رواية حب الادهم الفصل الرابع 4 - بقلم دعاء تهامي

هايدي: والله ي ابيه احنا كنا واقفين وهو جي عايز ياخد رقم تالين. أدهم بص للشاب وعيونه بتطلع شرار. ومن غير أي كلام نزل فيه ضرب. ملامحه مكنتش باينه من كتر الدم. وأدهم لسه بيضرب فيه. تالين وهايدي بيحاولوا يبعدوه عن الولد ولكن لا حياة لمن تنادي. أدهم: المرة دي أنا سبتك، المرة الجاية مش هتعرف أي اللي هيحصل فيك. أدهم بص لتالين ومشي على العربية من غير ولا كلمة. هايدي: اقري الفاتحة على روحي وروحك، شكلوا هيد*بحنا.

تالين: وقت هزارك انتي كمان يالا بدل ما يتعصب علينا أكتر. هايدي: وأنا مالي ي لمبي يالا. تالين: اركبي انتي قدام. هايدي: والله ما يحصل، انتي دايما بتركبي جمب أدهم، مليش دعوة. تالين: ي بت اخلصي. هايدي: عدّي الجمايل طيب. تالين: طب اتنيلي اركبي. ركبت هايدي من قدام وتالين وراء. طول الطريق بتحاول تبعد نظرها عن عيون أدهم الغا*ضبة. وصلوا البيت وتالين نزلت جريت على أوضتها. وهايدي كمان دخلت وراها.

ميادة: أي ي تالين بتجري ليه كده. تالين: هاا مفيش ي ماما تعبانة شوية. هايدي: اسكتي ي ماما أدهم غضبان جاي ورانا مش عارفة هيعمل فينا أي. ميادة: عملتوا أي ي وش المصايب. هايدي: إحنا ي ماما، ربنا يسامحك. المهم إحنا هنطلع فوق وانتي حاولي تهديه شوية. تالين: آه ونبي ي ماما، نظراته مش تبشر بالخير. ميادة: بس فهموني في أي. تالين: بعدين بعدين. هايدي: يلهوي اجري. طلعوا هما الاتنين جري لفوق. هايدي: خديني معاكي.

تالين: انتي اللي خديني معاكي. هايدي: أقولك تعالي ف أوضة ماما إحنا الاتنين زي زمان. تالين: يالا. عند أدهم. ميادة: مالك ي أدهم خايفين منك ليه كده. أدهم: مفيش ي ماما. ميادة: على ماما بردو. أدهم: لما وصلت الكلية لقيته بيكلمها، واحد مش عارفة أي اللي حصلي وقتها ونزلت فيه ضرب. ميادة: طب ينفع كده، مش يمكن عايز حاجة. أدهم: زمايلي كتير، مفيش غير تالين يعني. ميادة: حصل خير ي ابني متتعصبش عليه، هي مغلطتش.

أدهم: حاضر ي ماما، بس هما فين دلوقتي. ميادة: ههه تلاقيه ف أوضتي زي زمان يعملوا العملة ويستخبوا هناك. أدهم: ماشي أنا طالع فوق، خليهم يجهزوا الأكل لحد ما أجيبهم. ميادة: حاضر. طلعوا، أدهم راح باتجاه أوضة أمه، فتحها ودخل ملقاش حد فيها. لسه هيطلع لقاء الستارة بتتحرك. فتحها لقاهم وراها. هايدي: اعععع والله ي ابيه أنا مليش ذنب، ده زميل تالين. وسابتهم وجريت من الأوضة. تالين جايه تطلع، أدهم مسك إيدها. أدهم: كان عايز منك أي.

تالين: مفيش والله ي ابيه، طلي مني الرقم عشان عايز محاضرات وأنا قولتلوا ياخد من أي حد معانا. أدهم: اياكي أشوفك بتكلمي حد تاني، تسبيه وتمشي. تالين: والله ي ابيه أنا كنت بقوله كده، حتى اسألي هايدي هتقولك. أدهم: متتكررش، وإلا مفيش خروج من البيت حتى للكلية. تالين: حاضر. أدهم: روحي غيري هدومك عشان ناكل سوا. تالين: أنا مش جعانة. أدهم: وأنا قولت غيري هدومك عشان ننزل ناكل. بعد شوية كانوا متجمعين على سفرة الأكل.

هايدي: 😹😹😹ينفع كده ي ادهم خوفتني، كنت بقرا الفاتحة على روحي. تالين: والله وسبتيني وجريتي. هايدي: قلبك أبيض ي أبو صلاح. تالين: ماشي ي ستي. هايدي: صحيح ي ماما بابا فين. ميادة: ف الشغل بس زمانه جاي، كلمني من شوية. هايدي: أيوه ميقدرش يستغنى عنك كل ده ومش يكلمكم. ميادة: ي بكاشة. تالين: 😹عندها حق ي ماما، المفروض يطمن علينا، إحنا كنا ف الكلية إنما انتي ف البيت. ميادة: ف أي ي بت انتي وهيا، هتتفقوا عليا ولا أي.

تالين: اهو بابا جي، صوت العربية اهو. هايدي: لا دول عربيتين، حد جاي معاه ولا أي. ميادة: اه ده ابن صاحب أبوكي جي من السفر امبارح وتقريبا جاي مع أبوكي. تالين: مين هو؟ ده أنا مش فاكراني.