رواية حب حد التملك الفصل التاسع 9 - بقلم دينا عبد الحميد

كانوا بيتكلموا هما وشيوخ البلد. فجأة دخلت بنت بلبس مقطع وجسمها متبهدل وبيجيب دم. عيطت بصوت عالي وقالت: "الحقني يا كبير البلد الحقوني أنا..... وفجأة وقعت من طولها مغمي عليها. قام راهب جري عليها وقلع عبايته وغطاها. وراجب جاب ميه وكلونيا وفضل يرش على أيديها. مش بتفوق. راهب بغضب: "اطلبوا الدكتور." راغب: "أقرب دكتور من هنا أكتر من ساعة على ما يوصل والمستوصف في أول البلد مشوار أكتر من ساعة إلا ربع." راهب بغضب:

"يعني نسبها تموت؟ وفجأة ابتسم ونطق: "رنا.... راغب بص له وقال: "مالها؟ ضحك راهب وقال: "رنا دكتورة ومشوار ربع ساعة من هنا، بسرعة روح هاتها وأنا هكلمها تجهز على ما أنت تروح. ويا ريت تأكد عليها وقولها بالحرف تلبس عدل بدل ما يبقى يوم أسود على دماغها." راغب بفزع: "عايزني أقولها يوم أسود على دماغك؟ دي ممكن تقتلني." راهب بص له ببرود ونطق: "لو خفت منها هقتلك أنا." اتنفض راغب من نظرات أخوه وجري.