رواية حب المشاغبين الفصل الخامس والعشرون 25 - بقلم حنين هاني

عدنا نمشي وبعدين طلع كل واحد غرفته عشان ننزل بالليل. عدا النهار وجه بالليل، نزلنا كلنا وقعدنا على الشط. مازن: يا شباب عايزكم كله تفضلوا هنا، هنقعد نلعب كلنا سوا، فياريت مفيش حد يمشي. واحد من الشباب: طيب يادكتور، هنلعب إيه؟ مازن: هنقعد نسلي نفسنا ونلعب كلنا حاجة واحدة. واحد تاني: طيب دكتورة بيلا مش قاعدة؟ مازن: هرن عليها تنزل ونبقى كلنا اتجمعنا. واحد بينادي اللي على الشط: دول كان على الشط واقف مراد مع مريم.

مراد: مبروك على الخطوبة، فرحتلك جداً. مريم: أنا مش عارفة بصراحة ده حصل إزاي، أنا مرة واحدة لقيت واحد كنت متخانقة معاه جاي البيت، ومرة واحدة قرأ فاتحة، وبعدها ييجي ويلبس دبلة، الموضوع حاساه غلط في غلط. مراد: طيب ليه متقوليش إن ده خير ليكي؟ مش يمكن تحبيه؟ مريم: أحبه؟ مش عارفة، بس أنا بضايق لما بكلمه وحش، أنا مش عارفة، هو أنا حاساه كويس بس مش... مراد: يمكن عشان الموضوع كله جه فجأة. مريم: يمكن.

مراد: سيبي قلبك يحب عشان تعرفي تشوفي إنه كويس. مريم: تفتكر؟ مراد: أفتكر أوي كمان. نزلت بيلا وشافتهم واقفين مع بعض، واتضايقت وقالت هتروح تشوف في إيه. راحت لقتهم واقفين بيتكلموا. بيلا: مريم حبيبتي، أحمد كلمني وبيسأل عليكي، انتي مكلمتيهوش؟ مريم: آه، الفون كان فاصل شحن، هروح أكلمه. ومشت. مراد: أول مرة أعرف إنك بتكدبي. بيلا: أنا بكدب؟ مراد: أيوه، كدبتي عشان أحمد مسألش عليها. بيلا: أصل... مراد: عنيكي فضحاكي.

بيلا: أنا قولت كده بس عشان هي مخطوبة ومينفعش تقف معاك كده. مراد: شوفتي بقى إنك كدبتي. بيلا: مش عارفة. مراد: بس تعرفي، انتي مش رايق عليكي إنك تبقي كدابة، انتي الصراحة بتبقى حلوة منك. بيلا: أنا قولت كده برضه، أنا أصلاً مش بعرف أكدب. مراد: منا عارف. وبعدين من امتى وانتي بتحطي ميكب؟ على فكرة شكلك مش حلو بيه. بيلا: قصدك إيه يعني؟

مراد: قصدي إنك أحلى بكتير من غير حاجة، وبعدين انتي بتحطي الحاجة دي عشان تحلّيكي، يعني انتي متعرفيش إنك انتي اللي بتحلّي. بيلا: مش عارفة أقولك إيه على الكلام الحلو ده. مراد: بص لها وابتسم. دي حقيقة. جت واحدة نادت عليهم عشان يقعدوا يلعبوا، فراحوا وكلهم قعدوا. وقعد مراد بعيد عنهم. مازن: إيه رأيك نلعب صراحة؟ يلا واللي هيجي يسأل اللي قدامه. واحدة: حلوة اللعبة دي أوي يا دكتور مازن.

مراد في نفسه: ياربي على ده محن، صبرني ياربي عشان مرتكبش جريمة. بتبص له بيلا وماسكة نفسها من الضحك بالعافية على مراد. فضلوا يلعبوا لغاية ما جه واحد يسأل بيلا. بيلا: اتفضل اسأل. جمال: حضرتك بتحبي حد؟ بيلا: إيه ده، فين الخصوصية؟ ركز مراد أوي معاها لما سمع السؤال. جمال: لا لازم تجاوبي بصراحة وتقولي مين كمان. بيلا: لا طبعاً. جمال: طيب حضرتك كده باين إنك بتحبي حد وعنيكي فضحاكي. بيلا: يعني نوعاً ما، حاجة زي كده.

جمال: طيب اسمه إيه بقى؟ بيلا: لا مينفعش طبعاً. جمال: لا لازم تقولي. منه: أيوه يا دكتورة، قولي، كلنا بنفضفض، كلنا سوا. بيلا: لا طبعاً مش هينفع. جمال: طيب خلاص، قولي أول حرف من... بيلا: طيب ماشي، كده مقبولة. أول حرف منه M. جمال: أكيد محمد؟ بيلا: لا، أنا مش هقول، انت قولت أول حرف بس. منه: خلاص يا جماعة، كلنا حرفنا إن الكراش بتاع الدكتورة بيبدأ بـ M.

مازن في نفسه: كنت حاسس إنها بتحبني، طلعت هي معجبة بيا، يبقى أنا هنفذ اللي كنت بفكر فيه. مراد فون رن وقام عشان يرد. بيلا: معلش بقى كملوا انتوا وأنا هطلع. وطلعت. مازن: بصوا يا شباب، عايز أقول لكم على حاجة. أنا بعتبركم زي خواتي وعايزكم تساعدوني. أنا بحب الدكتورة بيلا وكنت محتاج أتأكد، ودلوقتي أنا اتأكدت وعايز أتقدم لها بطريقة رومانسية وانتو تساعدوني. منه: أيوه بقى، هو ده الكلام، إحنا نعمل جو رومانسي على البحر.

مازن: طيب بكرة هنعمل كده. عايزكم كله تسعدوني أتقدم بأفضل طريقة. قعدوا يتكلموا شوية عن اللي هيعملوه، وبعدين رجع مراد ملقاهاش، فراح طلع ورن عليها. مراد: طلعتي ليه؟ بيلا: مفيش، حسيت بس بتعب شوية فعشان كده طلعت. مراد: طيب انتي كويسة؟ خدتي علاجك؟ بيلا: آه خدته، هرتاح شوية وهبقى كويسة. مراد: خلاص ماشي، لو عايزة حاجة كلميني. بيلا: ماشي. وقفل ونامت. وصحيت تاني يوم المغرب. بيلا: ياربي أنا نمت كل ده.

بصت لقت مراد رن عليها كتير. مراد: انتي فين كل ده؟ أنا قلقت عليكي أوي، قعدت أخبط عليكي مبترديش، أرن مش بتردي، أنا خوفت عليكي أوي، انتي كويسة؟ افتكرت جرالك حاجة. بيلا: أنا كنت نايمة، معلش يا مراد، حقك عليا من التعب محستش بالوقت خالص. مراد: خلاص، أهم حاجة إنك كويسة. طيب يلا عشان تاكلي، انتي مأكلتيش من امبارح. بيلا: حاضر، هغير وأنزل لك تحت نتغدى سوا. مراد: خلاص، إشطا. وبعد شوية، ولسه بيلا هتروح لمراد، جم البنات وشدوه.

بيلا: إيه يابنات، في إيه؟ هن: عاملين لك مفاجأة حلوة أوي. بيلا: مفاجأة إيه بس، وسعوا، أنا هقع. هن: يلا بس وانتي هتشوفي. مشيوا وخدوها وغمضوا عينيها. وبعد شوية وقفو في مكان، فتحت بيلا عينيها لقت المكان متزين بطريقة جميلة أوي، وفي تورته اسمها "بحبك". وفضلت تبص مستنية مراد يظهر، بس قبلت وشها لما لقت مازن واقف وراها ومعاه ورد وخاتم وقاعد على ركبته.

مازن: بيلا، من أول مرة شوفتك فيها وأنا قلبي اتسرق مني، مش عارف عملتي فيا إيه، بس كله اللي عاوزه أقوله إني بحبك واني عايز أكمل معاكي حياتي. تقبلي تتجوزيني؟ أنا اتأكدت امبارح من مشاعرك لما قعدنا كلنا، وأنا هشيلك في عيني عشان انتي جوهرة. بيلا: بس أنا مش بحبك.