رواية حب خارج نطاق قسوته الفصل الخامس 5 - بقلم بسملة بدوي

كيرال بصدمة. م... مراته؟ إزاي؟ يونس بعصبية. كيرال ادخلي جوا أخلصي. كيرال بجنون ودموع. بتقولي مراتك؟ مراتك؟ إزاي دا؟ دا حقيقي يا يونس؟ يونس غمض عيونه بنفاذ صبر. قولتلِك ادخلي الوقتي. أما أخلص هاجي أفهمك. كيرال وهي بتضربه بقبضتها الصغيرة على جسده العضلي. تفهميني إيه وزفت إيه؟ صوت عمته. صوتك عالي ليه يا بنت جميلة؟ وبعدين هو عمل حاجة حرام؟ وكمان انتي ليكي عين تتكلمي؟ يا بت انتي! ليه محسساني إنه بيحبك؟

افهمي ياحبيبتي، هو متجوزك عشان خاطري وعشان الفضيحة. يونس بحدة. أمي! إيه اللي طلعك؟ قدرية بخبث. جاية أوصل مرات ابني لشقتها. يونس بغضب وصوت عالي. ومين اللي قال كدا؟ أنا مش موافق. نارين مش هتقعد هنا. قدرية بخبث. بس... في الفترة دي محتاجة رعاية واهتمام جامد. كيرال بسخرية. ليه؟ هتسنن؟ نارين بمكر. لا يا حبيبتي، حامل. يونس بصدمة. إيه ده؟ كيرال من صدمتها مقدرتش تتكلم وجريت على جوا. قدرية ابتسمت بشماتة. ووجهت نظرها لنارين.

يالا ياحبيبتي، أنا جهزت ليكي الشقة اللي فوق. ووجهت كلامها ليونس. يونس، مراتك محتاجةك جنبك النهارده. وسابته ومشت. يونس دخل وهو في حالة صدمة، وقلبه وجعه أوي على شكل كيرال اللي بتبكي بحرقة. يونس قرب منها، ولسه هيتكلم. زقته وجريت على أوضتها. كيرال في نفسها. أنا بعيط ليه الوقتي؟ معقولة حبيته؟ لا لا مش حبيته. لا أنا... أنا بس حبيت اهتمامه وحنانه عليا. بس أيوه، أنا...

أنا مش حبيته. أنا بس عشان ماحستش بحنان حد عليا من بعد ماما. ويونس كان بيعاملني بحنية وكدا. بس أنا مش حبيته. أيوه... أيوه أنا بس حبيت حنانه. بس بس دا طلع متجوز. وهي حلوة وشكلها بنت حسب ونسب. هيسيبها ويبصلي أنا؟ وقعدت تعيط كتير لحد ما عيونها ورمت واحمرت جامد. يارب... كيرال... كيرال افتحي الباب. كيرال مسحت دموعها. ي... يونس؟ يونس لو سمحت سيبني لوحدي. يونس بخوف عليها. طب افتحي طيب. ما تخوفنيش عليكي يا كيري.

كيرال بغضب طفولي. ما عدتش تقولي يا كيري دي. اسمي كيرال. مش هفتح. مش هافتح! بعني بقى! عم السكوت دقايق. وفجأة الباب اتفتح. كيرال بخضة. يلهوي! انت؟ انت دخلت إزاي؟ كسرت الباب. كان واقف مش سامع هي بتقول إيه. واقف مذهول من اللي قدامه. كانت جميلة جداً، ولابسة تي شيرت بيتي لحد فوق ركبتها بشوية، وسايبة شعرها. وخدودها وشفايفها حمر، وعيونها لونها اتغير من عسلي لأخضر زيتوني. يونس قرب منها بتوهان ونسى هو كان داخلها ليه أصلاً.

كيرال بسخرية وهي بترجع بضهرها. انت؟ انت بتقرب كدا ليه؟ وبعدين انت؟ انت إزاي تدخل عليا كدا بالأسلوب الهيمجي دا ومن غير ما تخبط؟ يونس مابيردش وبيقرب منها بس. كيرال بعصبية مع احمرار وجهها جعل منها لطيفة جداً. رد عليا يا أخي الله... وبعدين اقف بطل تقرب مني. والله لو قربت خطوة زيادة لكون صارخة ولامة امه لا إله إلا الله عليك. يونس فاق على جملتها وقال بغضب مزيف. الكلام دا ليه؟ ردييييي عليااااا. الكلام دا ليا؟

وبعدين هتقوليلهم إيه؟ أنا جوزك ولا نسيتيييي؟ خافت من صوته العالي. وفجأة انفجرت في العياط. يونس اتفاجأ بردها. ومرة واحدة اخدها في حضنه وفضل يمسد على ضهرها وشعرها بحنية. أهدي طيب. أنا... أنا كنت بهزر مش حقيقي. كيرال بدموع. إن انت ليك عين تتكلم ها؟ ليه؟ مش قولتلي إنك متجوز؟ ليه ها؟ لا وكمان بتقولي نعطي لبعض فرص؟ هههه. أها ما أنا ساذجة بقى وماليش حد. حرام عليك والله. حرام عليكوا كلكوااا. يارب أموت.

وقبل ما تكمل كلامها كان يونس رفعها ليه وبص في عيونها. أنا... أنا بحبك. كيرال بصدمة. ها؟ يونس بنظرات حب. والله العظيم حبيتك. مش عارف إزاي بس. من أول ما عيني وقعت عليكي وأنا مش مظبوط. بفكر فيكي طول الوقت. كيرال بأنفاس متسارعة من قربهم بس ردت بسخرية. بالسرعة دي؟ يونس وهو بيشدها ليه بتملك. أيوا بالسرعة دي. كيرال سكتت بخجل. بس بس أنت متجوز. يونس غمض عيونه وشدها وقعدها على فخديه.

بس مش زيك. أنا والله ما بحبها. أنا متجوزها صالونات. كيرال بدموع. بس اسمها مراتك وهتبقى أم ابنك. يونس لسه هيتكلم. فجأة كيرال جريت على الحمام. هو لحقها بخوف. كيري؟ انت كويسة؟ مالك؟ كيرال رجعت الأكل اللي أكلته كله وخرجت وهي ماسكة بطنها. آه... آآآه يابطني. يونس جري على برا بخوف. يا أمي! يا أمي! اطلعي بسرعة شوفي كيرال مالها لحد ما أجيب الدكتورة. قدرية بغِل. أحسن تستاهل. والله فرحانة فيها. وطلعت.

كيرال أول ما شافتها خافت بس قعدت مكانها ومتحركتش. قدرية بطيبة مزيفة قدام يونس. مالك يا حبيبتي؟ ألف ألف سلامة. كيرال بخوف. الله... الله يسلمك. يونس بلهفة. هروح أجيب دكتورة بسرعة وجاي. قدرية بخبث. روح يا حبيبي روح. كيرال بسرعة. يونس... قدرية بمكر. روح يا حبيبي. أنا معاها أهو. متخافش. فعلاً... يونس مشى. قدرية بخبث. قوليلي بقى أعراض تعبك إيه؟ ليكون اللي في بالي صح؟ كيرال بخوف. تقصدي إيه؟ قدرية بخبث. هنعرف الوقتي.

شوية ورجعت ومعاها واحدة لابسة بالطو. جبتلك دكتورة أهو. وهاتصل بيونس وهقوله يرجع لحد ما الدكتورة تكشف. يونس بلهفة. ها يا أمي؟ طمنيني، هي كويسة؟ قدرية لوت بوزها وقالت بتهكم. لسه الدكتورة بتكشف. الدكتورة خرجت. ها؟ طمنيني. قدرية غمزت للدكتورة والدكتورة هزت لها راسها في الخفاء. مبروك المدام حامل. يونس بصدمة. إيه ده؟ كيرال خرجت على جملتها وفضلت تصرخ وتعيط في حالة مش طبيعية وهستيريا. لاااااااا! انتي كذابة! لاااااا! لاااااا!

مش عااايزاااااه! مش عاااايزه! الدكتورة بتكذب يا يونس! لاااااا! أنا مش حاااامل! لا! مش عاايزاه! وفجأة فقدت الوعي. يونس جري عليها بلهفة ودخل لبسها عباية ونقاب واخدها. ولسا هيخرج. قدرية بخوف. إيه دا؟ رايح فين بيهاااا؟ يونس بص لها بصة ما فهمتهاش. رايح المستشفى يا أمي. يونس وداها المستشفى وشوية وقدرية وزينب وكمان نيران والحج جلال معاهم. الدكتورة خرجت ويونس جري عليها بخوف. طمنيني. الدكتورة بابتسامة. مفيش حاجة. شوية برد.

يونس بصدمة وفرحة. يعني مش حامل؟ الدكتورة باستغراب. حامل؟ إزاي؟ وهي أصلاً لسه بنت بنوت. يونس بصدمة. إيه ده؟