رواية حب بدون ارادتي الفصل التاسع 9 - بقلم يارا عبد العزيز

لسه هيقرب منها مرة واحدة لاقى واحد بيشده من ضهره وبي.رميه من على السلم ومن حظه ان درجات السلم كانت قليلة نزل عنده وبدأ يضر.به وقعه على الارض وفضل يض.ربه ل.كمات قوية كل اللى فى العمارة خرجوا على الصوت وحاولوا يبعدوا فارس بس معرفوش. نور بعياط: يا فارس كفاية هيموت فى ايدك يا فارس. بصلها بوجع على دموعها قام عندها واخدها فى حضنه. : اهدى. دفنت راسه فى صدره وفضلت تعيط طبطب عليها وهديت نوعا ما.

فارس بصوت عالى وتهديد: دى اقل حاجة هتحصل لأي حد فيكوا هيتكلم عن مراتى نص كلمة أو بس يفكر انه يقربلها. أخدها وطلعوا فتحت عايدة الباب. عايدة بخوف: ايه دا مالك يحبيبتي بتعيطي. رميت نفسها فى حضنها وهي بتعيط. كور ايده بعصبية ووجع على حالتها. دخلت قعدت على الكنبة قعد على الارض قدامها ومسك ايديها بحب. : خلاص اهدى والله أروح أقتله دلوقتي. نور بشهقات: كفاية اللي انت عملته فيه. فارس: طب اهدى بقى خلاص. عايدة: هو ايه اللي حصل.

نور: كريم. عايدة: هو اصلا حاطط عينه عليكي من قبل ما تتجوزي عادل ولما اطلقتي اتقدملك بس لما اتجوزتي فارس طلع كلام عليكي وخلى العمارة كلها تتكلم. نور بعياط: ربنا يسامحه. فارس: اهدى والله لجبلك حقك منه وهندمه على اليوم اللي اتكلم فيه عليكي. عايدة: أنا هدخل أعملك لمون يهديكي شوية. نور: انت قاعد على الأرض ليه اطلع اقعد على الكنبة. فارس: هخليني كده لحد أما تبطلي عياط أنا أول مرة أشوف كده.

نور بشهقات وطفولة: أنا أكتر حاجة بكرها في حياتي إن حد يظلمني ويقول عليا حاجات غلط. تعبيرات وشه اتغيرت للغضب حسيت إنه هيعمل حاجة فحاولت تبتسم. نور: بس انت علمت عليه جامد. فارس: علمت عليه!!!!! انتي متأكدة إنك في طب. نور ببراءة: آآآه والله. قعد جنبها وقلد صوتها. : آآآه والله. نور بغضب طفولي: رخـم. فارس: عملتي إيه النهارده في الكلية. اتوترت جدا. : عادي كان يوم عادي. عايدة: أداي الليمون يا ست البنات خدي اشربي يلا واهدي.

نور: تسلمي يماما. عايدة: أحطلكوا العشا. فارس: يا ريت أنا ميت من الجوع. نور: بعد الشر عليك إن شاء الله اللي يكرهكوا. بصلها وابتسم بحب لتدرك اللي قالته. نور: يختااااي. فارس بضحك: هبـلة. اتعشوا ودخلوا أوضة نور. فارس: سريرك صغير أوي. نور: انت جاي تتكبر علينا ولا إيه. فارس وهو بياخدها في حضنه: لا والله مش قصدي خالص. نور بابتسامة: أوك. فارس: طب يلا ننام. نور: أنا عايزة أغير هدومي بس مفيش هدوم ليا هنا.

فارس: على فكرة أنا مأخدتش هدومك كلها هتلاقي فيه هدوم ليكي في الدولاب. نور: تمام. راحت فتحت الدولاب وبصت عليه بشهقة وصدمة كان مليان فساتين قصيرة. : هي دي الهدوم اللي انت سبتها. : آآآه مالها. : دي هدوم نوم. : فارس آآآه البسيها بقى ما انتي هتنامي. نور: طب ممكن تخرج بس عقبال ما أغير أصل هنا مفيش حمام ولا غرفة ملابس أغير فيهم زي عندكوا. : طب بذمتك مرات أبوكِ تقول عليا إيه أما تلاقيني خارج أقعد برا تقول طاردة.

: امم طب أعمل إيه معلش لو سمحت. بتنهيدة: حاضر. خرج يقعد في البلكونة فضل قاعد شوية لحد أما وصلتله مسدج. أنا خلصت تقدر تيجي عادي. ضحك عليها ودخل اتصدم أول أما لاقها. : حلو الروچ ده تحس إنه واخد لون. قاطعها وهو بيقبلها بحب غمضت عينها واتجاوبت معاه بعد عنها وهو بيسند راسه على راسها بدأ ينهج وطيت رأسها في الأرض رفعها بحب. : انتي جميلة أوي. نور بخجل: شكرا. دفن راسه في رقبتها وكان لسه هيقرب منها. نور: فارس لو سمحت ابعد.

فارس بهمس: ليه. نور: عشان مش هينفع انت بتحب قمر بلاش تعمل حاجة تندم عليها بعدين. فارس: هششش بطلي كلامك ده انتي مش عارفة حاجة. نور وهي بتبعد: إيه بقى اللي أنا معرفهوش. سحبها لحضنه مرة تانية. : أما أتأكد يا نور. : تمام ولحد ما تتأكد بقى متقربش مني لو سمحت. بعدت عنه. : تصبح على خير. نام جانبها وسحبها لحضنه واتكلم بحنية. : انتي زعلتي ولا إيه. نور: وأنا هزعل من إيه يعني.

فارس: مش عارف بس حاسك مضايقة كده انتي بتغيري من قمر. نور: لو رديت عليك هتزعل وهتتعصب عليا. فارس: لا ردي ومتخافيش. نور: قمر ميتة أنا هغير ليه من واحدة مش موجودة أصلا. فارس: بس قمر موجودة جوايا. نور: انت اللي حابب تعيش في الماضي بس براحتك انت حر. فارس: يا ريت أعرف أطلع نفسي من الماضي يا نور. نور: إحنا بأيدينا نطلع من ماضينا ومنفكرش فيه بس انت حابب تعيش معاه لأنك لسه بتحبها فلو سمحت بطل تحسسني إني قليلة أكتر من كدا.

فارس: أنا امتى عملت كدا. نور: لما تبقى بتقرب مني وأنت في قلبك واحدة تانية يبقى ده إيه متحسسنيش إني مجرد رغبة أو إني حاجة عايز تعيش بيها حياتك وخلاص. فارس: انتي إزاي بتفكري كده. طلعت من حضنه وقعدت على السرير قدامه. : قوليلي انت إيه التفسير للي انت بتعمله غير كده ما هو يا كلامي صح يا. : يا إيه. : يا إنت بتحبني. بتوتر: لا طبعًا إنت بتقول إيه أنا مبحبش غير قمر. بزعيق: يواه بقى. : إيه. : مفيش أنا عايزة أنام.

ادته ضهرها حضنها من ضهرها وهو بيشدد من مسكته عليها عيونها امتلت بالدموع بس حاولت تخفيها ومتطلعش صوت. : أنا مش عارف انتي زعلانة ليه بس والله انتي مفيش حاجة في دماغك صح أنا عمري ما هفكر فيكي كده. كتمت صوت شهاقتها وحاولت تبعد عنه. : خليكي يا نور متبعديش. في الصباح صحي لاقها لسه نايمة طبع قبلة صغيرة على خدها. : على فكرة انت بقيت بتتعدى حدودك جدا. : انتي مراتي يا بنتي يلا عشان نرجع القاهرة. : تمام.

ودعوا عايدة ورجعوا القاهرة وانصدموا أما لاقوا.