رواية حب في جزيرة مجهولة الفصل السابع 7 - بقلم ايات عبدالرحمن

بيمر 3 أيام وحور بتكون متابعه مع دكتور يزن. خلاص مش فاضل على العملية غير 4 أيام. من هنا دكتور يزن بيتكلم مع والد حور وبيطلب منه يروح له المستشفى عشان يشوف إيه المطلوب عشان العملية هتتم قبل ما الأربع أيام يخلصوا. "خير يادكتور، طلبتني فيه حاجة اتغيرت في حالة حور؟ "لا، بس إن شاء الله العملية هتتم بعد 3 أيام. ولازم آنسة حور تيجي هنا المستشفى عشان تتحجز لبعد العملية." "تمام."

"وفيه حاجة كمان، محتاجين 12 كيس دم، 4 أبيض و 4 فريش و 4 مثلج." "دول لازم يكونوا موجودين ضروري على العملية، ضروري." "أكيد يادكتور، أكيد." "ممكن بس سؤال؟ "اتفضل." "هو أنا ممكن أعرف هتعمل العملية إزاي؟ "أنا مقدر موقفك كأب، بس صدقني لو حكيت لك هتتعب عشانها، فبلاش." "أرجوك يادكتور، من فضلك."

"تمام. أول حاجة هتت"بنج كلي، وبعد كده هنحطها في الفريزر لمدة ساعة ونصف. وبعد كده هنخرجها ونفتح، وهنشيل القلب ونشغل جسمها على قلب صناعي، وهنفصل الرئتين، وبعد كده هنشتغل في القلب لحد ما تتم العملية. هنشيل القلب الصناعي وهنركب القلب مكانه وهنقفل، وهنحطها في فرن ساعة ونص عشان ترجع سيولة الدم ونتأكد أن القلب بدأ يضخ الدم بشكل منتظم. وبكده هنتأكد أن العملية نجحت. هننقلها العناية المركزة يومين، وبعد كده هننقلها غرفة عادية لمدة أسبوع، وبإذن الله بعد ما تخرج هتابع حالتها بنفسي لمدة 6 شهور."

"ياحبيبتي يابنتي، كل دا هيحصل لكِ." "ماتيأسيش من رحمة ربنا ياحاج، وادعي لها. وإن شاء الله ربنا هيقومها بالسلامة لكم وهترجع أحسن من الأول، بس أنت ادعي لها." "يارب يادكتور، يارب. خايف عليها أوي، دي بنتي الوحيدة وماليش غيرها بعد ربنا سبحانه وتعالى." "ماتقلقش عليها ياحاج، وإن شاء الله هتقوم بالسلامة. مش هكون لوحدي، معاها هيكون فيه فريق طبي معايا، دكاترة وممرضين." "يارب خليك معانا." "يارب." بييجي يوم العملية. "جاهزة؟

حور بتهز رأسها بنعم وبت"بتسم. "بصي، أنا مش عايزك تخافي. أنتِ هتغمضي وتفتحي، هتلاقي"كِ بقيتِ كويسة وبخير، بس أنا عايزك ماتيأسيش من رحمة ربنا وقولي يارب خليك معايا. وغمضي عيونك، وإن شاء الله هتقومي بالسلامة." "حاضر." ومن هنا بتقول بطلتنا: "يارب خليك معايا." وبتغمض عيونها. وبيمر 6 ساعات، وبيخرج دكتور يزن عشان يطمن أهلها. أول ما بيخرج، الكل بي"جري عليه. "طمنا يادكتور، حور عاملة إيه؟ العملية نجحت صح؟

"الحمد لله، العملية نجحت بفضل دعائكم لله. هي دلوقتي في العناية." "إحنا عايزين نشوفها." "أفضل إني بلاش النهارده، وإن تشوفوها لما تخرج للأوضة العادية." "لا، أنا عايزة أشوف بنتي، أرجوك يادكتور." "صدقيني يامدام، هتت"عبي." "أرجوك." "طب معاكي دقيقتين بس. لازم الأول تتعقموا تعقيم كامل وتلبسوا الكمامة وتقفوا بعيد دقيقتين بس." "حاضر." بيدخلوا يشوفوها. الأم مش بتستحمل تشوف بنتها في الموقف ده، فبتخرج برا جري.

"أنا قلت لحضراتكم بلاش، أنتوا اللي صممتوا." بعد يومين، بتخرج حور من العناية لأوضة عادية، وبيكون متابعها دكتور يزن. "حمدًا لله على سلامتك." بتكتفي بهز رأسها وخلاص. "عاملة إيه دلوقتي؟ بتهز رأسها تاني. "تمام. طب ممكن لو سمحتم تسيبوها ترتاح شوية؟ "حاضر يادكتور." أسبوع بيمر، ودكتور يزن متابعها لحد ما اتحسنت وخرجت كمان، وفضل متابع معاها لمدة 6 شهور كمان لحد ما اتحسنت أكتر.

ومن هنا بتبدأ حور تتعلق بيه أكتر. تفتكروا هو ممكن يحبها ولا إيه؟