رواية حب بدون ارادتي الفصل السابع 7 - بقلم يارا عبد العزيز

نور: اااااه فارس جرى عليها وراه شمس. فارس بخوف: فيه إيه؟ نور بدموع: رجلي وجعتني أوي. بص على رجلها، لاقاها بتنزف. نفخ بعصبية: هو مش أنا قولتلك متحمليش عليها كتير، إنتِ بتفهمي منين؟ نور بعياط: أعمل إيه يعني، متزعقليش، أنا كفاية عليا اللي أنا فيه. اتوجع عليها، نزل لمستواها ومسح دموعها: خلاص، متعيطيش. شمس: الجرح مفتوح، لازم يتخيط. نور بخوف: لا، لا، لا، أنا استحالة اسمحلكم تعملوا كدا.

فارس: شمس معاها حق، يلا هنروح المستشفى. نور: لا، بالله عليك. فارس: بلاش شغل عيال يا نور، ويلا، لو إنتِ بتسمعي الكلام من الأول، ما كناش وصلنا للمرحلة دي. بدأ يوقف لها النزيف. شالها وحطها في العربية. شمس: أجي معاكم؟ فارس: لا، خليكي إنتِ، أنا معاها. آدم: خالتو نور، إنتِ عارفة أنا خيطت قبل كدا. نور: موجعتكش، صح؟ آدم: لا، وجعتني أوي. نور بخوف شديد: يلهوي، فارس. فارس وهو بيدور العربية: عيوني.

بصلها بصدمة من الكلمة اللي قالها، واتكلم بتوتر: عايزة إيه؟ نور: النزيف وقف أهو، بلاش موضوع الخياطة دا، بالله عليك. تجاهلها ودور العربية. في المستشفى. نور بخوف: بنجيني قبل ما تديني حقنة البنج. فارس بصلها وابتسم على شكلها: والله آدم الطفل لو مكانك مش هيعمل كدا، يا دكتورة، كملي وهو بيبص للممرضة. هو الدكتور هييجي إمتى؟ الممرضة: أهو جيه أهو. الدكتور بدأ يخيط الجرح، ونور كانت قاعدة في حضن فارس.

الدكتور بابتسامة إعجاب: تمام كدا خلصنا، يا ريت حضرتك تقللي حركتك عليها شوية. فارس بعصبية: تمام يا دكتور، فيه أي حاجة تانية؟ الدكتور فضل يبص لنور اللي اتوترت جداً من نظراته. فارس راح عنده ومسكه من البالطو: لا، دا إنت زودتها أوي. الدكتور بخوف: فيه يا أستاذ، هو إيه الأسلوب دا؟ فارس بعصبية: هو إنت لسه شفت أسلوبي. أداله لكمة قوية، الدكتور بعدها خاف وخرج من الأوضة. فارس بعصبية وهو بيبص لنور: يلا.

وطى شالها، وهي كانت متوترة من نظرات الناس ليهم في المستشفى، حطها في العربية وطلع بيها. نور بهدوء: هو إنت كويس؟ فارس بعصبية: أيوا كويس، إيه شايفني بشد في شعري؟ نور: طب بتتعصب عليا أنا ليه دلوقتي، وأنا مالي يعني؟ فارس وهو بيحاول يسيطر على نفسه: اسكتي يا نور، اسكتي، متتكلميش. وصلوا البيت، وفارس شال نور وطلعوا أوضتهم، والكل طلع وراهم تحت نظرات الشماتة من نسمة طبعًا. حطها على السرير وقعد على الكنبة وهو بينفخ بضيق.

سميرة: ألف سلامة عليكي يا بتي. نور: الله يسلمك يا طنط. سميرة: أنا في أوضتي يا حبيبتي، لو احتاجتي أي حاجة ناديني. نور: ماشي. نسمة وسميرة خرجوا. شمس بهمس: ماله دا؟ نور وهي بتبص له بخوف: مش هعرف أحكيلك دلوقتي، هبقى أقولك بعدين. شمس: تمام، يلا أنا خارجة. نور: تمام. شمس: ربنا معاكي. نور بخوف: ادعيلي وإنتي بتصلي. فارس بص لها وابتسم ابتسامة معناها أن مفيش فايدة فيكي. كلهم خرجوا، فارس قفل الباب وراح عندها. نور بخوف: إيه؟

هتضرب ولا إيه؟ فارس بصلها وابتسم، وخدها في حضنه. استغربت، بس حاوطت بإيدها ضهرها وابتسمت وغمضت عيونها. فارس بحنية وهو لسه حاضنها: أنا آسف إني اتعصبت عليكي. طلعها من حضنه. نور: ولا يهمك. فارس بحنية وهو بيمسك إيدها: ممكن بعد كدا أما أقول الحاجة تتسمع. نور: حاضر. فارس: طب يلا نامي. نور: طب هدخل أغير هدومي الأول. فارس: تمام. وكان لسه جاي يشيلها. نور: أنا هعرف أمشي. فارس: هششش، إحنا قولنا إيه.

دفنت راسها في رقبته وهي بتبتسم، نبضه بدأ يزيد من حركتها، نزلها في غرفة الملابس. فارس: أما تخلصي ابقي ناديني. نور: تمام. خلصت وخرجت وهي لابسة عباية بيتي، وكانت زي القمر، خرجت لاقته قاعد على السرير، عاري الصدر، راحت قعدت جنبه ونامت، سحبها لحضنه، ابتسمت وحطت إيديها على إيديه. نور: فارس. فارس: نعم. نور: هو من إمتى وإحنا بنام كدا؟ فارس: من النهاردة، ونامي بقى. نور: طب هو إحنا هنرجع القاهرة إمتى؟ فارس: عايزة ترجعي؟

نور: لا خالص، أنا نفسي نبقى هنا على طول، أنا حبيت هنا أكتر. فارس: لازم نرجع عشان شغلي، بكرة بإذن الله. نور: تمام، تصبح على خير. فارس: وإنتي من أهله. صحوا الصبح، حضروا شنطة هدومهم وسافروا القاهرة. في المساء، نور كانت قاعدة في الجنينة. نور بخوف: هو اتأخر كدا ليه؟ سمعت صوت عربيته، اتنهدت وقعدت تستناه. دخل لاقاها قاعدة في الجنينة مستنياه. فارس: إيه اللي مصحيكي لحد دلوقتي؟ نور: إنت اتأخرت ليه؟

فارس: كان فيه اجتماع في الشركة متأخر. نور: أحضرلك العشا؟ فارس: لا، أكلت في الشغل. نور: تمام. فارس: صحيح، أنا حولتلك جامعة القاهرة، تقدري تروحي من بكرة. نور: تمام، شكراً. فارس: على إيه، أنا جوزك، يلا ننام. نور: عايز تنام؟ فارس: عادي. نور: تمام، يلا، إنت باين عليك مرهق. طلعوا أوضتهم وناموا. في الصباح، في جامعة القاهرة. صباح الخير، يلا نبدأ محاضرتنا. نور بصدمة كبيرة: عادل.