رواية حب الاسر الفصل السادس 6 - بقلم موكا

استغربت سما طريقته: "يلا يا جماعة، كل واحد ياخد حاله. قدامكم ساعة وتتجمعوا كلكم في الكافتيريا، ومحدش يدخل بأدوات، وكله يتعقم الأول." خلصوا اليوم واتجمعوا في كافتيريا المستشفى. سما: "آه يا ني تعبت، بس انبسطت من الأطفال قوي. جمال! قدامي: "فعلاً شكلهم جميل." أسماء: "ربنا يشفيهم يا رب." سما جت تفتح النوت بتاعتها وانصدمت لما لقت في حد كاتب: "أنا بحبك من زمان ونفسي آجي أتقدملك بس خايف ل ترفضيني."

وافتكرت كلام أسر بسخرية معاها لما خد النوت. سما بعصبية: "ماااااااا" مي: "في إيه يا سما؟ يخرب بيتك خضتيني." سما: "اتفضلي يا أستاذ." مي: "في إيه يا بنتي؟ سما: "ما تقري." مي قرأت وانصدمت، وافتكرت لما أدت النوت لمحمد. مي بفرحة: "هاااااي، محمد بيحبني زي ما أنا بحبه. مش مصدقة! سما: "انتي هبلة يبت. الدكتور أسر شاف الكلام ده في النوت، هيقول عليا إيه دلوقتي؟ مي: "مش هيقول حاجة، وهو ماله أصلًا بحياتك الشخصية."

سما: "ماله إزاي ده خ... مي: "خايفه؟ سما: "خايفه إنه ياخد فكرة وحشة، وانتي عارفة إني شديت معاه كده." مرامي: "متخافيش يختي، هو أصلًا مش طايقك." أسماء سرحانة: "بس تصدقوا، دكتور أسر ده جميل بشكل وهو ماشي كده وشعره وعيونه. آه بيبقى حاجة تانية." سما ببعض العصبية: "متتلمي يا أسماء، إيه الهبل اللي بتقوليه ده؟ أسماء: "في إيه يا سما؟ مالك متعصبة كده ليه؟ سما: "مليش."

أسر: "يلا يا جماعة، كله يسلم Sheet بتاعه للمعيد اللي كان معاه، واللي كان معايا يسلملي Sheet بتاعه ويروح." كله سلم الشيت وروحوا كلهم. أسر أول ما روح: يارا: "أسر يا حبيبي، ما تروحش تغير علشان إحنا خارجين." أسر: "خارجين فين؟ أنا عايز أنام." يارا: "لا، رايحين عند خطيبتك. أمها عزمانا على العشا." أسر: "روحي انتي، أنا مش رايح في حتة. مش كفاية وافقت على الخطوبة من البت دي؟ يارا: "احترم نفسك، ويلا ومش عايزة نقاش تاني."

أسر وأمه ركبوا العربية وتوجهوا لبيت سما. سما كانت لما رجعت نامت. صحت على صوت خبط الباب. فراحت تفتح من غير نقاب على أساس إنها أبوها، وحطت طرحة بس على شعرها، وكانت لابسة بيجامة بيتي على شكل أرنوب. كان أسر بس اللي على الباب، ومامته كانت بتسلم على حد. سما أول ما فتحت اتفاجئت بأسر، وراحت قفلت الباب بسرعة وطلعت تجري. أسر في نفسه: "هي مين اللي شفتها دي؟ دي أكيد حورية مش من البشر، إيه الجمال ده! ممكن تكون سما؟

لأ، مش ممكن تكون هي. يا لو هي، إيه يا أسر اللي بتقوله ده؟ انت بتكره البنات، وكمان المنتقبات. انت نسيت اللي قريته في النوت ولا إيه؟ مريم: "في إيه يا بنتي؟ مين اللي على الباب؟ " وراحت تفتح تاني. مريم: "اتفضلوا يا جماعة." يارا: "يزيد فضلك." ودخلوا قعدوا منتظرين إنهم يجوا. سما لنفسها: "يلهوي يلهوي، شافني. آه يا ني أنا اللي غبية، كان لازم أطلع من غير نقاب، وكمان ليه مشوفتش من العين السحرية؟ آه يا ني."

وراحت لبست النقاب وطلعت قعدت بناءً على تعليمات مامتها. وأسر فضل باصلها ومشلش عينه من عليها. سما خدت بالها واتجاهلته. اليوم عدى وجه اليوم اللي بعده بأحداث جديدة. كان اليوم ده إجازة من الجامعة، لقت مي بتتصل بيها الصبح بدري. مي: "سماااااا، اصحي يلا. مش هتصدقي." سما: "في إيه يا أخرة صبري؟ مي: "محمد. محمد اتقدملي امبارح وبابا وافق. مش مصدقة! سما: "ألف مبروك يا بنتي، وربنا يصبره على الهبل بتاعك ده."

مي: "متشتميش، ويلا اصحي كده وفوقي عشان عايزة معاكي أختار الفستان بتاع الخطوبة. برن على أسماء مش بترد." سما: "حاضر يا ستي، بس ممكن أفطر ولا مش ممكن؟ مي: "لأ يا اختي، افطري بس بسرعة." مي قفلت مع سما. سما: "صباح الخير يا ست الكل." مريم: "صباح الخير يا بنتي." سما: "إيه الأكل الحلو ده يا ماما؟ بصي، هروح أشتري مع مي فستان لخطوبتها النهاردة وهروح أقعد عندها." مريم: "مبروك ليها يا بنتي، وبالمرة هاتي لك فستان."

سما: "وبالله انتي أم عسل." مريم: "ماشي يا بكاشة، ويلا روحي عشان ناكل." سما: "حاضر." بعد ما فطروا، سما جربت ترن على أسماء مش بترد، ونزلت. سما ومي عشان يدوروا على فستان. سما: "يبنتي رجلي وجعتني، كفاية وحياة عيالك." مي: "معنديش عيال يا اختي، ويلا قومي. باقي محلات بس في المول، مشوفناش فيهم، وبعدين نقرر على رواقة نروح نشتري من أي محل." سما: "مين؟ أنا رايحة يا اختي. مين دول اللي هيرجعوا تاني يشوفوا إيه اللي عجبنا في المول؟

انتي مبتتعبيش." مي: "لأ تعبت، بس لازم أشتري حاجة حلوة." خلصوا لف وجابوا فساتين جميلة. بعدين راحوا لبيت مي يجهزوا الخطوبة. وجه الليل والمعازيم جت. وسما لقت أسماء جت، بس راحت وقفت معاها. سما: "إيه يا بنتي، رنيت عليكي. مردتيش ليه؟ أسماء: "معلش، كنت تعبانة بس شوية." سما: "ألف سلامة عليكي يا قمر." أحمد: "مس سما، لو عايزاني أشرحلك الأجزاء اللي الدكتور أسر ضيعها عليكي، أنا ممكن أشرحهالك."

سما: "لأ شكراً ليك، مي وأسماء هيشرحوهملي." أسماء: "هم مين هيشرحوا إيه؟ سما ضربتها في إيديها عشان تسكت. أحمد: "تمام، أنا كنت حابب أساعد، بس بعد إذنك." سما: "يبنتي أنا مش عايزاه يشرحلي، انتي متفهميش." أسماء: "خلاص، فهمت." "وصحيح، كنت عايزة أقولك حاجة كده. أنا معجبة أوووي بدكتور أسر، جميل أوووي وشكلي هحبه، ولا إيه؟ سما: "نعم يختي، انتي اتهبلتي ولا إيه؟