رواية حب بعد معاناه الفصل الثالث 3 - بقلم رحمه محمد

تسنيم: أنا هاجي الشغل بكرة وكمان أنا مش محتاجة منك حاجة ولا لبس ولا غيره، أنا ألبس اللي يعجبني. رانيا: اقفلي السكة في وشه. تسنيم: لا لا بلاش دي بالله عليكي. رانيا أخدت التليفون وقفلت السكة في وشه. تسنيم: شكل كدا موتنا هيكون على إيدك، يابنتي إنتي مش عندك دم، إيه الطريقة اللي بتتكلمي بيها مع محمد ده؟ رانيا: هو كدا يستاهل، احمدي ربنا إني مش روحت وضربته. تسنيم: بس بس اسكتي، يلا تعالي ننام. رانيا: ماشي يلا بينا.

تاني يوم الساعة 10 الصبح. تسنيم: قومي يلا يا رانيا، رانياااااااا. رانيا: إيه؟ في إيه؟ تسنيم: أه وهظبطك وهتروحي بدري، هو أنا كدا هلحق أروح الشغل؟ رانيا: يستي هتلحقي، يلا البسي وأنا كمان هلبس ونروح نجيب لك كام طقم كدا. تسنيم: ماشي. لبسوا هما الاتنين وراحوا المول. تسنيم: رانيا إيه رأيك في ده؟ رانيا: ادخلي قيسيه كدا شوفيه مظبوط ولا إيه. تسنيم بتدخل تقيسه وبعد شوية بتخرج. تسنيم: يلهوي تحفة يارانيا، خلاص أنا هاخده.

قعدوا يلفوا أربع ساعات لحد ما خلصوا. تسنيم: آآه يا آني مش قادرة. رانيا: يلا بسرعة، دوبك تلبسي وتروحي. تسنيم بتروح وبتلبس. تسنيم: إيه رأيك بقى؟ رانيا: إيه القمر ده تحفة، يلا بقى نحط لك ميكب خفيف كدا. وحطت ميكب ونزلت ركبت أوبر وبتوصل للشركة وبتطلع وبتروح للسكرتيرة. تسنيم: لو سمحتي ممكن أدخل لمستر محمد. السكرتيرة: لا. تسنيم: أنا عندي ميعاد معاه. السكرتيرة: اوكي اتفضلي يافندم ثواني. تسنيم بتقف في جنب وترن على محمد.

تسنيم: الو، أنا بره، السكرتيرة الزفت دي مش راضية تدخلني. محمد: ثواني طالع لك أهو. تسنيم: طيب. محمد: تعالي ياتسنيم اتفضلي. تسنيم بتبص للسكرتيرة بقرف وبتدخل. تسنيم: إيه الباردة اللي بره دي؟ محمد: أنا عارف إنك شاطرة في الحسابات، فعينتك هناك في قسم الحسابات. تسنيم: تمام، شكراً، أشوف شغلي أنا بقى. وهي طالعة بتخبط في مهدي صاحب محمد. مهدي: أوبااا، إيه القمر ده. تسنيم: افندم. مهدي: قمر قمر مفيش كلام يعني.

تسنيم: طيب أما أوريك ياحيوان. وتقوم دايسة بالكعب بتاعها على رجله. مهدي: آآه آآه يلهوي رجلي رجلي، مش حاسس بيها، شكلها اتكسرت ولا إيه، بس مش مهم أهم حاجة إنها اتكسرت من رجل القمر دي. محمد: مهدي، دي فاهم تخصني. مهدي: تخصك يعني إيه بقى؟ دا أنا بفكر أخطبها. محمد: طب ابقى اعملها كدا. مهدي: مممم، إيه دا بقى؟ محمد: يلا ياخويا تعال نشوف شغلنا. عند تسنيم. تسنيم: لو سمحتي فين مكتب الحسابات؟ اهو آخر الطرقة يمين. تسنيم: متشكره.

وتروح تدخل وبتلاقي واحدة كبيرة قاعدة. إنتي البت الجديدة اللي هتشتغلي معانا؟ تسنيم: أيوا أنا. اقعدي، أنا المشرفة عليكم هنا، اسمي مدام علا. بصي بقى هنا مفيش تأخير عن المواعيد، وتعملي شغلك كامل، لو لقيت غلطة واحدة بس أو نص غلطة، هرفدك على فكرة. تسنيم: تمام، متقلقيش خالص. مدام علا: ماشي، بصي هتلاقي ملفات عندك، اعدليها وعايزك تعرفي معلومات وتحطيها في الملف عن الشركة الجديدة اللي هنتعامل معاها. تسنيم: حاضر.