رواية حب بالصدفة الفصل الحادي والعشرون 21 - بقلم ملك ناصر ناصر

فراس راح ناحية أوضة فيروز وخبط على الباب: فيروز معاكي لبس تلبسيه؟ فيروز كانت قاعدة على السرير ومش لاقية لبس تلبسه، أول ما سمعت صوته ردت بسرعة من ورا الباب: لا مش معايا. فراس: طيب افتحي الدولاب هتلاقي كام بيجامة، خديلك واحدة البسيها. فيروز استغربت وفعلاً قامت تشوف، لقت فيه بجامات بناتي حلوة أوي. فيروز حست بالغيرة والاستغراب إن ممكن يكون فراس كان عايش مع بنت تانية قبلها.

لبست فيروز بيجامة من البجامات اللي كانت موجودة، كانت حلوة أوي عليها وكانت تقريباً على مقاسها، وسابت شعرها المبلول على ضهرها وخرجت. أول ما خرجت للصالة ملقتش فراس، قالت لنفسها أكيد بياخد شاور وهيطلع، وقعدت قدام التليفزيون تستناه. في مكان تاني. فهد لكنان: وبعدين بقالنا ست ساعات ومفيش جديد. كنان كان مركز على اللاب توب وفجأة قام وقف وقال بسرعة ولهفة: عرفت مكانها، عرفت. فهد قرب منه بسرعة: فين فين؟

كنان خد مفاتيح العربية والفون وخرج بسرعة ووراه فهد. وفعلاً فضلوا يتتبعوا مكانهم، وكان المكان بعيد يبعد عنهم بساعتين تقريباً. عند دارين. دخل صقر على دارين المخزن لقاها قاعدة مكانها زي ما كانت. صقر: ازيك يا حلوة. دارين بصتله بقرف ومردتش. صقر بسخرية: شكلك كده مطولة معانا، والباشا ابن عمك مش هيخاطر بشغله عشانك. دارين فكرت للحظة في كلامه وحست إن ممكن فعلاً يكون كنان مش همه اللي حصلها.

بس اتكلمت وقالت بثقة: لا كنان هيجي وهينقذني منك ومش هيضحي ولا بيا ولا بشغله. صقر ضحك بصوت عالي بسخرية على كلامها. صقر: واثقة أوي انتي في حبيب القلب. المهم. وشاور على رجّالته بإشارة وهما فهموا وقربوا من دارين. دارين بقلق: إيه فيه إيه؟ قرب اتنين من الرجالة اللي كانوا قد الباب تقريباً. دارين بغضب: وخدني على فين، سيبوني.

بس لا حياة لمن تنادي، وخدوها الرجالة لعربية بره، وكان قدامهم صقر، وطبعاً محاولات كتير من دارين إنها تفلت من بين إيديهم بس مقدرتش. بعد وقت طويل جداً وصلوا لمكان في بيت صغير، ومكنش فيه أي حاجة تانية حواليه غير شلال مكان بعيد شوية عن البيت وكان عميق جداً. صقر لواحد من رجّالته: خدها دخلها جوه وخلي اتنين حراس يقفوا على الباب وواحد يروح يجيب لها أكل، يالا بسرعة. : أوامرك يا صقر بيه.

وفعلاً نفذ أوامره، وكان البيت عبارة عن بيت خشبي لكن متبهدل جداً، وكان فيه حراس واقفين بره قدام البيت، ودارين قاعدة جوه لوحدها وضامة نفسها بخوف. دارين بدموع وخفوت: اتأخرت ليه يا كنان. اتأخرت ليه. في الوقت ده كان كنان وصل للمكان اللي كانت موجودة فيه دارين، دخل بسرعة هو وفهد وكم ظابط كان معاهم واقتحموا المكان، لكن اتفاجئوا بعدم وجود أي شخص جوه.

فضل كنان يدور وينادي على دارين زي المجنون، لحد ما فهد لمح ورقة موجودة على ترابيزة صغيرة. فهد: كنان بص لقيت إيه. كنان راح وفتح الورقة وقراها، وكان محتواها: هههه، كنت عارف إنك ذكي وهتفكر تيجي المكان ده، بس مش أذكى مني يا تهامي. في الوقت اللي بتشوف فيه الرسالة دي هكون أنا وحبيبة القلب وصلنا للمكان ده وهو (وكتب العنوان)

وقدامك ساعتين بالظبط، المهلة هتخلص، وفي الثانية الأخيرة من الساعتين هتكون حبيبة القلب بتقع من فوق الشلال وبتودع. يا تلحق يا متلحقش. تيك توك تيك توك. وكان مكتوب في آخر الورقة: الصقر. خبط كنان إيده بغضب على الحيط وقال بغضب جحيمي: صاااااااقر. فهد بسرعة: يالا يا كنان بسرعة مفيش وقت. كنان راح بسرعة وكان بيتصل بصقر طول الطريق علشان يرد عليه. وبعد مكالمات كتير أخيراً رد عليه صقر. صقر ببرود: إيه يا حضرة الظابط؟

أكيد قريت الورقة صح؟ ههههههه. كنان: انت مرييض، مرييض يا صقر. صدقني لو. لو عملتلها حاجة هخليك تتمنى الموت ومتلقيهوش. يا صقر، اياك اياك تلمس بس شعرة منها، هقتلك يا صقر، سامع؟ هقتلك. صقر: ههههه، عدى عشر دقايق من الساعتين يا حضرة الظابط. كنان: عايز أشوفها. صقر ابتسم بخبث وبص للكاميرات اللي قدامه: بس كده، دانت تؤمر.

وفتح الكاميرا، وكانت دارين قاعدة منكمشة في نفسها وشعرها متبهدل وهدومها متبهدلة، وكان كنان شايف كل ده من خلال الكاميرات اللي صقر مركبها في البيت اللي قاعدة فيه دارين. صقر: ها، إيه رأيك. كنان وقف العربية وبص للصورة، ويقسم إنه لولا وجود أضلاعه لخرج قلبه اللذي ينبض بشدة. فهد طبطب على كنان وقال له بهدوء: تعالى يا كنان، مكاني أنا هسوق. وفعلاً بدلوا أماكنهم، وكنان فضل باصص على الصورة بضعف وكسرة وهو مش عارف يعمل إيه.

كنان: موافق. صقر ابتسم بانتصار: البضاعة تدخل المخازن والعربيات تعدي بأمان وعاكف يخرج من السجن حالاً، سامع يا حضرة الظابط. كنان بهدوء: تمام. وقفل الفون. فهد: كنان، انت هتعمل كده بجد؟ كنان بص له وهو بيحاول يحبس دموعه: مستحيل أخاطر بحياتها يا فهد، مستحيل. فهد: للدرجة دي بتحبها؟ كنان بص قدامه: أنا عديت مرحلة الحب من زمان، وقعت في حب دارين التهامي يا فهد. كنان التهامي وقع في حب طفلة.

فهد حس بحزن على أخوه الكبير اللي مكنش يتوقع أبداً يشوفه بالضعف ده. وكنان كلم فراس وقاله ينفذ كلام صقر، ولكن هل فعلاً فراس هيعمل كده؟ مظنش. بعد ساعة ونص بالظبط، كانت متبقي تقريباً خمسة عشر دقيقة والساعتين يخلصوا. صقر اتصل بكنان وكنان رد. صقر بغضب: بتلعب بيا يا كناااان، بتلعب بااالصقر. كنان باستغراب: إيه اللي حصل؟ صقر: تلاتين مليووون. هندمك يا كنان، هندمممك.

كنان بصدمة: إيه. لا لا مستحيل، أنا مكلمهم بنفسي وقولتلهم يلغوا ال. صقر بجنون وغضب: هقتلها يا كنان، هقتلهااا.