رواية حب في جزيرة مجهولة الفصل السادس 6 - بقلم ايات عبدالرحمن

معقول الحلم يتحقق وتشوفي الشخص اللي كان موجود معاكي في الحلم قدامك في الحقيقة وتتكلمي معاه كمان. دخلت أوضتها وشغلت الموسيقى وبدأت ترقص عليها. وفجأة أغمي عليها. بتدخل والدتها بتلاقيها واقعة على الأرض. بتبدأ تفوق فيها لكن مش بتفوق. والدها بيشيلها وبينزل بيها. بيركبوا العربية وبيروحوا على أقرب مستشفى. "خير يا دكتور، بنتنا فيها إيه؟ "خير، هي بتتعالج من حاجة." "أيوه، حور مريضة قلب." "ممكن أعرف من إمتى؟ "من طفولتها."

"هو بصراحة أنا مش هعرف أفيدكم بحاجة، هي لازم تروح لدكتور يكون متخصص في جراحة القلب، لأن واضح قدامي إن قلبها تعبان. فمش هينفع إن أكتب لها أي أدوية، أنا كده هضرها أكتر ما أفيدها." "طب معلش يا دكتور لو مش هنتعبك معانا، لو ممكن تعرفنا طريق دكتور متخصص في جراحة القلب يكون كويس، لأن الدكتور اللي كان بيعالجها مسافر." "أكيد، مفيش تعب ولا حاجة. في دكتور اسمه يزن الجرايحي، دا دكتور ممتاز جداً، عنوانه مستشفى *****."

"تمام، شكراً جداً لحضرتك." الأب والأم بياخدوا بنتهم وبيروحوا على العنوان. وهناك بيقابلوا دكتور يزن. دكتور يزن أول ما بيشوف حور قدامه بيستغفر. أهلها بيستغربوا، لكن هو بيتجاهلها ويتكلم مع أهلها. "أهلاً وسهلاً بحضراتكم." "أهلاً بيك يا دكتور." "أموروا." "الأمر لله وحده. إحنا جينا من طرف دكتور عامر المنوفي، وحكى لينا عنك إن حضرتك دكتور ممتاز جداً، وأملنا فيك بعد ربنا إن أنت تعالج بنتنا." "إن شاء الله."

وبص لحور اللي كانت مركزة في ملامحه مش أكتر. "طب الآنسة بتشتكي من إيه؟ "حور مريضة قلب من طفولتها، كانت بتتعالج عند دكتور اسمه محمد حسان. وآخر مرة قال لينا إن الشرايين اللي في قلبها كلها اتكتمت ولازم تعمل عملية قلب مفتوح، وكتب لها على أدوية وقال هتمشي عليهم لحد ما يرجع من السفر وهيعمل لها العملية. لكن في الفترة الأخيرة بدأ يغمى عليها كتير أوي، فكلمت الدكتور وقال إن لسه قدامه شوية ويرجع، فمقدرتش أسيبها أكتر من كده."

"إن شاء الله خير، اتفضلي يا آنسة عشان الكشف." بعد شوية. "طمنا يا دكتور." "دا اسم مركز أشعة، هتروحوا عليه وهو هيعمل اللازم. وأول ما نتيجة الأشعة تظهر، تجيبوها وتيجوا." بعد كم ساعة. "إيه يا دكتور اللي في الأشعة؟ "خير إن شاء الله. لازم في خلال أسبوع تكون الآنسة عملت العملية، لأن كل ما تتأخر كل ما حالتها هتسووووء أكتر. أسبوع بالكتير، وماتسألنيش عن اللي هيحصل لها بعد أسبوع، هخلي نفسي من مسؤوليتها."