس: طيب يلا من هنا. محمود: اطردني؟ اطردني! فارس: شركتي وانا حر فيها. محمود: انت عندك شغل تاني؟ فارس: لأ، انا اصلا تعبت قوي في الشغل الفتره دي، بفكر اني اخد اجازه اسبوع كدا. محمود: ايوا بقي! فارس: دماغك شمال قوي. محمود: يعني انت اللي يمين قوي؟ فارس: طيب يلا بقي روح علي مكتبك، شوف شغلك. ها، شوف شغلك. محمود: وانت هتعمل ايه؟ فارس: هروح.

محمود: وماله، عريس جديد برضوا. (فارس حدف محمود بالفازه) محمود: بقي هتموتني يا مجنون؟ فارس: خايف علي نفسك؟ امشي. محمود: طيب يا عم، هو انا مستغني عن عمري. فارس: شاطر يا حوده. *في القصر* لؤي: نور. نور: امم. لؤي: انا محتاج مساعدتك في موضوع. نور: موضوع ايه؟ لؤي: عاوزك تقنعي ماما بسوزي. (نور كانت بتشرب شرقت) لؤي وهو بيعطي لنور مايه: خدي اشربي، مالك؟ نور بزعل بتحاول تخبيه: وانا هقنع طنط ازاي وانا اصلا مش مقتنعه بيها.

لؤي: يعني مش هتساعديني؟ نور: كان نفسي والله. نور: بس علي فكره سوزي ماشياها مش حلو يا لؤي، خلي بالك. لؤي: دي ملاك، انتي بس اللي مش عارفاها كويس. نور بإنكسار: يمكن. لؤي: انا ماشي، عاوزه حاجه؟ نور بزعل: لأ. انت رايح فين؟ لؤي بفرح: رايح اقابل سوزي. نور: طيب. (مشي لؤي ونور طلعت علي قوضيتها وكانت زعلانه جدا) *عند اميره وادهم* اميره: يعني برضوا مقولتليش هتعمل ايه يا ابو العوارف. ادهم: اقولك؟ هموتها. اميره: ازاي؟

ادهم: يعني انا اتفقت مع ناس انهم هيخلصونا منها. اميره بضحك: دماغك دي سم يا دومي. ادهم: بنت تعلم منك. اميره: ابنك دي جنني. ادهم: مين؟ سيف؟ اميره بشك: انت عندك ابن تاني؟ ادهم: لأ يا روحي. اميره: امال بتقول كدا ليه؟ ادهم: عادي يعني يا ميرو، فكك. ماله سيف؟ اميره: الواد مش راضي يساعدنا ومش يسكت علي كدا. لأ، بيقول ان فارس غلبان وان البت اللي معاه اللي اسمها زفت ريماس بريئه ومالهاش ذنب في المشاكل اللي بينا وبين فارس.

ادهم: الواد دا متجبليش سيرته، دا هيشلني. اميره: عمل ايه تاني الموكوس؟ ادهم: عاوز يشتغل مع فارس ويسيب شركه جده. اميره بخضه: نعم؟ عايز يسيب الشغل مع جده؟ لؤي خلاص هيتخرج بعد كام اسبوع وجده هيعينه في الشركه وهو اللي هياخد كل حاجه. وابنك عاوز يسيبله الشركه. ادهم: جاتلي فكره. اميره: قول. ادهم: احنا نضم مياده لينا ونخليها تزن علي سيف عشان ما يسبش الشركه. ايه رايك؟ اميره: انت بتقول حاجه وحشه ابدا يا دومي.

ادهم: يا روحي انتي. *عند لؤي* لؤي: الو يا علي، انت فين؟ مش باين. علي: انا بره، مسافر في شرم. لؤي: من غيري؟ براحتك. علي: يا صاحبي متزعلش، دي سفريه تبع بابا والشركه. لؤي: امم. سلام. علي: سلام. *عند علي* علي: انا مش عارفه انتي مستحملاه ازاي. سوزي بدلع: ماما يا بيبي، قاليتلي انه معاه فلوس كتير. علي: امم. سوزي: لولي، انتي ازاي قلتله انك مسافر وانت في مصر؟ ولو شافك دلوقتي. علي: يا سيتي، دي سكران ولا دريان.

سوزي بضحك: بس بجد براڤوا. علي: جمال عرف يخليه يبقي مدمن بحق. علي وهو بيشرب سيجاره: دي ابن لعيبه. سوزي وهي في حضن علي: بس دي لو فارس عرف يبقي اقري الفاتحه علي صاحبك يا بيبي. علي وهو بيشد علي الحضن: يغور هو وهو؟ وانا مالي انا؟ اهم حاجه اني كويس. غير كدا يغوروا كلهم. سوزي وهي بتاخد من علي السيجاره: احبك وانت كدا. علي: وانا بموت فيكي يا روحي. *في جناح فارس* (ريماس كانت بتقرأ في كتاب ودخل فارس الجناح.

ملحوظه: بس ريماس كانت حاطه رجل علي جل ونايمه علي السرير) فارس: مساء الخير. ريماس وهي بتاكل اب وترمي علي الأرض: مساء النور. فارس بصوت عالي: ايه القرف اللي علي الأرض دي؟ ريماس وهي لسه بتقرأ في الكتاب: دي قشر لب. فارس: قومي بسرعه نضفي الأرض لأني مش بحب البهدله دي. ريماس وهي بت مس الكتاب وبتقف علي السرير: اهدي يا بابا، علي نفسك شويه. القوضه دي بتاعتي، دي ما هي بتاعتك بالظبط. فارس برفعه حاجب: نعم؟

قوضه ايه اللي بتاعتك يا بت؟ ريماس: طيب انا رايحه بيت ابويا، ولا تقولي قوضي ولا قوضتك. انا اصلا عندي قوضه بسرير بيت ابويا. ايه اللي بخاليني قاعده هنا تمرمط فيا كل شويه؟ لأ وكمان بتنيميني علي الأرض وانا ساكته وبقول يا بت استحملي دي جوزك برضوا. بس لأ، كرامتي فوق كل شئ. فارس وهو بينزلها من علي السرير

ويمسكها من ياقه البيجامه: بت انتي بقي بصي، انا مش ناقص جنان. دي انتي قاعده معايا بقالك يومين بس حاسس اني دماغي فوتت. دي الله يكون في عون امك انها استحملتك العمر ده كله. ريماس: بقي كدا يا فارس؟ طيب سيبني بقي. فارس: هتروحي فين؟ ريماس بطيبه: هدي لجدو العلاج واعيش. فارس: طيب وتعالي بسرعه عشان عاوزك. ريماس بغمزه: حاضر يا جميل. *في جناح ناصر* (دخلت ريماس ومعاها صنيه عليها الأكل) ريماس بمرح: احلي اكل لأحلي جدو في الكون.

ناصر بضحك: يا بت يا بكاشه. ريماس بزعل مصتنع: انا شكلي كدا اتقفشت. ناصر: صراحه اه. ريماس: طيب سلام عليكم انا بقي. ناصر: يا بت اقعدي، بهزر معاكي. ريماس وهي تجلس: عارفه يا جدو. المهم، وقولي انت عامل ايه النهارده؟ ناصر: اهو الحمد لله يا بنتي. ريماس: طيب حضرتك تخلص اكل، وبعد كدا تاخد الدوا وانا معاك اهو. يلا كل. ناصر: حاضر يا بنتي. (ريماس بعد ما ناصر خلص اكل اعطته العلاج، وبعد كدا راحت لفارس) *في جناح فارس* ريماس: خير؟

فارس: ريماس، اتكلمي معايا بصراحه. ريماس: انت كنت لسه قايل حاجه عشان اكذب؟ لا اله الا الله. فارس: ماشي يا لمضه. انتي عمرك عرفتي ولاد في حياتك؟ ريماس بغباء: اكيد، انت ونادر ولؤي ومحمود وزملائي. فارس: مش قصدي كدا، قصدي عمرك حبيتي؟ ريماس بشك: والنبي يا اخويا، دي كان حب من طرف واحد والكلام دا من ٥ سنين. ليه بتسأل؟ فارس بفهم: لا، بسأل عادي يعني. ريماس وهي تتصنع الرقه: اه يا واد، ضهري يا لي بيوجعني.

فارس بفهم: عاوزه ايه يا ريماس؟ ريماس: نام علي الكنبه انت النهارده وانا علي السرير. فارس: تؤ. ريماس: عشان خاطري. فارس: تؤ. ريماس: طيب عشان خاطر ربنا يا شيخ. فارس: بس بس، صدعتيني. تعالي نامي جنبي وخلاص. ريماس: نعم يا بابا؟ فارس: هو دا اللي عندي. لو مش عاجبك، نامي مكان ما بتنامي كل يوم. ريماس بتراجع: لأ، وعلي ايه؟ جنبك جنبك. (ابتسم فارس لأنه عارف انها كانت هتوافق في الأخر) *تاني يوم الصبح*

(صحي فارس وكانت ريماس نايمه علي صدره وهو مش عارف يتحرك منها، بس مرضيش يصحيها) فارس وهو بيملس علي شعر ريماس: مش عارف اصدقك ولا اصدق اللي بيتقال عليكي، بس اوعدك انك لو مظلومه هسيبلك حقك. (ابتدت ريماس تصحي وفارس اتظاهر النوم) ريماس: فارس، فارس، فارس. فارس: امم. ريماس: قوم عشان الشغل. فارس وهو بيقوم من النوم: واخد اجازه اسبوع. ريماس بفرح زي الأطفال: الله! هتخرج كدا، صح؟ فارس: لأ. ريماس بزعل: امال ايه؟

فارس: هستريح لاني الفتره الأخيرة تعبت من الشغل. ريماس: طيب، وانا؟ فارس: انتي ايه؟ ريماس: من ساعه ما اتجوزتني وانت سايبني في البيت زي الأبجوره. فارس بضحك: هي وصلت انك تشبهي نفسك بالجماد؟ ريماس: انا زهقت بجد. فارس: طيب يا سيتي، روح عند مامتك. ريماس: ماما مسافره عند خالتو في الغردقة. فارس: صدقيني مش هينفع اسيبك تخرجني. انتي هنا في امان. ريماس بعدم فهم: يعني هو بره اللي هبقي في خطر؟ فارس: اه. واسكتي بقي.

ريماس بعياط: انت اتجوزتني ليه يا فارس؟ فارس: عشان احميكي. ريماس وهي بتخط فارس علي كتفه وبتعيط: وانا مش محتاجه حمايتك. ممكن تبعد عني بقي؟ (فارس حضن ريماس وبقي يهدي فيها) فارس: بس بس، محصلش حاجه لكل دا. انا هخرج. ريماس وهي بتمسح دموعها: هنروح فين؟ فارس: المكان اللي انتي عاوزاه. ريماس بطفوليه: هنروح السينما. فارس بإعتراض: طيب يا سيتي، روحي اجهزي. (مشيت ريماس عشان تجهز وفارس المثل) *عند نور*

(نور كانت بتعيط في القوضه بتاعتها وفجأه قامت وبطلت عياط) نور بشجاعه: انا بحب لؤي وهحارب عشان يبقي ليا ومش هسيبها لواحده تستغله عشان فلوسه. *عند لؤي* لؤي: الو يا حبيبتي. سوزي بدلع: انا اسفه، مش هعرف افطر معاك النهارده زي ما كنت متفقين. لؤي: ولا يهمك يا روحي. سوزي: حبيبي، ممكن طلب صغير جدا؟ لؤي: اكيد. سوزي: ممكن تحولي اي فلوس علي حسابي لأن مامي مسافره وانا فلوسي خلصت. لؤي: حاضر يا قلبي. سوزي: Thanks. لؤي: Your welcome.

(لؤي قفل مع سوزي واتصل بجمال) لؤي: چيمي. جمال: ايه؟ علي الصبح؟ لؤي: النهارده عيد ميلاد علي، عاوزين نعمله مفجأه ونروح بيته ونتصل عليه يجي من السفر. ايه رأيك؟ جمال: اشطا يا برنس. لؤي: وما تنساش ابقي ظبطنا في القاعده. جمال: من غير ما تقول. لؤي: حبيبي يا چيمي. (قفل لؤي مع جمال وابتدي يجهز عشان يروح شقه علي. ملحوظه: لؤي معاه نسخة من مفاتيح الشقه) *عند سوزي* سوزي: الو يا لولي. علي: قلبه.

سوزي: هاجي احتفل معاك النهارده عشان عيد ميلادك. علي بغمزه: لو شفت الصبح. سوزي بضحك: هبات. علي: وهديتي؟ سوزي: لسه جايلي فلوس، هجيلك هديه تحفه. علي: يا روحي انتي. (قفلت سوزي مع علي) *عند محمود* محمود: انسه هيام، مالك زعلانه ليه؟ هيام وهي بتمسح دموعها: مافيش. محمود: لا في، او مش عاوزه تقوليلي براحتك، بس متعيطيش. هيام وهي بتزيد في العياط: اهلي عاوزين يجوزوني غصب عني وانا مش عارفه اعمل ايه.

(محمود حس ان قلبه وجعه قوي وحس انه اتكسر) محمود: طيب انا عندي اقتراح، بس مش عارف هتوافقي ولا لأ. هيام: اي حاجه هتبقي احسن من اني اتجوز واحد عنده ٤٠ سنه. محمود: ايه رأيك اتجوزك انا؟ هيام بصدمه: نعم؟ محمود بتسرع: قصدي اني اتجوزك فتره، وبعد كدا ننفصل. يكونوا اهلك سكتوا عنك. هيام بتفكير: طيب انا موافقه، وشكرا قوي ليك. محمود بفرح: ولا يهمك، عادي. هيام: بس انت ايه اللي يخليك تعمل كدا؟ محمود: عايزه الحقيقه؟

هيام بإبتسامه فرح: اه. محمود: بحبك يا هيام من زمان وكنت خايف اقولك. هيام: ايه؟ محمود بتسرع: بس انا عند وعدي ليكي، يوم ما تقولي انك عاوزه تطلقي، هعمل كدا في وقتها. متخافيش، انا مش هفرض نفسي عليكي. هيام: اوكي.