رواية حب الطفولة الفصل السادس 6 - بقلم ميادة خاطر

وفاء: يلهوي دي ماتت. أميرة شالت إيديها بسرعة: إيه إيه إيه ماتت! لاء دي بتصطعبط. وبدأت تضربها على وشها براحة: أمينة أمينة أمينة. ولكن أمينة لا ترد. وفاء بدأت تلطم على وشها: يلهوي يلهوي يلهوي ليه يا أميرة! وديتي نفسك في داهية عشان واحدة متستاهلش. يلهوي ياني. أميرة حطت إيدها كأنها على قلبها وبفرحة: ده ده في نبض. يعني هي عايشة. وفاء بأمل: بجد؟ أميرة: آه آه. اتصلي بالإسعاف. وفاء: حاضر.

واتصلت، والإسعاف جت وشالوا أمينة. ووفاء بس اللي راحت، وأميرة خلتها مع العيال، أصل أعصابها سايبة. مالك: ماما وبابا في المستشفى وأنا لوحدي ليه كده؟ حنان: 🥺🥺🥺🥺🥺🥺 أميرة: متزعلش يا حبيبي هييجوا بالسلامة. مالك بزعيق: أنا مش حبيبك! إنتي اللي وديتي ماما المستشفى. أنا شفتك وهقول لبابا إنتي وحشة. 🥺🥺🥺🥺🥺🥺 نبض: أيوا يا عمتو إنتي وحشة. طول عمرها أمينة لاحت المستشفى بسببك. مازن: ليه يا ماما؟ أنا كنت بحبك. ليه طلعتي وحشة؟

ملك: ماما طول عمرها وحشة. بس مس ينفع تعملي كده. أميرة اتصدمت لأنها ما كانتش تعرف إن العيال شافوها. ودلوقتي واخدين عنها الفكرة دي: أنا أنا أنا ما كنتش أقصد والله. هي اللي غلط. عشان هي عملت حاجات وحشة وبسببها أخويا في المستشفى. مالك بعياط: لاء بسبب ملك. عشان ملك هي اللي ساعدتها. إنتي مس عرفتي تربي بنتك. أنا مالي. ماما وبابا يروحوا المستشفى. 😭😭😭 ملك: والله يا خويا أنا مالي. مامتك اللي وحشة وهي اللي قالتلي أعمل كده.

مالك: ماما مس وحشة. إنتوا اللي وحشين. وطلع جري على فوق، ونبض وراه. وطلعوا على السطح. نبض: ألك ألك متزعلش. هييجوا تاني. مالك: ليه كده يا نبض؟ ليه عمتو تعمل كده؟ ماما عملت إيه؟ نبض: إحنا صغيرين يا ألك. مس فاهمين إيه اللي بيحصل. بس ماما قالتلي مرة لازم نخلي إيماننا كبير بربنا، عشان لو حاجة وحشة حصلت ربنا يقف معانا. مالك: بس بس. أنا خايف على بابا وماما. 🥺🥺🥺🥺🥺 نبض: متخافش. هيخفوا. 😊

مالك حضنها وهي حضنته. وقعدوا جنب بعض يبصوا على الشمس وهي بتغرب. أميرة كانت مراقباهم وعيطت على اللي هي عملته وهي مش واعية. وبسببها الطفل البريء ده خايف على أهله. بس هو مش فاهم حاجة للأسف. ونزلت رنت على وفاء. أميرة: الو. أيوا يا وفاء. إيه الأخبار؟ وفاء: خير. لحقوها الحمد لله. وهي كويسة. بس مصره تعملك محضر. أميرة: خليها تعمل. وفاء بصدمة: إيه؟ أميرة: تعمل اللي تعمله. أنا غلط فعلاً. وفاء: بس بس إنتي مش كنتي واعية؟

إنتي حزينة على أخوكي. أميرة: عادي. خليها تعمل. سلام. وفاء: الو الو. أميرة الوووو. لا إله إلا الله منك لله يا بنت عمي. خليتي العيلة كلها حزينة بسببك. منك لله. ودخلتلها: أمينة زودتيها. اتلمي بقا. كفايا. أمينة: إبداً والله. لادخلها السجن. وفاء: حرام عليكي. مش كفاية اللي هببتيه في جوزك. عاوزة تحبسي أخته كمان؟ إنتي جنسك إيه؟ أمينة: المفروض تقفي معايا. أنا بنت عمك. وفاء: بلا بنت عمي بلا زفت. إنتي إيه؟ مبتحسيش؟ إيه جبروت؟

من ساعة ما خلفتي ابنك وإنتي شغالة مشاكل مشاكل. إيه؟ مفيش غيرك خلف ولد يعني. بقا إنتي يا ولية يا اللي معندكيش دم بتتضحكي على جوزك وتمضيه تنازل على بيته؟ لاء ويبجاحتك رفعتي عليه قضية وعاوزة تحبسيه ومتهزتلكيش شعرة. وعاوزة تحبسي أخته. إنتي إيه؟ إيه؟ مفيش دم؟ مفيش إحساس؟ إيه؟ خلي عندك رحمة. حتى بابنك اللي عاوزة ترمي أبوه في الشارع أو تحبسيه. إيه؟

كفايا حاولت تفرقينا عن جوزي ومكلمتش. حاولت تقتلي بنتي وتكرهي ابنك فيها ومكلمتش. عاوزة إيه تاني؟ في إيه؟ متحسي. أمينة: كل ده وشايلاه في قلبك. صحيح من بره هلا هلا ومن جوه يعلم الله. وفاء جابت آخرها: طب وقسما عظما يا أمينة لو ما رجعتي البيت لجوزك واتنازلتي عن المحضر واتلميتي لهتندمي. أمينة: هتعملي إيه يعني؟

وفاء: فكرة. زمان لما كنتي السبب في قتل وليد بن عمك سالم. وإنتي اللي زقيتيه في البير. ومحدش عرف لحد النهارده. وممكن بسهولة أروح أقول للحج سالم. وإنتي عارفة هيعمل فيكي إيه. انصدمت أمينة ورجعت ذكراها لليوم ده. Flash back من ٧ سنين فاتوا بالظبط. قبل كتب الكتاب بتاع أمينة بيوم واحد. وليد قاعد على البير وأمينة واقفة قدامه بتترجاه. أمينة: والنبي يا وليد مش عاوزة أتجوزه. أنا بحبك إنت. والنبي. وليد ببرود: أعملك إيه يعني؟

أنا مش عاوز أتجوزك ومش بحبك أصلاً. أمينة: إز إز إزاي؟ وكل مقابلاتنا وكلامك الحلو والهدايا؟ كل دول إيه؟ هوي؟ وليد: وأنا مالي؟ إنتي اللي كنتي مرمية عليه وبتحبيني. وأنا كان عندي فراغ عاطفي وإنتي مليتيه. يعني مجرد تسلية مش أكتر. أمينة: يعني إيه فراغ؟ وأنا مليته؟ مش فاهمة. إنتي كنت بتضحك عليا؟ وليد: لاء يا حلوة. إنتي اللي وهمتي نفسك إني بحبك. لكن أنا عمري ما قلتلك إني بحبك. وبعدين يوم ما أتجوز أتجوزك إنتي ليه؟

من جمال عيونك مثلاً؟ أتجوز وفاء. أي بنت مؤدبة ومحترمة وكل البلد بتتمنالها. بس مليش نصيب فيها. جه محمود أخو محمد وخدها. يلا ربنا يعينه بيها. أمينة بغضب: وفاء! 😠😠😠 وليد: يلا يابت روحي من هنا. أنا مش فاضيلك. روحي شوفي كتب الكتاب اللي بكرة ده. أمينة: والله ما ههنيك يا حيوان. وهوب زقته في البير. وهو قاعد يبلبط لحد ما مات. غرقان. وهي طلعت تجري لأنها خافت. ومكنتش تعرف إن وفاء حضرت الحوار من أوله. Back

أمينة: إيه إيه. إنتي بتقولي إيه؟ وفاء: والله مش عارفة. تحبي أفكرك بوليد حبيب القلب؟ أمينة: آخرسي. إنتي هتلبسيني تهمة ولا إيه. امشي من هنا. وفاء: أمينة إنتي فاهمني كويس. ورحمة أبويا لو ما سمعتي الكلام هقول للحاج سالم. وعند وعند. أمينة خافت لأنها عارفة إن وفاء مش بتحلف كذب: طب طب خلاص. هعمل. بس متجيبيش سيرة لحد. وفاء: أما نشوف. أنا ماشية. وإن ما عملتيش اللي قلنا عليه اترحمي على نفسك. ومن غير سلام.

ومشت وفاء. وأمينة قعدت تلعنها وتتوعدلها. وفعلاً أمينة اتنازلت عن المحضر وقطعت ورق البيت ورجعت ملكيته لجوزها أو طليقها. وهجت من البلد خالص. وبعد ٦ شهور محمد بقى كويس ورجعت صحته تاني. بس كل البيت مش فاهم إزاي أمينة عملت كده. وكل أما يسألوها وفاء تقولهم حست بالذنب. ومحدش فيهم مقتنع.

ومالك اتأسف لعمته بعد ما فهم اللي حصل من أبوه. واتولد جواه كره لأمه. وبقت وفاء هي أمه. ومحدش عرف إن أميرة خنقت أمينة لأنهم قالوا للعيال ميجيبوش سيرة. ونجري بالأحداث ٥ سنين. في المطار. محمود: يعني لازم تمشي؟ محمد: معلش يا محمود. سيبني على راحتي. عاوز أبدأ من جديد. والفرصة دي مش هتتعوض. محمود: تروح وتيجي بالسلامة يا حبيبي. خليك على اتصال. محمد: الله يسلمك. أميرة: هتوحشني أوي يا محمد. 😭😭 محمد: خلاص متعيطيش. هرجع والله.

أميرة: برضو هتوحشني. 🥺 محمد: وإنتي كمان يا قلب محمد. نبض: خلاص يا مالك هتمشي؟ مالك: للأسف لازم أمشي. مس هسيب بابا لوحده. نبض: طب وأنا؟ مالك: هنرجع تاني وهجوزك يا قمر. نبض: ليه؟ إنت عاوز ترجع؟ أنا أكبر؟ مالك: معرفش لسه. بس متخافيش. هكلمك فيديو كول دايماً ونشوف بعض واحنا بنكبر. نبض: هتوحشني أوي يا تؤمي. وحضنته. مالك: وإنتي أكتر يا تؤمي. وبادلها الحضن.

وسلموا كلهم على بعض. والطيارة اتحركت وسط دموع نبض ومالك. وحسوا إن في حاجة راحت منهم بعد ما بعدوا. وفات ١٥ سنة. وكبروا أبطالنا. ونبض بقت دكتورة أطفال أد الدنيا. ومالك بقى أكبر محامي في البلاد. والكل بيكلم عنه. بس للأسف من بعد ما سافر بـ ٥ سنين الاتصالات انقطعت بينهم. وفي ١٠ سنين محدش فيهم عرف حاجة عن التاني. ولا عارفين شكل بعض. بس مش نسوا بعض. وهنعرف سبب انقطاع الاتصالات في البارت القادم. 😉