رواية حب جامعي الفصل الثاني 2 - بقلم نوجا وروما

عمر: مش تفتحي ي عمة؟ زينة: مين دي اللي عمة؟ نزل من العربية متعصب. عمر: وانتي طالعة تجري ليه؟ زينة: وانت مالك ي بني ادم انت. عمر: انتي شكلك أهلك مربوكيش. بعد ما قال الجملة دي، لاقى قلم نازل على وشه. سمع الجامعة كلها. واحد من الأمن: اتفضل ي عمر باشا. واتفضلي ي آنسة معايا ع مكتب العميد. بعد ما وصلوا ع مكتب العميد. العميد: خير، إيه اللي حصل؟ عمر جه يتكلم، رفض إنه يسمع عمر وقال لزينة: اتفضلي ي آنسة، احكي إيه اللي حصل.

زينة حكت كل اللي حصل. العميد أعجب بشخصيتها وبجرأتها. العميد: اتفضل ي عمر، اعتذر للآنسة. عمر اتعصب وساب والده ومشي. العميد طلب من زينة إنه يعرف اسمها وهي في فرقة إيه. زينة خافت منه إنه يسقطها. العميد: متخافيش، مش هعملك حاجة، واتفضلي ولينا كلام تاني. العميد طلب إنه يعرف عنها كل حاجة. زينة حضرت محاضرتها وروحت صلت الظهر وبدأت تجهز الغدا. هدي: انتي لسه فاكرة تيجي؟ زينة: كان عندي محاضرات واتأخرت ي مرات عمي.

هدي: انتي بتردي عليا كمان وبتبجحي؟ زينة مردتش عليها وبدأت تجهز الغدا. عند عمر وهو قاعد مع صحابه بيفكر ينتقم منها إزاي وإزاي والده يهينه قدام بنت زي دي. (مراد ده واحد من ضمن شلة السوء اللي أحمد بيحاول يبعد عمر عنهم بس بيفشل كل مرة) مراد: إيه ي عمر؟ إيه اللي واكل دماغك كدا؟ عمر: يبقى واحدة جربوعة زي دي تضربني كف في وسط الجامعة، وكمان أبويا عاوزني أعتذر لها؟ لازم أنتقم منها وأعرفها إزاي تتطاول على أسيادها.

مراد: نشربها حاجة واحنا نعمل معاها الصح. عمر ظهر في عينه لمعة الشر وقال: أنا عندي فكرة أحلى عشان أنتقم منها. عند العميد، لما عرف حياة زينة وصعبت عليه وقرر إنه يسعدها. عند زينة، لما خلصت الغدا. سامر: ي زينة ي زينة، تعالي، عاوزك في موضوع. هدي قالت في نفسها: شكل الواد بيحبها وشكل خطتي هتمشي. زينة بعد ما راحت لسامر. سامر: احكيلي بقى إيه اللي مزعلك. زينة: اتخانقت في الجامعة مع واحد مغرور وضربته كف.

سامر: طب ليه انتي عملتي كدا؟ زينة: كان هيخبطني بالعربية وكمان غلط في تربية أهلي ليا، وانت عارف إن أهلي خط أحمر، مبستحملش حد يجيب سيرتهم. سامر: حصل خير، ابقي خلي بالك من نفسك المرة الجاية. زينة: إن شاء الله. سامر: أنا بحب بنت ومش عارف أعترف لها إزاي. زينة: أيوة بقى ي عم، بدأت تحب. سامر بضحك: ادعي بس إنها متطلعش مرتبطة. زينة: ربنا يكتب لك اللي فيه الخير. سامر: يارب ي زوزو. عند ندي، بنت في العشرينات، شعرها قصير

(ع الموضة) وهي قصيرة، قمحاوية شوية بس عينها خضرا، وهي وحيدة مامتها وباباها توفى وهي طفلة. ندي: ماما ماما، انتي فين ي ست الكل. ناهد: إيه ي هبلة، بتنادي كدا ليه؟ ندي: أنا عايزة أصرحك بحاجة. ناهد: قولي ي قلب ماما. ندي بتوتر جامد: بصي ي ماما، أنا بحب واحد معايا في الشغل. ناهد: كبرتي ي بت وبقيتي تحبي، قوليلي بقى اسمه إيه. ندي: اسمه سامر ي ماما. ناهد بضحك: سامر ي بت؟ اسمه قديم. ندي قعدت تضحك.