رواية حب المشاغبين الفصل الثالث 3 - بقلم حنين هاني

مساء الخير. مراد وهو بيرفع عينه من اللاب: مساء الخير. وسكت لما بصلها وقالها: ده يامساء كل الحلويات. هو انتي بجد حقيقيه؟ بيلا: افندم. بجد إزاي يعني؟ مراد: أصلك جميلة أوي. أول مرة أشوف القمر بيطلع بالنهار كده. بيلا: حضرتك أنا كنت جاية هنا عشان عاوزة أوضب شقة. والمهندس اللي تحت قالي اطلع لحضرتكم. مراد: ده يازين ما اختار والله. بيلا: نعم. هو إنت بتشتغل مهندس ولا بتعاكس؟ مراد: لا والله مهندس. بس إنتي مزة أوي.

بيلا: بقولك إيه احترم نفسك. يا إما هقوم أمشي. مراد: لا تمشي أي. هو أنا كل يوم بيجي حد في جمالك كده. أمري ياقمر وأنا تحت أمرك. بيلا: تمام. مشترية شقة في مدينة نصر. ويدوب على المحارة بس. وحد رشح لي المكان هنا. مراد في نفسه: ده يازين مارشح والله. مراد: تمام. أنا المهندس سيف. بيلا: اتشرفنا. ممكن أعرف بقا التوضيب هيبدأ كام يوم؟ مراد: أعرف اسم حضرتك الأول. بيلا: اسمي بيلا.

مراد بعوجة بوق: بيلا ياختي. لا أنا مش هقول الاسم ده. أنا هقولك بليلة. بيلا: نعم. إنت هتهزر معايا؟ مراد: لا أنا بجد هقولك بليلة. قال بيلا قال. إنتي قمر وكل حاجة. بس مش هقولك غير بليلة. بيلا: ياصبر أيوب. مهندس سيف ممكن نخش في التفاصيل؟ مراد: طبعًا طبعًا ياقمر. وبدأ يوريها التصاميم وهي عجبها الشغل. بيلا: تمام. حضرتك هتبدأ امتى؟ مراد: بكرة الصبح. بيلا: تمام. هتخلص بعد قد إيه؟ خبط الباب ودخل يونس.

يونس: مساء الخير. حضرتك اتفقتي على الشغل؟ بيلا: آه. كلو تمام. آخر حاجة بس أعرف الشقة هتتسلم في قد إيه. يونس: يعني حضرتك هي بالكتير أسبوع وعش... قطعو مراد وبصلو. مراد: لا يايونس. الشقة بتاعتها مش هتخلص غير في أقل من شهر. بصلو يونس وسكت. بيلا: شهر إيه ده؟ كلو بيقولو إن هنا الشغل بيخلص بسرعة. مراد بمكر: لا طبعًا. ده شغل ولازم يكون مظبوط. وأنا بحب أعمل شغلي بضمير بصراحة. بيلا: تمام. ماشي. هتتأذن أنا. ومشيت. يونس:

بصلو وقال: شغل إيه اللي بضمير يابو ضمير الرباع. مراد: إيه ياخويا. ده شغل بردو ولازم نهتم بالتفاصيل بتاعت الشغل كلها. يونس: الشغل بردو. ومن إمتى يعني وإنت بتتشد لواحدة كده. مراد: مش عارف. من أول ما شفتها وأنا تايه في جمالها. يونس: ماشاء الله. إيه ده. إنت وقعت بسرعة كده. مراد: سرح كده وبعدين فاق. وقال: بقولك إيه ياض اتكل من هنا ومتفصلنيش. يونس: ماشي يخويا. سلام. ومشي وسابو في تفكير. وعند بيلا:

إنسان غريب. بس طريقة تلقائي كده. وبصراحة هو لطيف أوي ومز. فاقت كده. لا مش وقته دلوقتي. لا حب. لا فوقي. وسرحت كده وافتكرت وهو بيقولها: لا أنا هقولك يابليلة. ضحكت وقالت: أنا من بيلا أبقى بليلة. يلا أما نشوف آخرتها إيه. وراحت الفندق ومن التعب نامت. *عند مراد في البيت* مراد: يامساء الفل على عيونك يافوفا. فريدة: مساء الخير يامارو. شكلك رايق أوي. مراد: ده أنا رايق على الآخر. بقولك إيه أنا جعان. فريدة: خش غير وأنا بغرف أهو.

عبدالله: يونس إيه أخبار الشغل بتاع النهارده؟ يونس: لا كلو تمام. متقلقش. عبدالله: وإنت سيف. العملية بتاعت النهارده عملت معاها إيه؟ مراد: لا ده كلو تمام. وهنبدأ من بكرة كمان. عبدالله: بكرة؟ بكرة إيه يبني. ده بكرة الجمعة إجازة. مراد: لا عادي يابابا. مش مشكلة. أنا هنزل وأظبط الدنيا. أبقى صحيني بدري. يلا بقا تصبحو على خير. فريدة بشك: واد يايونس. هي العملية دي مزة؟ يونس: أيوه ياما. فريدة: أه. قولتلي بقا. *يوم جديد*

فريدة: مارو اصحى. مراد: صاحي ياقلب مارو. فريدة: اممم. مش غريبة بقا تنزل شغل يوم الجمعة. وكمان صاحي بدري مع إنك مش بتصحى أصلاً. مراد: إيه يافوفا. هنقول للشغل لأ. فريدة: هي عجبتك أوي كده؟ مراد: بقولك يافريدة. صباح زي الفل. يلا عاوزه حاجة. يلا سلام. وسابها ونزل. فريدة: فريدة ياحيوان. نزل مراد وبيرن على بيلا. بيلا: الو. مين. مراد: أنا سيف. ممكن اللوكيشن عشان أروح الشقة. بيلا: آه تمام. حضرتك عقبال ما توصل أكون هنا.

مراد: أوك. سلام. وصلو المكان. بيلا: آسفة على التأخير. مراد: عادي. ولا يهمك يابليلة. بيلا: بقولك إيه. متقوليش الاسم ده. أنا اسمي بيلا. مراد بصلها وقالها: هو آخرك بليلة. يلا بقا وسعي. وسابها ومشي. بيلا: يامستفز. وبدأو يشوفو الشقة وبدأو شغل. وبعد ساعتين. مراد: بقولك يابليلة. أنا شايف إن هنا هنحتاج نغير الديكور. بيلا: بص. اعمل اللي عاوزة. بس بلاش الاسم ده. وبص يامهندس أنا هسيب كل حاجة على ذوقكم.

مراد: خلاص اتفقنا يابليلة. بس ممكن تقوليلي سيف عادي من غير مهندس. بيلا: أوك. أنا همشي بقا. وهاجي بليل. مراد: لا طبعًا مينفعش. لازم تعدي عشان تشوفي الشغل. بيلا: بس أنا واثقة في ذوقك. ومعلش عشان ورايا أشغال. يلا مع السلامة. ومشيت. مراد: واثقة في ذوقي. مسكينة متعرفش إني عكاك أصلاً. بس لا لازم ياواد ياسيف تتطلع أحسن حاجة عندك.