رواية حب الطفولة الفصل السابع 7 - بقلم ميادة خاطر

من ١٠ سنين آخر مكالمة بين نبض ومالك كان عندهم ١٥ سنة بيكلموا فيديو كول. نبض: إيه يا لوكا عامل إيه؟ مالك: يابت احترمي الشنب اللي نبت ده، لوكا إيه؟ نبض: 😂😂😂😂 طب أقولك حاجة؟ مالك: طب ساعتها كنتي صغيرة ومبتعرفيش تتكلمي، نعمل إيه؟ نبض: إيه ياسطا بقا متقفش؟ مالك: إيه ياسطا دي؟ نبض: ولا عشان سافرت لبنان هتتنك علينا ولا إيه؟ متنساش أصلك ياض.

مالك: على فكرة بجد أنا مش فاهمك يا حبيبتي، أنا هنا من ٥ سنين يعني اتعودت على طريقة كلامهم وكلامكم الجديد اللي طلع ده معرفوش. نبض: نينينينينينينينينينينينينيني. مالك قفل في وشها السكة. نبض: بتقفل في وشي؟ ماشي يا مالك يا ابن أم مالك. محمد: إيه يا مالك قفلت ليه؟ مالك: يا بابا ده بت متخلفة، بتكلم كلام سواقين. محمد: والله يا أخويا أنا ناسي إن أنا من إمبابة ولا إيه؟ مالك: لازم كلامها يكون متقدم يا بابا.

محمد: ولا دماغك شوية. مالك: بابا انت هتتكلم زيه؟ محمد: أنا رايح الشغل، خلي بالك من نفسك ها عشان مش رايق للعب عيال ده. مالك: يا بابا أنا عندي ١٥ سنة يعني كبير. محمد: برضو، يلا سلام. وباسه من خده ومشي. نبض رنت. مالك: عاوزة إيه؟ نبض: إيه يلا متكلم عدل شوية. مالك: نبض بجد غيري كلامك ده، بيئة أوي. نبض: والله انت شايف إن كلامي بيئة؟ مالك: أوي. نبض: ماشي يا مالك، مش أنا كلامي بيئة؟ هو ده كلامي إن كان عاجبك.

مالك: مش عاجبني، كلمي بتحضر مش يسطا وياض ونينينينينينينينني إيه ده. نبض: مالك اتلم، أنا بدأت أضايق. مالك: وإيه يعني؟ نبض: طب ماشي يا مالك. وقفت في وشه. مالك: غبية والله بس بحبها 😂😂😂. وفاء: مالك يا نبض مضايقة ليه؟ نبض: مالك يا ماما. وفاء: ماله مالك؟ نبض: بيقول إن كلامي بيئة وإني مش ينفع أكلم كده ولازم أكلم بتحضر عشان بقوله يسطا وياض ونينينينينينينينني. وفاء ضحكت: والله ولا أكنكوا كبرتوا 😂😂😂😂😂😂😂😂😂😂.

نبض: ماما ضايقيني وانتي بتضحكي. وفاء: يا حبيبتي هو في لبنان ومفيش الكلام ده هناك، فأكيد هيستغرب. نبض: برضو يا ماما مش من حقه يقولي يا بيئة، ولازم أغير كلامي. وفاء: أنا هروح أحضر الغدا عشان مش مستحملة. نبض: برضو هو غلطان ومش هكلمه. وبعد شوية مالك رن وهي مردتش ورن فوق ١٥ مرة ومش بترد. مالك: ماشي متروديش وأنا مش هرد برضو. بليل. محمد: ها اتصالحوا؟ مالك: لأ، رنيت عليها كتير ومردتش، هي حرة. محمد: كده كده هرن على محمود.

مالك: لأ مش هكلمها. محمد: يلا يا واد بلاش لعب عيال، ورن على محمود. محمود: إزيك يا حبيبي عامل إيه؟ ازيك يا مالك عامل إيه يا حبيب عمو؟ محمد: كويسين الحمد لله، أخباركوا إيه؟ محمود: كويسين والله، مالك ابنك. محمد: اتخانق يا سيدي مع نبض. محمود: ليه نبض يا نبض؟ نبض! نبض: نعم يا بابا؟ محمود: تعالي. نبض راحت. محمود: متخانقة مع مالك ليه؟ نبض بصت لمالك، ماهو فيديو كول، وقالتله: الأستاذ بيقول على كلامي بيئة ولازم أكون متحضر.

مالك: أيوا فعلاً، انتي مش صغيرة لازم تكوني متحضرة، وبعدين أنا رنيت عليكي ١٥ مرة مردتيش ليه؟ نبض: عشان كلامي مش بيعجبكم. مالك: والله؟ نبض: أه والله 😒😒. محمود: بس بس، إيه مش محترمين وجودنا؟ مالك: أنكل معلش، مش هكلمها إلا أما تكلمني بطريقة مهذبة. نبض: أنكل يا نغة طيب، وأنا مش هكلمك إلا أما تحترمني، وده كلامي إن كان عاجبك. مالك: نغة بيئة فعلاً.

محمد: مالم، احترم نفسك، هي مش في لبنان عشان تتكلم بطريقة متحضرة، هي في مصر وفي إمبابة، وانت لو كنت هناك كنت اتكلمت زيها، فمتتكلمش بقى. مالك: وأنا مش حابب طريقتها دي، تكلمني زي ما بكلمها، مش تقولي يسطا وياض ونينينينينينينينني إيه الكلام ده، ونغة كمان. محمد: انت أوڤر الصراحة. محمود: قصدك إيه بكلامك يا محمد، بإنها مش في لبنان؟ بتتكبروا علينا يعني عشان انتوا في لبنان واحنا في إمبابة؟ على العموم متشكر يا يا أخويا، سلام.

وقفل. محمد: بس هو فهم إزاي؟ معلش. مالك: أهو شفت، هما مش فاهمينا عشان إحنا مش من مستواهم ولا من مكانهم. محمد: اخرس، قطع لسانك، من امتى واحنا بنقول الكلام ده؟ خش على أوضتك. مالك دخل أوضته وهو متنرفز من نبض وأبوها. ومحمد قعد يرن على محمود بس محمود مش بيرد. ومحمود حاطط في دماغه إن أخوه بيعايره إنهم من لبنان وهما من إمبابة وحاجات كتير دخلت في دماغه. ونبض مصرة إن مالك اللي غلطان.

ومحمد برضو حط دماغه إنه عمل اللي عيلة وأخوه مبقاش يحبه عشان كده مرضيش عليه. وكل واحد شال مال تاني، ومن ساعتها محدش بقا يكلم حد وقاطعوا بعض، أو بمعنى أصح نسوا بعض. كل واحد انشغل في شغله، ونبض ومالك في دراستهم، وأميرة هي اللي كانت بتكلمهم بس، أو ما تجيب لواحد سيرة التاني يقفل معاها. ومهما وفاء حاولت تصلح بينهم إلا أن جوزها بيمنعها وبيزعقلها ويقولها متتدخليش. ولحد النهاردة على الحال ده.

(أنا عارفة إنكم ممكن تقولوا إن ده مش سبب عشان يتخانقوا أو يقاطعوا بعض ١٠ سنين، وممكن كتير يقول إيه الهبل ده ومفيش كده، بس بتحصل يا جدعان، على الأقل في خيالي 😂😂😂) المهم مرت ١٠ سنين وزي ما قلنا نبض بقت أكبر دكتورة أطفال ومالك أكبر محامي، والكل بيكلم عنهم وعن شطارتهم.

ومع أن كل السنين دي فاتت إلا أن نبض ومالك مكرهوش بعض، بالعكس كل يوم كانوا بيفكروا في بعض أكتر وأكتر وزعلانين إنهم مش بيكلموا بعض وندمانين، وكل واحد مستني التاني يكلمه ومحدش راضي يبدأ. ونبض جالها منحة للبنان، ومع أن أبوها رفض عشان ممكن تقابل مالك، إلا أن نبض أصرت وأمها معاها، لأن الاتنين حابين يرجعوا اللي اتكسر. ودخلوا أميرة في الموضوع وأيدت نبض وأمها، بس حلفوها إنها متجبش سيرة لمحمد إن نبض راحة لبنان.

وفعلاً سافرت نبض للبنان. ومالك لما تم ٢٠ سنة اتعرف على صديقة اسمها مارتينا، وخلتها معاه طول ٥ سنين دول، وهو حكالها عن نبض وعن حبه ليها، وهي رغم إنها حبته بس عمرها ما قالت، لأنها عارفة إنه بيحب نبض، واستكفت إنها تكون صديقته. نبض أول ما نزلت وراحت على الفندق هناك اتعرفت على مكة، هي من مصر بس جاتلها منحة زي نبض ودكتورة أطفال زيها، فبقوا صحاب لأنهم ميعرفوش حد في البلد.

وفات شهر ونبض ومكة بقوا صحاب جدا وحكوا لبعض كل حاجة، ونبض قالتلها على مالك وعلي حبها ليه وكل حاجة. وجه يوم الاحتفال في لبنان والمهمين بس اللي بيروحوا، وطبعاً نبض ومالك مهمين فراحوا وصحابهم أكيد 😂. دخلت نبض وهي قلبها مقبوض لأنها عرفت إن مالك محامي ومشهور جدا، فأكيد موجود. ومالك داخل وهو متشوق يشوف نبض لأنه برضه عرف إنها دكتورة مشهورة، فأكيد موجودة.

نبض دخلت وقعدت هي ومكة في الصف الأخير، ومالك دخل هو ومارتينا وقعدوا في الصف الأول. مقدم برنامج الحفل مايكل بيكلم لبناني: أهلين وسهلين بضيوفنا الأعزاء، طبعاً اليوم في مفاجآت كتير ومن أهمهم ظهور شخصيتين كتير مهمين بالبلد، منهم واحد اتربى هون وواحدة جاية من شي شهر. كلنا بنزأف للأستاذ مالك محمد حبيب السباعي. كله سقف ومالك طلع وبدأ يكلم، وطبعاً نبض عرفته من الاسم واتفاجأت بيه لأنه فعلاً مز

(ميغركوش اللي في الصورة ده هو مز 😂😂😂) مكة: بت بت مالك أهه. نبض: عارفة، عارفة. مالك: بشكركن كلكم على حضوركم وأنا بيشرفني إني أكون موجود معكم وبتمنى إنه يكون الحفل سعيد للكل. بتشكركم. كله سقف ونزل. مايكل: هلا بدنا نرحب بدكتورة مصر الآنسة نبض محمود حبيب السباعي. كله سقف وهي طلعت وقلبها هيقف. ومالك بص لأنه عرفها من اسمها، ومارتينا برضه بصت لأنها عارفة الاسم.

ومالك أعجب بيها لأنها جميلة فعلاً، ومارتينا غارت لأنها أحلى منها. نبض: السلام عليكم، يشرفني ويسعدني إني أكون موجودة هنا معكم، وطبعاً أنا من مصر وافتخر ببلدي، ويا رب يكون حفل سعيد عليكم. شكراً. ونزلت وكله سقف ومشيت بغرور كده عشان تثبت لمالك إنها قوية. مايكل كمل الحفل طبعاً والحفل خلص وكله رايح بقى. نبض جايه تدخل العربية، مالك مسك إيدها. نبض: انت إزاي تتجرأ؟ وسكتت أول ما شافت مالك. مكة: طب هستناكي في العربية.

نبض: لأ خليكي. مكة طلعت جري وركبت العربية. مالك: نبض. نبض: احم، سيبني يا مالك. مالك: نبض. نبض: سيبني يا مالك، الناس بتبص. مالك: عادي، مش بتفرق هنا. نبض: عاوز إيه؟ مالك: عاوز زوجتي. نبض: نعم؟ مالك: إيه؟ مش إحنا لبعض من يوم ما اتولدنا؟ نبض: لأ، مفيش الكلام ده. مالك: نبض أنا بحبك. نبض من الصدمة تنحت وفتحت بؤها، متخيلتش أصلاً إن مالك يكون بيحبها، هي افتكرت إنه نسيها.

مالك: نبض، بجد بحبك، عمري ما نسيتك لحظة، وبجد ندمان على كل اللي عملته زمان، أسف، كان عندك حق وبابا مقصدش اللي أنكل محمود فهمه. انتوا ليه بعدتوا؟ نبض لسه متنحة ومش بترد. مالك هزها: نبض نبض، رحتي فين؟ نبض: هااا، أنا هنا. مالك: بعدتوا ليه؟ نبض: ع عشان. مالك: خلاص فكك، اللي حصل حصل، أهم حاجة إنك موجودة. نبض: يع يع يعني إيه؟ مالك: هنجوز، أنا مستنيكي من زمان. نبض: هاااااا. وفاقت

من أحلامها على صوت مكة: نبض نبض، فوقي يابت، روحتي فين؟ نبض: هااا إيه؟ مكة: إيه؟ انتي بكلمك بقالي ساعة، سرحتي في إيه؟ إحنا وصلنا. نبض: ها لا ولا حاجة. مكة: هو إيه اللي كل شوية ها ها، سرحتي في إيه؟ نبض: ولا حاجة، يلا ننزل. ونزلوا ونبض قلبها مقبوض، معقول اللي هي سرحت فيه ممكن يتحقق.