رواية حب غير مشروط الفصل الخامس 5 - بقلم روان فايز

رهف مسكت إيده. أبو رهف: أوعى يا بت! مش سامعة الحيوان ده بيقول إيه؟! عايز تتقرّب من رهف.. دي في ثانية ثانوي، لسه عيلة لا راحت ولا جت! العريس: واضح إن الآنسة رهف سايباكم نايمين على ودانكم لحد دلوقتي؟ أبو رهف: قصدك إيه؟ .. انتي تعرفيه يا رهف؟! العريس: مش معرفة شخصية، على قد ما عرفت أختها الكبيرة أمل و.. رهف: يا أبويا اسكت! قالتها وبدأت تعيط.

أما أمل كانت واقفة ورا الستارة ميتة من الرعب ليقول عن شغلها، ولا العلاقة اللي جمعتهم سوا! العريس: أنا.. مش بحب الاستهتار بالوقت ده يا آنسة رهف! أبوها: ما تنطقي يا بت! الجدع ده بيقول إيه؟! رهف وقفت قدامهم وهي موطية راسها: أنا موافقة يا بابا.. أنا مش هتجوز إلا هو! قلم نزل على وشها لدرجة عمل نزيف. وأمها بتحاول تمسك باباها عنها. الأم: أنا معرفتش أربي يا رحاب، لما تقف قدامنا وتقول كده.. أومال كانت بتعمل من ورانا إيه!!

رهف: يا بابا والله.. الأم: خشي دلوقتي يا رهف.. هدي نفسك يا أبو أمل، مكنتش قصدها يا خويا، حقك عليا، أنا أمحّيها فيا. الأب: ما أنتي لو عرفتي تربيها مكانش ده حصل! كل ده والعريس واقف بيتفرج، ولسه هيتكلم. رهف خدته من إيده وطلعته بره الشقة. ببوز منهار ونفس بينهج قالت: اسمع يا اسمك إيه أنت.. أنا.. أنا مليش علاقة باللي عملته أختي معاك.. لا أنت تعرفني ولا أنا أعرفك، فملناش مصلحة عند بعض أصلًا!

إيده في جيبه وقال بتحدي: ده كل اللي في دماغك الصغيرة دي.. لأنك عبارة عن حشرة بالنسبة لعالمنا، فمديتيش لنفسك أكبر من حجمها.. وأنا مش مجبر أوضحلك حاجة. رهف: لا مجبر! ليه أختي طلبت مني امبارح أتجوزك؟ وليه أنت تعوز حاجة زي دي؟ إيه بتحبني؟ أنت معدكش قلب أصلًا! العريس باستعباط: أختك الغازية؟ رهف: .. العريس: شوفي يا.. اسمك رهف باين؟ .. شوفي يا رهف، مش عامر الأنصاري اللي تقوليله كده.. أنا كلامي يتنفذ وبس. ماشي يا قمر.

وبيقرب منها ويزنقها في الحيطة. رهف: إن.. ابعد.. أنت قريب كده ليه؟! قرب من ودنها وقال: الحشرة لما بتبقى مزعجة بدوس عليها برجليا، فاوعي تنسي صور وفيديوهات أختك اللي ممكن أخليهم تريند أول في أي لحظة. هي البت راحت فين! خرج باباها بره عشان يلاقي مقرب منها وبيحط في إيدها خاتم. العريس .. عامر في دماغه: كويس إنك جيت دلوقتي!