رواية حب في الحلال انسة قهوة الفصل السادس 6 - بقلم الكاتبة يمنى الشهيرة انسة قهوة

حسن: محمد في تلفون جايلك من مصر محمد: أكيد رنا.. هكلمها الوقتي حسن: لا مش رنا محمد: طب حولي المكالمه محمد: الو محمد بصدمة: انت متأكد ماللي بتقوله ده يا طارق طارق: أيوه يا ابني والله المدير قرر يبعتك فرع الشركة اللي في مصر محمد بزعيق: إيه لعب عيال ده أنا مبقاليش خمس شهور على بعض في ألمانيا

طارق: يا ابني المدير التنفيذي للشركة اتكشف وهو بيهرب ورق مهم جداً للشركة المنافسة والجو هنا قلق والمدير ما بيثقش في حد زيك عشان كده سفرك تدير فرع الشركة اللي في المانيا محمد: مهو أنا مش تحت أمره عشان أفضل رايح جاي طارق: أنا كلمتك عشان يبقى عندك علم، لكن هو كان هيكلمك كدا كدا محمد: طيب يا طارق ربنا يسهل حسن: خضتني والمصحف.. في إيه.. اترفدت محمد: يا ابني بطل بقا.. المدير عايز يعيني المدير التنفيذي لشركة في مصر

حسن: طب وانت مدايق ليه.. دا أنت المفروض تفرح يا جدع محمد: أفرح ليه مش فاهم حسن بغمزة: يعني بتسأل محمد: حسن الموضوع ده اتقفل بجد.. وهي دلوقتي معدتش خطيبتي حسن: حاول ترجع لها وتدي لها على الصح والغلط.. هي ملقتش اللي يقولها ده عيب وده حرام.. ملقتش اللي يعلمها الصح من الغلط.. وأظن من كلامك أن أبوها وأمها سايبين أيديهم من الموضوع ده خالص محمد بتنهيدة: مش عارفه.. مش عارف يا حسن *** في مصر مريم: بابا أنا كنت

عايزة حضرتك في موضوع مراد: موضوع إيه مريم: أنا عايزة أشتغل في شركة مقدمة عرض حلو أوي.. عايزين مترجمة.. فأنا بما إني قسم لغات.. فكنت عايزة أشتغل عشان آخد خبرة وكده.. عشان أما أتخرج يبقى عندي كفاءة عالية في الشغل مراد: اعملي اللي انتي عايزاه مريم بحزن: حاضر يا بابا *** في مكان تاني كانت واقفة بنوتة رقيقة أوي وشابين بيضايقوها واحد منهم: ما براحة على الأرض أحسن مش بتاعتنا التاني: اسم الجميل إيه يا عسل؟

مليكة بدموع: أنت.. أنت عايز إيه يا مشمتحرم أنت واحد منهم لسه هيمسك إيديها لقى اللي بيديه بالبوكس في عينه إياد: تعالي وأنا أقولك أنا يروح أمك.. ونزل فيه ضرب التاني طلع يجري والتاني خاف وجري وراه إياد بابتسامة: أهدي أهدي.. أنتِ كويسة؟ مليكة: أيوه الحمد لله.. شكراً ليك أوي يا أستاذ إياد بابتسامة: ولا شكر ولا حاجة.. إحنا زملاء بردو.. ولا إيه مليكة باستغراب: هو حضرتك تعرفني؟

إياد بضحك: معاكِ في الجامعة وبشوفك على طول.. معقول مش عرفاني.. ده أنا كراش نص بنات الدفعة مليكة: أفندم إياد: ما تبقيش قفوشة كده.. خلي بالك من نفسك ومتخرجيش لوحدك تاني.. عشان أنا بغير قال آخر كلامه ومشي من غير ما يسمع ردها مليكة: ده عبيط ده ولا إيه.. بس شكله جدع أوي *** مر أسبوع ومليكة قدمت ورقها في الشركة واتقبلت ومحمد بيجهز كل حاجة عشان ينزل مصر.. وبيدعي ربنا لو يشوفها ولو لحظة بس *** في الشركة طارق

وهو بيتكلم في التليفون: تسنيم ابعتيلي مريم بسرعة تسنيم: حاضر يا بشمهندس تسنيم: مريم.. مريم مريم: أيوه يا تسنيم.. في إيه تسنيم: بشمهندس طارق عايزك.. خشي شوفي عايزك في إيه مريم باستغراب: طيب ماشي مريم خبطت على الباب ودخلت مريم باحترام: حضرتك عايزني يا بشمهندس طارق: اقعدي يا مريم طارق: أنا الصراحة مش عارف أقولك إيه.. بس إحنا هنضطر نعين حد تاني يترجم الفاكسات مريم: ليه حضرتك.. أنا غلطت في حاجة في شغلي؟

طارق: لا بالعكس.. انتي مجتهدة جداً.. بس الصراحة الآنسة اللي كانت مكانك طلبت ترجع الشغل عشان ظروفها.. بس طبعاً انتي مش هتسيبي الشركة مريم: مش فاهمة.. ممكن حضرتك توضح أكتر طارق: بصي يا مريم.. انتي هتبقي سكرتيرة المدير التنفيذي للشركة مريم: بس.. احم.. مش هو طرد طارق: لا.. ماهو المدير الجديد.. هو جاي من ألمانيا بكرة.. بدل ما يدور على سكرتيرة.. فإنني ما شاء الله مجتهدة وبتستوعبي الشغل بسرعة.. ها.. إيه رأيك؟

مريم: تمام.. موافقة.. هستلم الشغل امتى؟ طارق: يعني بعد بكرة.. يكون وصل مريم: طب بعد إذنك.. الحق لم حاجتي طارق: اتفضلي *** وصلت الطيارة لمصر ووصل محمد شقته ونام من كتر التعب تاني يوم قام الساعة ٨.. لبس ونزل الشركة ودخل مكتب طارق أول حاجة محمد بضحك: بالحض يا أبو الصحاب طارق: يا ابن اللعيبة.. وحشتني محمد: يعني لحقت.. ده أنا مكملتش خمس شهور طارق: يعني هو خمس شهور دول قليلين يا جدع.. بقولك تعالي أعرفك على الموظفين الجداد

محمد بابتسامة: يلا مريم: تسنيم.. أنا راحة الحمام وجاية.. مش هتأخر تسنيم: أشطة.. ماشي *** طارق: طبعاً معظمكم عارف بشمهندس محمد.. هو رجع عشان يمسك مدير الفرع ده.. وعايز الشغل يكمل كويس.. العك اللي حصل في الفترة الأخيرة ده.. ما أحبش يتكرر تاني.. يا ريت الموظفين: أمرك يا بشمهندس طارق: تسنيم.. فين مريم؟ تسنيم: هي راحت الحمام.. مش عارفة اتأخرت ليه طارق: أول ما تيجي ابعتيها على مكتب محمد عشان يفهمها الشغل تسنيم:

تحت أمرك يا فندم محمد: مين مريم.. وتيجي مكتبي ليه؟ طارق: سكرتيرتك محمد: ومين اللي عينها؟ طارق: أنا طبعاً محمد: أنت عارف إني مبتعاملش مع بنات.. بتعين من دماغك طارق: هي كانت في قسم الترجمة.. بس البنت اللي مكانها رجعت.. محبتش أسيب البنت تمشي.. حرام.. أقطع عيشها.. فعينتها سكرتيرة.. وبعدين البنت قمة في الأدب والأخلاق ولبسها كويس جداً.. متقلقش محمد: طب ابعتوهالي.. المتأخرة من أول يوم دي طارق: عنيا