رواية حب بلا قواعد الفصل الثاني 2 - بقلم جيلان محمد

سليم ضربها بالقلم وقال: أنا جحيمك، هخليكي تتمني الموت ألف مرة، وبرضو مش هموتك. كيان بعدت عنه، ولقيت سكينة. مسكتها وقالت: أنا كده ميتة، وكده ميتة، يبقى أموت نفسي بكرامتي. عورت إيدها وبتنزف. كيان ابتسمت بسخرية، واغمى عليها. سليم وقف مصدوم، وجرى عليها، وشالها بسرعة. جاب دكتورة، عملت إسعافات أولية لأن جرحها مش عميق. وهي نامت من التعب. راح حضنها ونام جنبها. كيان صحيت الصبح، لاقت سليم حضنها بتملك. وكانت مصدومة وصرخت:

"اعااااااااااا... عملت فيا إيه يا متحرش! سليم صحى بفزع، وكتم بوقها بقبلة. سليم شعر إنها متجاوبة معاه، بدأ يلمس جسمها بجرأة. لكن افتكر إن أبوها السبب في موت أهله. بعد عنها، وبصلها بقرف، وقال: "ربع ساعة وتبقي جاهزة عشان نروح الشركة." كيان مسكت إيده قبل ما يقوم، وقالت: "أنا عايزة أطمئن على أمي وإخواتي." سليم مسك دراعها، وقال بزعيق: "أنا كلمتي واحدة، فاااااااهمة... قولت مش دلوقتي!

ساب دراعها وقام، وطلع برة الأوضة، ورزع الباب بقوة. كيان قامت بقلة حيلة تجهز. كيان واقفة قدام المراية بتسرح شعرها. وفجأة سليم فتح الباب. فقالت بعصبية: "مش تخبط الأول! سليم تنح في شكلها الحلو، وقال بكبرياء: "على فكرة أنا جوزك، ويلا عشان هنتأخر." بعد فترة. سليم وقف بعربيته قدام الشركة، وكانت كيان قاعدة جنبه. وقال: "اسمعي الكلام ده، مش هعيده تاني... محدش يعرف في الشركة إنك مراتي." كيان بهدوء:

"بس لو سألوني أنا ليه بركب مع حضرتك؟ سليم بعصبية: "ملكش دعوة بحد، أنتِ فاهمة. اقطعي علاقتك بيهم كلهم." سليم نزل من العربية، منتظرش الرد. كيان بعصبية: "وقح! نزلت كيان، ودخلت الشركة وسط أنظار الجميع. وقفها صوت حد: "كيااان." جاه الشاب ناحيتها، وقال بحنان: "إيه اللي حصل امبارح يا كيان؟ ومال إيدك؟ كيان دارت إيدها، وقالت برسمية: "مفيش حاجة يا أستاذ مالك، شكراً." ولسة هتمشي، فجأة مسك إيدها، فقالت بعصبية: "سيب إيدي يا مالك."

مالك قال بعصبية: "أنا بحبك وأنتِ عارفة، إيه التغير اللي حصلك من امبارح ده؟ كيان بتحاول تسحب إيدها عشان سليم ما يشوفهاش، وقالت: "بعدين يا مالك، أبو*س إيدك بلاش مشا*كل." مالك كان ماسكها جامد، وقال: "هو في إيه؟ ومشا*كل إيه؟! وفجأة مالك بيقع على الأرض أثر ضربة من سليم. كيان بصويت: "سيبوه يا سليييييييييم."