رواية حب بعد معاناه الفصل الثاني 2 - بقلم رحمه محمد

عمار: انتي مجنونة؟ رانيا: ااه اتجننت بيك. عمار: لا دا انتي مجنونة على الآخر. أنا ماشية. رانيا: عاااا! كدا تسيب بنت زي كدا وحيدة لوحدها وشايلة أكياس في الشارع. عمار: أولا انتي في مدخل البيت، غير إنك شايلة كيسين. رانيا: أصل هنا تقال أوي زيك يا ولد يا تقيل. عمار: صبرني يارب. انتي طلعتيلي منين انتي؟ سبها وطلع. رانيا: أخص عليك كدا. بس أي الواد دا جامد. ممم يلا أما اطلع أنا بقى. طلعت فوق وبتخبط على شقتها. بيفتح ليها عمار.

عمار: انتي تاني؟ انتي طالعة ورايا ولا إيه؟ رانيا: بسرحان. عمار: انتي يـ... رانيا: أيوا أيوا معلش والله مش بحسبك انت بس. عارف دي صدقة القدر جمعنا مرة تانية. عمار: انتي هبلة انتي. وراح قافل الباب في وشها. رانيا: هي دي الضيافة يابن بلدي؟ وخبطت على الشقة التانية وفتحت ليها تسنيم. تسنيم بدموع وبتترمي في حضنها: شفتي يارانيا؟ طلقني ولا فارق معاه. رانيا: هو انتي معدومة الكرامة؟ هو البيه مش شاغل باله وانتي نازلة عياط؟

تسنيم: أنا أعمل إيه يعني؟ رانيا: نخليه يحبك. تسنيم: ازاي دا أنا قعدت معاه شهرين ومش حبني، وعارفني قبلهم بفترة كبيرة. دلوقتي هتخليه يحبني إزاي؟ رانيا: دخليني بس وأنا هقولك. تسنيم: ماشي ادخلي. ها قوليلي هنعمل إيه؟ رانيا: أنا هقولك. أول حاجة لازم نغير شكلك ونبين له إنك مش فارق معاكي خالص. تسنيم: ماشي. رانيا: وكمان نلعب على حتة الغيرة. تسنيم: انتي مجنونة؟ بقولك مش بيحبني، هيغير عليا إزاي؟ بجد انتي اتجننتي؟

رانيا: اسكتي انتي بس واسمعيني واسمعي كلامي. تسنيم: ماشي أما أشوف آخرتها معاكي. رانيا: انتي بتقولي إن هو جابلك شغل في شركته؟ لازم بقى تبيني له إنك مبسوطة ومش فارق معاكي. والأهم إنك لازم تنجحي في شغلك. تسنيم: ماشي بس هنعمل دا كله إمتى؟ رانيا: ملكيش دعوة. أنا أساساً هقعد معاكي اليومين دولي هظبطك فيهم. تسنيم: طيب ماشي. رانيا: دلوقتي بقى رني عليه. تسنيم: أرن عليه إزاي؟ واحدة لسه مطلقة يعني مش أوي كدا.

رانيا: بقولك رني. قوليله إنك عايزة تبدأي شغل من بكرة بس هتتأخري شوية عقبال ما تجيبي لبس للشغل وكدا. تسنيم: منك لله. ربنا يستر. هرن عليه أهو. محمد: الوو! أيوا يا تسنيم انتي عايزة حاجة؟ في الوقت دا أخدت رانيا التليفون وقالت: وهي لو عايزة حاجة هتكلمك انت يـ... محمد: لمي نفسك يابت انتي. تسنيم: يلهووي يلهوووي! اسكتي يارانيا سبيني أنا أكلم. رانيا: خدي يختي. تسنيم: الوو! أيوا يامحمد أنا آسفة جدا. رانيا: آسفة مين ي حبيبتي؟

بس يابت هاتي التليفون. تسنيم: رانيا اهدى بس سيبي التليفون سيبيني أتكلم. أيوا يامحمد أنا هبدأ شغل من بكرة بس هتأخر شوية عقبال ما أجيب لبس. محمد: لا ارتاحي يومين وأنا جايب لك لبس في الدولاب. تسنيم: أقوله إيه؟ رانيا: قوليله إنك مش محتاجة منه حاجة وإن هو ملوش كلمة عليكي. انتي تلبسي اللي انتي عايزاه وهتروحي الشغل بكرة. تسنيم: أيوا يامحمد.....