رواية حب غير مشروط الفصل السادس 6 - بقلم روان فايز

قرب من ودنها وقال: الحشرة لما بتبقى مزعجة بدوس عليها برجليا، فاوعى تنسى صور وفيديوهات اختك اللي ممكن اخليهم ترند أول فا أي لحظة. هي البت راحت فينن! خرج باباها بره علشان يلاقيه مقرب منها وبيحط في إيدها خاتم. العريس. عامر في دماغه: كويس إنك جيت دلوقتي! رهف حدقت عينيها وسعت، وأمها جت وشافت المنظر مع أبوها. رهف بصوت يكاد يكون مسموع: ب... بابا والله أنت فاهم غلط. أبوها مسك كوع أمها ومسك أكرة الباب. وبوش أحمر قال:

لو كان حد قالي إنك رفعتي عينك لوش مدرسك مكنتش هصدق. أنا كان عندي استعداد أ*تل اللي يقول في حقك نص كلمة. بس دلوقتي أنا معدش عندي غير بنت واحدة بس، أمل! وهبد الباب في وشها. في وش صدمتها وخوفها من المستقبل ورعبها من نظرات عامر ليها. جريت عالباب منهارة وقعدت تخبط بحسرة. يابابا اسمعني، والله ما أعرفه. يابابا والله ما عملت حاجة. يا باباااا.

يابابا، افتحي يا ماما أبوس رجليكي يا ماما افتحي أنا مقدرش أعيش من غيركم والله ما أعرفه. الجيران اتلمت حواليها. وعامر لاحظ نظراتهم، فشدها من إيدها جامد ونزلها معاه. سيبني. سيبني أنا عارفة بابا قلبه هيحن وهيفتح. زمانه فتح. أنا طالعة. عامر: رهف محدش عاد هيهتم بأمرك. أنت كداب. ماما عمرها ما هتسيبني، أنا عارفة. سيب إيدي. عامر: أنت مشوفتيش نظرات الجيران كان شكلها عامل إزاي بسبب الفضيحة اللي عملتيها! أنا اللي عملتها؟

أنت ليه حطيت الز*فت ده في إيدي دلوقتي؟ مش كان اتفاقنا تقنعهم الأول؟ مش كان اتفاقنا كده؟ مشى ببرود لا يتلاءم مع الموقف وقال: أنا متكلمتش كلمة لحد. اتفاقي كله كان مع خطيبتي لا أكتر ولا أقل. وأنا بصراحة مش مقتنع بشغلها ولا دماغها العاطفية دي. كلكم شبه بعض. بصلها وقال بغضب ورفع صباعه ناحية وشها باتهام: لو كانت أختك دي بتحبك بجد مكنتش سمحت بده يحصل. لو أمك كان هاممها أمرك مكنتش قدرت آخدك منها كده! أنت... خاطب؟

آه. أنا مش هتجوزك. جواز شرعي يعني هيبقى على الورق بس. لأنك يا دعسوقتي الصغيرة ليكي فايدة مش موجودة مع حد تاني. لاا. أنا مش هامشي معاك إلا لما تقول لي... أنت بتعمل كده ليه؟ ليه أنا مابين كل البنات؟ ليه أنا؟ تعالى بس. ومسك إيدها بحركة سريعة. شالت إيده جامد وبسرعة لدرجة خلت إيدها تتعور تحت الهدوم. أنا عايزة أعرف. عامر:

وشك. ده أهم حاجة عندي. فياريت متجعدهوش بعصبيتك التافهة دي. بنت زعيم المافيا اللي شغال معايا مسافرة. ولما ترجع هيتم جوازنا أنا وهي. بنته تبقى خطيبتي. سابها ومشى ناحية العربية. ركبوا العربية في سكوت تام منها. كمل كلامه وهو بيدور العربية:

فيه شحنة هيروين كبيرة جدا جاية لمصر وبعدها هييجي غيرها. وعشان الثقة تعم ما بينا لازم أتجاوزها ويبقى فيه صلة دم. بس للأسف أنا مبحبش العلاقات. وبالأخص الجواز. فإنتِ هتمثلي دور بنته بعد ما خطفتها. وهتعملي كل اللي بقولك عليه. قالت بفزع: إيه!!! وهو مش هيعرف بنته؟ حط صباعه على وشها. وملس عليه برعب: ما هو يا بيبي وشك ده نسخة منها.