رواية حب جامعي الفصل الثالث 3 - بقلم نوجا وروما

عند زينه وهي بتجهز العشا جهزتو وحطتو. زينه: اتفضلي ي مرات عمي. هدي: اي الاقرف اللي انتي عملاه ده. زينه: قرف اي ي مرات عمي، استغفر الله العظيم. هدي: عاملهالي فيها مؤمنه. عبد الغفار: لمي الدور ي هدي، روحي ي زينه انتي نامي علشان الجامعه. زينه: حاضر ي عمو. راحت تنام وهي بتعيط ع العذاب اللي هي فيه. زينه: يارب انا تعبت، هو انا عملت حاجه علشان يحصلي ده كلو. قفلت النور ونامت وهي بتعيط. عند عمر كالعاده وهو جاي متاخر.

عمر: ازيك ي بابا. محمد: لسه فاكر تسال. عمر: اسف ي بابا اني احرجتك، وانا هروح اعتذرله. محمد: ماشي ي حبيبي، ربنا يبارك فيك. راح حضن عمر. احمد كان واقف وراهم: وانا اي شفاف؟ محمد: تعالي ي حبيبي ف حضن بابا. وهما الكل حضنو بعض. بعد لما عمر طلع ينام كان والده مش مرتاح ليه، هو عارف ابنه كويس وعارف انو مش هيسكت. احمد: اي ي بابا سرحان ف اي. محمد: انا خايف ع البت ليعمل فيها حاجه، حاول تنصحه ي احمد وخليه ميعملش فيها حاجه.

احمد: وانا كمان مش مرتاح ليه، بس انا طالع اكلمه بعد اذنك ي بابا. محمد: اتفضل يبني. عند سامر وهو قاعد يفكر ف اميرته ويبتسم. اميره: اي بتفكر ف اي. سامر: مفيش، روحي نامي. اميره: تصبح ع خير. سامر: وانتي من اهله. (اميره دي اخت سامر وحربايه كدا ف نفسها ومغروره) احمد وهو بيخبط ع بابا الاوضه بتاعة عمر. عمر: نعمه. احمد: مش هتقولي ادخل حتة. عمر: ادخل يعم. بعد لما قعدو هما الاتنين ع الكنبه. عمر: اي ف اي بقا.

احمد: انا عارف انك مش هتسيب حقك مع البنت دي وعارف انك هتاذيها، بس بالله عليك دي بنت ناس وحرام تاذيها. عمر: ومين قالك اني هاذيها. احمد: ي عمر انا عرفك اكتر من نفسك. ابعد بقي عن الشله دي وقرب من ربنا شويه بقي، كفايه لحد هنا يعمر، محدش ضامن عمره ي عمر. عمر: خلصت كلامك؟ احمد: لا ي عمر ومش هيخلص. عمر: طب روح نام وملكش دعوه بحياتي، دي حياتي ومش حياتك، وخلي بابا يبطل وشوشه ف ودانك شويه. احمد مشي وهو متعصب وراح ينام.

بدايه يوم جديد تبدا من عند زينه. زينه صحيت تصلي الفجر وتقرا وردها اليومي من القران. وخلصت ولسه هتقوم. اميره: اي ي زفته، مش غسلتي الهدوم لي، انا مسافره وعاوزه الهدوم دي تنضف. زينه مردتش ومشيت. راحت اميره علت صوتها وقالت: ماشي زينه، انا هعلمك ازاي تعرفي تطنشيني. زينه راحت المطبخ تجهز الفطار وجهزتو وصحّتهم يفطرو. بس مش صحّت اميره. سامر: صباح الخير ي زينه. زينه: صباح النور. سامر: ادعيلي علشان شكلي هروح اعترف بحبي لندي.

زينه بفرح: بجد، يعني هنفرح بيك قريب. سامر: ان شاء الله. كلهم اتجمعو علشان يفطرو. وزينه لسه رايحه تلبس علشان الجامعه لاقت عمها بينادي عليها. عبد الغفار: زينه. زينه: نعم ي عمو. عبد الغفار: خدي الساندوتش ده افطري بيه علشان مش تتعبي، وخدي الفلوس دي خليها معاكي لو احتجتي حاجه. زينه: شكرا ي عمي، بس انا مش عاوزه. عبد الغفار: والله هزعل منك ي زينه، انا عارف اني مقصر معاكي ي بنتي بس اعذريني. زينه: ربنا يخليك ليا ي عمو.

هدي: خساره فيها اكل وفلوس كمان، والله جايه علينا بالمخسر ي بنت نور. عبد الغفار: ماليش دعوه انتي. هدي اتضايقت وقامت. زينه لبست دريس لونه نبيتي وخمار ابيض والكوتشي بتاعها اللي ملهاش غيره. وسامر: استني اوصلك. زينه: لا روح انت علشان مش اعطلك. سامر: كدا كدا احنا نفس الطريق. زينه: طب يلا. محمد: يلا ي عمر، اصحي يلا. عمر: لسه بدري. محمد: اخلص اصحي ي زفت. عمر: صحيت اهوه. عمر لبس ونزل يفطر. احمد مش بيبص لعمر علشان مخاصمينه.

ليلى: اي ي ولاد انتو متخانقين ولا اي. محدش رد عليها. محمد: شكلهم كدا. عمر: اسف ي احمد اتعصبت امبارح. احمد مردش عليه. عمر: قولت اسف بقي، مش تعيش الدور. احمد: حاضر. محمد: انا لما اموت مش عاوزكو تسيبو بعض ابدا ومش عاوزكو تتخانقو خالص. كلهم ف نفس الصوت: بعد الشر عليك. عند سامر لما وصل زينه وصل للشغل. لاقي ندي هناك واصله من بدري. سامر بتوتر: بتعملي اي ي انسه ندي هنا بدري. ندي: مخدتش بالي من الوقت. سامر بجديه: تمام.

عند زينه اللي تاهت ف الجامعه. زينه وصلت متاخر ولسه هتتدخل الدكتور وقفها. الدكتور: خليكي برا، مش هتتدخلي، مفيش حد بيدخل بعدي. زينه: والله ي دكتور اتاخرت علشان مكنتش لاقيه القاعه. الدكتور: قولت برا، محدش بيعارض كلامي. طلعت برا وهي محرجه وقعدت تعيط لحد م قالت بس. عمر لسه معدي شافها بتعيط ف نص الجامعه. عمر: خير، اي اللي حصل. مردتش عليه ومسحت دموعها ولسه هتمشي بس هو وقفها وقالها استني عاوزك. زينه: نعم.

عمر: اسف ع اللي عملتو معاكي. زينه: حصل خير. عمر: متديلي رقمك. زينه: ممعيش موبيل. عمر: شكلك بتكدبي عليا، ف واحده ف تالته طب مش معاها موبيل. زينه بصتله ومشيت. عند العميد طلب يشوف زينه. زينه دخلت. العميد: اتفضلي اقعدي. زينه توترت شويه. العميد: اتفضلي متخافيش. زينه قعدت. العميد: بصي انا اكون ابو عمر اللي اتخانقتي معاه. زينه اترعبت ليعمل حاجه ويسقطها. زينه بتوتر شديد باين عليها: اه، خير حضرتك.

العميد: بصي ي بنت الناس، انا مراتي قاعده ف البيت وكدا وتعبانه جدا وكنت عاوزك تيجي تاخدي بالك منها، هي هتحبك جدا لأن ربنا مرزقناش ببنات، وهدفعك مرتب حلو والله. زينه: بس انا مبروحش بيوت. العميد: انا عارف ظروفك ي بنتي والله، وانا بقولك كدا مش اقصد احرجك او اجرحك. زينه اتكسفت جامد وقالت: تمام، هشوف واقول لحضرتك. العميد: انا عندي بس ولدين ف البيت ومحدش منهم يقدر يزعلك وهما محترمين. زينه: تمام ي دكتور.

زينه روحت وهي بتفكر توافق ولا لا. لاقت مرام عندهم ف البيت سلمت عليها ودخلت تقعد ف الاوضه معاها. قعدو يتكلمو شويه. لاقت مرات عمها داخله عليهم بزعيقها. هدي: انتي مزعله اميره لي ي زفته ومش غسلتي الهدوم ليها لي من الاول، والله لوريكي ي زينه، ي انا ي انتي بقي، انتي لو مش احترمتي نفسك خدي شنطه هدومك واتوكلي ع الله. زينه قعدت تعيط جامد ف حضن صاحبتها. سامر: انسه ندي ممكن اتكلم معاكي ف حاجه. ندي: اتفضل ي بشمهندس سامر.

سامر: بصي ي انسه ندي، انا داخل بالمعروف وعاوز اجي اتقدملك. ندي هتطير من الفرح وماسكه نفسها. وخدودها حمرا شبه الطماطم. سامر: ممكن رقم والدتك؟ ندي: ادتله رقم مامتها ومشيت بسرعه. سامر قعد يضحك ع جنونها. عند زينه اللي قررت تكلم العميد بتاعها بكره وتمشي من البيت ده. هدي: قومي ي زباله جهزي الغدا. زينه بعياط: حاضر. ترا زينه هتعمل اي. ومامت ندي هتوافق ع سامر ولا لا. وهل هدي لما تعرف ان سامر هيتقدم لواحده هتعمل اي.

واي هيكون رد فعل عمر لما يعرف ان زينه هتيجي تساعد مامتو.