رواية حب عمري الفصل الثاني 2 - بقلم لولا

محمد عايز ايه؟ هحبسك طبعاً. نيرة بخوف: ده ليه؟ محمد: بصي يا نيرة، أنا راجل كبير آه بس مش عبيط. انتي جيتي خدتي مني 100 ألف جنيه علشان عملية أمك، وأنا دلوقتي عايزهم. وبقالى كتير بطلبهم. هتجبيهم ماشي، مش هتجبيهم هودّي وصل الأمانة القسم. نيرة بدموع: أرجوك يا حج اصبر عليا شوية. محمد: صبرت كتير. قدامك يومين تجمعي فيهم الفلوس. عن إذنك. كان يسمع الحديث أحمد، اللي عايز يتجوز نيرة وبيحبها. أحمد: احم دكتورة نيرة.

نيرة ببرود: نعم. أحمد: متاسف بس أنا سمعت الحديث اللي حصل. وأنا مستعد أديلك الـ 100 ألف جنيه. نيرة بجد: لا شكراً. أحمد: صدقيني بتكلم جد، أنا هديكي المبلغ وكاش. نيرة بسخرية: وإيه المقابل؟ أحمد: تتجوزيني. نيرة بصدمة: نعممم! *** في الصعيد، في القصر. كريم: يلا يا جدي جهزت حاجتك. الجد: آه يا ولدي. كريم: طب يلا بينا. أم كريم: خلي بالك يا ولدي من جدك ومن نفسك. كريم: في عنيا يا أمي.

وأكمل: فهد خلي بالك من البيت، واعمل المشاوير اللي جدك قالك عليها. فهد: عيني يا خويا. كريم: يلا سلام. *** في المستشفى. أحمد: إيه يا نيرة، هو أنا قولت حاجة؟ نيرة بعصبية: بص يا أحمد، أنا لا هتجوزك ولا عايزة منك حاجة. ومش عايزة نتكلم تاني، حتى صلة الصداقة بعد الكلام ده انت قطعتها. عن إذنك. أحمد

واقف في صدمة وقال لنفسه: لا منا مش كل ما أعوز حاجة الدنيا تمنعني منها. سبق زمان وكان هياخدك مني ابن الصعيد، بس غار. وأنا مش هسيبك يا نيرة. *** في الطريق. كريم: إيه يا جدي سرحان في إيه؟ الجد: ولا حاجة يا ولدي، بس بفكر إني كل شوية مشاوير لمصر وأتعب حد منكم. وبقول لو ما كنتش اتضربت زمان بالنار في ضهري، وما كنتش انشليت، ما كنتش تعبتك وتعبت كل اللي في البيت كده. لو أعرف بس مين اللي عملها.

كريم بحب: يا جدي ده إحنا نشيلك فوق راسنا، مش نروح معاك لمصر. متقولش كده تاني. ومصيرنا يجي يوم ونعرف مين اللي عملها. وثم إني قولتلك هات الدكتورة اللي تعوزها تعالجك في الصعيد بأي تمن. الجد: هشوف يا ولدي. الدكتورة اللي كانت بتعالجني زمان، لو لقيتها هناك لسه وما مشيتش. كريم: إن شاء الله تلاقيها. بعد شوية وصلوا للمستشفى. *** في المستشفى. كريم: ازيك حضرتك؟ الممرضة: أهلاً يا فندم.

كريم: عايزين نروح عيادة تمارين للعلاج الطبيعي. الممرضة: آخر الطرقة يمين. كريم: شكراً. وتليفون كريم رن. كريم: طب يا جدي اقعد أهو لحد ما أروح أرد وأجيلك. هنا الشبكة وحشة. الجد: ماشي يا ولدي. وبمجرد ما خرج كريم، حتي دخلت نيرة. نيرة وقد أحست بوجع في قلبها: معقولة؟ ودمعت عينيها. الجد: مالك يا بتي؟ واقفة عندك و بتبكي ليه؟ نيرة بحب وهي بتمسح إيدها: إيه ده؟ الحاج محمود بنفسه هنا؟ واحشتيني يا جدي، فينك كل ده؟

الجد بضحك: يا بكاشة، واحشتك بردوا. نيرة: آه والله ربنا يعلم غلاوتك عندي يا جدي. وباست إيده. الجد: وأنا يا بنتي والله. من يوم ما جيت هنيه من سنة، وإنتي عالجتيني وأنا ابتديت أتحسن. وأكمل بحزن: بس مش بقدر أقول لأحفادي كل شوية أجي عشان مشاغلهم. نيرة بحزن: يا ريتني أقدر أساعدك. الجد بفرح وقد تذكر: تقدري يا بنتي. نيرة بفرح: أساعدك إزاي؟ الجد: إنك تيجي الصعيد وتعالجيني هناك. ولما حالتي تتحسن ترجعي. وهديكي ربع مليون جنيه.

نيرة بصدمة: ربع مليون! لا ده كتير أوي. الجد: ولا كتير ولا حاجة. كفاية هعطلك إنتي بس. شوفي وردي عليا. وادي رقمي. نيرة بحيرة: حاضر هرد عليك. وقد تذكرت الحاج محمد والتهديد اللي اتعرضتله. الجد: روحتِ فين يا بنتي؟ نيرة: ها؟ لا معاك أهو. يلا نبدأ تمارين. إنت جيت لوحدك؟ الجد: لا جيت أنا وحفيدي الكبير. نيرة بحب: ربنا يخليك ليهم. *** في الخارج. كريم: أيوه يا زين، كده تمام. زين: عيب عليك، قولتلك هحلها.

كريم بفرح: كده الشغل ماشي تمام، طمنتني والله. علشان إني هاردة مش هقدر خالص أكون معاك. زين: كأنك موجود يا خوي. كريم: تسلم لي يا صاحبي. زين: صح، هو سليم ابن عمك وفرح أختك هيرجعوا إمتى من أمريكا؟ كريم: آه، ممكن بكرة. خلاص خلصوا دراسة في أمريكا. أنا عارف كان إيه، وأدهم من الأول هو هنا. قصروا في حاجة؟ زين بضحك: مش مهم، المهم إنهم خلاص راجعين. يرجعوا بالسلامة. كريم: يا رب. يلا أقفل معاك أنا بقي، رغيت كتير. زين بضحك: سلام.

*** عند نيرة. نيرة: بس كده خلصنا. معلش أنت تعبت. الجد: آه بس علشان بقالك كتير مش بتعمل تمارين. نيرة: تعبت؟ ولا يهمك يابني. مريم: دخلت نيرة. عايزين ضروري. نيرة: أكيد هبقى أكلمك. يلا سلام يا جدي. وباست إيده وطلعت. الجد: ربنا يحميكي يا بنتي. بعد شوية دخل كريم. كريم بصدمة: مش معقول! كل ده محدش دخلك؟ الجد بضحك: لا يا ولدي، دخلت الجمر اللي بجول عليها الدكتورة اللي كنت جاي علشانها، وبإيدها أدتني الراحة ومشيت وراها شغلي.

كريم بضحك: أدتك الراحة ليه ملاك؟ الجد بضحك: آه ملاك. وكلمتها تيجي القصر وهشوف ردها. كريم بحماس: متحمس أشوف مين دي اللي عاملة فيك كده. الجد بضحك: هتحبوها والله يا كريم. كريم بحزن: معتقدش إني هحب حد تاني أصلاً. فلاش باك. كريم: واحشتيني. نيرة: إنت أكتر يا كيمو. كريم: قلب كيمو. بصي جبتلك إيه. نيرة باستغراب: إيه ده؟ كريم: بحب غمضي عيونك وأنا أفتحها وأوريك. نيرة غمضت وكريم طلع سلسلة من الدهب وشكلها حلو جداً ورقيق.

نيرة بإعجاب: الله دي تحفة أوي بجد. كريم باس دماغها: دي ستي الله يرحمها، أدتها لأمي وأنا دلوقتي بديهالك. نيرة باستها: ياه يا كريم بجد بحبك ومش هخلعها طول ما أنا عايشة. كريم: وأنا مش عايزك تخلعيها غير في حالة واحدة. نيرة بدهشة: إيه؟ كريم بحب وثقة: إنك تطبلي تحبيني. نيرة بحب: يبقي مش هقلعها. باااك. كريم بدموع في نفسه: واحشتيني يا نيرة. الجد: مالك يا ولدي؟

كريم مسح دموعه: لا يا جدي ولا حاجة، ده تراب دخل عيني. يلا بينا نروح. الجد: مش نستني رأي الدكتورة؟ كريم بحزن: مش قادر أفضل في مصر بصراحة يا جدي. لو رضيت هبعتلها عربية عند المستشفى. الجد بحزن: فقد فهم لماذا كريم يريد الذهاب. وأكمل: يلا يا ولدي. *** مريم: حلو أوي، أنا لو منك أروح بجد. أوعي تضيعي الفرصة دي. نيرة بحزن: وهسيب رودي وماما لمين؟

مريم: يا بت انتي هتتجوزي هناك. انتي هتعملي مصلحة حلوة وترجعي، وبعدين تخلصي من زن الحاج محمد ده. نيرة بتنهيدة: معاكي حق. أشوف ماما ولو كده أروح. يلا أنا همشي بقي. *** في بيت نيرة. نيرة: فحضرتك شايفه إيه؟ أم نيرة بحزن: مش عارفة يابنتي، هي فرصة حلوة. بس إنتي تضمني الراجل ده؟ نيرة بحب: لو عليه متقلقيش. ده راجل محترم وطيب وأنا عارفاه من زمان. مترفضيش بقي، خليني أجيب فلوس الزفت محمد ده. أم نيرة بحزن: خلاص روحي يا بنتي.

رودينا بحزن: هتوحشيني. نيرة بحب: هرجع تاني لا تقلقي. رودينا: حضنتها. نيرة: طب هروح أنا أكلم الحاج بقي. *** في أوضة نيرة، بعد أن قامت بترتيب ملابسها ووضعتها في حقيبة، قامت بالاتصال بالجد. في القصر. كريم: جدي تليفونك بيرن. الجد: ثواني جاي يا كريم. رد يا ولدي. كريم مسك التليفون وملحقش ينطق. نيرة بحب: ألو، إزيك يا جدي. كريم قلبه دق ولم يصدق عقله. أو هذا فعلاً صوت حبيبته أم أنه يتخيل؟ الجد: مين يا ولدي؟

كريم أده لجده التليفون من غير رد. الجد: الو. نيرة بحب: إزيك يا جدي. أنا موافقة أجي. وحضرت شنطتي كمان. الجد بفرح: يا مرحب يا بتي، والله فرحتي جلب. نيرة بحب: شكراً يا جدي. بس ممكن طلب صغير. الجد: تؤمري. نيرة: ممكن آخد من الفلوس 100 ألف جنيه بكرة، لأن في واحد بيهددني وعايزهم. الجد بضيق: مين ده اللي يجدر يهددك؟ نيرة بحزن وقد قصت عليه كل شئ.

الجد بحزن: من عيني يا بتي، اللي تعوزيه. وكل فلوسك بكرة هتتحط في حساب باسمك. واديهم منهم قبل ما تيجي. نيرة بفرح: شكراً أوي بجد. الجد بضحك: لا إنتي زي فرح وفاتن. نيرة بحب: شكراً سلام. ولكن شغل بالها ذلك الاسم "فاتن" الذي لا تطيقه. ثم ذهب للنوم استعداد للسفر. *** الجد باستغراب: مالك يا كريم؟ كريم باستغراب: معرفش يا جدي، بس حسيت صوتها قريب ليا أوي. الجد بضحك: شوفت شكلك حبيتها من غير ما تشوفها. برا في صالة القصر.

أم كريم وأم فاتن بيزغرطوا. طلع كل من كريم وجده على الصوت، لقوا إن فرح وسليم جم من السفر. سليم فهو ابن عم فهد وكريم وأخو فاتن، ولكنه طيب القلب وغيرهم، ويحب فهد وكريم. وفرح عمرها 22 عام ومهندسة مثل فهد وكريم. فرح أخت فهد وكريم، بنت طيبة القلب ومرحة وعمرها 21 وخريجة صيدلة. أم فاتن: واحشتني يا ولدي، واحشتني جوي. سليم: إنتي أكتر يا أما والله. كريم حضن فرح: واحشتيني يا أوزعة. فرح: وإنت كمان واحشتني جوي يا خوي.

كريم: مش كنتم هتيجوا بكرة؟ فرح: إيه زعلت يا خوي؟ فهد بضحك: لا طبعاً يا حبيبتي، ده إحنا هنطير من الفرح. البيت مكنش ليه طعم من غيرك يا فروحة. كريم بحب: أنا أقدر أستغني عنكِ. سليم بحب: حضن كريم وفهد. وأكمل: قولنا نيجي نفاجئكم. الجد: أحلى مفاجأة. بعد شوية من الترحيب والقعدة في مرح. الجد: بجولك يا كريم، ابعت على الرقم ده ربع مليون جنيه دلوجتي، وبكرة تبعت العربية للمستشفى. أم فاتن: وليه كل الفلوس دي يا عمي؟

كريم بحدة: أظن جدي عارف بيعمل إيه يا مرت عمي. الجد بغضب: ملكيش صالح يا مرت ولدي. بعد شوية. كريم: فعلاً كريم عمل كده وبعت الفلوس. كريم: بعت يا جدي. الجد بحب: تسلم يا ولدي. *** تاني يوم الصبح. صحت نيرة، لبست بنطلون أسود وتيشيرت طويل أبيض وحجاب أسود وكوتش أبيض، ووضعت بعض المكياج. وكانت زي القمر. فلاش باك. نيرة: إيه رأيك؟ كريم بحب: إنتي قمر من غير مكياج أصلاً. نيرة: يعني وحشة؟

كريم: لا، حد يقدر يقول كده. ده إنتي قمري وفي كل حالاتك زي القمر. نيرة بضحك: بتعرف تضحك عليا. كريم بحب: لا ده بحق وحقيقي. نيرة بحب: بحبك يا كريم. كريم بحب: أنا أكتر يا قلب كريم. باك. نيرة بدموع: فينك إنت علشان تقولي بقي إني قمرك؟ ثم مسحت دموعها واتجهت للخارج. نيرة: يلا باي يا ماما. أمها بدموع: خلي بالك من نفسك ياحبيبتي. نيرة بحب: عيني، حاضر. رودينا: وابقي طمنيني عليكي كل شوية. نيرة بحب: من عيوني. يلا سلام.

ونزلت وشافت إن بقى ليها حساب في البنك. وراحت دفعت لمحمد الفلوس. محمد بضحك: إيه ده، بقالك شيكات يا نيرة؟ نيرة بحدة: ميخصكش. كل اللي يهمك فلوسك، وأهي عندك أهي. سلاااام. *** في المستشفى. مريم بحزن: هتوحشيني أوي. نيرة بحب: أنا جيت علشان أسلم عليكي. هتمشيني معيطة إذا كنتي إنتي اللي مشجعاني. وقولتيلي منا هرجع. نيرة بحزن: لا معتقدش. ويلا سلام. أحمد من وراها: دكتورة نيرة. نيرة بحدة: نعم يا دكتور. أحمد: هو إنتي هتسافري؟

نيرة بحدة: أظن دي حاجة متخصكش. أحمد بتمثيل بحزن: آسف، بس كنت بسأل. نيرة بجمود: عموماً آه، مسافرة. جالي شغل في الصعيد. عن إذنكم. وركب العربية اللي بعتها كريم متجهة للصعيد. لا تعلم أن حياتها ستقلب رأساً على عقب عندما تذهب هناك. أحمد بغل: آه، قولتيلي الصعيد. رايحة تدوري على حبيب القلب ولا إيه؟ بس لا يا نيرة، إنتي مش لحد غيري. إنتي فاهمه. *** في الصعيد.

وصلت نيرة والسائق ساعدها في إنزال شنطتها ومشي. راحت نيرة خبطت وفتحت أحد الخدم. وكان الكل مجتمع. الجد: نورتي يابتي، نورتي يا دكتورة نيرة. نيرة بحب: ده بنورك يا جدي. ثم صدمت من الشخص الواقف أمامها، ووقعت الشنطة من يديها. بينما هو الآخر في حالة صدمة وزهول، ولم يستطع التحرك. كريم بصدمة وهمس: نيرة! !!!!!!!!