رواية حب المشاغبين الفصل السابع عشر 17 - بقلم حنين هاني

انتي بتعملي ايه يا مراد؟ مالكيش دعوه واتفضلي انتي دلوقتي. لا ياحبيبي مش ماشيه ومش هسيبك لما اعرف الدكتوره بتعمل ايه عندك. لأ يكون الدكتوره على علاقة حب بالطالب؟ تصدق صح، ماهو برضه مش معقول مراد اللي بيسقط بقاله تمن سنين ييجي مرة واحدة كده يقرر ينجح، لا وكمان يجيب امتياز. بس كده فهمت، أصل الدكتوره بتحب الطالب، بتحبها وعشان كده الحب مقابل تبيع مهنتها مقابل توصلك. براڤو. يامريم بقولك اسكتي.

لا مش ساكته وهفضحها في الكلية كلها وهشتكي للعميد. يامريم بقولك اسكتي، أنا اعرفها من قبل الكلية أصلاً. ياشيخ لا يامراد دي كدبة قديمة تقنع بيها نفسك، مش أنا. بيلا واقفة مصدومة من الكلام، عينها على مراد مش قادرة تتكلم، كأن لسانها اتشل، مش عارفة تنطق خالص. بعصبية: اخرسي خالص، اطلعي برا يلا، يلااا. ماشي يامراد بس مش هسكت وهفضحها وهخلي الكل يعرف حقيقتها، وأن هي بتبيع ضميرها عشان تحب الطالب بتاعها. ومشيت. بص مراد لبيلا.

بيلا، اهدي وأنا هحل الموضوع، أنا هتصرف معاها وعمري ما هخليها تفكر تقلل منك أبداً، انتي مش كده؟ بيلا، انتي ساكتة ليه؟ عشان خاطري اهدي عشان متتعبيش. أنا عمري ما حد قالي كلمة وحشة ولا إني فكرت أتهان في شغلي، مراد لو الصداقة دي هتخليني أتقل من احترامي قدام الناس ومن قدام نفسي، فا أنا مش عايزها، ابعد عني يامراد. لا بيلا، اهدي.

لا مبقاش فيها هدوء خلاص، واسمي الدكتورة بيلا، وابعد عني يامراد خلاص، لأني مش هخسر اسمي وشغلي عشان خاطر حد. وسابته ومشيت. بيلا استني. ومشيت نزلت بتعيط، قلبها بيتكسر منها، مجاش في بالها إن ممكن معرفتها بمراد تقلل من ذاتها ومن نجاحها. وراحت على طول، بيرن عليها مبتردش وعملت بلوك. عند مراد. اهدي يامراد، بص يومين وتهدا هي وبعدين نكلمه. اهدا إيه بس دي ممكن تتعب وقالتلي مش عاوزة أعرفك تاني. يابني ده كلام وقت العصبية.

أنا عايز أمشي من هنا، أنا اتخنقت. اهدا يامراد، مينفعش كده، انت لسه تعبان. لا عايز أخرج دلوقتي. وبدأ يزعق. أنا هنادي الدكتور. دخل الدكتور. ينفع تهدا؟ مينفعش كده. مراد مش راضي يهدا خالص، والدكتور اداله مهدأ ونام. ده انهيار عصبي، المنهدئ هيهديه. طيب يادكتور، هو عايز يخرج، هنعمل إيه؟ أنا هعمله أشعة وأشوف الكسر التحم بعده ولا لأ، بعدها نحدد يقدر يطلع ولا لأ. تمام. عند مريم.

وربي لفضحها قدام الكل، حلو أبقى قدامه من بدري سنين قدامه وهي تيجي تاخده على الجاهز، لا يامراد مش أنا اللي في الآخر أطلع خسرانة، كنت سيباك بمزاجي بس دلوقتي بقا يانا يا هي، ماشي، لا وفاكر إنها هتدخل عليا جو إنها تعرفه قبل كده، لا مش أنا اللي يتحور عليا، كنت بطلع كل الحلو اللي جوايا عشان يحبني، بس عايز يوجعني، خسرانة أهي دي المستحيل. دخلت البيت واترمت على الأرض وبتعيط. وفونه رن. آه الأخبار.

أنا تعبانة أوي خلاص، تعبت من كل حاجة، ياحمد مبقتش أستحمل حاجة تاني خلاص، مبقتش أستحمل صدمات. اهدي ياحبيبتي، في إيه، انتي كويسة، حصل إيه؟ بدأت تحكي له كل اللي حصل. خلاص مبقاش ينفع يكون موجود في حياتي. طيب هو ذنبه إيه؟ ذنبُه إنه خلاني أحبه وأنا مكنتش عايزة أحب. اهدي دلوقتي يابيلا وأنا هنزلك ونحل الموضوع ده دلوقتي، أهم حاجة تهدي وتاخدي علاجك عشان متتعبيش. ماشي. وقفت ونامت من التعب. في المستشفى.

الأشعة كويسة جداً والكسر التحم، يقدر يفك الجبس بكرة ويطلع، بس هيعد فترة معاه عكاز عشان ميحملش عليها أوي، وبالنسبة لدراعه فده لسه وهكتبله علاج يمشي لغاية ما ييجي بعد شهر ونص. تمام يادكتور، هو هيصحى امتى؟ بكرة إن شاء الله، تقدروا تمشوا دلوقتي. ومشوا. تاني يوم نزلت بيلا الكلية وباين عليها التعب. صباح الخير. صباح الخير. مالك كده شكلك تعبانة أوي. اه فعلاً تعبانة شوية بس هبقى كويسة.

لا تعالي معايا هعملك حاجة تشربيها وتفطري، واقعدي ارتاحي انهارده وأنا هشتغل انهارده لوحدي. لا مش هينفع. لا اتفضلي يلا. قعد وجاب لها عصير وفطار. يلا كلي وارتاحي. وسابها ومشي من التعب، حطت راسها على المكتب ونامت من التعب. عند مراد، فك الجبس وروح. يلا عشان تاكل ياحبيبتي. ماليش نفس ياماما. لا انت لازم تاكل. ماشي، واكل منها، اطلعي ياماما وسبيني لوحدي دلوقتي. ماشي يامراد. وطلعت. ينفع اللي هو فيه ده ياعبدالله؟

سبيه يافريدة دلوقتي. أنا قلبي واكلني عليه أوي. سبيه بس وكل حاجة هتتحل، ومحدش يكلم بيلا خالص. إزاي بس؟ أنا كنت هكلمها. لا محدش يكلمها، يلا شوفي بتعملي إيه. صحيت على صوته. بيلا، فوقي، انتي كويسة؟ أيوه، هي الساعة كام؟ الساعة خمسة، يلا أنا خلصت تعالي نتغدا وبعدين أمشي أوديكي روحك. شكراً يامازن. مش عارفة أقولك إيه بجد شكراً، لأني كنت تعبانة انهارده. لا مفيش بينا شكر، إحنا زملاء طبعاً. يلا بينا. ومشوا يتغدوا وبعدين روحها.

عدى أسبوع وجه أول يوم كلية. انتا رايح فين ياحبيبتي؟ لازم أنزل الكلية عشان مريم متعملش حاجة، دي مجنونة وتعملها فعلاً. هتنزل إزاي كده وانت تعبان؟ متقلقيش ياماما، طلبت أوبر، يلا مع السلامة. ونزل. عند بيلا، وحشها مراد أوي، نفسها تطمن عليه، فاقدة كل حاجة، نازلة ومش بتفكر غير إنها عايزة تشوفه، طيب أروح؟ طيب هو ذنبه إيه؟ هو مأذنيش في حاجة ولا قلل من شأني، ولما بكون في الكلية مبيقوليش غير يادكتورة، أنا تعبت. ونزل.

وصلت الكلية، داخلة ولقت مريم واقفة، ولسه هتكلم مريم وتقول، لقت مراد بيشدها. مريم، هو انتي اتجننتي خلاص؟ من امتى وانتي كده. من ساعة لما أكون قدامك بالسنين وفي الآخر تروح هي تاخدك على الجاهز، يامراد أنا بحبك، افهم بقا. مريم، انتي لو بتحبيني صح عمرك ما هتفكري تأذيني، وانتي كده بتأذيني، الحب مش بالعافية، وأنا مش شايفك غير أختي. أنا عشان مجرحكيش بعدت عنك، مش عايز تقولي مراد عشمني وبعدين خلا بيا؟

لا، انتي الوحيدة اللي اعتبرتك أخت ليا، واللي انتي فيه ده مش حب ده تعود. اتعودتي على مراد، مراد اللي أول يوم كلية اتصاحب عليكي، قعد سنتين معاكي في كل حاجة، وانتي الوحيدة اللي كنتي معايا دايماً، بس ساعة لما عرفت انك بتحبيني بعدت، مش عايز أكسرك، خوفت على وجعك. ده مش حب، انتي شوفتيني حبيبك بس مش ده الحقيقة، الحقيقة إنك اتعودتي عليا.

انتي لو بتحبيني بجد كنتي عملتي أي حاجة تخليني أحبك، بس لا، عشان مش ده الحب اللي بجد يامريم، واللي عملتيه ده مينفعش. انتي متعرفيش حاجة عن حياتي عشان تقولي إن بعمل عليكي حوار عشان أداري عليها، لا أنا أعرفها من قبل ما تيجي الكلية والله واتفاجأت إنها دكتورة عشان مكنتش أعرف عنها حاجة، اتقابلنا واتعرفت عليها وبعدين اكتشفت الموضوع ده.

وهي مفكرتش زي ما بتقولي إنها تبيع ضميرها عشان الحب، ولا فكرت مرة تقولي الامتحان أهو، أبداً والله، أنا لما نجحت نجحت بمجهودي أنا مش مجهود حد. انتي غلطتي يامريم وغلطتي جامد، أتمنى تراجعي نفسك. وسابها ومشي. قعد على الكافيه، كانت بتجيب قهوة وشافته وهو شافه. إزاي خرج من المستشفى؟ هو اتجنن وكمان جاي الكلية وهو تعبان؟