رواية حب الطفولة الفصل الثاني والعشرون 22 - بقلم مديحه وائل

رهف وقعت على الأرض وكانت مصدومة من اللي عمله فيها. بدموع: مامي انتي كويسة؟ رهف مسكت دموعها علشان لين وقالت بصوت مهزوز: آه أنا كويسة ياحبيبتي. اطلعي انتي على أوضتك وأنا جاية وراكِ. لين بخوف وهي بتبص لعمر اللي كان متعصب: لا علشان عمو عمر هايض*ربك تاني. عمر بعصبية: لين اطلعي على أوضتك واسمعي الكلام. رهف بخوف: لين لو بتحبي مامي اطلعي دلوقتي وأنا جايه وراكِ. لين طلعت تجري على غرفتها. عمر مسك رهف من إيدها وقومها من الأرض.

رهف بدموع ووجع: عمر سيبني انت بتو*جعني. عمر بعصبية: قوليلي روحتي قابلتيه ليه؟ ردي عليا. رهف بدموع: والله العظيم أنا ولين كنا داخلين المطعم وشوفناه صدفة. عمر بعصبية: أكيد كنتي بتستغ*فليني انتي وهو وكنتو بتتقابلوا في السر طول السنين دي صح؟ رد. رهف بدموع وزعيق: قولتلك أنا وهو اتقابلنا صدفة. وهو لسه راجع انهارده من السفر يعني إزاي بقى كنا بنتقابل؟

عمر بزعيق: هي كلمة اللي هاقولهالك. مفيش خروج من البيت. ولو خرجتي من البيت صدقيني انتي عارفة إيه اللي هيحصل. رهف بعصبية: انت متقدرش تمنعني إني أخرج. انت مين أصلًا؟ عمر بعصبية: أنا جوزك يا هانم. رهف بزعيق: انت ولا حاجة بالنسبة ليا. أنا أصلًا مش بعتبرك جزء حتى من حياتي. أنا بك*رهك من ساعة اللي عملته فيا من خمس سنين. فاكر ولا؟ *flash back*

رهف بعد ما يوسف سافر قعدت في البيت عند مامتها. وعمر جه عندها علشان يرجعها معاه البيت. رهف بعصبية: أنا مش قولتلك إني مش عايزة أشوف وش*ك. عمر بهدوء: رهف والله أنا بحاول أتغير علشانك. رهف ارجعي معايا وانسى كل حاجة وتعالي نبدأ من جديد. رهف بزعيق: انت مبتفهمش. أنا مش بحبك. الشخص اللي أنا بحبه هو يوسف وهو دلوقتي مش معايا. وكل ده بسببك. يا ريت تطلق*ني وتخلي عندك د*مع. عمر أول ما سمع كلمة الطلا*ق مسكها من شعر*ها.

عمر بعصبية: بصي بقى. أنا حاولت كتير أتمالك أعصا*بي واعديلك كلام كتير وكنت بقول لا متعملش حاجة تخليها تخا*ف منك وعاملها كويس وهاتحبك. بس طالما وصلتي لكلمة الطلاق فده على جث*تي. انتي فاهمة. قال آخر كلمة بزعيق. مامت رهف بخوف وهي بتسلك إيده من شعر رهف: ابعد عنها يا عمر علشان خاطري. عمر زق مامت رهف. وقعت على الأرض. رهف بخوف: ماما. سيبني يا حيو*ان. سابها وراح عند مامتها. رهف: ماما انتي كويسة؟

مامت رهف بألم في دراعها: أنا كويسة يا بنتي. عمر راح شد رهف من دراعها وقال: بعد إذنك بقى يا حماتي. بس أنا هاخد رهف البيت. رهف شدت دراعها منه وقالت بزعيق: ابعد عني. أنا مستحيل أروح مع واحد مر*يض زيك. عمر بعصبية: لا هاتيجي غص*ب عنك. وأخدها وفتح باب الشقة ونزل. *back*

عمر بعصبية: ساعتها انتي اللي أجبر*تني إني أعمل كده. لو كنتي رضيتي تكملي حياتك معايا برضاكي كان أحسن لك من كل ده. بس انتي اللي بتفكري فيه هو يوسف. أنا بقولك أهو يا رهف مفيش خروج من البيت. رهف بجمود قالت: عمر أنا بقيت أتخنق منك ومن أسلوبك معايا. وأي إنسان ليه طاقة وبتخلص. وأنا طاقتي خلصت. أنا بك*رهك ومش قادرة أحبك ولا هاحبك لآخر يوم في عم*ري. أنا حبيت شخص واحد وهو كان حبي الأول والأخير ومش هاحب حد تاني غيره. وهو يوسف.

عمر اتعصب ورفع إيده علشان يضر*بها. وهي غمضت عنيها. بس كان أدهم مسك إيد عمر قبل ما يضر*بها. ونزل إيده وضر*به بالقلم. أدهم بعصبية: أنا سكتلك كتير وانت اتمديت كتير أوي. بس كفايا لحد هنا. مش هاسمحلك تمد إيد*ك عليها. انت فاهم؟ عمر بعصبية: صدقني هاخليك تند*م على اللي انت عملته. أدهم بعصبية: اطلع بره الڤيلا. مش عايز أشوف وشك هنا تاني. انت فاهم؟ عمر بص لرهف وقال لها بتهديد: صدقيني عقاب*ك هيبقى أذي*ت حد غالي عليكِ.

وخرج وسابهم وهو متعصب. أدهم بقلق: رهف انتي كويسة؟ رهف بدموع: لو مكنتش انت جيت كان زمانه دلوقتي كان عمل فيا حاجة. أدهم: خلاص يا رهف أنا معاكي أهو. وهو مش هايقدر يعملك حاجة. رهف بدموع: بجد شكرًا يا أدهم. لو انت مكنتش موجود معايا كنت زماني عايشة في عذاب معاه. انت اللي كل مرة بتدا*فع عني لما بيجي يعمل فيا حاجة.

أدهم بابتسامة خفيفة: بطلي هبل. انتي أختي. يعني ده واجب عليا أحميكي منه. ده حتى روان وصتني إني أخلي بالي منك. عايزاني منفذش وصية الغالية؟ رهف بابتسامة خفيفة: ربنا يرحمها. أدهم بحزن: أنا مش عارف أنا عملت إيه في حياتي علشان ربنا يعا*قبني في أخويا اللي ماليش غيره ده. بقى مر*يض لدرجة إني مش عارف أسيطر عليه. رهف بحزن: ربنا يهديه. أدهم بحزن: يارب. *** في بيت مامت رهف الباب كان بيخبط. مامت يوسف: حاضر ياللي بتخبطوا.

وفتحت واتصدمت. يوسف بابتسامة خفيفة: إيه يا ست الكل مفيش حضن؟ مامته بدموع: يا حبيبي يا ابني وحشتني أوي. وأخدته في حضنها. ودخلوا. مامت رهف بفرحة: يوسف يا حبيبي حمدالله على السلامة يا ابني. يوسف راح حضنها وقال: الله يسلمك يا خالتو. أومال فين عم محمد؟ محمد (أبو رهف و روان) بابتسامة: أنا أهو يا حيو*ان. يوسف بابتسامة: طب إيه لازمتها حيو*ان؟ وراح يحضنهم. محمد والد رهف: انت عامل إيه؟ وحشتنا. يوسف: وانتوا والله وحشتوني.

أبو رهف: يعني بقالك أسبوع مش بتسأل علينا. يعني ولا الأجا*نب شاغلينك عننا؟ قالها وهو بيغمزله. يوسف وهو بيغمز هو الآخر: لا أنا كنت بسأل بس انت من ساعة ما اتجوزت خالتي وانت اللي مش بتسأل. أبو رهف: بس يا حيو*ان. يوسف بضحك: خلاص يا عم مكنتش أعرف إنك بتتق*مص بسرعة كده. أبو رهف: لا ده انت شكلك روحت هناك ورجعت يوسف تاني خالص. يوسف بسر*حان: آه. في حاجات كتير اتغيرت فيا. وكمان في حاجات اتغيرت في غيري.

يوسف: صحيح روان ورهف عاملين إيه؟ مامت رهف بحزن: روان ما*تت من تلت سنين. انت متعرفش ولا إيه؟ يوسف بصد*مة: إزاي ده حصل؟ وانتي يا أمي مقولتيليش ليه؟ مامته بحزن وتساؤل: قولتلك يا يوسف قبل كده. إزاي متعرفش؟ يوسف: لا انتي مش قولتيلي حاجة. ماهي: أنا قولتلك بعد ما هي ما*تت بشهر في المكالمة اللي كنتي بتقولي هايبعتلك تذكرة علشان تيجي عندي. يوسف بحزن: بس أنا ساعتها مسمعتش المكالمة كويس. يوسف بحزن: طب هي ما*تت إزاي؟

مامت رهف وروان: ما*تت بعد ما ولدت بنتها. يوسف: طب وهي فين بنتها دلوقتي؟ واسمها إيه؟ مامت رهف و روان: بنتها اسمها لين. وهي دلوقتي عايشة مع أبوها ورهف وعمر في الڤيلا. مش بتيجي غير لما رهف تيجي تزورني. يوسف بصد*مة: ثانية واحدة! يعني لين بنت روان مش بنت رهف؟ مامت رهف وروان باستغراب: لا. مين قال لك إنها بنت رهف؟ يوسف بصد*مة إن رهف كذ*بت عليه.