رواية حب المشاغبين الفصل الرابع والعشرون 24 - بقلم حنين هاني

خلصوا أكلهم وطلعوا. مراد: تعالي نتمشى على البحر. بيلا: بس أنا تعبت بصراحة، عاوزة أنام. مراد: تؤتؤ، مفيش نوم، وشدها من إيدها. يلا بينا. بيلا: يا ابني عاوزة أنام. مراد: مفيش نوم خالص، يلا بينا. وأخدها وطلعوا على البحر. بيلا: يااه، الجو تحفة بصراحة. مراد: آه فعلاً، بس سقعه. بيلا: دي أحلى حاجة. مراد: إنتي بتحبي الشتا؟

بيلا: أيوه طبعاً، عارف لما كنت في الغردقة كان عندنا شقة قدام البحر، عارف لما كانت الدنيا تضيق عليا كنت أروح هناك، أفضل قاعدة على البحر في عز المطرة وأرتاح أوي، وبحب أقعد وأرسم، بحس نفسي أوي في الرسم وأنا قاعدة على البحر. مراد: يعني ممكن ترسميني؟ بيلا: لأ طبعاً. مراد: ليه يختي مش شبه؟ بيلا: لأ، بس أنا مش هرسمك طبعاً، أنا لو رسمتك كده يبقى مش هرسم تاني. مراد: تصدقي إنك رخمة، مش عاوز حاجة. وسابها ومشي.

بيلا: استنى، بهزر معاك. ومشيت وراه تلحقه. مراد: امشي يابت، اطلعي نامي، مش عاوز حاجة، اطلعي. بيلا: هطلع. مراد: اطلعي. بيلا: همشي. مراد: امشي. بيلا: فكر. مراد: فكرت. بيلا: آخر كلام. مراد: آخر كلام. بيلا: طيب، أنا عاوزة آيس كريم. مراد: تعالي أجيبلك آيس كريم. ضحكت بيلا وهو كمان ضحك، وراح جاب لها آيس كريم. وفون بيلا رن وهما بيتمشوا. بيلا: الو. مازن: إنتي نايمة؟ بيلا: لأ، في حاجة؟

مازن: مفيش، أصلي بخبط عليكي وإنتي مش بتردي، يعني كنت عزماك على الأكل. بيلا: لأ، هو أنا تحت، وأنا اتغديت بصراحة، معلش مرة تانية. مازن: طيب تعالي أعزمك على عصير، ومفيش جدال، هستناكي في الريسبشن. وقفل. مراد بغيره: أومال إنتي بتكلمي مين؟ بيلا: ده دكتور مازن، كان عزمني على الغدا، ولما قولت له اتغذيت، عزمني على عصير. مراد بغيره: وإنتي هتروحي؟ بيلا: آه، لازم أروح. مراد: إيه اللي خلاه لازم؟ بيلا: عشان عيب، هو عزمني ومستنيني.

مراد: يعني هتروحي؟ بيلا: أيوه. مراد: في إيه؟ مراد: لأ تمام، مفيش، أنا همشي أنا بقى. وسابها ومشي. مراد: يعني بعد كل ده تروح تمشي معاه ويعزمها عصير؟ أنا لو شفته قدامي هكسر له طقم سنانه. بيلا: اممم، واضح إن الغيرة هتموته يا ربي. طيب خلاص، أنا اتعرفت على نفسي إني بحبه، بس أنا مش عارفة هو ليه مش راضي يقولي، مع إن كل حاجة تثبت إنه بيحبني. بصراحة بقى، أنا هفرقع منه، مش عارفة. وراحت لمازن. مازن: إيه الحلاوة دي كله؟

بيلا: مرسي، ده من ذوقك. مازن: والله مش مجاملة، إنتي جميلة أوي، والميكب محليكي أوي، مخليكي أحلى. بيلا: شكراً. مازن: طيب تحبي تشربي إيه؟ بيلا: بصراحة، أنا أصلاً مش قادرة، لسه واكلة آيس كريم، فا مش قادرة خالص. مازن: لأ لازم، بصي أنا هجيب مانجا ونتماشى على البحر. بيلا: خلاص، اوكي. جاب مازن العصير وبيتمشوا على البحر. عند مراد بيكلم ريان ويونس وعائشة وسهيلة فيديو كول.

مراد: يعني أنا أروح آكل معاها أكل مش بحبه ومعرفتش آكل، وأعزمها على آيس كريم وأضحك وأعمل وأهتم وأنايل، وفي الآخر عود الساحل ده يكلمها يقولها عزماك على عصير، ده أنا لو شفته مش هرحمه. مراد بيتكلم وكلهم هيموتوا من الضحك عليه. ريان: اهدى يا وحش، صحتكم. مراد: أنا هولع، وأقولها إنتي لازم تروحي تقولي آه، مينفعش. عائشة: ممكن بيعمل كده عشان يشوفك بتغير ولا لأ. مراد: ده أنا هفرقع. وقعد يتكلم معاهم ويبص على البحر، لقاهم واقفين.

مراد: البيه جايب لها مانجا، آهه، أنا هتتشل. يونس: يا ابني ما هي معاك من الصبح، ممكن قبلت عشان متكسفوش. مراد: ماليش فيه، كان لازم تقولي لأ. يونس: متنساش إنها ولا خطيبتك ولا حتى قولتلها، يعني إنتوا لغايت دلوقتي إنتوا صحاب، يعني إنت مالكش إنك تمنعها حتى. مراد: طيب، أنا اللي منعني إني أخلص عشان مخليهاش تبقى في موقف محرج قدام حد.

يونس: بص، أنا مش عارف إنت بتفكر إزاي، بس اللي شايفه إن مفيش موقف محرج ليها طول ما كله بالادب والاحترام، يعني إنت مش هتتسلى، إنت هتخطبها على طول. مراد: مش عارف. يلا اقفلوا. وقفلوا كلهم، وبص مراد عليها وقعد يفكر في كلام يونس. مراد: معقول تضيع؟ بس لأ، أنا مش هتستنى خلاص. وقعد يفكر. عند بيلا. مازن: الجو تحفة. بيلا: آه، بس سقعه. مازن: لأ، الجو تحفة بصراحة. بيلا: اممم. مازن: ينفع أسألك سؤال؟ بيلا: اتفضل.

مازن: اترتبطى قبل كده؟ بيلا: كنت مخطوبة ومحصلش نصيب. مازن: طيب كويس. بيلا: هو إيه اللي كويس؟ مازن: لأ، مش قصدي، قصدي أكيد خير ليكي. بيلا: آه طبعاً. معلش بقى، هطلع أنا بقى عشان تعبت. مازن: اوكي. وطلعت. عدى اليوم وجه يوم جديد. صحت بيلا ونزلت فطرت، وقعدت على البحر، ورنت على مراد. بيلا: هو إنت مخصمني يعني عشان كده مكلمتنيش؟ مراد: لأ، أنا مش مخصمك، بس لسه صاحي. إنتي تحت؟

بيلا: أيوه، على البحر، جو جميل جداً، ويعني هيبقى أحلى لو نزلت قعدت معايا شوية. مراد: اوكي. ونزل. مراد: تصدقي، أول مرة أشوف القمر في الحقيقة بالجمال ده. بيلا: يا شيخ. مراد: أكيد طبعاً، إنتي أحلى من القمر كمان. بيلا: مرسي، مرسي بجد. وطلعت ورقة رسم، ودتها لمراد. مراد بصدمة: ده أنا، إنتي رسمتيني؟ بيلا: أيوه، إيه رأيكم؟ مراد: ده أحلى رسمة اترسمتلي بجد، عمري ما هفكر أرميها. بيلا: عادي لو ضاعت، هرسم غيره.

مراد: مش هقدر أضيعها أصلاً، دي أجمل هدية جتلي بجد، شكراً. بيلا: مفيش بنا شكر، مش كده يا صديقي؟ مراد: أكيد طبعاً. يتبع…