رواية حب اجباري الفصل العشرون 20 - بقلم دنيا ثروت

الدكتور : أحنا عملنا اللي علينا بس للأسف لازم يعدي 48 ساعة عشان نتأكد من استقرار الحالة. عاصي : يعني إيه أمي ممكن تموت!! الدكتور : كل حاجة بإيد ربنا ومش هقدر أوعدكم بحاجة. عن إذنكم. عاصي بيقعد على الكرسي وهو مش شايف قدامه من الدموع. شمس بتحط إيدها على كتفه : عاصي عشان خاطري قوي نفسك. إن شاء الله ماما منيرة هترجع أحسن من الأول. عاصي : ماما بتروح مني يا شمس. بتروح مني. بيرن تليفون شمس. شمس أول ما شافت اسم غدير كنسلت.

عاصي : في إيه يا شمس؟ مين بيرن؟ شمس : الزفتة بترن. غدير. عاصي : ردي يمكن في حاجة. شمس : والله ما لك خايف على ابنك ولا إيه؟ عاصي : شمس إنتي عارفة كويس إني ملمستهاش. شمس بزهق : الو يا غدير عايزة إيه؟ غدير : محمد مات يا شمس. مبيردش. مبيردش. شمس بصدمة : يعني إيه مات؟ إنتي بتقولي إيه؟ يعني إيه مات؟ غدير : شمس أرجوكي تعالي. أرجوكي يا شمس. الحقوني. هبعتلك العنوان. شمس بتقفل معاها من غير ما تنطق حرف.

عاصي وهو بيهز دراعها : مين مات يا شمس؟ انطقي مين؟ شمس : م. محمد. عمي محمد يا عاصي. عاصي : إنتي بتقولي إيه؟ أكيد بتهزري. بابا مات إزاي؟ شمس : لازم نروح لها يا عاصي. لازم. بعد ساعتين. كانت الشرطة مالية الشقة والأسعاف أخد الجثة. الظابط : حضرتك كنتي بتعملي إيه مع حماكي في شقة واحدة؟ غدير بتوتر : كنا... كنا... شمس : أكيد كانوا بيشوفوا شقة عشان غدير كانت عايزة تنقل.

عاصي : إنتي اللي قتلتِ أبويا. إنتي اللي قتلتِ. عايز إيه من عيلتنا؟ عايز إيه؟ غدير كانت بتعيط بصدمة : إنت بتقول إيه؟ مش عايزة حاجة من عيلتك. عاصي كان لسه هيتكلم. شمس مسكت إيديه : عاصي اهدي. الظابط : هنسيبك ترتاحي عشان حامل. بكرة تيجي تدينا إفادتك يا مدام. عن إذنك. والشرطة مشيت. عاصي قرب عليها : كنتي بتعمليها إزاي؟ وكنتي بتعملي كدا ليه؟ شمس : عشان الفلوس. عملت كل ده ولسه هتعمل عشان الفلوس.

غدير بزعيق : إنتي كل حاجة فلوس فلوس. في إيه عندك حل تاني عشان الفلوس؟ بعدين بقولكم إيه؟ أنا مش همشي وأسيب حقي وحق اللي في بطني. اللي مات ده ثروته قد كدا. أكيد مش هسيبها ليكم يا زبالة. شمس : يعني إيه اللي في بطنك؟ ابن مين؟ غدير : ابن محمد يا شمس. بعدين اللي واقف جنبك ده مكنش بيلمسني أصلاً. وجاية تتهميه. عاصي يمسكها من شعرها : بقولك إيه يابت انتي؟

تغوري من حياتنا ولا حد يعرفك. إنتي طالق. طالق. طالق يا غدير. طالق يا زبالة. يسيبها وجاي يمشي. غدير شافت سكينة جنبها افتكرت طلال جوز أمها قدامها : والله ما هسيب حقي تاني. وجريت عشان تطعنه ولكن.... !!!!؟