رواية حب اجباري الفصل الحادي والعشرون 21 - بقلم دنيا ثروت

طعنت السكينة فيها بغدر. شمس وهي بتحاول تتكلم بصعوبة: لي ياغدير لي! عاصي بصريخ: شمس شمسسسسس. غدير خرجت السكينة بكل عنف: ياريت تموتي وأرتاح منك يا شمس. شمس وقعت في حضنه وهو بيصرخ: لا لا متسبنيش. شمس فوق عشان خاطري متسبنيييييش. طلع تليفونه اتصل بالإسعاف. غدير وقعت السكينة وجريت برا البيت. عاصي بصوت عالي: والله لأجيبك والله لأجيبك وأدفعك التمن غالي. ماسك وش شمس وإيديه التانية

فيها دم من أثر طعنها: شمس متسبنيش انتي لسه هتكملي معايا لسه هنرجع زي الأول شمس متسبنيش عشان خاطري. بيجي الإسعاف وبيشيلوها. بيركب العربية معاهم وهو ماسك إيديها. عينه حمرا من عياطه. بعد مرور نص ساعة. وصلوا المستشفى. دخلت أوضة العمليات. كان واقف برا بيخبط راسه في الحيطة: أنا السبب أنا السبب أنا السبب في كل ده ياريتني ماكنتش عملت كدا ولا كذبت عليها ياريتني يا شمس كنت حافظت عليكي.

الدكتور من وراه: أستاذ عاصي حضرتك هنا قدام أوضة العمليات. عاصي: مراتي جوا. الدكتور: طب كنت عايز أفرحك إن والده حضرتك فاقت ولو حابب تدخلها ادخل ليها. عاصي كان بيمشي في المستشفى وهو مش شايف قدامه أو بمعنى أصح يتمنى يموت. بيدخل أوضة أمه بعياط ويمسك إيدها: أمي انتي كويسة. منيرة بتعب: كويسة يا عاصي كويسة يا حبيبي انت كويس. عاصي: شمس يا ماما ادعيلها.

منيرة وهي بتحس على وشه: وشك جميل يا نور عيني زي ما تخيلت بالظبط ياترى بقى شمس هتبقى جميلة كدا. عاصي بصدمة: يعني إيه يا ماما يعني إيه انتي شايفاني. منيرة بدموع: شايفاك يا عاصي.. ياريتني كنت شوفت من زمان ياريتني كنت شوفت خيانة أبوك ليا. عاصي: انتي عرفتي! منيرة: لما سمعتك انت وشمس وانتو بتتخانقوا حسين نفسي ضاق مقدرتش أتكلم ولا أنطق ملقتش نفسي غير وأنا على الأرض وبستنجد بيكم... محمد فين يا عاصي. عاصي: لي.

منيرة: لازم أعاتبه لازم أعرف منه لي عمل كدا وعشان إيه لما أذاني وأنا كنت بفكر فيه. عاصي: فات الأوان عن العتاب دلوقتي يا أمي. منيرة: إيه اللي حصل يا عاصي هما فين وشمس فين انطق يا عاصي كلهم فين وغدير. دخلت عليهم الممرضة. لو سمحت يا أستاذ عاصي عايزينك برا. عاصي: شوية وهارجعلك يا أمي اهدي واستنيني. خرج وهو بيجري لأوضة العمليات. الدكتور: حضرتك جوزها صح. عاصي: آه يا دكتور قولي هي بقت كويسة.

الدكتور: المريضة حالتها مستقرة بس السكينة كانت في مكان حساس واحتمالية إنها تحمل مستقبلاً 50%. عاصي بدموع: تسلم يا دكتور. بتدخل عليها الممرضة: حضرتك عايزة عاصي يا منيرة. منيرة وهي مغمضة عينها: الصوت ده مألوف عليا. بتبتشيل الكمامة وهي متأكدة إنها مش شايفة كانت ماسكة حقنة في إيدها: زي ما جوزك مات ومرات ابنك قتلتيها فيها إيه لما تموتي انتي كمان...