رواية حب الادهم الفصل العاشر 10 - بقلم دعاء تهامي

أدهم صحي على تليفونه اللي رن أكتر من مرة. معتز: فينك يا أدهم؟ بحاول أوصلك من بدري. أدهم: خير يا معتز، ف إيه؟ معتز: لازم تيجي على القسم فوراً، فيه معلومات لازم تعرفها، وعشان نعرف هنعمل إيه. أدهم: معلومات إيه؟ معتز: بخصوص القضية، مش هتنفع في الفون. أدهم: مسافة الطريق وجاي. قعد وقت، أدهم كان خارج يروح القسم، لقى تالين ف وشه. أدهم: ما روحتِيش الجماعة ليه؟ تالين: أنت نسيت يا بيه ولا إيه؟

أخدنا الإجازة عشان الامتحانات قربت. أدهم: أه، طب أنا همشي. سابها وطلع، مستناش ردها، وهيا كمان طلعت أوضتها. وصل أدهم القسم، كان معتز مستنيه ف المكتب. معتز: أخيراً شرفت. أدهم: معلش يا معتز. معتز: أنت كويس؟ أدهم: أيوه. معتز: طب شوف الملف ده. أدهم: إيه ده؟ معتز: أنا قابلت خالد النهارده، وهو قدر يوصل للمعلومات دي، وده هيفيدنا أوي. أدهم: وهو وضعه إيه وسطيهم؟

معتز: محدش شك فيه، بس قال إنهم واخدين بالهم منه أوي، وفيه حاجات مش بيقولوها قدامه بتكون سرية، بس هو قال هخليهم يثقوا فيه ف أسرع وقت. وكمان يا أدهم، هو سمعهم بيتكلموا عن واحد اسمه مازن الدسوقي. أدهم: مازن الدسوقي؟ معتز: إيه؟ تعرفه؟ أدهم: فيه أي صورة ليه؟ معتز: لأ، بس فهمني إيه الحكاية. أدهم: ده خطب تالين امبارح، ونعرفه من وهو صغير، مش معقولة يكون هو! معتز: يمكن تشابه أسماء، لازم نتأكد.

أدهم: كلم خالد وخليه يزرع كاميرات ف كل حتة ف المكان. معتز: بس ده هيشكل خطورة على حياته لو حد عرف. أدهم: مهو فيه خطر طول ما هو وسطيهم، لازم نخلص القضية دي ف أسرع وقت. معتز: تمام. أدهم: وأنا هحاول أراقب تحركات مازن، لازم نتأكد إذا هو أو لأ. أجمع أكبر عدد ممكن من الأدلة. معتز: لو هو، يبقى حياة عيلتك كلها ف خطر. أدهم: لو كان هو، أنا هوصله للموت بإيدي. معتز: خلي بالك أنت، وأنا هكلم خالد.

أدهم: وأنا هجيب صور ل مازن تديها ل خالد بحيث لو شافه يعرفهم. معتز: ماشي. عدى اليوم ف الشغل، مفيش حاجة جديدة، بيشتغلوا على القضية. ف البيت بالليل. تالين: ماما، مازن طلب نطلع نتمشى شوية. ميادة: وإنتي إيه رأيك؟ تالين: قولتله هقول ل ماما. ميادة: قوليلي. تالين: هقول ل ماما. ميادة: اخرجي يا حبيبتي وانبسطي بوقتك. افتكر لما كنت أنا وأبوكي مخطوبين، كان دايماً نخرج سوا ونروح السينما. كانت أيام. هايدي: ونبي خدوني معاكم.

ميادة: بس ي بت، هيا طالعة هيا وخطيبها. هايدي: أيوه يا ماما، بس مش جوزها. لازم يكون فيه حد معاهم ورخم زيي كده 😂. تالين: سبيها يا ماما، مش هتسكت غير لما تروحها. هايدي: هييي، خدي بوسة. أموه 😘. تالين: اطلعي اجهزي، وإلا مس هاخدك. هايدي: فوريرة 😹😹😹. طلعت جريت على فوق، وتالين طالعة وراها. وقفها صوت مامتها. مبس...