تحميل رواية حب عفوي بقلم سامية احمد pdf

في بيت بطلتنا، بيت بسيط في حارة شعبية.

هناء: يا بنتي تعبتيني معاكي، اشحال لو ما كنتيش انتي اللي حيلتي.

ريماس: مش بحبه يا ماما، إيه هتجوزيتي بالعافية يعني؟

هناء: لأ يا بنتي، ولا بالعافية ولا حاجة، اللي تشوفيه.

ريماس: طيب بعد إذنك بقي عشان أنا نازلة.

هناء: تعالي هنا يا فاشلة، انتي قاعدة من الشغل النهارده ليه؟

ريماس: عادي، تعبت قولت أريح شوية.

هناء: طيب رايحة فين؟

ريماس: رايحة عند نور.

هناء: طيب ما تتأخريش يا بنتي.

ريماس: حاضر يا ست الكل.

***

في قصر ناصر النشارتي.

تتجمع عائلة على سفرة كبيرة، يرأسهم رجل يبلغ من العمر ٨٠ عام، يدعى ناصر النشارتي.

ناصر: إيه يا عصام، ابنك مش هينزل ياكل معانا برضوا؟

عصام (ابن ناصر): مش عارف والله يا بابا.

ناصر: طيب ابعت حد من الخدامين ينادولوا.

عصام بإرتباك: اصل...

ناصر: انطق، في إيه؟

عصام: ما هو يابابا، بقي فارس منع الخدامين إن حد فيهم يصحيه وهو نايم، واما حضرتك بعت سماح امبارح، طردها، ومن ساعتها وهما الخدامين بيخافوا يجوا ناحيته.

ناصر: لأ بقي دي مابقتش عيشة، إيه الواد دي، مافيش حد عارف يلمه ولا إيه؟

أدهم (ابن ناصر): ماتعصبش نفسك يا بابا، دي ولد مترباش أصلاً.

عصام بخفوت: منك لله يا فارس، بتجبلنا الكلام من اللي يسوى واللي مايسواش.

***

عند فارس.

يستيقظ من النوم شاب في أوائل الثلاثينات، لديه جسد رياضي وعيون بنية تشبه البندق، وشعر بني يشبه لون عينيه، وبشرته خمرية، ويمتلك لحية تزيده جمالاً فوق جماله.

تجه فارس ليجهز للعمل (فهو لديه شركاته الخاصة الذي أنشأها بمفرده بعيداً عن شركات عائلته).

يقف بكل رجولية أمام المرآة، يرش من عطره الخاص، ثم نزل على الدرج متجهًا نحو العمل.

ناصر: اقف عندك يا ولد، رايح على فين؟

فارس بسخرية: رايح الشغل، ثم إن من إمتى وأنا بقولوكم رايح فين وجاي منين؟ وتلزم حدودك معايا يا ناصر يا النشارتي، عشان أنا لحد ديلوقتي عامل حساب إنك جدي برضوا.

أدهم: اتكلم مع جدك بأسلوب كويس أحسنلك.

فارس: ليه يعني؟ هتعمل إيه؟

أدهم: وأنا أتكلم بالأسلوب اللي أنا عاوزه.

أدهم: شايف ابنك يا عصام.

عصام: عيب يا فارس، كيدا.

فارس بزعيق: في إيه على الصبح؟

ناصر: مافيش يا بني، هو حد جيه جنبك؟

فارس وهو يرتدي نظارته: هو حد يقدر أساساً.

ذهب فارس وترك الجميع.

اصطدمَ فارس في فتاة تضع سماعات في أذنيها.

فارس بزعيق: مش تفتحي!

البنت وهي تضع رأسها في الأرض دون أن يرى فارس وجهها: أنا آسفة.

جات نور بتجري (بنت عم فارس).

نور: إيه ياريماس، مش تحاسبي؟

ريماس بإرتباك: ما كانش قصدي بجد.

نور: يا سيتي، ولا يهمك.

***

في المقر الرئيسي لشركات فارس النشارتي.

فارس: يعني إيه غايبة إزاي يعني؟ إيه الإهمال دي؟

ريهام (سكرتيرة فارس): مش عارفة واللهي يا فارس بيه.

فارس: إزاي تغيب وهي معاها أوراق مهمة زي دي؟

هيام: مش عارفة والله يا فارس بيه.

فارس بعصبية: قدامكم ساعة، لو البت دي والأوراق دي ماكنوش موجودين في مكتبي، اعتبروا نفسكم مرفوضين، عشان تبقوا تدوا لواحدة مهملة زي دي أوراق مهمة تاني.

وذهب فارس لمكتبه وتركهم في حيرة مع تلك الفتاة اليافعة التي حمّلوها مسؤلية أكبر منها.

هيام: منك لله يا ريماس، منك لله.

نادر: لا، ما هو مش وقته ندم، هنترفد، تعرفي بيت الزفتة دي؟

هيام: آه أعرفه، في…

نادر: تمام، أنا هروحلها أجيبها وأجي.

هيام: تمام، بس متتأخرش.

نادر: حاضر، ربنا يستر.

في مكتب فارس

محمود: أهدي يا فارس، محصلش حاجة لكل ده.

فارس: إزاي يعني محصلش حاجة؟

محمود: دي مجرد مناقصة عادية، مش مميزة يعني.

فارس: إنت تعرف مين قدامي في المناقصة دي؟

محمود: لا، مين يعني؟

فارس: ناصر النشارتي.

محمود: يا سنة سودا!

فارس: شفت بقى إنها مناقصة مميزة ومميزة جداً كمان.

محمود: عندك حق.

فارس بغرور: وأنا من إمتى مش بيبقى عندي حق؟

محمود: هتعمل إيه مع البت دي؟

فارس: بتاعت الورق.

محمود: أيوا.

فارس: هأدمها على اليوم اللي اشتغلت فيه في الشركة.

محمود: براحة على البت يا فارس، أنا سمعت إنها لسه تحت التدريب، يعني لسه متخرجة جديد ومش حملك.

فارس: خد قالها، العب مع فارس النشارتي.

محمود: وهو إيه ذنبها المسكينة؟ هي كانت تعرف حاجة؟

فارس: لأ، ذنبها، واسكت بقى وروح شوف جابوها ولا لأ.

محمود: حاضر.

عند نور وريماس

نور: ريماس، يلا نخرج في أي حتة.

ريماس: تمام، يلا.

نور: صحيح، إنتي اتعينتي في الشركة ولا لسه؟

ريماس: لأ، لسه تحت التدريب.

نور: إن شاء الله هتتعيني قريب.

ريماس: يا رب.

نور بخبث: ريماس، تعرفي مين اللي خبطتي فيه تحت ده؟

ريماس: لأ، معرفش، أنا حتى مبصتش في وشه، بس هو ابن عمك صح؟

نور: أه، هو يبقى ابن عمي ومديرك.

ريماس بعدم استيعاب: إزاي يعني؟ هو ده يبقى فارس؟

نور: تخيلي.

ريماس: أه، صحيح، قبل ما نمشي، اشحنيلي موبايلي لأنه فاصل بقاله ساعتين.

نور: هاتي.

عند بيت ريماس

نادر: الآنسة ريماس موجودة؟

هناء: لأ، مين حضرتك؟

نادر: يا نهار أسود، راحت فين؟

هناء: راحت عند نور صاحبتها. وبقولك إنت مين؟

نادر: أنا زميلها في الشغل، وإحنا عاوزينها ضروري في الشركة. ما تعرفيش نور صاحبتها دي بيتها فين؟

هناء: لأ والنبي يا بني ما أعرفش. طيب ما ترن عليها.

نادر: رنيت بس التليفون مقفول.

هناء: طيب ادخل عقبال ما تيجي.

نادر: تمام يا خالتي.

عند ريماس

نور: يا ريماس، موبايلك فتح أهو.

ريماس: نهار أسود، كل دي مكالمات من نادر وريهام.

نور: طيب رني عليهم شوفي فيه إيه.

ريماس: الو يا ريهام.

ريهام: إنتي فين؟ الله يخرب بيتك زي ما خربتي بيتنا.

ريماس: بيتكم إيه اللي خربتيه؟

ريهام: فارس بيه عاوز الورق بتاع المناقصة اللي داخلين فيها، لأن الميعاد بتاعها اتغير وبقى النهارده.

ريماس: نهار أسود. طيب يلا سلام، نص ساعة وأبقى عندك.

ريهام: طيب، يلا بسرعة، متتأخريش.

نور: إنتي وقعتي مع فارس؟ طيب ربنا معاكي بقى.

ريماس: سلام يا نور.

في بيت ريماس

نادر: هي اتأخرت كدا ليه؟

هناء: والنبي ما أنا عارفه يا بني.

نادر: طيب، انت هتمشي ولما توصل خليها تكلمني.

هناء: حاضر يا بني.

في الشركة

فارس: فاضل نص ساعة على الزفت، فين البنت اللي معاها الورق؟

هيام: أنا كلمتها وهي جايه في الطريق يا فندم.

محمود: اهدي يا فارس مش كدا، هتخض البت.

فارس: هي لسه شافت خضة دي، أما أشوفها بس.

محمود: ربنا يرحمها المسكينة.

فارس: بتقول حاجة؟

محمود: لا خالص.

فارس: رن عليها شوفها وصلت لحد فين.

هيام: حاضر يا فندم.

هيام: الو يا زفتة، انتي وصلتي لحد فين؟

ريماس: عشر دقايق وهبقى قدامك، أنا جبت الورق وجاية في الطريق.

هيام: تمام، نادر معاكي؟

ريماس: لا، ماما قالتلي إنه مشي، تلاقيه جايلكم في الطريق، سلام.

هيام: باي.

فارس: ها، وصلت لحد فين؟

هيام: عشر دقايق وتوصل يا فندم.

اتجه فارس إلى مكتبه ولم يتفوه بكلمة واحدة.

في مكتب فارس

محمود: فارس، أنا بحب.

فارس: وه وه، محمود بيحب! ويا ترى مين بقي سعيدة الحظ دي؟

محمود: ممكن ما تتريقش.

فارس: أهو سكت، اخلص بقى.

محمود: تبقي هيام السكرتيرة بتاعتك.

فارس: نهار أبوك أسود، دي مخطوبة.

محمود: أهو اللي حصل بقى، أعمل إيه، بحبها أصلاً من قبل ما تتخطب.

فارس: وليه مقولتلهاش؟

محمود: خفت تكون مابتحبنيش.

محمود: انت عارف ليه بقولك الكلام ده دلوقتي؟

فارس: أه عارف، عشان مرفدهاش، صح؟

محمود: أه صح.

فارس: هنشوف.

عند هيام

هيام: أخيراً وصلتي.

ريماس: أعمل إيه، الطريق كان زحمة.

هيام: طيب يلا ادخلي بسرعة لفارس بيه، أحسن ده خارب الدنيا عليكي.

ريماس: تعالي معايا.

هيام: طيب يلا.

في مكتب فارس

دخلت هيام ومعاها ريماس.

ريماس: الورق يا فندم.

كان فارس منهكًا في العمل، وعندما تحدثت ريماس بصوتها الرقيق، نظر تجاه من تتحدث، ووجد فتاة فائقة الجمال بعينيها الزرقاوين وشعرها الأشقر وبشرتها البيضاء التي تشبه الثلج في بياضها، وملامحها البريئة التي تخطف القلوب.

هيام: فارس بيه.

فاق فارس من شروده.

فارس: نعم.

محمود: صباح الخير.

الورق.

فارس بحدة لريماس: استنيني هنا، هخلص الاجتماع وأجي أشوف حسابي معاكي.

وذهب فارس وترك تلك الجميلة تفكر في مصيرها المجهول.

في الاجتماع

مجهول: فارس بيه، نورت.

ناصر المنشاوي: مش هنبدأ بقى ولا إيه؟

مجهول: أكيد يا فندم.

بعد ساعتين.

مجهول: مبروك يا فارس بيه.

ناصر: فارس، تعالَ عاوزك.

فارس: من امتى في بينا كلام؟

أدهم: مينفعش كدا يا فارس، الناس بتتفرج علينا.

فارس: أما نشوف آخرتها.

عند ريماس

ريماس: منك لله يا ريماس يا بنت أم ريماس.

ريماس: أنا جيت جنبك يا ست انتي.

هيام: لا هنترفد أنا والغلبان ده.

(وبتشاور على نادر)

نادر بمرح: يا سيبها على الله، محدش بينام من غير عشا.

ريماس: براڤو عليك يا نادر.

هيام: والنبي انتي وهو، أنا لسه مخلصتش جهازي.

ريماس: يا سيتي، مستعجلة على إيه؟ ده حتى خطيبك ده دمه سم.

نادر بضحك: والله عندك حق، أنا مش عارف هي طايقاه على إيه.

ريماس: بيحب هبله.

نادر: وهو بيحب عبطها.

هيام: لا والله، هو انتوا ما صدقتوا تلاقوا حاجة تتكلموا فيها، ومش خايفين من الوحش اللي هيفترسنا بعد شوية؟

ريماس: ليه يعني؟ هو مفكر نفسه مين؟

نادر: مش للدرجة دي يا ريماس، ده برضوا فارس بيه.

ريماس: على نفسه يا بابا.

هيام: افتكري الكلام ده كويس.

على العموم، هنشوف بعد شوية.

ريماس: فاكراه كويس.

في مكتب فارس

ناصر

يرضي ربنا كدا يا فارس؟

فارس

هو ايه مش فاهم؟

ناصر

بتعلي علي جدك يا فارس؟

فارس

(ببعض من السخرية)

جدي.

أدهم

أنا مش عارف جايب القسوة دي منين.

فارس

منك.

أدهم

احترم نفسك.

فارس

أنا محترم غصب عنك.

ناصر

خلاص خلاص انتوا هتتخانقوا قدامي. احترم عمك يا فارس.

(ذهب فارس وترك كل من جده وعمه يفكرون من أين أتى بكل تلك القسوة)

أدهم

هو الواد ده عامل كدا ليه؟ ازاي يمشي واحنا بنكلمه؟

ناصر

طول عمره كدا، منعزل عننا وقاسي. ما إحنا خلاص اتعودنا عليه كدا.

عند ريماس

نادر

هو اتأخر كدا ليه؟

ريهام

مش عارفه.

ريماس

منه لله البعيد. بقاله ساعتين ليه؟ يعني هو إيه مفكرنا عبيد عنده عشان يخلينا نستنى حضرته كل دي؟ إيه يعني هو مفكر نفسه مين؟ ده لولا فلوس أهله مكناش زمانا قاعدين في الشركة دي دلوقتي.

هيام

خلاص يا ريماس يا حبيبتي، قلبك أبيض.

ريماس

لا مش خلاص، ده واحد حيوان أصلاً.

ريماس (وهي تقلد فارس)

استنى هنا، هخلص الاجتماع وأجي أشوف حسابي معاكي. واحد مستفز وكئيب. أنا مش عارفة كلكم بتخافوا منه ليه.

نادر

خلاص يا ريماس.

ريماس (مقاطعة كلامه)

فارس.

فارس

وإيه كمان؟

ريماس (وهي تبص لنادر)

هو ورايا.

نادر (أومأ بمعني نعم)

ريهام

ربنا يرحمها، كانت بتحب الأكل جداً.

فارس (بصوت كالبركان)

ورايا على المكتب يا آنسة ريماس.

ريماس (بتوتر)

حـ حـ حاضر.

هيام

وراه بسرعة، يلا.

نادر

ربنا معاكي.

ريماس

ليه يعني؟ هيعمل إيه أصلاً؟ مش هيعرف يعملي أي حاجة.

نادر (بسخرية)

نعم؟ ده في مرة موظف قال عليه إنه متكبر، الراجل يا عيني مش عارف يمشي على رجله تاني.

ريماس

ياه، للدرجة دي.

هيام

إنتي عارفة لقبه إيه في السوق؟

ريماس (بفضول)

إيه؟

هيام

حفيد إبليس.

ريماس (وقد بدأ عليها بعض الخوف)

نعم؟

هيام

زي ما سمعتي. ويلا بسرعة ادخلي له، أحسن أنا سامعة صوته وهو بيزعق مع محمود جوه. وداني انسدت بسببك.

ريماس

وأنا مالي؟

هيام

أكيد محمود بيدافع عنك.

ريماس

طيب، اديني داخلة أهو.

في مكتب فارس

فارس

بقي أنا بنت تقولي كدا؟

محمود (وهو يضحك)

مش قادر. إزاي البنت المفعوصة دي تهزق حفيد إبليس؟

فارس

هي اسمها إيه الزفت دي؟

محمود

ريماس.

فارس

إيه الاسم الغريب ده؟

محمود

بس حلو.

فارس (بزعيق)

هو أنا هطلعلها بطاقة عشان تقولي حلو ولا وحش؟

محمود (وهو يحاول يكتم ضحكته)

خلاص خلاص.

(الباب كان بيخبط)

فارس

ادخلي.

(دخلت ريماس)

فارس

سيبينا يا محمود شوية.

محمود (بقلق)

حاضر. (وخرج محمود)

فارس

بقي أنا من غير فلوس أهلي ما كنتش موجود في الشركة؟

ريماس (وهي تحاول تستجمع قوتها)

آه.

فارس

وإيه كمان يا آنسة يا محترمة؟

ريماس

ومغرور ومتكبر وواحد حيوان.

فارس (وهو يقترب منها لدرجة أنها ارتطمت في الحائط)

وإيه كمان؟ كملي.

ريماس (بارتباك نتيجة لإقترابه منها)

مـ مـ ممكن تخلي مسافة بيني وبينك؟ ما يصحش كدا.

فارس (وهو يقرب أكتر)

أمال إيه اللي يصح؟

ريماس (وهي تدير وجهها الناحية الأخرى حتى لا يلتصق بوجه فارس)

بعد إذنك ابعد.

فارس (ببعض من السخرية)

قلبك صوته حلو قوي.

ريماس (ببعض من الخجل)

انت قليل الأدب.

فارس

لو بتسمي ده قلة أدب، فأحب أطمنك إنّي عديت الليفل ده بكتير.

ريماس (وهي تحاول بكل قوتها إبعاده عنها، ولاكن لم تستطيع فعل ذلك)

هصوت.

فارس (وهو منغمساً في عينيها الزرقاوين)

يلا، مستنية إيه؟

ريماس (بتوسل)

عشان خاطر ربنا ابعد بقي، مش عارفة آخد نفسي.

فارس

أمال ما عملتيش خاطر لربنا وإنتي بتتكلمي من ورايا ليه؟

ريماس

أنا مكذبتش.

فارس (برفعة حاجب)

نعم؟

وفجأة الباب اتفتح وكانت نور.

في مكتب فارس

نور

إيه دي؟

فارس (وهو يبعد عن ريماس)

مفيش.

نور (بخبث)

ماشي.

فارس (بصوت عالٍ وعصبية)

إنتي إزاي أصلاً تدخلي مكتبي من غير استئذان؟ ومن إمتي وإنتي بتعملي كدا؟

نور (بحرج)

أنا آسفة يا فارس.

ريماس

ما تتأسفيش، إنتي ما غلطتيش. ده مكتب ابن عمك، يعني عادي.

فارس

ما تتدخليش في اللي مالكيش دعوة بيه.

ريماس (بتحدي)

لا ليا. مش دي صاحبتي.

فارس (برفعة حاجب)

إنتي مش قدي. اتقي شري.

ريماس

أنا بقي عايزة أشوف شرك يا فارس.

نور

خلاص يا ريماس عشان خاطري. (لأنها عارفة إن فارس لو حط ريماس في دماغه هيكرهها في عيشتها).

فارس

عقلي صاحبتك.

ريماس

أنا عاقلة أكتر منك.

فارس

لا بقي، ده أنا شكلي اتساهلت معاكي خالص.

(دخل محمود على صوت فارس)

محمود

بتزعق ليه يا فارس؟ في إيه؟

ريماس

في إنه مش بيعرف يتعامل مع الناس بإحترام.

فارس

إنتي اللي بتدخلي في اللي مالكيش فيه.

ريماس

لا، إنت إزاي تعامل نور كدا؟

فارس

دي أسلوبي. وبعدين دي حاجة متخصكيش خالص.

ريماس

لا تخصني، لأنها صاحبتي.

محمود (وهو يحاول يكتم ضحكته)

حصل خير يا جماعة.

فارس

إنت بتضحك على إيه إنت وهي؟ (بيشاور على نور)

محمود

صراحة، أول مرة أشوف حد بيتجرأ عليك كدا. لا وكمان بنت. مش قادر، هموت من الضحك.

فارس

أمال بره.

(خرج كل من نور ومحمود، لأنهم حقاً يعلمون غضب حفيد إبليس ويخشونه)

فارس

تعرفي إني حطيتك في دماغي. ويكفيكي بقى شر حفيد إبليس لما يحط حد في دماغه، وخصوصاً لو كانت بنت.

ريماس (بخوف)

إيه يعني؟ هتعمل إيه؟ اللي عندك اعمله. أنا مبخافش.

فارس

دي حاجة متخصكيش. دي حاجة تخصني أنا.

ريماس (بتحدي)

هات آخرك.

فارس (وهو ينظر لعينيها بشرود)

هتشوفي، وهتزعلي.

فارس

بره.

(خرجت ريماس وهي خائفة مما سيحدث نتيجة لغضبه)

***

في قصر ناصر المنشاوي

عصام

يا بني حرام عليك. هلاقيه منك ولا من أخوك؟ هتموتوني.

لؤي (بمرح)

إيه يا برو؟ مالك بس زعلان ليه؟ قولي يا سطا.

عصام

يا سطا وبرو إيه؟ إنت إمتى هتستوعب إني باباك؟

لؤي

يا بابا بهزر معاك.

عصام

المهم...

لؤي

آه، المهم إيه؟ هو بقي الحاجة المهمة اللي بقالي ساعتين قاعد عشانها؟

عصام

بطل لمضة.

لؤي

حاضر، بس إيه بقي اللي عاوزني فيه؟

عصام

مش ناوي بقي تتكرم علينا وتعدي السنة دي؟

لؤي

هو كل يوم على السيرة دي؟

عصام

يا بني، إنت عايد سنة رابعة مرتين. ودي آخر مرة تعيدها فيها، وبعدها هتطرد من الكلية.

لؤي

لا، متخافش يا بابا، إن شاء الله السنة دي هتخرج.

عصام

أتمنى.

لؤي

باي، أنا بقي.

صفاء (أم لؤي وفارس)

على فين يا فاشل؟

لؤي

إنتي جيتي يا ست الكل.

صفاء

ما توهتش، إنت رايح فين؟

لؤي

أخرج مع صحابي شوية.

صفاء

صحابك دول اللي جابوك ورا.

عصام

سيبي يا صفاء، ده لسه شاب بردوا. خليه يستمتع بشبابه. ولا هيبقي هو وأخوه...

لؤي

إنتوا جبتوا سيرة حفيد إبليس؟ طيب سلام أنا بقي. (ومشي لؤي)

صفاء

إيه موضوع اسم حفيد إبليس اللي بيتقال لإبنك؟

عصام (بخيبة أمل)

ابنك بقي معروف بين الشركات بحفيد إبليس، لأنه مش بيستهبل مع حد ولا بيعمل حساب لحد.

صفاء

أنا مش عارفة الواد ده طالع لمين.

عصام

سيبيه، بكرة الأيام تظبطه.

صفاء

ده قرب يكمل الـ 30 سنة ومتجوزش. أنا خايفة أكلمه في الموضوع.

عصام

سيبيه في حاله. مش عاوزين مشاكل.

صفاء

حاضر يا عصام. إنت مش هتروح الشغل ولا إيه؟

عصام

لا، تعبان شوية.

***

عند لؤي

لؤي

خلاص بقي، اتصالحتم؟

جمال (صاحب لؤي)

أنا مبزعلش من حد.

علي (صاحب لؤي)

ولا أنا.

لؤي

أيوا كدا يا رجالة! يلا بقي نروح على الجامعة.

جمال

أيوا يا برنس، لحسن فيه شوية بنات جداد قمر.

لؤي

يا واد احترم نفسك، دول زي أخواتك.

علي

يا شيخ، خلاص. لو قربت لواحدة فيهم هتزعل.

لؤي

إيه يا حيوان إنت؟ أنا بهزر طبعاً. يلا بينا.

علي

أحبك وأنت كدا.

لؤي

بقولك إيه؟ معاكش حاجة؟

جمال (بعدم فهم)

حاجة إيه؟

لؤي

يا غبي، سيجارتين زي اللي إنت اديتهملي من كام يوم.

جمال

لا يا لؤي، إنت كدا هتدمن.

لؤي

متخافش، بس طلع اللي معاك.

جمال

أهو، خد.

علي

تعال معايا يا جمال، عايزك في حاجة.

لؤي

متتأخروش.

***

عند علي وجمال

علي

إيه اللي إنت بتهببه ده؟ إنت عارف إن كدا ماينفعش. ولو أخوه عرف هتنهي حياتك.

جمال

بس يا فرفور، إنت مالكش دعوة باللي أنا بعمله.

علي

هتندم.

***

في بيت ريماس

هناء

يا بنتي حرام عليكي. من ساعة ما جيتي من الشغل وإنتي قاعدة بتقري في المحروقة اللي في إيدك دي. قومي ساعديني وخلي عندك دم.

ريماس (بمرح)

يا ماما، دي مش محروقة، دي رواية وحلوة قوي كمان. فبعد إذنك ماتقوليش عليها محروقة.

هناء

بقي زعلانة عشان قولت عليها محروقة، ومش زعلانة عشان أنا بعمل كل حاجة لوحدي وأنا تعبانة؟

ريماس

أصلاً يا ماما، أنا لسا جايه من الشغل وتعبانة.

هناء

يا بت، ده إنتي كنتي عند صاحبتك من الصبح وروّحتي الشركة ساعة بس.

ريماس (باستفزاز)

ساعتين.

هناء

طيب، قومي يا آخرة صبري، اعملي السلطة.

ريماس

حاضر حاضر. الواحد مش بيعرف يرتاح شوية في البيت ده.

هناء

إحنا آسفين لو مش عاجبك عشتنا.

ريماس (بمرح)

جداااااااا.

هناء

طيب، قومي بقي يا بنت الـ...

ريماس

طيب، الرجل دلوقتي في تربته. هو كان جابلك سيرة؟

هناء

يا رب خدني عنده، لأني جبت آخري.

ريماس (وهي تحتضن أمها)

أنا آسفة يا ماما، مش هزعلك تاني وهعمل كل حاجة إنتي عاوزاها.

هناء (بخبث)

أي حاجة؟ أي حاجة؟

ريماس (ببراءة)

أمـ...

هناء

طيب، هتتجوزي إمتى؟

ريماس

يا ماما، إنتي عايزة تخلصي مني بسرعة كدا ليه؟ للدجة دي أنا مضايقاكي؟

هناء

لا والله يا بنتي، أنا عايزة أشوفك عروسة قبل ما أموت.

ريماس

ربنا يديكي طولت العمر ويخليكي ليا يا ست الحبايب.

في قصر ناصر المنشاوي

ناصر

خلاص بقي يا ولاد، بطلوا خناق. إنتوا إيه مولودين فوق بعض؟

نور

هو يا جدو اللي بيدايقني.

لؤي

لا، هي.

نور

بس يا بتاع البنات.

لؤي

يا بت، هقوم أضربك.

نور

ابقي اعملها يا أبو سوزي.

لؤي

لا بقي، إنتي اتماديتي فيها يا أم شعر منكوش.

نور

ده اسمه كيرلي يا جاهل.

لؤي

والنبي ما في حد جاهل ومتخلف غيرك.

نور

طيب، والله ما هسيبك يا أبو سوزي.

لؤي

طيب، تعالي بقي. (لؤي شد نور من شعرها)

نور (وهي بتمثل العياط)

يا بابا...

أدهم

في إيه يا نور؟ بتعيطي ليه؟

ناصر

طيب كويس إنك جيت عشان تشوف الجزم دول، من الصبح بيتخانقوا وأنا مش قادر خلاص.

أدهم

إنتوا صغيرين على اللي بتعملوه ده.

نور (وهي تتصنع البراءة)

والله يا بابا، هو شدني من شعري وقال عنه إنه منكوش وعمال يشتمني.

لؤي (بذهول)

بس يا سوسة، إنتي احكي كل الموضوع وقوليله إنك شتمتيني.

أدهم

قالتلك إيه؟

نور (بخبث)

أيوا بقي، قولوا شتمتك. قولتلك إيه؟

لؤي

لا، خلاص بقي يا عمو، أنا مسامح.

نور

لا، متسامحش. وقولوا إني قولتلك إيه.

ناصر

سكتهم يا أدهم، أنا الضغط هيترفع عندي بسببهم.

أدهم

خلاص بقي، كل واحد على أوضته لحد ما الأكل يجهز.

نور (وهي بتطلع لسانها لـ لؤي)

حاضر يا بابا.

ناصر / اخيرا جيت يا فارس اتأخرت كيدا ليه يا بني كل دي في الشركه

فارس / دي حاجه متخصكش اصلا

ناصر / يا بني مش هتبطل طريقتك دي بقي

فارس / دي طريقتي

صفاء / يا فارس احنا مستنينك عشان تتعشي معانا

فارس / من امتي وانا باكل معاكم يا امي

(طلع فارس لغرفته)

صفاء / انا تعبت من الواد دي

عصام / دي انتي الوحيده اللي بيعاملها كويس فينا

ادهم / دي عيل مترباش عشان يكلم جدو كده

ناصر / سيبه بكره يندم

ادهم / لا يا بابا انت اصلا المفروض تحرمه من الورث عشان يتربي

عصام / اصلا فارس مش محتاج وانت عارف كيدا كويس يا ادهم ومن نحيه التربيه انت عارف كويس ان فارس متربي كويس جدا بس هي دي شخصيته من زمان

ناصر / خلاص انتوا الاتنين خلينا نتعشئ وننام عشان الشغل بدري

صفاء / يا مروه نادي لنور ولؤي وسيف

مروه / حاضر

*في غرفه فارس*

فارس / الو مين معايا

مجهول / انا فاعل خير

فارس / امم كمل عاوز ايه يعني يا زفت انت

مجهول / اعرف ان في خاينين عندك في الشركه وبيطلعوا اسرارها بره

فارس / مين اللي معايا وايه الي يثبت الكلام دي

مجهول / اعرف اثبتلك بس مش هعرف اقولك انا مين

فارس / انا هعرف لواحدي مش محتاجك تقولي

مجهول / انا عارف ان عندك اجتماع بكره الساعه ٠٠٠وعارف كمان انك هتعرض علي الراجل صاحب الصفقه دي مبلغ ٠٠٠٠٠٠٠عشان تاخد الصفقه منه

مجهول / عاوز اثبات كمان ولا كفايه

فارس / مين قالك علي المعلومات دي انطق يالا

مجهول / بس دي حاجه متخصكش انا بنبهك بس

فارس / الو الو

فارس / قفل التلفون الزفت يا تري مين اللي يتجرأ ويعمل حاجه زي كيدا

*عند المجهول*

مجهول / الو يا ادهم بيه عملت اللي انت قولتيلي عليه

ادهم / تمام فلوسك اتحولت علي حسابك

(وقفل الفون)

سيف / ايه يا بابا اللي ناوي تعمله

ادهم / هتشوف

مريم / قولنا يا ادهم ناوي تعمل ايه

ادهم / طول عمر امبرطورية فارس مبنيه علي ثقته في موظفينه لو شك فيهم كيدا هتتهز امبراطوريته

سيف / وانت جبت المعلومات دي منين

ادهم / سهله قوي بعت حرامي جابولي نسخه من الملفات بتاعت الصفقه دي

مريم / براڤو عليك بجد يا دومي

سيف / دومي طيب استأذن انا بقي

*تاني يوم الصبح*

*عند صفاء وعصام*

عصام / كلمي انتي

صفاء / لا يا اخويا كلمه انت

عصام / يا صفاء هو بياخد ويدي معاكي في الكلام انما انا مش بيطيق يسمع كلمه مني

صفاء / لا يا اخويا ماليش فيه

عصام / طيب انا عندي فكره

صفاء / قول قول

عصام / ٠٠٠٠٠٠٠٠٠٠

صفاء / لا يا اخويا اعمل انت كيدا ماليش دعوه انا

عصام / خلاص فكك

*عند فارس*

كان ذلك الوسيم يرش من عطره الخاص دخل عليه لؤي

لؤي / اخويا فارس

فارس / اخلص عاوز ايه

لؤي / هو انا مكشوف للدرجه دي

(أومأ فارس له بمعني نعم)

لؤي / انا بحب يا فارس وعاوز اتجوز وابوك وامك قالوا مافيش جواز او خطوبه قبل ما انت تتجوز

فارس / يبقي هتعنس

لؤي / يعني ايه مش فاهم

فارس / مش اما تنجح في جامعتك الاول وبعد كيدا نشوف الموضوع دي ولا انت ناوي تطرد من الجامعه يا فالح

لؤي / لا انشاء الله هتخرج السنه دي

فارس / تمام اما تتخرج نبقي نشوف الموضوع دي

لؤي / يعني أنت هتجوز

فارس / انا مقلتش اني هتجوز

لؤي / ابويا مش هيرضي يجوزني قبل انت ما تجوز هتعملها دي ازاي بقي

فارس / دي شغلي بقي

لؤي / يا بني عمرك بيعدي وانت لسا محبتش ولا اتجوزت هتعنس يا فارس

فارس / الحب ضعف وفارس النشارتي عمره ما يضعف

لؤي / لا يا فارس الحب مش ضعف الحب قوه

فارس / خليها ليك القوه دي ويلا بقي عشان ماشي علي الشغل

لؤي / انت مش بتزهق من الشغل دي

فارس / تؤ

*عند ريماس*

ريماس / يا ماما يا ماما

هناء / مالك يا بنتي في ايه

ريماس / كنت حاطه امبارح مصاصه هنا راحت فين

هناء / بقي بزمتك في بنت عندها ٢٢سنه تمشي بمصاصة في الشارع

ريماس / انا هي فين بقي

هناء / علي الترابيزه هناك خويها وغوري علي شغلك

ريماس / طيب شكرا

*في قصر ناصر النشارتي*

لؤي / انا جيت

نور / يا ريتك ما جيت

لؤي / يا بنتي هتزعلي مني

نور / انا عاوزه ازعل يا اهبل انت ورني هتزعقلي ازاي

لؤي / طيب بقي كيدا

نور / انا مش فاهمه ازاي الاهبل دي في هندسه

لؤي / لا بقي والله ما هسيبك تعالي بقي

(نور وهي بتجري من لؤي خبطت في فارس)

فارس / ايه لعب العيال دي انتوا صغيرين لكيدا

نور / لؤي شتمني

لؤي / انا !!!!!!

نور / اه

فارس / بس بس انت وهي انتوا مش صغيرين لكيدا وانتي يا نور انتي بقيتي انسه ديلوقتي وكبرتي ماينفعش اللي بتعمليه دي

نور / انا عملت حاجه هو اللي شتمني

فارس / لا يا نور انا سمعتك انتي اللي شتمتيه

نور / بجد ؟!

فارس / اه بجد ويلا روحي افطري وامشي علي الكليه

نور / حاضر

(مشيت نور)

فارس / وانت يا زفت انت

لؤي / نعم

فارس / دي زي اختك الصغيره ولو ضايقتك هي متضايقهاش انت فاهم

لؤي / هما فرق سنتين بينا مش كتير يعني

فارس / بقولك مضايقهاش فاهم!!!

لؤي / فاهم فاهم

فارس / روح صاليحها يلا

لؤي / بس هي اللي شتمتني

فارس / انا قولت ايه

لؤي / حاضر هروح اصالحها اهو

لؤي / نور

نور / امم

لؤي / انا اسف

نور / انت كويس

لؤي / اه

نور / بس ايه اللي غيرك كيدا

لؤي / فارس قالي انك اختي الصغيره

نور / انت تطول اصلا

لؤي / اطول ونص يا ختي ليه يعني انتي مفكره نفسك مين

نور / انا نور النشارتي

لؤي / بس

نور / هو دي قليل ولا ايه يا بني

لؤي / لا يا ختي ويلا عشان اوصلك في طريقي للجامعه

نور / يلا

*عند ريماس*

ريماس / البس ايه

هناء / يا بنتي انتي كل يوم علي الموال دي

ريماس / امال يا ماما دي انا ريماس

هناء / يا بنتي هتتأخري علي الشغل

ريماس / خلاص هلبس دي وخلاص

(شاور ت ريماس علي دريس بينك)

هناء / طيب يلا بسرعه بقي

ريماس / حاضر يا ست الكل

*عند فارس في الشركه*

محمود / بس مين اللي يعمل كيدا احنا كل مواظيفنا موثوق فيهم

فارس / شوف المتدربين الجداد

محمود / حاضر هشوف بس كل المتدربين اللي عندنا جايين من ناس احنا نعرفهم كويس

فارس / أتأكد يا محمود

محمود / تمام

نادر / صباح الخير يا ياسطاا

هيام / صباح الخير

نادر / امال فين القمر

هيام / بقي انا اسطا وريماس قمر

نادر / اكيد طبعا

هيام / طيب شكرا بس علي العموم لسا مجاتش

نادر / طيب رني عليها شوفيها اتأخرت ليه

هيام / وانت شاغل نفسك ليه

نادر / ها لا مافيش

هيام / انطق بقي ما انا عارفه انك متنيل علي عينك وبتحبها

نادر / هو انا للدرجه دي مكشوف

هيام / جدااا

نادر / طيب اعمل ايه

هيام / قولها

نادر / لا يا سيتي مش قبل ما أتأكد هي بتحبني ولا لا

هيام / وانت هتعرف ازاي يا ناصح

نادر / البركه فيكي بقي يا ست البنات

هيام / ديلوقتي بقيت ست البنات

نادر / عديها بقي

هيام / حاضر صعبت عليا هبقي اشوف الموضوع دي

نادر / ربنا يخليكي ليا يا رب

هيام / علي الله يكمر

ريماس وهي داخله عليهم / بتتكلموا علي ايه من غيري

هيام / ابدا يا سيتي اصل فارس بيه عاوز كل المتدربين عنده في المكتب بعد نص ساعه جهزي نفسك

ريماس / ليه يعني

هيام / والنبي يا ختي ما اعرف لسا محمود بييه متصل وقالي

ريماس / تمام

نادر / طيب يلا بقي كل واحد علي شغله

ريماس / حاضر يا عم المجتهد

نادر / طول عمري

*عند ايهاب*

ايهاب / ها جبت المطلوب

جمال / ما بلاش يا بني كفايه كيدا

علي / اه جمال عنده حق

ايهاب / يا بني انا بشرب خفافي مش بتقل

علي / علي راحتك

لؤي / هات بقي

(اعطي جمال ل لؤي المطلوب وغمز جمال لعلي)

*عند فارس*

فارس / انتوا عارفين انا جمعتكم النهارده ليه

الموظفين / لا

فارس / انا عاوز اعرف منكم بس شويه معلومات انتوا بتدربوا هنا من امتي

شخص / احنا كلنا لسا جايين من يومين بس الاستاذه ريماس والاستاذه حنان بيدربوا هنا من ٣شهور

فارس / طيب اتفضلوا انتوا والاستاذه ريماس والاستاذه حنان يخليهم موجودين

فارس / في معلومات بتتسرب من الشركه وانا الموظفين بتوعي موثوق فيهم واستحاله يعملوا حاجه زي كيدا

ريماس / قصدك يعني ان احنا اللي عملنا كيدا

فارس / مافيش غيركم اصلا ممكن يتشك فيه

ريماس / لأ بقي انت كيدا زودتها قوي بجد

فارس / انتي تلتزمي خدودك وانتي بتتكلمي معايا

ريماس / ولو ماعملتش كيدا

فارس / هتندمي صدقيني

حنان / خلاص يا ريماس كفايه كيدا

ريماس / انتي مش شافه هو بيقول ايه

فارس / بره يا حنان

ريماس / انت مالك اتحولت كيدا ليه

(خرجت حنان)

ريماس / خير في ايه

فارس / انتي لازم تتربي

ريماس / وانت بقي اللي هتربيني

فارس / اه

ريماس / مش اما تربي نفسك الاول

فارس / طيب انتي كيدا وصلتي للأخر معايا لاني خلاص صبرني نفذ

ريماس / اللي عندك اعمله

فارس / حاضر هعمل وهتزعلي انتي

ريماس / طيب سلام انا بقي

نادر / مالك يا بنتي طالعه مضايقه كيدا ليه

ريماس / فارس زفت بيشك اننا ممكن نطلع اسرار الشركه بره

نادر / طيب فكك روحي شوفي شغلك

ريماس / اوكي سلام

*عند فارس في المكتب*

محمود / الرقم اللي ادتهولي بحثت عليه لاقيته مش متسجل

فارس / انا شاكك في حد

محمود / ريماس صح

فارس / تؤ ولا ريماس ولا اي حد في الشركه دي ممكن يعمل حاجه زي دي

محمود / عمك ازاي

فارس / افهمك ديلوقتي ناصر قال انه هيكتب وصيته وادهم خايف انه يكتبلي حاجه قبل ما يتوكل علي الله وهو عارف كويس اني مستحيل اخد حاجه من الورث دي وانه هيرسي علي اخويا او عصام وفي نفس الوقت فكر انه بخيليني اشك في حد من الموظفين لانه فاهم كويس ان الشركات دي كلها مبنيه علي الثقه بين الموظفين

محمود / وايه سر كره ليك اصلا

فارس / بسبب الصفقات اللي خسرها هو وابنه بسببي

محمود / وايه اللي خلاك تشك فيه

فارس / اقولك انا من شويه راجعت الكاميرات ولاقيت ان الكاميرات كلها كانت مفصوله من يومين وانا اصلا حاطط كاميرا في المكتب بتاعي مش متوصله مع باقي الكاميرات فراجعتها ولاقيت حرامي كان بيصور الملفات دي

محمود / وليه مايكونش اي منافس اللي عمل كيدا

فارس / لان الحرامي كان بيكلم في الموبايل وقال ادهم بيه

محمود / ماكدبش اللي سماك حفيد ابليس

فارس / اكيد ويلا بقي عشان اكمل شغلي

محمود / طيب سلام انا بقي

فارس / الو يا ماما.

صفاء / يا ابني ابقي تعالي بدري شوية، عاوزة أقعد شوية، واحشتني.

فارس / حاضر يا ماما.

صفاء / يحضر لك الخير يا حبيبي.

صفاء / روح كمل شغلك. سلام.

(قفلت صفاء الفون مع فارس)

عند صفاء:

صفاء / يا بني انزل من على وداني بقى، دماغي صدعت.

لؤي / يا ماما عاوز أخطبها، ماليش دعوة.

صفاء / قولت لأ، أما أخوك يتجوز.

لؤي / على فكرة أنا قولت لفارس على الموضوع ده.

صفاء بفضول / قال لك إيه؟

لؤي / قالي إنه مش هيتجوز وانه هيخليكم توافقوا، بس لما أنجح.

صفاء / يا بني البت دي مش هاتنفعك، دي طمعانة في فلوس أبوك.

لؤي / لأ يا ماما، سوزي مش كده.

صفاء / روح الولع انتي والزفتة بتاعتك دي بعيد عني.

لؤي بمرح / يعني موافقة؟

صفاء بصوت عالي / غور من وشي.

لؤي / حاضر، براحتك.

***

لؤي وهو متجه لغرفته:

لؤي / يعني إيه مش عاجباها؟ هو انت اللي هتجوز ولا هما؟

نور / مالك بتكلم نفسك ليه؟ اتجننت؟

لؤي / ابعدي عن وشي دلوقتي أحسن، عفاريت الدنيا كلها بتتنطط قدامي.

نور بسخرية / ليه إن شاء الله؟

لؤي / ماما مش عاجبها سوزي.

نور / وهي سوزي تعجب حد أصلاً؟

لؤي / والنبي انتي بالذات اسكتي.

نور / ليه بقى؟

لؤي / لأنك ما تعرفيش حاجة عن الجمال أصلاً.

نور بغيظ / أنا؟

لؤي / آه يا أم شعر منكوش.

نور / مش منكوش، دي كيرلي يا حيوان انت.

لؤي / حيوان في عينك.

نور / طيب غور من وشي يا أبو سوزي.

لؤي / طيب، اوعي من وشي خليني أمشي يا منكوشة.

نور بغيظ / اتفضل غور.

ريماس / بقولكم إيه، أنا ماشية لأني تعبانه جداً.

مجهول / طيب، بس عدي قولي لفارس بيه قبل ما تمشي.

ريماس / ودي ليه بقى إن شاء الله؟

مجهول / أصل ممنوع حد يمشي إلا بإذن منه.

ريماس بضيق / حاضر.

في مكتب فارس:

(الباب بيخبط)

فارس / ادخل.

(دخلت ريماس)

فارس / خير؟

ريماس / كنت عاوزة أروح بدري النهارده.

فارس / ودي ليه بقى إن شاء الله؟

ريماس / أصل هاخد ماما عشان أوديها للدكتور.

فارس / خير، مالها الوالدة؟

ريماس / عندها القلب ومتابعة مع دكتور، والنهاردة معاده.

فارس / تمام، ولو عزتي حاجة ابقي قوليلي.

ريماس / شكراً.

عند لؤي:

لؤي / وحشتيني قوي.

سوزي بدلع / وانت كمان يا حبيبي.

لؤي / سوزي يا حبيبتي، مش قولنا نبطل الدلع ده؟

سوزي بدلع مصطنع / يا حبيبي، خليك راجل متحضر شوية.

لؤي بنفاذ صبر / حاضر يا حبيبتي.

سوزي / ها، كلمت أهلك في الموضوع بتاعنا؟

لؤي / لسه، مصممين إن فارس يتجوز الأول.

سوزي / إيه القرف ده؟ ما هو قال مش هيتجوز، إيه هيجوزوه بالعافية؟

لؤي / بس فارس قال إنه هيقنعهم.

سوزي / حبيبي...

لؤي / اممم...

سوزي / انت كنت واعدني إنك تشتري لي عربية.

لؤي / أنا قلت دي هتبقى هدية خطوبتنا.

سوزي بدلع / يعني مش عاوز تجيبها لي عشان كده؟ بتوه في الموضوع لحد. أنا أبيع.

لؤي / لأ والله.

سوزي / بس أنا عاوزاها الفترة دي، لأن عربيتي قدمت قوي.

لؤي / حاضر.

سوزي / بحبك قوي.

لؤي / وأنا كمان.

عند ريماس:

ريماس / أنا آسفة يا ماما إني اتأخرت، يلا بقى عشان نروح للدكتور.

هناء / لأ، ما أنا لما لقيتك اتأخرتي، روحت أنا.

ريماس / طيب ليه يا ماما مرنتيش عليا؟

هناء / يا بنتي خفت أعطلك على شغلك، وانتي بتقولي إن مديرك شديد.

ريماس / تمام يا ست الكل.

عند نور:

نور / إيه الزهق اللي الواحد فيه ده؟ أنا أتصل بريماس تيجي تقعد معايا شوية.

(اتصلت نور بـ ريماس)

نور / الو يا ماسة.

ريماس بشك / ماسة، اخلصي عاوزة إيه؟

نور / تعالي اقعدي معايا شوية.

ريماس / تدفعي كام؟

نور / اختك مفلسة والله، بس ممكن أعمل لك حاجة أحسن.

ريماس بفضول / إيه؟

نور / هشغلك أغاني الهبل بتوعك.

ريماس / مش اسمهم هبل يا هبلة انتي.

نور / خلاص، الملوك بتوعك.

ريماس / هما فعلاً ملوك.

نور / دول عبط.

ريماس بعصبية / ما تقوليش عليهم كده يا جزمة انتي.

نور / لأ هقول.

ريماس / خلاص مش جايه.

نور بتسرع / خلاص، دول أعقل فرقة في العالم، خلاص كده.

ريماس / أوكي، جايه.

نور / اممم.

عند فارس:

هيام / حضرتك هتروح يا فارس بيه؟

فارس / آه، وما تنسيش تيجي بدري عشان عندي اجتماع.

هيام / حاضر.

في قصر ناصر النشارتي:

ناصر / كلمت فارس يجي بدري شوية، أنا نفسي أقعد معاه شوية.

صفاء / آه يا عمي، كلمته.

عصام بيأس / أنا هموت وأعرف الواد ده جايب العقل ده منين.

ناصر / بكرة ربنا يهديه.

أدهم / دي قلة أدب بتاعت عيال.

ناصر / مالكش دعوة بيه يا أدهم.

سيف / يا جدو، انت مش عارف بيتعامل معانا إزاي.

أدهم / خليك في حالك يا سيف وركز في شغلك، وحقق بس ربع اللي حققه فارس.

سيف بحرج / تحت أمرك يا جدو.

ناصر / واللي هيجيب سيرة فارس بحاجة تاني، هيشوف وش مش هيعجبه.

أميرة / هو عمل لكم عمل ولا إيه؟

ناصر / اسكت مراتك يا أدهم.

أدهم / بس يا أميرة.

أميرة / ادينا اتخرسنا.

صفاء / انت جيت يا حبيبي.

فارس / آه يا ماما.

ناصر / تعالي اقعد معايا يا فارس.

فارس / وأنا من امتى بقعد معاك يا ناصر؟

عصام / يا فارس، عيب، دي جدك.

فارس ببرود / وأنا مالي أصلاً يا أستاذ عصام.

(ريماس كانت داخلة وسمعت كلام فارس مع عيلته)

ريماس بعصبية لفارس / أنا إزاي يا إنسان انت تكلم عيلتك كده؟

فارس بصدمة / انتي بتطلعي لي منين يا بت انتي؟

ريماس / رد على سؤالي، دي عيلتك، ماينفعش إنك تكلمهم كده.

فارس / دي حاجة متخصكيش.

ريماس بعصبية / أنا لو تعرف قيمتهم ما كنتش كلمتهم كده، وخصوصاً والدك.

فارس / احترمي نفسك يا بت انتي.

ريماس وهي تقول من فارس وهو بيبعد عنها / أنا محترمة أكتر منك يا بتاع انت.

(الكل كان واقف مصدوم، إزاي حد يقدر يكلم فارس كده)

ريماس / تعرف ساعات كتير بفكر في اللي هتجوزك وبتصعب عليا عليا قوي، بقول إزاي ممكن حد في الكون يقدر يستحملك.

فارس بسخرية / طيب، اجهزي بقى عشان نفسك هتصعب عليكي قوي.

(الكل كان مصدومين جداً من كلام فارس، والأكثر صدمة كانت ريماس)

ريماس / ومين قال أصلاً إني ممكن أوافق على حد زيك؟ ده انت آخر راجل في الكون، استحالة أوافق أصلاً.

فارس بتكبر وسخرية / ومين طلب موافقتك أصلاً؟ انتي باين عليكي ما تعرفيش حفيد إبليس لما يبقى عاوز حاجة بياخدها إزاي.

ريماس بتحدي / وريني بقى هتاخدها إزاي.

فارس وهو طالع على السلم متجه لغرفته / هتشوفي.

(فارس طلع خلاص)

ريماس بسخرية / واحد حيوان.

ناصر / انتي اسمك إيه يا حبيبتي؟

ريماس / اسمي ريماس يا جدو، أنا صاحبت نور.

ناصر / طيب تعالي معايا المكتب يا بنتي، عاوزك.

ريماس / حاضر يا جدو.

أدهم / إيه البت دي؟

أميرة بذهول / انت شايف بتكلم فارس إزاي؟

أدهم / والغريبة إنه ساكت لها.

أميرة بخبث / إحنا باين علينا هنحتاجها كتير قوي.

أدهم / عندك حق يا ميرو.

في مكتب ناصر:

ناصر / انتي تعرفي فارس منين؟

ريماس / ...

ناصر بذهول / وما عملكيش حاجة الكلام اللي قلتيه له ده كله؟

ريماس / ولا يعرف يعملي حاجة، انتوا بس اللي مش عارفة بتخافوا منه على إيه.

ناصر / بلاش تتحدي ناصر كتير عشان ميأذكيش يا بنتي.

ريماس / دي بوق على الفاضي.

ناصر بضحك / أنا عاوز أطلب منك طلب، وارجوكي ما تكسفينيش.

ريماس بتسرع / اتفضل يا جدو.

ناصر / وافقي على طلب فارس إنه يتجوزك، لأنه طالما حطك الموضوع ده هينفذه.

ريماس بصدمة / نعم؟؟؟

ريماس / حضرتك بتقول إيه؟

ناصر / يا بنتي اسمعيني بس.

ريماس / أنا آسفة يا فندم، مش هقدر أنفذ طلب حضرتك. بعد إذنك.

(كانت ريماس ماشية فعلاً)

ناصر / يا بنتي اقعدي بس، أنا مش قادر أقوم، حسي بيا، أنا زي جدك.

ريماس / يا فندم، أنا مش هعرف أنفذ اللي حضرتك بتقوله ده.

ناصر / يا بنتي اسمعيني للأخر.

ريماس / اتفضل، أنا سامعه حضرتك.

ناصر / يا بنتي، انتي الوحيدة اللي تقدري تغيري فارس.

ريماس بعدم فهم / أنا مش فاهمة.

ناصر / أفهمك، بصي يا بنتي، فارس من ساعة ما اتولد وهو انطوائي جداً ومش بيحب يتكلم مع أي حد. وانتي، وعمر ما حد عارضه في قرار قبل كده، وانتي أول حد يقف قصاده. وكمان أنا مستغرب زيك زيي إنه ما عملكيش حاجة، وكمان إنه طلب منك طلب ده. دي، اعتبريني زي جدك، ووافقي.

ريماس بتفكير / بس ده هيجوزني عشان يعذبني.

ناصر / متخافيش، مش هيقدر يعملك حاجة، وكمان أنا عاوزك تغيريه.

ريماس / اشمعنى أنا؟

ناصر / لأنك عارفة قيمة العيلة كويس جداً، وهتعرفي تغيريه بجد.

ريماس / أنا دي جدي، وأنا هوافق عشان خاطر حضرتك، لأن أنا كمان عاوزة أعلمه الأدب.

ناصر / اعملي فيه اللي نفسك فيه.

ريماس بضحك / اتفقنا يا جدو.

عند نور:

نور / هي اتأخرت كده ليه؟ أنا أنزل أخت شوية.

(تحت)

نور / متجمعين كده ليه؟

لؤي / والنبي يا بنتي، أنا جيت لقيتهم كده.

نور / ما كلمتكش انت أصلاً.

لؤي / طيب، غوري بقى.

نور / أغور أما آخدك.

لؤي / بس يا عانس.

نور / بس يا بابا، روح شوف البت العيلة اللي انت مهبول عليها.

لؤي / زيها انتي أصلاً.

نور / دي حاجة متشرفنيش أصلاً.

أميرة / بس انتوا الاتنين، أما أشوف المصيبة اللي إحنا فيها.

سيف / فيه إيه يا ماما؟

أميرة / هقولك بعدين، مراتك هتيجي من السفر امتى؟

سيف / بعد يومين يا ماما.

صفاء / لؤي، اطلع شوف أخوك.

لؤي / ماله أخويا يا ماما؟

صفاء / بعدين، اطلع بقى.

لؤي / لأ، إزاي يا طنط؟ اطلع إزاي؟ لازم ينبه حضرتك شوية.

لؤي / أما إنك بت حشرية صحيح.

نور / أنا.

لؤي / آه، ما تخليكي في حالك، أو خليكي في شعرك المنكوش ده.

نور / بس يا بتاع البنات.

أدهم بصوت عالي / اطلع شوف أخوك، وانتي اخرسي.

(طلع لؤي لفارس)

عند فارس:

فارس / والله لأربيكي، طالما أهلك ما عرفوش يربوكي.

(الباب خبط)

فارس / ادخل.

لؤي / احم احم.

فارس / ارغي.

لؤي / والله ماما هي اللي قالت لي اطلع أشوف أخوك، هو فيه إيه؟

فارس ببرود / مفيش، وانزل قول لها فارس بيقول لك هو صغير عشان أشوفه.

لؤي / حاضر يا سيدي، أنا مالي.

فارس / انت بتقول إيه؟

لؤي بخوف / مش بقول يا سيد الناس.

فارس / طيب، يلا اخفي من وشي.

لؤي / حالا.

(خرج لؤي من غرفة فارس بالفعل)

عند ريماس:

ريماس وهي ماشية في الشارع / طيب، هقول إيه لماما دلوقتي؟

(موبايل ريماس رن)

ريماس / الو، مين معايا؟

فارس / أنا، فارس.

ريماس / خير؟

فارس / أنا حبيت أقول لك بس، ما تجيش الشركة تاني، لأن حرم فارس النشارتي مش هتشتغل.

ريماس باندفاع / انت مجنون يا جدع انت!

فارس / حسابك بيتقل على فكرة.

ريماس / وريني هتقدر تعملي إيه.

ريماس / الو، الو.

(فارس قفل الموبايل في وش ريماس)

ريماس / دي شغلانة سودة دي.

ريماس بخبث / باين علينا هنتسلى مع بعض كتير قوي يا فارس.

عند صفاء:

لؤي / دي انتوا عليه غريبة.

صفاء / اخلص، أخوك عامل إيه؟

لؤي / بيقول لك هو صغير عشان تبعتيني أشوفه، ماله؟

صفاء بقلة حيلة / طيب يا بني.

لؤي / والله دي انتوا عليه مش حلال فيكم فارس.

صفاء / ولد، عيب كده.

لؤي بمرح / أيوه، انتوا مش بتشطروا إلا على زفت.

لؤي / أيوه، ما أنا ابن البطة السودة.

عصام وهو داخل / بتندم ليه؟

صفاء / تعالي شوف الواد ده.

لؤي / شفت بقى العنصرية؟ دايماً بتقول لي يا واد، وأقول لفارس يا فارس، ودايماً بتزعق معايا أنا وفارس لأ.

عصام / والله عال، انت بقيت تتكلم.

لؤي بمرح / يا حاج، بهزر مع ست الكل دي، انتوا عليه نكدية.

صفاء / طيب، فرم وشي بقى بدل ما أرتكب جريمة فيك دلوقتي.

لؤي / لأ، وعلي إيه؟ سلام.

(مشي لؤي)

عصام بضحك / والله دمه ده عسل.

صفاء / اممم.

عند ريماس:

ريماس بمرحها المعتاد / يا ست الكل، تعالي بسرعة.

هناء / إيه يا أخرة صبري؟

ريماس / هتجوز.

هناء بعدم تصديق / بجد؟ دي أسعد خبر أسمعه في حياتي.

ريماس / آه بجد يا ست الكل.

هناء / مين بقى المتعوس؟

ريماس / بقي كده؟ طيب مش قايلة.

هناء / انطقي بقى يابت.

ريماس / فارس.

هناء / مديرك في الشغل؟

ريماس / آه.

هناء / انتي ما كنتيش طايقاه، إيه اللي جد؟ يعني مش فاهمة.

ريماس بارتباك / ها، لأ يا ماما، ده طلع طيب قوي.

هناء بشك / طيب يا بنتي، ربنا يكتب لك اللي فيه الخير.

ريماس / أنا داخلة أنام يا ماما.

هناء / طيب يا حبيبتي، اتغطي كويس.

عند لؤي:

لؤي / جبت المطلوب.

جمال / أهو، اتفضل.

لؤي / هات.

جمال / خف شوية يا لؤي.

لؤي / إن شاء الله.

تاني يوم الصبح في قصر ناصر النشارتي:

في غرفة أدهم:

أميرة / إحنا هنسيب البت دي كده؟

أدهم / لأ طبعاً، البت دي لو اتجوزت فارس، معنى كده إن كل حاجة هتبقى لها.

أميرة / طيب، وإيه العمل؟

أدهم / عندي فكرة.

أميرة بتسرع / قول بسرعة.

أدهم / ...

أميرة / حلو قوي كده.

في غرفة فارس:

(كان فارس يجهز للعمل)

(الموبايل رن)

فارس / خير؟

ريماس / حبيت أطمن على خطيبي وحبيبي وقرة عيني.

فارس بشك / فيه إيه؟ ما تتعدلي.

ريماس / فيه إيه؟ مش انت خطيبي برضوا؟

فارس / انتي فاكرة نفسك مين؟ أنا متجوزك عشان أربيكي.

ريماس باستفزاز / وفيها إيه أما خطيبي وحبيبي وجوزي المستقبلي يربيني؟ مش غلط.

فارس / اخلصي، عاوزة إيه على الصبح؟

ريماس ببراءة مصطنعة / بصبح عليك يا قمر انت.

(قفل فارس في وش ريماس)

عند ريماس:

ريماس / الو، الو. الحيوان ده تاني مرة يعملها، بس ماشي يا فارس، أما جننتك ما يبقاش أنا ريماس.

عند هيام:

هيام / انت مش ناوي تتحرك خالص ولا عارف تلاقي شقة ولا أي حاجة؟ أنا قربت أخلص جهازي وانت لسه زي ما انت.

كريم (خطيبها) / يعني أعمل إيه؟

هيام / عشان أبقى صريحة معاك، أنا شاكة إنك تعرف واحدة عليا.

كريم / محصلش.

هيام / ماشي يا كريم، قدامك شهر، لو مشوفتش شقة ورجعت لي شبكتي اللي خدتها وبعتها، كل واحد فينا يروح لحاله.

عند ريماس:

هناء / يا بنتي رايحة فين؟

ريماس / يا ماما، رايحة أتمشى شوية.

هناء / لوحدك؟

ريماس / لأ، هاخد نور معايا.

هناء / طيب يا بنتي.

ريماس / سلام، أنا ماشية.

هناء / ما تتأخريش.

ريماس / حاضر.

في القصر، في مكتب ناصر:

ناصر / الو يا ريماس.

ريماس / الو يا جدو.

ناصر / اتأخرتي ليه يا بنتي؟ يلا تعالي.

ريماس / حاضر يا جدو، أنا جايه اهو. سلام.

على السفرة في القصر:

عصام / قوم شوف جدك اتأخر ليه يا لؤي.

لؤي / أنا كنت عنده في المكتب من شوية، قالي إنه مستني ريماس عشان تفطر معانا.

أميرة / من أولها.

صفاء / فيه إيه يا أميرة؟ ما تخليكي في حالك.

أميرة / مش هرد عليكي أصلاً.

أدهم / بس انتوا الاتنين.

لؤي / نور؟

نور / اممم.

لؤي / أنا قعدت أدور لحد ما لقيت لك دكتور تجميل كويس.

نور / خليهولك.

لؤي ببراءة مصطنعة / بصراحة، أنا مش قمر؟

نور / قمر بالستر يا أخويا.

لؤي / بس يا بت انتي، بدل ما أقوم لك.

نور وهي بتطلع لسانها / قومي يلا يا بتاع البنات.

لؤي / طيب.

(طلع لؤي يجري ورا نور)

نور وهو لؤي بيجري وراها وقعت نور بعياط / آآآآآآه.

لؤي / دي آخرة الشقاوة.

نور بعياط / يا ماما.

لؤي / هشش، يخرب بيتك، دلوقتي يقولوا إني أنا اللي وقعتك بقصد.

نور / آه، دي بتوجع قوي.

لؤي / طيب، تعالي.

(حمل لؤي نور بذراعه واتجه بها نحو غرفتها)

لؤي / خليكي هنا ٥ دقايق، وجاي.

نور بدموع / ماشي.

(اقترب لؤي من نور ليمسح دموعها، ولكن للحظة غرق في عيونها الخضرويتين)

بعد ٥ دقايق:

نور / قوم يا بني، خلاص بطلت عياط.

لؤي / ها.

نور / قوم هات لي المرهم.

لؤي / طيب.

(الباب خبط والخدامه فتحت)

ناصر: تعالي يا حبيبتي، دي احنا مستانيينك.

ريماس: أنا آسفة يا جدو، الطريق كان زحمة.

صفاء: اقعدي يا بنتي، واقفة ليه؟ (قعدت ريماس)

*بعد الفطار*

ناصر بضحك: خلاص مش قادر، دي انتي طلعتي دمك خفيف بشكل.

عصام: عندك حق والله يا بابا.

ريماس بمرح: هو انتوا لسه شوفتوا حاجة.

أدهم: طيب أنا ماشي على الشركة بقى، يا بابا عايز حاجة؟

ناصر: لأ مش عايز حاجة.

أميرة: طيب خدني في طريقك، هروح النادي لأني مش قادرة أستحمل الجو هنا خالص. (مشيت أميرة وأدهم)

ريماس: طيب أستأذن أنا بقى عشان أروح أشوف ماما وأديها العلاج.

صفاء: ابقي سلميلي عليها، دي إحنا خلاص بقينا أهل.

ريماس بحرج: أكيد يا طنط.

*عند نور*

نور: آه آه براحة شوية، أنت إيه بتدي حيطة وش محارة.

لؤي: لسانك هيفضل طول عمره طويل.

نور: بس ياض.

لؤي: ياض طيب خدي بقى كملي انتي. (أدى لؤي لنور المرهم ومشي وسابها)

نور بغباء: هو زعل ليه؟

*عند ريماس*

ريماس: ماما.

هناء: إيه يا آخرة صبري؟

ريماس: بحبك.

هناء: عايزة إيه؟ مش عوايدك يعني.

ريماس بحب وهي بتحضن أمها: إيه يا ماما، قريب هتجوز وهمشي من هنا، فهتوحشيني.

هناء وهي تشدد على الحضن: وإنتي والله يا ماسة هتوحشيني قوي، وهيوهشني جنانك.

ريماس بزعل مصطنع: بقي أنا مجنونة يا ست ماما؟ طيب شكراً قوي كده. (دخلت ريماس غرفتها)

هناء: يا بنت المجانين، الله يكون في عون العريس، دي أمه داعية عليه عشان يبتلي بيكي إنتي.

*عند فارس*

كان فارس في اجتماع والتليفون كان بيرن كتير، بس فارس ماكنش مديله اهتمام.

مجهول: باين التليفون مهم، رد يا أستاذ فارس وبعدين نكمل شغل، وبالمرة ناخد راحة، إحنا بقالنا ساعتين على الحال ده.

فارس: تمام.

خد فارس التليفون وراح عند الشباك.

فارس: الو، عايزة إيه؟

ريماس: تؤتؤ، في حد يكلم خطيبة كده واللي هتبقى قريب مراته؟

فارس: اخلصي، مش فاضيلك، عندي اجتماع مهم.

ريماس ببراءة مصطنعة: حبيت أطمن عليك.

فارس برفعة حاجب: بقي كده؟

ريماس: آه يا قوة عيني إنت.

فارس: بصي بقولك إيه، أنا ماليش في الهبل ده.

ريماس: بقي كده يا حبيبي.

فارس: حبك برص يا زفتة إنتي، إنتي باين عليكي ماكنتيش لاقية حد يعبرك يا عانس إنتي.

ريماس: بقي اسمع...

فارس بمقاطعة: اسمعي إنتي، أنا هتجوزك مش عشان خاطر سواد عيونك، أنا هتجوزك عشان إنتي خلاص دخلتي جحيم حفيد إبليس ولازم أربيكي عشان تتعلمي تتكلمي معايا تاني إزاي. (قفل فارس التليفون في وش ريماس)

*عند أميرة وأدهم*

أدهم: عندي خبر حلو قوي.

أميرة: والنبي سيبني دلوقتي، أحسن مش طايقة نفسي.

أدهم: ليه بس؟

أميرة: البت الجربوعة اللي جابها فارس دي هتاخد كل حاجة، خصوصاً إن زي ما بتقول أبوك عايز يكتب كل حاجة باسم فارس.

أدهم: ماهو دي الموضوع اللي عايزك فيه.

أميرة: قول بقى.

أدهم: ……

أميرة: الله على دماغك يا دومي، إيه ده كله؟

أدهم: أمال.

أميرة: ماتعرفش مرات ابنك اتأخرت في السفر كده ليه؟

أدهم: سيف قالي إنها هتيجي النهارده.

أميرة: طيب.

*عند لؤي*

سوزي: يا لؤي كده كتير بجد.

لؤي: طيب أنا أعمل إيه بس يا حبيبتي؟

سوزي: اتصرف، إحنا مرتبطين بقالنا سنتين، لازم إننا نتخطب بقى.

لؤي: هانت يا روحي، كلها شوية وفارس يتجوز.

سوزي بزعل مصطنع: طيب فين الهدية بقى؟

لؤي بعدم فهم: هدية إيه؟

سوزي: بتاعت الفيلا الجديدة اللي نقلت فيها.

لؤي: بكرة يا ست البنات هتوصلك على الفيلا الجديدة.

سوزي: هستنى.

لؤي: بحبك.

سوزي بدلع: أكتر يا قلب سوزي.

*في شركة فارس*

في مكتب فارس.

محمود: بحبها.

فارس: بقولك إيه، قوم شوف شغلك وبطل المياعة دي.

محمود: يا بني أنت ماعندكش إحساس خالص.

فارس ببرود وتكبر: تؤ.

محمود: يعني إنت عمرك ما حبيت؟

فارس: بص يا محمود عشان أكون خلصت ضميري، عايز أقولك يا بني إن الحب ضعف، وأصلاً الحب ده للناس التافهة اللي ماعندهاش حاجة تعملها.

محمود: طيب وريماس؟

فارس: مالها؟

محمود: هتتجوزها ليه؟

فارس: أوعى أكون فاكر إني ممكن هتجوز ريماس عشان جمالها أو عشان حب أو كلام فاضي من ده.

محمود بخبث: يعني ريماس جميلة؟

فارس بإندفاع: جداً.

محمود بضحك: يخرب بيتك.

فارس بعد ما فهم اللي قاله: قاصدي إنها عادية يعني.

محمود: اممم، أومال اتجوزتها ليه؟

فارس: لسه هتجوزها، وليه بقى؟ فدي عشان أعلمها إزاي تتكلم مع حفيد إبليس.

(موبايل فارس بعت رسايل كتير، مسك فارس الموبايل)

فارس: إيه دي؟

محمود: في إيه يا بني؟

فارس: ها، لا مافيش حاجة، روح شوف شغلك إنت.

محمود: في إيه يا فارس؟

فارس بصوت عالي: اخرج دلوقتي من وشي يا محمود.

محمود: مش ممكن أسيبك في الحالة دي، في إيه في الموبايل؟

فارس وقد وصل إلى أعلى حد من العصبية: خلاص هغور أنا.

*عند ريماس*

ريماس: نورت والله يا بني، مابتجيش ليه؟

ماجد (ابن خالة ريماس): مشاغل والله يا ماسة. أومال فين طنط؟ من ساعة ما جيت وهي مش موجودة.

ريماس: ماما نزلت تجيب شوية طلبات وزمانها جاية.

ماجد: وإنتي عاملة إيه؟

ريماس: بخير والله يا مجاميجو.

ماجد بضحك: إنتي لسه فاكرة الاسم ده؟

ريماس: طبعاً يا بني.

ماجد: مافيش حاجة كده ولا كده؟

ريماس: بص هقولك على حاجة بس أوعى تجيب سيرة لماما.

ماجد بقلق: وأنا من إمتى بقول حاجة لطنط؟ انطقي بقى.

ريماس: ...(ريماس حكت لماجد كل حاجة من أول ما قابلت فارس)

ماجد: ليه كده يا ماسة؟ تعملي كده؟

ريماس: يعني كنت عايزني أعمل إيه؟ إنت لو بتشوف بيعامل أهله إزاي.

ماجد: هو في حد كده؟ (الباب خبط وقامت ريماس تفتحه)

ريماس بصدمة: فارس!

فارس: مالك؟ ارتبكتي كده ليه؟

ريماس: لا، مافيش حاجة.

فارس بشك: إنتي مش هتدخليني ولا إيه؟

ريماس: ها. (دخل فارس من غير ما يسمع ريماس)

فارس بسخرية: حتى بيتك ما اعتقهوش.

ريماس بعدم فهم: قصدك إيه يا بني آدم إنت؟ وإيه أصلاً اللي جابك هنا؟

فارس بسخرية واستحقار: دي بدل ما تشكريني إني جيت عشان أحاسب على المشاريب.

ماجد: عيب كده يا بني آدم إنت.

فارس: وإنت بقى زبون قديم ولا مستجد؟

ريماس بصدمة: إنت بتقول إيه؟ إنت اتجننت؟

فارس: تعالي معايا.

ريماس: إنت واحد مجنون، أنا مش ممكن أروح معاك في حتة.

فارس: طيب ماتلومينيش بقى. (شال فارس ريماس ومشي بيها)

ماجد وهو بيجري وراه: إنت يا بني إنت. ولكن ملحقهوش لأن فارس مشي بالعربية.

*في القصر*

أميرة: أخيراً جيتي، ما كنتي خليكي شوية.

ميادة (مرات سيف): معلش يا طنط، بس الجو هناك كان تحفة.

أميرة: طيب.

ناصر: إيه يا ميادة بقالكم 3 سنين متجوزين مش ناوين تخلفوا بقى ولا إيه؟

سيف: قوليها يا جدو.

ميادة: أنا لسه صغيرة وعايزة أعيش شبابي يا جدو.

ناصر: يا بنتي هاتي العيال وإنتي صغيرة عشان يبقى فيكي حيل تربيهم.

ميادة: معلش يا جدو، سيبني على راحتي.

ناصر: براحتك يا بنتي.

نور: ميادة، ماتعرفيش اللي حصل؟

ميادة: لا، إيه اللي حصل؟

نور بفرح: فارس هيتجوز.

ميادة بزعل ودموع مكتومة: مبروك يا طنط.

صفاء: الله يبارك فيكي يا قمر.

ميادة: طيب أنا هطلع أرتاح شوية بقى. (طلعت ميادة)

ناصر: هو فين لؤي يا صفاء؟

صفاء: مش عارفة والله يا عم.

لؤي: سامع حد بيجيب في سيرتي.

نور: يا ريتنا جبنا سيرة مليون جنيه.

لؤي وهو بيقرب من نور وباصص في عينيها: بقي بزمتك أنا مش أحسن من المليون جنيه؟

نور: ها.

ناصر بضحك: خلاص بقى يا لؤي، ابعد عنها.

لؤي وهو بيبعد عن نور: حاضر يا جدو.

نور: أنا طالعة أوضتي.

صفاء: إنت مش هتبطل تضايق بنت عمك؟

لؤي: تؤ.

ناصر: كنت فين من الصبح؟

لؤي: كنت عند حبيبتي سوزي.

صفاء: حبك برص يا بعيد، مالها بنت عمك ماهي قمر أهي، أنا مش عارفة بس إيه اللي عجبك في الرفعة بتاعتك دي؟

لؤي: اسمها سوزي مش زفتة، وبعدين بنت عمي دي مش بنت أساساً، إنتي مش بتشوفي لبساها ولا النضارة الكعب كوباية.

ناصر: اتريق اتريق يا فاشل، إنت أصلاً تطولها؟

لؤي: يا جدو أنا عمري ما شفتها لابسة فستان زي البنات.

صفاء: مش كل البنات لازم تلبس فساتين.

لؤي: إنتوا الاتنين بتحبوها ومش هتطلعوها وحشة، يبقى أمشي أنا بقى.

صفاء: في داهية.

*عند فارس في العربية*

ريماس: في إيه؟ إنتي خاطفني مثلاً.

ريماس: يا بني إنت رد عليا.

ريماس: طيب نزلني بقى بدل ما أرمي نفسي.

فارس: اعمليها كده لو جدعة.

ريماس: إحنا رايحين فين يعني؟

فارس ببرود: عند المأذون.

ريماس بخوف: ليه؟

فارس بسخرية: عشان أحاسب على المشاريب.

ريماس: أنا أصلاً استحالة أتجوزك.

فارس: ما هو مش بمزاجك.

ريماس: طيب ابقي شوف مين بقى اللي هيمضي على عقد الجواز بدالي عشان أنا مش همضي.

فارس: أنا ماقلتلكيش.

ريماس: لا تقولي إيه؟

فارس: ما هو لو متجوزتنيش ماما كده ممكن يحصلها حاجة، أقدر الله يعني.

ريماس بعياط: مالكش دعوة بماما، أنا بقولك أهو.

فارس: يبقى ابقي شطورة وتسمعي الكلام كده.

ريماس: أنا عملتلك إيه عشان أعمل معاك كده؟

فارس بسخرية: إنتي واحدة مش متربية خالص وأنا حطيتك في دماغي قوي.

ريماس: أنا مجنونة، أنا عملتلك إيه عشان تقول عليا كده؟

فارس: اخرسي وما أسمعش صوتك لآخر الطريق.

*عند أميرة*

أميرة بضحك: بجد برافو عليك يا أدهم، بعد الصور اللي بعتهالو دي استحالة يفكر إنه يتجاوزها أو يبص في وشها حتى.

أدهم: ربنا يقدرنا على فعل الخير.

أميرة: إنت إزاي أصلاً جبت الصور دي؟

أدهم: جبت واحد من الهكر، هكرلها موبايلها وخد من عليها صور شخصية ليها، وبعد كده خليت واحد بتاع فوتوشوب يركبهم لي بطريقة احترافية ومش باينة إنها متركبة.

أميرة بتصفيق: بوابو بجد على دماغك دي.

أميرة: تعرف يا أدهم إن مرات ابنك لسه بتحب فارس؟

أدهم: عرفتي إزاي؟

أميرة: أول ما عرفت إنه هيتجوز، طلعت على أوضتها وكانت زعلانة قوي وعنيها مدمعة.

أدهم: أوعى يعرف ابنك حاجة من دول.

أميرة: استحالة أقوله حاجة، هو لو كان عارف إنها حتى بتحب فارس من زمان كان زمانه موتها.

أدهم: طيب.

*عند ميادة في الأوضة*

ميادة بعياط: بقي كده يا فارس، أو تعرف قد إيه أنا بحبك وعمري ما حبيت سيف ولا حتى طيقته، دي أنا متجوزاه عشان أبقى قريبة منك.

ميادة وهي بتمسح دموعها: بس والله ما ههنيها عليك ولا ههانيك.

*عند هيام*

هيام: لا إنت بجد واحد زبالة، بتخوني أنا يا كريم بعد كل اللي عملته عشانك؟

كريم: عملتي إيه؟ دي إنتي واحدة نكدية، كل ما أشوف وشي تكلميني في موضوع الشقة والفلوس.

هيام بعياط: يعني أنا غلطانة إني كنت عايزة نتلم في بيت واحد وبشتغل وبساعد معاك من ورا أهلي، بس خلاص، أصلاً إنت زبالة. دي اللي بتكلمها عليا؟

كريم: مافيش زبالة غيرك.

هيام: يا جبروتك يا شيخ، يعني أدخل عليك ألاقيك بتكلمها وكمان بتشتمني، إنت كده وصلت لآخرك معايا. (قلعت هيام الدبلة ورمتها في وش كريم ومشيت)

كريم: يلا في داهية.

*عند فارس*

فارس: امضي.

ريماس بخوف وتردد: مش عايزة أتجوزك.

فارس: خافي على مامتك وامضي.

ريماس في نفسها: ماشي يا فارس، أما خليتك تدفع تمن كل كلمة قولتهالي وتمن خوفي على ماما.

فارس: اخلصي. (مضت ريماس على عقد الجواز وأصبحت فعلياً زوجة فارس النشارتي)

*في عربية فارس*

ريماس: إنت رايح على فين؟

فارس ببرود: على بيتي.

ريماس: طيب وماما.

فارس بإستهزاء: اشمعنى دي اللي هتقوليلها عليها؟

ريماس: نعم، دي ماما ولازم تعرف عشان متقلقش عليا، وبعدين إنت اسكت خالص، دي مش بعيد إنها ترميني في الشارع وتخاصمني بسببك.

فارس: مش مهم. (ظلت ريماس تبكي طوال الطريق)

*عند نور*

نور: فكك يا أمل، مش هروح حفلات.

أمل: يا بنتي، يعني إنتي عاجبك إنك معزولة دايماً كده بكعب الكوباية بتاعتك دي.

نور: ممكن ما تتريقيش؟

أمل: يا بنتي أنا قصدي مصلحتك.

نور بشك: هو أنا وحشة؟

أمل: قطع لسان اللي يقول كده، دي إنتي زي القمر.

نور بزعل: أمال ليه لؤي بيقولي إن وحشة؟

أمل: فكك منه، وتعالي معايا نروح نعمل شعرنا ونجيب لبس جديد وكمان.

نور: انطقي، وكمان إيه؟

أمل: بصي بقى بصراحة، كعب الكوباية بتاعتك دي لازم تقلعي.

نور: كده؟ أنا مش هعرف أشوف.

أمل: لا يا حبيبتي، هنحطلك لينسيس.

نور: بس أنا خايفة أطلع مش حلوة.

أمل: يا بنتي إنتي قمر والله، بس إنتي عايزة تتظبطي شوية.

نور: هو أنا مكنة عشان تظبطيها؟

أمل: مش قصدي يا نور، قصدي إنك عايزة شوية حاجات بسيطة عشان تبقي جميلة أكتر.

نور: إذا كان كده، يلا بينا.

*في بيت ريماس*

هناء: يعني يا ماجد يا بني، ماتعرفش مين الراجل اللي خدت ريماس ومشي ده؟

ماجد: والله أنا أول مرة أشوفه يا طنط.

هناء: طيب ربنا يستر بقى.

ماجد: متخافيش يا طنط، إن شاء الله خير.

هناء: يسمع من بوقك ربنا يا بني. (الباب خبط)

ماجد: خليكي إنتي يا طنط، هقوم أنا أفتح. (قام ماجد فتح)

ماجد: ريماس؟ كنتي فين مع البني آدم ده؟

فارس: إيه يا عم، ماتخافش عليها طول ما هي مع جوزها.

ماجد: إنت اتجننت؟ ريماس استحالة تتجوز من ورانا.

هناء: إيه الكلام ده يا ريماس؟

ريماس بعياط: ما هو يا ماما... (قاطعت هناء كلامها)

هناء: يعني إيه يا بنتي؟ ما تردي.

فارس: ما هو أصل يا حماتي.

هناء بصوت عالي: إنت تخرص خالص، أنا بكلم بنتي، ما تردي يا بت. (ريماس ساكتة وبتعيط)

هناء: إنتي هتفضلي تعيطي كتير كده؟ ردي عليا.

ماجد: خلاص يا طنط، اهدى، وإنتي يا ريماس، امشي دلوقتي إنتي وجوزك وابقي تعالي لها أما تهدأ أحسن كده الضغط هيرفع عليها.

ريماس بعياط: تمام. (مشيت ريماس وفارس)

يتبع

عند مياده وسيف في غرفتهم.

سيف: وحشتيني قوي يا مياده.

مياده: طيب.

سيف: إيه اللي طيب؟ بقولك وحشتيني، إيه أنا موحشتكيش؟

مياده: يا ابني أنت كنت بتكلمني في اليوم خمس مرات.

سيف: مياده هسألك سؤال وتردي عليا بكل صراحة، انتي في حد في حياتك غيري؟

مياده بخوف: إيه اللي خلاك تقول كده؟

سيف: يعني مش بقيتي تهتمي بيا زي أيام الخطوبة؟ وكل أما أجي أقول منك تخلقي أعذار عشان تبعديني. ومش عاوزة تخلفي مني؟ فيه إيه؟ كل ده مش كفاية؟ أهلي أي راجل يشك.

مياده: لا والله يا حبيبي، كل الموضوع إن أعصابي تعبانة اليومين دول.

سيف بخضه: طيب تعالي معايا يا روحي نروح للدكتور نطمن عليكي.

مياده: مش مستاهلة يا حبيبي، أنت بس خليك جنبي وأنا هتحسن.

سيف بحب: أنا أصلاً مش هسيبك، أنت مش عارفة أنا بحبك قد إيه.

مياده: وأنا بموت فيك يا روحي.

مياده: هو صحيح فارس هيتجوز؟

سيف: ما أظنش إنه يقدر يتجوز البت دي بعد اللي أبويا عمله.

مياده بفرح: عمي عمل إيه؟

سيف: بصي يا ستي، أبويا... (سيف حكى لمياده على كل حاجة عملها أدهم).

مياده بضحك وفرح: والله برافو على عمو، دماغه دي سم بجد.

سيف: آه والله، دي أبويا دي دماغه متكلفة.

مياده: بس هي مين البت دي؟

سيف: والنبي أنا معرفش هي مين، بس أمي بتقول إنها صاحبة نور.

مياده: حلوة البت دي.

سيف: ما هي ما كانت حلوة، مش هتبقى في حلاوتك.

مياده: على فكرة أنا كده هتعود على الكلام الحلو ده.

سيف: اتعودي أنتِ بس ومالكيش دعوة.

مياده: بحبك.

سيف: أكتر يا روحي.

(سيف شال مياده ولف بيها الجناح).

مياده: نزلني يا سيف، أحسن حد يسمعنا.

سيف: مراتي وبحبهااااااااا.

مياده: وهي بتموت فيككككككككك.

عند نور.

أمل: إيه القمر دي؟ يخرب بيت جمالك يا شيخة.

نور: بجد حلوة يا أمل؟

أمل: أكيد، أنتِ مش شايفة نفسك ولا إيه؟ دي أنتِ كنتي مخبية جمالك في الكعب كوباية واللبس اللي كنتي بتلبسيه.

نور بكسوف: خلاص بقى.

أمل: لا، أنتِ إياكي أشوفك لابسة حاجة من لبسك القديم ولا الكعب كوباية اللي كنتي بتلبسيها تاني، فاهمة؟

نور: فاهمة.

أمل: كده أنتِ شطورة.

نور: طول عمري.

أمل: تباً لتواضع أهلك يا شيخة.

نور بضحك: طيب الحق أروح أنا بقى عشان أتعشى مع جدو والعيلة.

أمل: طيب يا ستي، غوري.

في القصر.

ناصر بضحك: بس يا واد، هموت من كتر الضحك.

لؤي: طيب يا حجوج، بس برضه ما قلتليش مش هتجوز؟ بقي عاوز أفرح بيك قبل ما أموت.

ناصر: يا واد، ما أنا خلاص خدت نصيبي من الجواز، هو أنت فاكر إن بعد جدتك واحدة تانية تاكل عنيا؟

لؤي بتصفيق: أيوا يا حجوج يا رومانسي.

ناصر: يا واد اسكت، هتفضحني.

لؤي: طيب، بس إيه الإخلاص ده كله يا حاج؟

ناصر: أصل جدتك ما كانتش مراتي بس، دي كانت حب عمري، وكانت أمي وصاحبتي وبنتي وأختي.

لؤي: أختك؟ أمال بابا جه إزاي؟

ناصر: قوم يا ياض من قدامي بدل ما أقوم أموتك.

لؤي: خلاص يا حاج، قايم متزقش.

ناصر: في داهية.

نور وهي داخلة عليهم: الواد ده زعلك في إيه بس يا جدو؟ قولي أنا أربيه.

ناصر: سيبك من الواد والزفت، إيه الجمال ده كله؟ كنتي مخبية كل ده فين بس؟

لؤي بصدمة: بقي أنا واد وزفت يا جدو؟

ناصر: آه.

لؤي: طيب مقبولة منك.

لؤي: أمال فين النضارة الكعب كوباية؟

نور: ما يخصكش.

ناصر: انتوا ابتديتوا؟ أنا هقوم آخد العلاج.

(دخل ناصر مكتبه).

لؤي بخبث وهو بيشد نور لحضنه: بس إيه القمر يا نور.

وهي بتحاول تبعد لؤي عنها: مش أنا مش بنت أصلاً.

لؤي: إيه ده؟ أنتِ بتلمعي أُكر كمان؟

نور بتوتر: أنا سمعتكم من غير ما أقصد والله.

لؤي بضحك: مالك خوفتي كده ليه بس؟ تعرفي شكلك حلو قوي وأنتِ خايفة.

نور: أنا مش بخاف.

لؤي: تعرفي إن أول مرة آخد بالي من لون عينك.

نور: ابعد يا لؤي.

لؤي: ابعد ليه؟ أنا مستريح كده.

نور: أحسن حد يشوفنا.

لؤي بخبث: يعني لو ما كنتيش خايفة إن حد يشوفنا كنتي ما قلتيليش إني أبعد؟

نور بتوتر: لا طبعاً، كنت هقولك.

لؤي: طيب كده هزعل.

نور: روح لست سوزي بتاعتك، هي مش هتزعلك.

لؤي: وأنتِ متغاظة منها ليه؟

نور: أنا نور أدهم النشارتي، أغير من واحدة زي دي.

لؤي وهو بيبعد عن نور: طيب هحاول أصدقك.

نور: متحاولش، أنا عاوزاك تصدق وتتأكد كمان.

(ابتسم لؤي لنور ومشى).

نور في نفسها: يخرب بيت جمال ابتسامة أمك.

نور: أنا بقول إيه؟ اخرسي يا نور، اخرسي.

في عربية فارس.

فارس: بطلي عياط وانزلي يلا.

ريماس بعياط: أنت مستحيل تكون إنسان، أنت مشفتش أمي عاملتني إزاي بسببك.

فارس: عادي يعني، إيه اللي فيها؟

ريماس: آه، أنا نسيت، هو أنا بشهد مين؟ بشهد واحد بيتعامل مع عيلته بطريقة زبالة زيه، من الآخر واخد عاق.

(ضرب فارس ريماس بالقلم جامد جداً).

فارس وهو بيشد شعر ريماس: لو سمعتك بتكلمي معايا بالطريقة دي تاني هتزعلي جامد، والقلم ده قرصة ودن.

ريماس بعياط: سيب شعري، هيتخلع في إيدك.

فارس وهو بيرمي ريماس على التابلوه بتاع العربية: انزلي يلا.

(نزلت ريماس هي وفارس ودخلوا القصر).

في القصر.

صفاء: إيه ده يا ريماس؟ أنتِ جيتي يا بنتي في الوقت ده إزاي؟

فارس: أمي، ريماس بقت مراتي.

صفاء: إزاي يا ابني من غير فرح ولا أي حاجة؟

فارس: أمي، دي حاجة تخصني أنا وبس.

(مسك فارس إيد ريماس وطلع على الجناح بتاعه).

صفاء: ربنا معاكي يا بنتي.

ناصر: مين اللي ربنا معاها يا صفاء؟

صفاء: الحق يا عمي، فارس اتجوز ريماس، وباين عليها عيطت وزعلانة.

ناصر: ابنك ده باين عليه مش هيجيبها لبر.

صفاء: أنا خايفة على ريماس قوي يا عمي، دي باين عليها بنت ناس ومحترمة وغلبانة.

ناصر: إن جيتي للحق، ريماس هي اللي هتغير ابنك، سيبيهم في حالهم، بس أرجع وأقول، ابنك ما يستاهلش ضفرها.

صفاء: ده أنا ابني سيد الشباب.

ناصر: القرد في عين أمه غزال.

(ضحكت صفاء وناصر).

في جناح فارس.

فارس بسخرية: اتفضلي يا عروس.

(دخلت ريماس الجناح وكانت خايفة جداً).

ريماس: ممكن بقى تفهمني، أنت اتجوزتني ليه؟

فارس: مزاجي كده.

ريماس: ممكن تبطل هبل وعبط وتقولي اتجوزتني ليه؟

فارس وهو بيشد شعر ريماس: مش قلتلك تتكلمي معايا باحترام؟ وأنتِ باين عليكي مبتفهميش، وأنا بقى لازم أفهمك.

(فارس بدأ يضرب في ريماس).

على السفرة.

لؤي: بما إن فارس اتجوز، يبقى هتيجي معايا أنت وبابا وجدو عشان تخطبولي سوزي، صح؟

مياده بخضه: اتجوز إزاي وفين وإمتى؟

لؤي: آه، اتجوز؟ أمي لسه قايلة قبل ما تنزلي.

لؤي: هتروحي معايا بكرة.

عصام: أنت مصروع على الجواز كده ليه؟

لؤي: بحبهاااا يا بابا.

صفاء: وأنا مش موافقة على البت دي، دي ماشياها شمال هي وأمها.

نور: عندك حق يا طنط، دي حتى سمعتها وحشة قوي.

لؤي: وأنتِ مالك أنتِ يا سوسة؟

نور: سوسة في عينك يا حمار أنت.

لؤي: يا بت أنتِ لسانك طويل ليه؟

سيف: خلاص بقى يا نور، وأنت يا لؤي، دي أختك الصغيرة.

نور بغيط: سيبه يقول اللي هو عاوزه يا سيف، وأنا بكرة هقول لفارس كل حاجة.

ناصر: وهو إيه دخل فارس في الموضوع؟

نور: أصل فارس شافني وأنا بتخانق معاه، وقال له: "ما ما غلطت دي أختك الصغيرة، وأوعي تزعلها، وإنه لو ضايقني فارس هيتصرف معاه".

لؤي بضحك مصتنع: قلبك أبيض يا ست البنات، ها، لسه زعلانة؟

نور بخبث: آه.

لؤي: هاتي دماغك أبوسهالك.

لؤي: ها، لسه زعلانة؟

نور: اممم.

لؤي بنفاذ صبر: يعني أعمل أنا إيه دلوقتي؟

ناصر: خلاص يا لؤي، اقعد كمل أكلك، وأنتِ، إياكي تجيبي سيرة لفارس، فاهمة؟

نور: فاهمة.

عند هناء.

ماجد: خلاص يا طنط، عيلة وغلطته.

هناء بعياط: خلاص إيه بس يا ماجد؟ دي مش طفلة عشان تقولي عليها طفلة، دي كبيرة وعندها 22 سنة، تعرف تاخد قراراتها وتعرف تفرق بين الصح والغلط.

ماجد: يعني هتعملي إيه يا طنط؟ دي أنتِ ما عندكيش غيرها، هتقاطعيها يعني؟

هناء: مش قادرة، دي أنا حتى مش عارفة هنام إزاي وهي مش معايا، دي هي اللي كانت عالة، حس في البيت، ومليانة عليا البيت.

ماجد: شفتي يا طنط، أنتِ بتحبيها، أدب شوية وصالحيها عشان خاطري.

هناء: لا يا ماجد، دي حاجة مينفعش إني أعديها عادي قدام.

ماجد: يعني أما تجيلك هتطروديها تاني مثلاً؟

هناء: آه، هطردها، ولو جت كل يوم هفضل أطردها.

ماجد بقله حيلة: دي برضه بنتك يا طنط، وأنتِ أكيد عارفة إزاي تعلميها الأدب من تاني.

هناء: بالظبط كده.

عند فارس.

ريماس بعياط: أنت خليت أمي مش طايقاني وقعدتني من الشغل، وبتعاملني وحش من ساعة ما شوفتك كأني قتلتلك قتيل، وفوق كل ده كمان بتمد إيدك عليا.

فارس: أنتِ اللي خليتيني أحطك في دماغي بسبب طول لسانك.

ريماس بزعل طفولي: أنا لساني مش طويل.

فارس وهو بيحاول يداري ضحكته: طيب قومي نامي عشان أنا نعسان.

ريماس: يعني تضربني وتقولي نامي عادي كده؟

فارس بدهشة: أنتِ لسه مشوفتيش الضرب اللي بجد.

ريماس: أمال كل ده هزار؟

(قام فارس ونام على السرير وساب ريماس تكلم نفسها).

ريماس: طيب أنا هنام فين؟

فارس ببرود: في الحتة اللي أنتِ عاوزاها.

ريماس: عاوزة أنام على السرير.

فارس: أي حتة إلا السرير.

ريماس ببكاء مصتنع: يعني هتسيب مراتك قُرة عينك تنام على الكنبة؟

فارس ببرود: آه، عادي، وتخريفي بقى عشان عاوز أنام عشان عندي شغل الصبح بدري.

ريماس بصوت واطي: في داهية.

فارس: بتقولي حاجة؟

ريماس: ها؟ لا، دي أنا بقولك تصبح على خير.

(نام فارس وريماس نامت على الكنبة).

عند هيام.

هيام: الو، مين معايا؟

محمود بارتباك: أنا محمود يا آنسة هيام.

هيام: أهلاً يا أستاذ محمود، في حاجة مهمة عشان اتصل في الوقت ده؟

محمود بحرج: لا خالص، أصلك مجتيش النهاردة، فقولت أشوف مالك.

هيام: آه، أصل كان عندي حوار كده.

محمود: لو محتاجة مساعدتي في حاجة، أنا تحت أمرك.

هيام: شكراً، بس شوية مشاكل شخصية.

محمود: اممم، وأستاذ كريم خطيبك أخباره إيه؟

هيام: ما خلاص، كل واحد راح لحاله.

محمود بفرح: دي بجد؟ أنتِ بتكلمي بجد ولا بتهزري معايا؟

هيام: إيه الفرحة دي كله يا أستاذ محمود؟ أنت فرحان فيا؟

محمود وهو يتصنع الحزن: لا خالص يا آنسة هيام، دي أنا حتى زعلان عشانك، بس أنتِ متأكدة إنك خلاص مش هترجعيله تاني؟

هيام بنفاذ صبر: لا، لا، مش هرجعله تاني خلاص، كل واحد راح لحاله.

محمود: اممم.

هيام: لو حضرتك ما عندكش حاجة تاني تقولها، أنا هضطر أقفل عشان أنام عشان الشغل.

محمود: لا، مافيش حاجة تاني، تصبحي على خير.

(قفلت هيام مع محمود).

تاني يوم.

في جناح فارس.

ريماس وهي بتطنطط على السرير: فاااااااااااارس.

فارس بخضه: إيه؟ في إيه؟

ريماس بدلع: صباح الخير يا حبيبي.

فارس: حبك برص يا شيخة، عاوزة إيه على الصبح؟ في حد يصحّي حد بالطريقة دي؟

ريماس بزعل طفولي: معلش، أنا آسفة.

فارس بشك: أنتِ مين؟

ريماس: ريماس.

فارس برفعة حاجب: أمال في إيه؟

ريماس وهي بتقرب من فارس وفارس بيبعد عنها: ممكن طلب صغنون خالص؟

فارس: اخلصي.

ريماس: أنا جعانة.

فارس: ما تاكلي، هو حد مسكك.

ريماس: عاوزة آكل معاهم تحت.

فارس: ما تنزلي، هو أنا مسكتك.

ريماس: قصدي إنزل معايا.

فارس: نعممممممم؟ قومي يا بت من وشي بدل ما أشرحك.

ريماس وهي تصطنع البكاء: آه يا ماما، دي حتى حتة طلب صغير مش راضي يعملهولي، وبيُعذبني ومجوعني.

(وقاطع كلامها فارس).

فارس: إيه؟ في إيه؟ أنا مجوعك وبعذبك كمان؟

ريماس: آه.

فارس: يا بنت الكدابة.

ريماس بطفولية: ها؟ هتنزل معايا صح؟

فارس بابتسامة خبيثة: لا.

ريماس: الله! شكلك حلو قوي وأنت بتضحك، ابقى اضحك على طول، ليه دايماً مكشر؟

فارس: مالكيش دعوة، وغوري بقى من قدامي عشان عاوز أقوم أجهز للشغل.

(قامت ريماس من قدامه وهو ابتدأ يجهز، وريماس قاعدة على السرير بتمثل العياط).

بعد ما فارس خلص لبس.

فارس: بس بس، صدعتني.

ريماس بعياط أكتر: آه يا ريماس يا اللي مالكيش حظ أبداً.

فارس بنفاذ صبر: يعني أنتِ هتفضلي تعيطي كده كتير؟

ريماس: امم.

فارس: طيب أنتِ عاوزة إيه وتسكتي؟

ريماس: انزل معايا نفطر تحت.

فارس: طيب يلا.

ريماس وهي تطبع قبلة رقيقة على خد فارس: خمس دقايق وننزل.

(اتصدم فارس من جرأة ريماس لكنه فرح).

هيام: بقي أنا موعودة بالمجانين؟ يا رب.

اللهم صلِّ وسلم وبارك على سيدنا محمد.

تحت.

ناصر: أنا قولت 100 مرة، محدش يكلمني في الموضوع ده تاني.

أدهم: يعني إيه يا بابا؟ أنت لسه مصمم تكتب كل حاجة باسم فارس؟

ناصر: دي حاجة متخصكش، دي فلوسي وأنا حر فيها.

أدهم: لأخر مرة هقولك، مالكش دعوة.

أدهم: طيب يا بابا.

ناصر: لؤي.

لؤي: نعم يا جدو.

ناصر: مال وشك أصفر كده ليه يا بني؟

لؤي بارتباك: أصل امتحاناتي قربت، وبسهر أذاكر كتير مع صحابي.

ناصر: طيب يا بني، ربنا يقويك.

لؤي: ربنا يخليك يا جدو.

نور: يلا يا كذاب، أنت مش بتفتح كتاب أصلاً، أنا عارفة بتسهر تلعب مع صحابك.

ناصر: إيه الكلام ده يا لؤي؟

لؤي: دي واحدة كدابة يا جدو.

نور: أنت اللي كذاب، مش أنا.

ناصر: بس، أنتوا هتبتدوا؟ أنا الضغط مرفوع عليا لواحدة.

(بص لؤي لنور بنظرة تهديد).

ناصر: أنتِ كنتِ فين كل ده يا مياده؟ دي إحنا مش راضيين نفطر إلا لما تنزلي.

مياده: آسفة يا جدو.

ريماس وهي نازلة من على السلم وماسكة في إيد فارس: يعني ما كنتش مستنيانا يا سي جدو؟

ناصر بصدمة: انتوا هتفطروا معانا؟

ريماس: امم.

صفاء بفرح: طيب تعالوا تعالوا.

(نزلت ريماس ومعاها فارس).

لؤي بمرح: مش هتعرفنا يا فارس على القمر اللي معاك دي؟

فارس بعصبية واضحة: كل وأنت ساكت.

ريماس: أنا ريماس.

لؤي: وأنت لؤي.

ريماس: أنت أكيد أخو فارس الصغير.

لؤي: آه.

فارس بعصبية: لو سمعت صوتك تاني هتزعل، كل وأنت ساكت.

مياده: وأنتِ بقى تعرفي فارس من إمتى؟

ريماس: دي أنا وفارس بينا قصة حب بقالها 3 سنين.

(فارس كان بيشرب شِرِقْ من الصدمة).

لؤي: أيوا بقى يا فارس، بتحب من ورا أخوك الصغير؟ طيب قولي علمني حتى.

فارس: اخرس، مسمعش صوتك. وأنتِ إيه اللي أنتِ بتقوليه ده؟

ريماس وهي بتحاوط رقبة فارس بإيديها: ماتكسفش يا بيبي.

(مياده قامت من على السفرة وهي مضايقة جداً).

فارس وهو بيبعد عن ريماس: أنا همشي عشان اتأخرت.

ريماس: باي يا حبيبي.

فارس في سره: والله أما أجلك.

عند فارس في المكتب

محمود: تقدر بقي تفهمني انت كنت مضايق ليه وخرجت من الشركه روحت فين

فارس: روحت اتجوزت

محمود بصدمه: نعم انت بتقول ايه

فارس: ايه هو الجواز بقي حرام ولا اي

محمود: مش حرام ولا حاجه بس دا انت كنت مضايق قوي انا اللي اعرفه ان اللي بيتجوز بيبقي مبسوط

فارس: نحن نختلف عن الأخرون

محمود: اتجوزت ريماس صح

فارس: امم

محمود: ممكن اعرف بقي انت كنت مضايق ليه

فارس: لأن دي اول مره اتغر في حد

محمود: مش فاهم

فارس: جاتلي صور لريماس مع راجل في وضع مش كويس

محمود بزهول: مستحيل مستحيل. ريماس تعمل كيدا

فارس: انا كنت مفكر زيك كيدا بس الصور بتقول غير كيدا

محمود: انا صحيح ماعرفش ريماس من فتره كبيره بس انا برضوا ليا نظره وريماس دي باين عليها بنت ناس ومحترمه

فارس: ما انا كنت فاكر كيدا برضوا

محمود: بس انت ازاي تجوزها بعد ما شوفت الصور دي

فارس: بص يا محمود بما ان الصور دي اتبعتتلي انا بالذات يبقي اكيد اللي باعتها يهمه ان يشوه صورتها قدامي وبكيدا يبقي اكيد الشخص دي يعرفني واكيد ريماس في خطر بسببي ديلوقتي لان بما ان الشخص دي استخدم ريماس بالذات يبقي اكيد حطاها في دماغه واكيد ريماس في خطر

محمود بخبث: يعني انت اتجوزت ريماس عشان تحميها بس

فارس بتفكير: اه

محمود: وهيا اصلا تهمك في ايه

فارس بإرتباك: لانها صاحبت نور بنت عمي ولو حصلها حاجه هتزعل

محمود: مش ممكن الصور دي تبقي متفبركه

فارس: مش باين انها متفبركه

محمود: طيب ابقي ركز فيها تاني لاني مش مصدق ان ريماس تعمل كيدا

فارس: طيب

في القصر

اميره: وانتي بقي اسمك ايه

ريماس: اسمي ريماس يا طنط

اميره: اسمك غريب قوي

ريماس: وانتي الصادقه دي اسم فريد من نوعه زي صاحبته

مياده: ومين بقي ضحك عليكي وقالك كيدا

ريماس: مش محتاجه حد يقولي انا عارفه قسمه نفسي

مياده بضحك: انتي بتكدبي الكذبه وتصدقيها

ريماس بإستفزاز: اممم

مياده: انتي بقي اتحدفتي علينا منين

ريماس بغيظ: من قلب فارس

مياده: كتك وجع في قلبك يا بعيده ما تتلمي دي احنا حتي قاعدين

نور: وايه اللي فيها يا مياده دي مراته

مياده بغيظ: اه طبعا ربنا يخليهم لبعض

نور: جدو ممكن اسهر النهارده بره شويه

ناصر: سهر بره لأ

ريماس: والنبي يا جدو دي احنا هنسهر انا وصحابي مع بعض

ناصر: خلاص روح معاها يا لؤي

لؤي بمعارضه: لا يا جدو انا خارج مع سوزي

ناصر: انا قولتلك روح معاها خلاص مش عاوز نقاش

لؤي بغضب مكتوم: تحت امرك يا جدو

في شركه فارس

نادر: هيا ريماس مجاتش ليه بقالها يومين

هيام بزعل: هيا سابت الشغل واتجوزت

نادر بدموع: ازاي اتجوزت مين

هيام: اتجوزت فارس بيه

نادر بزعل واضح جداااا: يعني مش هشوفها تاني

هيام: امم

نادر: طيب انا هروح اشوف شغلي

(مشي نادر وهو زعلان جدا وقلبه اتكسر)

هيام: ربنا يساعدك دي كسرة القلب

محمود وهو جاي: مين اللي قلبه اتكسر

هيام: مافيش

محمود: امم

هيام: حضرتك كنت جاي عاوز ايه

محمود: كنت جاي اقولك انك تبقي تلمي حاجتك وتيجي علي مكتبك الجديد

هيام بعدم فهم: مش فاهمه

محمود: بقي ياسيتي انتي هتبقي السكرتيره بتاعي من هنا ورايح

هيام: وفارس بيه

محمود: انا قلت لفارس علي كل حاجه

هيام: طيب

عند هناء

(الباب خبط فتحت هناء وكانت ريماس)

هناء بغضب: انتي ايه اللي جابك انتي عاوزه تموتيني يا بت انتي

ريماس وهي بتدخل: طيب مش تعرفي مبرراتي

هناء: ما كان ماتجوزيش من ورايا

ريماس وهي بتحضن هناء: غصب عني والله يا ماما

(هناء طلعت ريماس من حضنها)

ريماس بعياط: مش حضرتك علمتيني ان لو في حد محتاج مساعدتي اساعده من غير ما اتردد

هناء: وايه دخل دي في موضوع جوازك من ورايا

ريماس بعياط: لو مكنتش اتجوزته كنت هخسر اهم حاجه في حياتي وكمان يا ماما انا كنت كيدا كيدا هتجوزه مفرقتش كتير وحضرتك كنتي موافقه علي الجوازه

هناء وهي بتحضن ريماس: مالك يا ريماس شكلك مش مبسوطه في الجوازه دي لو مش عاوزاه اطلقك منه يا حبيبتي وماشوفكيش زعلانه ابدا

ريماس وهي بيمسح دموعها: لأ يا ماما انا مبسوطه معاه بس اللي مش مخليني مبسوطه ان حضرتك زعلانه مني

هناء: هو انا اقدر ازعل منك يا ريماس دي انتي اللي طلعت بيكي من الدنيا

ريماس: يعني مش زعلانه مني

هناء: لأ يا سيتي مش زعلانه البيت وحش من غيرك يا ريماس

ريماس بمرح: اخيرا عرفتي قمتي

هناء بضحك: اه يا لمضه

ريماس: بحبك والله يا احلي واحن واطيب ام في الكون

هناء: ربنا يخليكي ليا يا روح قلبي

في القصر تحديدا في جناح فارس

(دخلت ريماس الجناح وكانت مبسوطه جدا)

ريماس: ايه دي هو ابليس لسا مجاش طيب كويس قوي كيدا

ريماس بصوت عالي: بما ان انا لواحدي في الجناح الكبير دي يبقي اكيد لازم اسمع الاغنيه الجديده بتاعت حبايبي

(شغلت ريماس اغنيه yet to come وابتدت تغني وترقص وكل دي هي فاكره نفسها لواحدها)

ريماس وهي بترقص خبطت في جسم شخص ايوا هو فارس

ريماس: عفريت

فارس وهو بيهدي ريماس: عفريت ايه يا بنت المجانين انتي

ريماس: ايه دي ابليس قاصدي

فارس: فارس

فارس وهو بيقرب من ريماس: بقي انا ابليس صح

ريماس وهي بتبعد عنه: اه

فارس وهو بيحاوط وسط ريماس بإيده: انا حفيد ابليس مش ابليس

ريماس: هو مال الجو بقي حر كيدا ليه

فارس: بقي احنا بينا قصه حب بقالها ٣سنين

ريماس: اسمعني بس

فارس: سامعك اكلمي

ريماس: ديلوقتي البت اللي اسمها مياده دي كانت بتبصلك بصات غريبه فقولت اقول كيدا عشان تسكت عنك

فارس وهو بيقرب من وش ريماس: وانتي ايه الي مزعلك

ريماس: انت جوزي قدام الناس وانا بحافظ علي احترامي

فارس: برفعه حاجب بس

ريماس: اها

فارس: طيب

ريماس: ممكن تبعد بقي عشان شعرك عمال ينقط عليا

فارس بيقرب وش ريماس ليه اكتر: تؤ

ريماس: ايه اللي وراك دي

(لف فارس عشان يشوف في ايه بس ريماس ساعتها جريت من قدامه وخرجت بره الجناح خالص)

فارس بضحك: والا العظيم مجنونه

عند لؤي

لؤي: ماما انا عاوز فلوس

صفاء: فلوس ايه انت مش واحد امبارح من باباك ٢٠٠٠جنيه لحقت تخلصهم

لؤي: جبت شويه حاجات انا وصحابي

صفاء: حاجات ايه دي اللي ب٢٠٠٠جنيه

لؤي: يا ماما انا مش قادر اتكلم اصلا

صفاء: انت مال وشك اصفر كيدا ليه

لؤي بدوخه: يا ماما عاوز فلوس هاديني ولا لأ

صفاء: خد ١٠٠٠جنيه اهو تكفي نفسك بيهم الأسبوع دي

لؤي: ربنا يسهل

(خرج لؤي)

لؤي: الو

جمال: الو يا لولي

لؤي: مش قادر يا جمال عاوز حقن بسرعه انفي مش مبطله نزيف دم وجسمي بيوجعني

جمال: اجيبلك منين ديلوقتي يا لؤي

لؤي بصوت عالي: اتصرف انا رايح علي شقه علي اتصرف وحصلني علي هناك بسرعه

جمال: طيب هحاول

لؤي بعصبيه: اتصرف مافيش حاجه اسمها هحاول

جمال: طيب سلام

عند ادهم واميره

اميره: اديه اتجوزها يا ناصح

ادهم: اصبري بس خليني افكر في فكره جديده

اميره: فكر يا اخويا

ادهم: فكك هبقي اشوف الموضع دي باعدين بس انتي ملاحظتيش مياده النهارده

اميره: شوفتها دي انا كنت لسا هقولك

ادهم: بس البت اللي اسمها ريماس دي باين عليها مش ساهله

اميره: انت مشوفتش كانت بتكلم مع مياده ازاي

ادهم: احنا باين علينا هنضم مياده معانا

اميره: وابنك

ادهم: ابنك ولا الفلوس

اميره بضحك: الفلوس طبعا

ادهم بضحك: ايوا كيدا يا ميرو

عند ناصر

(دخلت ريماس عليه الجناح)

ريماس: الجميل بيعمل ايه

ناصر: بدور علي العلاج

ريماس: هو دي

ناصر: اه هاتي يا بنتي

(اعطت ريماس لناصر العلاج واعطه كوب ماء)

ناصر: ربنا يباركلك يا بنتي

(ابتسمت ريماس)

ريماس: حضرتك اتعشيت

ناصر: لا يا بنتي

ريماس: طيب انا هنزل اجيب لحضرتك الأكل

ناصر: بعد شويه يا بنتي

ريماس: حاضر

ريماس: جدو ممكن اسألك سؤال

ناصر: اتفضلي يا بنتي

ريماس: فارس باين عليه طيب قوس قاصدي انه اكيد مش هيعاملكم كيدا من غير سبب

ناصر: ان جيتي الحق يا بنتي مافيش دخان دخان من غير نار ايوا في سبب لقسوه فارس دي وماحدش يعرف السبب الا انا وامه وابوه بس

ريماس بتردد: ممكن اعرفها

ناصر: من ٣٥سنه اتجوز عصام صفاء بس اتأخروا في الخلفه ٦سنين احد ما فقدوا الأمل انهم يخلفوا تاني خصوصا انهم لقوا علي كل الدكاتره يعتبر ففكر عصام انه يتبني طفل يكون عمره صغير ويربيه فقال للناس انه مسافر وخذ شقه في حي شعبي لمده سنه عاش فيها هو وصفاء وبعد كيدا اتبنوا فارس وجابوه وجم علي القصر وهو طفل مكملش ٥شهور وربوه لحد ما ربنا رزقهم ب لؤي والشهاده لله عاملو لؤي زي ما بيعاملوا لؤي وهو فارس عنده ١٥سنه وهو بيلعب في الورق المهم بتاع عصام لاقي الورقه بتاعت التبني بتاعته ومن ساعتها هو كيدا

ريماس بدموع: يا عيني يا فارس دي انت اتاريك شايل في قلبك كتير

ناصر: شفتي بقي اد ايه هو عانا من الوجع فعشان كيدا اتمني ترجعيه فارس بتاع زمان

ريماس وهي بتمسح دموعها: ماتخافش يا جدو

ريماس: انا هبعت العشاء بتاع حضرتك مع حد من الخدامين وهروح اشوف فارس

ناصر: حاضر يا بنتي

عند لؤي

لؤي: الو، أنا جهزت، انزلي يلا عشان نروح لأصحابك.

نور: بفنش الميك أب ونازلة.

لؤي بسخرية: والنبي لو حطيتي ميك أب العالم كله مش هتبقي حلوة برضه.

نور بخبث: إيه رأيك ونتراهن؟

لؤي: موافق.

نور: لو عجبتك هطلب منك طلب.

لؤي بقلق: موافق لأني متأكد إنك مش هتعجبي حتى كلب، أجرب؟

نور بغيظ: ماشي، هنشوف. سلام.

في جناح فارس

فارس كان قاعد بيشتغل على اللاب توب ودخلت ريماس الجناح.

فارس: كنتِ فين؟

ريماس: كنت عند جدو.

فارس: ليه يعني؟

ريماس: كنت بديله العلاج وبعشّي، وقعدت معاه شوية عشان ياحرام قاعد لواحده من الصبح.

(ابتسم فارس على تصرف ريماس الحنين مع جده.)

فارس: وإنتي فين الصبح؟

ريماس: كنت عند ماما.

فارس: ليه يعني؟

ريماس: كنت بجيب لبسي وبصالحها.

فارس: وصالحتك؟

ريماس بفرح: آه، صالحتني.

فارس: عايز أسألك على حاجة.

ريماس: اتفضل.

فارس: إنتي تعرفي الراجل ده؟

(أعطى فارس لريماس الموبايل وعليه صورة الراجل اللي اتبعتت له مع ريماس، طبعاً بعد ما قص ريماس من الصورة.)

ريماس بتعجب: أنا أول مرة أشوفه.

فارس بتفكير: تمام، روحي نامي إنتي دلوقتي.

ريماس بفرح: هنام على السرير وإنت على الكنبة النهارده، صح؟

فارس بابتسامة خبث: لأ، بس لو عايزة تنامي جنبي ما عنديش أي مانع.

(فارس غمز لريماس في آخر الكلام.)

ريماس وهي بتاخد غطا من على السرير عشان تنام على الكنبة: لأ لأ، وعلي إيه، كل واحد ينام في مكانه يا اسطا.

فارس: يا اسطا، طيب.

(نامت ريماس على الكنبة وفارس سهر يفكر في موضوع الصور.)

عند لؤي ونور

لؤي كان واقف مستني نور قدام العربية.

لؤي باستخفاف: دي لو كانت عروسة كانت خلصت.

(خرجت نور وكانت لابسة فستان لونه أسود وكان شكله جميل قوي مع بشرتها البيضا، وكانت فارده شعرها ماكنتش عاملاه كيرلي زي كل مرة، مع ميك أب بسيط كانت شبه الحورية بكل معنى الكلمة.)

نور: ها، إيه رأيك؟

لؤي بتوهان: فرصة.

نور: عارفة إني قمر، بس اتكلم بأسلوب كويس.

لؤي: بس شعرك كده أحسن من الأول بكتير.

نور: مش فارقة.

لؤي: بس بجد الجمال ده كله كان مستخبي فين؟

نور بتكبر مصطنع: أنا طول عمري جميلة وقمر كمان، بس أنا اللي مش حاطة في دماغي.

لؤي: يلا يا بايرة قدامي.

نور بزعل: أنا بايرة.

(لؤي حس إنها زعلت فحب يصالحها لأنه هو فعلاً شايفها ملاك مش بس جميلة.)

لؤي: لا يا ستي، دي إنتي ست العرايس.

نور بفرح: طيب يلا بقى عشان منتأخرش على صحابي.

(مسك لؤي إيد نور وحطها في ذراعه.)

نور بخجل: إيه اللي إنت عملته ده؟

لؤي: إيه، مش إنتي بنت عمك برضه؟

نور بغضب مكتوم: طبعاً.

لؤي في نفسه: إيه القمر دي، لو ماكنتش بحب ومرتبط ماكنتش سبتك أبداً يا نور.

في جناح ميادة

ميادة: سيف، سيف، قوم.

(سيف كان نايم.)

سيف: إيه يا حبيبتي، في إيه؟ بتصحيني ليه؟

ميادة: بتحبني؟

سيف: ودي اسمها كلام يا روحي، أكيد طبعاً بحبك.

ميادة: طيب نام.

سيف وهو بينام: آه يا بنت المجانين.

(ميادة بعد ما اتأكدت إن سيف نام رنت على شخص.)

ميادة: الو، عملت اللي قولتلك عليه.

مجهول: آه يا أستاذة، وبكرة إن شاء الله هتكون مطلقة من فارس.

ميادة بابتسامة خبث: وأنا حولتلك الفلوس على حسابك.

مجهول: لو عايزة أي حاجة تانية ابقي رني عليا.

ميادة بشر: لا، متخافش، دي أنا محتاجك كتير بعد كده.

مجهول بفرح: أنا تحت أمرك يا فندم.

ميادة: تصبح على خير إنت بقى.

(قفلت ميادة التليفون.)

ميادة: ابقي وريني بقى يا زفتة إنتِ هتاخدي مني حب عمري إزاي.

عند لؤي ونور في السهرة

أحمد (صديق نور): نور، يلا نرقص.

نور بفرح: يلا يا اسطا.

(لؤي مسك إيد نور وهي قايمة وشدها، وقعت على صدره ووشهم بقى قريب من بعض جامد جدا.)

نور بخجل: إيه اللي إنت بتعمله ده؟

لؤي: إنتي مش قاعدة جنبي إزاي تقومي عشان ترقصي مع حد غريب؟

نور: ده صاحبي مش غريب.

لؤي بغضب مكتوم: اسمه زميلي مش صاحبي.

نور: طيب سيبني، الناس بتتفرج علينا.

لؤي: عايزة ترقصي؟

نور: امم.

(قام لؤي وقوّم نور وابتدوا يرقصوا مع بعض، وكل اللي في الحفلة كانوا مصدومين من جمالهم مع بعض.)

أحمد: هو دي يبقى ابن عمها صح؟

مني (صاحبة نور): آه يا سيدي، بس قمور قوي، أنا أول مرة أشوف قمر كده.

كريم (صاحبهم): آهدي يا بت، في إيه؟

مني: قمر يا كريم.

كريم: طيب اتنيلي دلوقتي.

(نور ولؤي خلصوا رقص والناس كلها صقفتلهم وراحوا قعدوا مع صحابهم.)

مني: لؤي، إنت بتدرس إيه؟

لؤي: هندسة.

مني: بس قولي بقى الجمال دي واخدوه من بابا ولا من ماما؟

لؤي بغمزة: أقولك بعدين.

(نور ضربت لؤي من تحت الترابيزة.)

نور: إحنا لازم نمشي دلوقتي.

مني: ماتخليكوا شوية.

نور: معلش، أصلنا اتأخرنا.

لؤي: في إيه يا ست إنتي؟ ضربتيني جوه وقولتي إننا هنمشي من غير ما تاخدي رأيي حتى.

نور بعصبية: هو جدو باعتك معايا عشان تشقط بنات؟

لؤي بمرح: يا ستي أنا اللي اتشقط.

نور: لأن اللي شقطتك عاملة زيك.

لؤي: إنتي يا بت، أنا جبت آخري منك بجد، ما تحترمي نفسك معايا.

نور: بقي أنا مش محترمة؟

لؤي: آه.

نور بزعل: شكراً، شكراً قوي، يلا بقى عشان نروح.

لؤي: نور، في إيه؟ أنا بهزر معاكي.

نور: إزاي تكلم بنات وإنت معايا؟ مش إنت خليتني ما أرقصش مع أحمد وإنت قاعد؟ إزاي بقى تكلم وتغازل الأستاذة مني وأنا قاعدة؟

لؤي باستفزاز: هي اسمها مني؟ الله، اسمها حلو قوي.

نور بعصبية: كاتك حلي في عيونك.

(لؤي بطلقائية شد نور وحضنها وقعد يمسح على شعرها عشان تهدي.)

نور: لـ...

(قاطع كلامها لؤي.)

لؤي: هش، اسكتي خالص.

(نور حسّت إن قلبها من كتر الدق هيخرج من مكانه.)

لؤي: مال قلبك يا نور، عمال يدق جامد ليه؟

نور: ها، مش عارفة.

(لؤي بعد عن نور.)

لؤي: يلا بقى نروح عشان الساعة 3.

نور: يلا.

تاني يوم الصبح

كان فارس بيجهز للشغل وجات من وراه ريماس وحطت إيديها على عينيه.

ريماس وهي بتحاول تغير صوتها: أنا مين؟

فارس بابتسامة: لؤي.

(خبطت ريماس فارس على كتفه.)

ريماس بزعل طفولي: بقي أنا صوتي شبه الولاد؟

فارس: آه.

ريماس بخبث: ماشي.

(قربت ريماس من فارس وحطت راسها على كتفه، بمعني أصح حضنته.)

ريماس بدلع: بقي صوتي زي الولاد يا فارس؟

فارس بارتباك: في إيه يا بت، ما تدلعيني.

ريماس وهي بتبعد عن فارس: شفت بقى إني عايزة أتحكم في صوتي وأخليه رقيق؟

فارس بقلة حيلة من المجنونة اللي ربنا بلاها بيها: امم.

ريماس: فارس.

فارس: امم.

ريماس: أنا مخنوقة، خودني معاك.

فارس: آخدك فين؟ أنا رايح رحلة.

ريماس بزعل طفولي: طيب، هروح لماما.

فارس: مفيش خروج من البيت.

ريماس وهي خارجة من الجناح: دي مابقتش عيشة، الواحد حاسس إنه في شحن، منك لله يا فارس يا ابن أم فارس.

(ريماس دعت على فارس وجريت منه لأنها خافت إنه يمسكها.)

فارس: يا ربي، خلصني منها قريب.

عند نور

نور كانت بتجهز وريماس خبطت عليها.

نور: اتفضلي.

ريماس: مش هتنزلي ولا إيه؟

نور: نازلة أهو.

ريماس بغمزة: قالك إيه امبارح؟

نور بخجل: بس بقى.

ريماس بشك: مش عارفة ليه حاسة إنك وقعتي.

نور: لا طبعاً، هو بيحب وأنا استحالة أخطف حد من حبيبته.

ريماس: بذمتك يا شيخة، مش حاسة إنه بيحبك؟

نور بغباء: تؤ.

ريماس: طيب احكيلي كل حاجة حصلت امبارح بالتفصيل.

(نور حكت لريماس كل حاجة بالتفصيل.)

ريماس بتصفيق: واو، حضنك! واو!

نور: بس يا فضاحة، لحد يسمعك.

ريماس: طيب طيب، وإنتي هتطلبي منه إيه؟

نور: مش عارفة.

ريماس: طيب أنا من رأيي، اهلي الطلب دي لوقت الحاجة.

نور: وأنا بفكر في كده برضه.

ريماس: طيب يا ختي، يلا عشان ننزل نفطر.

نور: يلا.

ريماس: إنتي هتنزلِ كده؟

نور: وحش الفستان.

ريماس: جميل، بس قصير شوية.

نور: لأ، مش قصير، كده حلو.

ريماس بغمزة: على شوقك يا جميل.

نور: يلا.

(نزلت ريماس ونور.)

تحت

الكل كان قاعد مستني نور وريماس.

صفاء: اتأخرتي كده ليه يا بنتي؟ وفين فارس؟

ريماس: بيلبس ونازل يا طنط.

(فارس كان نازل على السلم وريماس جريت عليه زي الطفلة.)

ريماس: يلا عشان تفطر.

فارس: لأ، مش هلحق، عندي اجتماع مهم ولازم أمشي.

ريماس: طيب، ماتنساش تبقي تفطر.

فارس: حاضر. حاجة تانية ولا أمشي؟

ريماس: لأ، خلاص، امشي.

(ريماس راحت عند السفرة.)

ميادة باستخفاف: لحقتي تطفيشي؟

ريماس: ابقي تعالي إنتي ريحي طالما أنا مش مالية عينك.

(الكل انصدم من جرأة ريماس.)

سيف: إيه اللي إنتي بتقوليه ده؟

ريماس: اسكت، مراتك وأنت مش هتسمع مني الكلام ده.

ناصر: بس إنتوا الاتنين، وإنتي يا نور اطلعي صحّي لؤي عشان ينزل يفطر.

نور: حاضر يا جدو.

(طلعت نور وقعدت تخبط كتير على لؤي بس هو ماكنش بيرد، ففتحت الباب ودخلت. لقت لؤي نايم من غير تيشرت.)

نور بصويت: عاااااا!

(قام لؤي مفزوع من النوم، حط إيده على فم ريماس عشان تسكت.)

لؤي بهدوء: إيه؟ في إيه؟ بتصوتي ليه؟

(لؤي شال إيده من على بقها.)

لؤي: انطقي.

نور: إزاي تنام من غير تيشرت؟

لؤي: دي طبيعي، لأن دي أوضتي، وإنتي إيه بقى اللي دخلِك من غير ما تخبطي؟

نور ببراءة: والله خبطت كتير بس إنت كنت نايم.

لؤي برفعة حاجب: امم.

نور: ممكن تبعد عني بقى؟

(لؤي بعد عن نور وبص على لبسها بضيق.)

لؤي: إيه القرف اللي إنتي لبساه ده؟

نور بعدم فهم: ماله؟ ده جميل.

لؤي: روحي غيري.

نور بعناد: لأ، وإنت مالكش دعوة أصلاً.

لؤي بغضب: ماهو إنتي أصلاً مش هتخرجي بيه كده، ويلا على أوضتك قبل ما أعمل حاجة هتزعلي منها.

(جريت نور على أوضتها عشان تغير الفستان لأن فعلاً شكل لؤي كان متعصب قوي وهو بيكلم.)