رواية حب في عمليات خاصه الفصل الخامس عشر 15 - بقلم ملك ايمن

وصلوا الڤيلا واتصدموا إن الشلة كلها موجودة. اسر: إيه ده كله؟ مين دول؟ فيروز: دي الشلة، تعالا وادخل. فيروز بصوت عالي: كأنها فيلت أبوكم، إنتوا ههولد؟ ههولد: لا فيلا فيروز، هعهعهع. فيروز: ظرافة أم اللي جابت جارتكم، يلا طيب كويس إنكم هنا عشان ننضف الڤيلا. الكل: ااايف. فيروز: يلا يا شباب، يلا. إنت يابغل. اسلام: نعم. فيروز: روح هات حاجتي من الڤيلا. الفون ترن ترن. فيروز: الو، طب تمام، هاتلي هدومي معاك بقى، إشطا.

سلام: استنى يابغل، خلاص يونس هيجيبهم. ودخلوا كلهم الڤيلا، واتقسمت الحاجات عليهم. إسلام وتلات شباب وبنتين المطبخ، وهكذا. وطبعًا أسر استغل الفرصة عشان يكون مع فيروز، بقى معاها في ترويق أوضتها. في أوضة فيروز: اسر: أوضتك حلوة أوي. فيروز: شكرًا. اسر: إنتي علاقتك بإسلام؟

فيروز: إسلام ده مقدرش أقول عليه أخويا، لأنه ده لقب صغير أوي عليه. إسلام ويونس زي ضلي، أي حاجة ليهم فيها ملهمش فيها معايا، الاتنين دول مستعدة أخسر حياتي كلها عشانهم. اسر: عقبال. بصتله نظرة متفحصة بيه. فيروز: عقبال إيه؟ اسر: عقبال ما تحبيني زيهم كده. فيروز بارتباك: احم، يلا بقى نخلص. جه يونس ومعاه ندي ومريم، وطبعًا جاسر وجمال جم برضه. وخلصوا الڤيلا كلها. والكل خرج قعد في الجنينة تعبانين.

محمد: يخربيت كدا، اااه، ده أنا ماقص ارضع. غرام: ونبي شفتوا إحنا بنعمل إيه، إحنا بنتعب. محمود: ع يدي. (بصوت فؤاد المهندس) الكل ضحك عليه. اسلام: يلا نلعب. جاسر: نلعب الصراحة. الكل: اشطا. وجابت فيروز إزازة وابتدوا يلعبوا. جمال: دوري، هسأل فيروز. فيروز: أشجيني يا با. جمال: إيه أكتر وقت خوفتي فيه، مع إني أشك إنه في، بس يلا ها. فيروز: أقدر مجاوبش؟ الكل: لا، يلا قولي يلا. جمال: خلاص خلاص، حكم. فيروز: ماشي.

جمال: اممم، هنحط حاجة فوق دماغ واحدة من أخواتك واضربي نار فوقيها. ندي: لالالالا، مش أنا، لا، عندي عيال محتاجة أربيهم. جمال: منا كمان هربيهم. ندي اتكسفت. اسر: احم احم احم، خف، هه، خف. فيروز: مريم قومي. جابوا إزازة وحطوها فوق دماغ مريم. وفيروز جهزت المسدس وشدت الأجزاء. ومريم مرعوبة. وهوب ضربت الرصاصة وجت في الإزازة. مريم: ااااه، كنت هموت. يونس: يلا، ولف الإزازة. أسر هيسألني. اسر: اممم، إيه آخر موقف حصلكم في الڤيلا دي؟

يونس ابتدي يضحك هو وإسلام وفيروز. جمال: ضحكونا معاكم.

يونس: شوف ياسيدي، قبل ما تمشي من هنا بيومين كانت قاطعة كلام معانا، كنا قلقانين عليها، بس قلنا نسيبها شوية. وفي يوم قفلت الفون بتاعها من الصبح لحد الساعة ٤ الفجر. فتحته وكلمتنا وقالت إنها كويسة وقفلت. روحنا ع القسم ما خلاص بقى اطمنا عليها. اللواء قابلنا بيسأل عليها، لو كويسة، وإيه أخبار الإصابة. طبعًا ركبنا خبطت في بعضها. سألنا، قال كان عندها مهمة، انهارت واتصابت. طلعت أنا وإسلام جري ع الڤيلا هنا. طبعًا إسلام لازم يحط اللمسة بتاعته. قالي تعالا ندخلها من باب المطبخ.

إسلام كمل: وست فيروز كانت في المطبخ بتعمل سلطة، ومفيش أحمى من سكاكين فيروز. المهم داخل من وراها، واتاري القروبة حاسة إن في حد وراها. وفجأة لقيت نفسي تحت ع الأرض، إيديها ع رقبتي بالسكينة، ورجل مكتفة رجولي، ورجل في بطني. وأنا أقول: جااااي أنا البغل وربنا. الكل فضل يضحك عليه. محمد: لف اللعبة يلا. سائر لفها. سائر: هسأل ندي، ممكن تتجوزي تاني؟ ندي بصت لجمال: على حسب. سائر: يعني؟ ندي: لو حبيته، آه. جاسر: اللعب ياظهر.

فيروز بخبث: قومي يانودا، معلش، هاتيلنا عصير من المطبخ. ندي: حاضر. وقامت دخلت جوه. فيروز بمكر: سائر، معلش ساعدها عشان الكوبايات كتير. كان هيقوم. جمال: لا خليك، أنا كده كده داخل البيت هجبهم معاها. وقام دخل. بعد ما اختفى. فيروز: سائر، الأخ والأخت عاوزني نهزهم شوية. سائر: عنيا. فيروز: اشطا يازميل. وخبطت إيديها في إيديه. إيه ده، في دخان هنا؟ لا، متخافوش، ده أسر بيشيط. مسك دراعها شدها. اسر: ممكن تهدي شوية.

فيروز: وأنا عملت إيه؟ اسر: فيروز، هدي نفسك تمام، بطلي هزار. فيروز بخبث: اوكي. وطبعًا ابتدت تزيد في الهزار معاهم. ويونس أخد مريم وراحوا عند البول. لحد ما أسر خلاص قام مسكها من إيديها وشدها وراهة جوه الڤيلا، وطلع بيها ع أوضتها. عند جمال وندي: جمال: ندي، ممكن أعرف مش موافقة ليه؟ ندي بتوتر: اسمعني، أنا لسه خارجة من علاقة فاشلة وخايفة أدخلها تاني. جمال: مش هيحصل، والله العظيم. هشيلك فوق راسي وبناتك ولادي زي ما عدي ابنك.

ندي: خايفة. جمال: ثقي فيا، وأنا هكون عند ثقتك فيا. ندي: مش هتزعقلي؟ جمال: عمري. ندي: ولا هتضربني؟ جمال: تتقطع إيدي قبل ما أعملها، هااا. ندي: هفكر. جمال: هاتي العصير ده، هاتي. وسابها وخرج. عند أسر وفيروز: دخل.