رواية حب المشاغبين الفصل الرابع 4 - بقلم حنين هاني

هي مجتش ليه؟ دي بقت عشرة. أما أرن عليها طيب. قعد يرن لغاية مارد. مراد: الو يا بليه. انتي مجتيش ليه؟ أنا مستنيكي عشان أوريكي الحاجة. بيلا: بنوم. بقولك إيه أنا بص، أنا مش موجودة دلوقتي. أبقى أشوفه بكرة. يلا باي. وقفت. مراد: والله أنا مش عارف البنات بتجيب كل النوم ده منين. مش بيشبعوا نوم. يوم جديد. صحت بيلا. بيلا: ياربي، كان المفروض أروح أبص عليهم. ونمت من التعب. فتحت الفون ولقيت رقم. بيلا: هي مين دي؟

وبعدين أنا مش فاكرة إني كلمت حد بليل. يلا ممكن مش عارفة. مش مهم. مش مهم. قامت عشان تلبس عشان تروح الشقة. في الشقة. مراد: اوف بقا، دي هتيجي امتى دي؟ اتأخرت أوي بجد. ولسه هيرن عليها لقاها دخلت. بيلا: صباح الخير. مراد: صباح إيه؟ الساعة 12. أنا مستنيكي من بدري عشان نفطر سوا. بيلا: بستغراب. نفطر؟ مراد: اه نفطر. أنا جعان ومرضتش آكل من غيرك. يلا هنزل أجيبو بسرعه وأجي. وسابها ونزل.

هي في نفسها: انت بجد إنسان غريب، بس حنين أوي بصراحة. هو مجنون شوية بس بجد مختلف. هو أنا شكلي وقعت ولا إيه؟ وضحكت. قعدت تستنى. مراد: يلا يا بليلة. أنا جبت الأكل. بيلا: تعرف، متقوليش الاسم ده تاني. مراد: لا طبعاً، أنا عجبني إني أناديكي كده. بيلا: بس أنا مش عاجبني. مراد: مش مهم رأيك، المهم رأيي أنا. ويلا كلي. بيلا: ده انت رخيم. وبدأت تاكل. مراد: مقولتيش بقا عندك كام سنة؟ بيلا: وقالك بمناسبة إيه؟

مراد: بمناسبة إننا هنبقى صحاب. بيلا: اوه، مرة واحدة. على فكرة طموحك عالي أوي. مراد: لا ماهو ده اللي هيحصل. إحنا خلاص بقا بينا عيش وملح، ولا إيه؟ بيلا: امممم، سيبني أفكر. مراد: مش ملاحظة إنك بتتنكي عليا يا بليلة؟ بيلا: تصدق، أكتر حاجة ممكن متخلنيش أوافق هي الاسم ده. مراد: يعني انتي مزعلاكي بليلة؟ اومال لو قولتلك بليه هتعملي إيه؟ وضحك. بيلا: بليه؟ أنا من بيلا أبقى بليه؟ حرام عليكم. مراد: شوفتي بقا إني هين عليكي إزاي؟

وبقولك بليلة. بيلا: يلا، بليلة بليلة بقا. مراد: ينفع أفهم من كده إنك موافقة؟ بيلا: أكيد. مراد: طيب انتي مرتبطة؟ بيلا: اشمعنى؟ مراد: ممكن نقول إنه فضول. بيلا: امممم، خليها عليا ومش هقولك. مراد: حد قالك إنك رخمة؟ بيلا: لا كتير، متقلقش. مراد: طيب انتي منين؟ بيلا: بردو مش هقولك. مراد: مش عايز أعرف حاجة طيب. بقولك إيه، أنا بعتلك Ad على الفيس، ابقي وافقي عليه. بيلا: انت جايب الثقة دي منين؟ على فكرة مش هقبل.

مراد: يا بنتي لازم الثقة، هو أنا أي حد ولا إيه؟ ده أنا سيف. بيلا: مغرور أوي. مراد: بس مز واتحب بسرعة. وغمزلها وقام. بيلا: في نفسها. بصراحة اه، بس بردو مغرور. عدى يومين على هذا الحال. الاتنين بينكشوا في بعض. مراد خلاص أعجب بيها وعجبه كده إنها متحفظة على حياتها الخاصة. وبيلا بدأت تعجب بشخصيته وتحب المشاغبة بتاعته. وجه يوم الحد. أول يوم لبيلا في الكلية. بيلا: صباح الخير يا دكتور. العميد: اهلا يادكتورة، اتفضلي.

بيلا: شكراً. عاوزة أعرف جدول المحاضرات اللي عندي وأعرف أنهي فرقة اللي هدرس لها. العميد: أنا كنت حاطط ليكي فرقة أولى. وبعدين اكتشفنا إن فيه نقص للفرقة الرابعة. فا دلوقتي القرار قرارك في الاختيار. يا دكتورة تختاري الفرقة بتاعتك؟ بيلا: طيب تمام، مفيش مشكلة. أنا ممكن آخد الاتنين. العميد: انتي بتتكلمي بجد؟ هتقدري على الاتنين؟ بيلا: طبعاً، إن شاء الله أكون عند حسن ظن حضرتك.

العميد: أكيد طبعاً، انتي قدها تمام. اتفضلي، ده الجدول. وعندك محاضرة فرقة رابعة الساعة 12. بيلا: اوكي، تمام. شكراً. عن إذنك. عند مراد. فريدة: صباح الخير يا حبيبي. مراد: صباح الورد كله. فريدة: يلا تعالي افطر عشان تنزل الكلية. مراد: لا، ورايا شغل. فريدة: مارو، عشان خاطري احضر عشان تعدي. مراد: حاضر ياماما. يلا، عاوزة حاجة؟ سلام. فريدة: زعل طبعاً زي كل مرة، بس لازم عشان يتخرج. بقاله.

نزل مراد وراح على الكلية. وصل. دخل الكافيه وقعد يشرب قهوة. مريم: صباح الخير يا مارو. مراد: صباح الخير. مريم: عامل إيه؟ وحشني. مراد: كويس. انتي أخبارك إيه؟ مريم: بخير طول ما انت بخير. مراد: ياربي على ام التلزيق اللي الصبح ده. وقالها: بقولك إيه، انتي قاعدة ليه؟ مش المفروض تحضري؟ مريم: أنا منا هحضر. المحاضرة اتلغت وبقت 12. بيقولوا فيه دكتورة جديدة جت. مراد: طيب ماشي، قومي بقا عشان تلحقي.

مريم: بس انت لازم تحضر عشان تسجل اسمك. مراد: متتشغليش دماغك بيا. مريم: لا لازم. ده انت حتة صديق عزيز عليا أوي. مراد: طيب اتفضلي يلا. ومشوا عشان المحاضرة. وبعد ربع ساعة دخلت بيلا. بيلا: صباح الخير يا شباب. مراد: حس إنوا عارف الصوت ده. بيرفع عينه وبيبص وبيلاقيها. مراد: بليلة.