رواية حب في جزيرة مجهولة الفصل الخامس 5 - بقلم ايات عبدالرحمن

هو مين اللي قاعد هناك وفاتح اللاب توب قدامه ده جرسون: دا يبقي دكتور يزن اشهر دكتور في جراحة القلب والأوعية الدموية ماكنتش عارفه افرح ولا اتصدم ولا اعمل ايه مش قادره استوعب خايفة اروح عنده واكلمه يطلع شخص تاني بس المرة دي الجرسون أكد ليا إنه هو دا يزن فضلت واقفة مكاني بدون حركة أبص عليه وأتابعه من بعيد وعيوني كلها اشتياق ليه بعد شوية لقيته وقف وقفل اللاب توب ونادى على الجرسون عشان الحساب وكان مبتسم

أيوه نفس الابتسامة اللي ماكانتش بتبعد عن وشه طول الحلم فضلت واقفة لحد ما لقيته خرج سيبت صحابي وجريت وراه وناديت عليه يزن وقف ولف ليا ابتسمت وروحت عنده لقيتني تلقائي حضنته كان واقف ثابت جدا وصحابي كانوا مش مصدقين أصلا اتكلمت بدموع واخيرا لقيتك واخيرا بعدني عنه انتي مين يا آنسة وإزاي تعملي كدا هحكيلك أنا مين أنا حور حور مراتك افندم مراتك في الحلم نعم أيوه انت اتجوزتني في الحلم أنا مش فاهم حاجة اتجوزتك إيه وحلم إيه

هفهمك تعالي معايا أجي معاكي فين يا آنسة أنا مش فاضي أنا عندي عملية بعد ساعة ولازم أكون جاهز صدقني مش هاخد من وقتك دقيقة اللهم طولك ياروح اتفضلي دخلنا الكافيه تاني أنا وهو وأصحابي وبدأت أحكي له اللي حصل في الحلم كان قاعد مستغرب مركز مش مصدق حاجة من دول صحباتي كانوا بيبصوا لبعض بصدمة ويبصوا ليا شوفي يا آنسة أنا كل اللي فهمته إننا اتجوزنا في الحلم دا مجرد حلم يعني مش حقيقة وممكن اللي شوفتيه ده يكون مش أنا

صدقني يا يزن انت اللي شوفته اسمك يزن وعندك 29 سنة ودكتور في جراحة القلب والأوعية الدموية وبتشتغل في شركة والدك فضل ساكت شوية هي معلومات حقيقية بس انتي ممكن تكوني عارفاهم من أي حد لكن أنا مش بفكر في جواز دلوقتي وماينفعش ارتبط بيكي انتي بتقولي أنا كنت معاكي في الحلم لكن أنا أول مرة أشوفك فاعذريني لازم أمشي دلوقتي عشان مش فاضل وقت على العملية هشوفك تاني ما أعتقدش وسابني ومشي

إيه اللي انتي عملتيه ده انتي اتجننتي إزاي تقولي لواحد غريب كدا عارفة هو شايفك إيه دلوقتي ما يهمش المهم إني قابلته انتي اتجننتي رسمي خلاص أنا لازم أقابله تاني لازم أتكلم معاه أنا بقيت مهووسة بيه أنا بشوفه في وشوش كل الناس لازم أقابله تاني مرة واحدة وخلاص عند يزن في طريقه للمستشفى إيه حكاية البنت دي وإيه موضوع جوازنا ده هو فيه كدا فعلا دي أكيد إنسانة مريضة بلاش أفكر فيها عند حور رجعت البيت وهي خلاص بقي عندها أمل

قابلته طلع حقيقي يزن موجود فعلا يزن موجود وبفرحة شغلت الموسيقى وبدأت ترقص عليها لحد ما حسيت بوجع في قلبها قعدت على الأرض ومسكت قلبها ونادت على والدتها وأغمى عليها ملحوظة حور مريضة قلب من طفولتها