رواية حب خارج نطاق قسوته الفصل الرابع 4 - بقلم بسملة بدوي

ابعد عنييي الحقوووني الحقوووني علي خاف وحط إيده على بوقها يمنع الصوت، بس فجأة الباب اتفتح. قدرية بخضة: يخربيتك ياا علي! علي قام بسرعة وأخد نفس براحة: هووف خضتيني يا ماما. قدرية بعصبية: إنت إيه اللي جابك يا غبي؟ مش أنا محذراااك متجيش إلا أما أقولك والامور تهدى؟ غووور بسرعة قبل ما أخوك يجي. علي بعصبية: ماااتقوووليش أخوك. أنا ماشي. وبص لكيرال بخبث: نتقابل بعدين يامزه. كيرال بشجاعة: أنا أما يونس يجي هقووله على كُل حاجة.

قدرية مسكت دراعها بغل: هو مشاا اهو خلاص، بلاش تعملي مشكلة من مفيش. ولا إنتي مابتصدقي؟ كيرال بدموع: مشكلة من مفيش؟ إنتي بتهزري؟ ده كان... قدرية بسخرية لازعة: ياختي هي أول مرة؟ كيرال بعصبية والدموع مغرقة وشها: بس أنااا بقيت مرات أخوه.. حتى لو مش بالدم بس قدام الناس مرات أخوه. قدرية بصدمة وخوف: إنتي إنتي عرفتي منين؟ كيرال باستغراب من خوفها: علي قالي. قدرية بغل: الكلام دا لو طلع برا مش هيكفيني فيكي مووو*تك. ساااامعه؟

اسمعي بقا يا حلوة الكلمتين دول وحطيهم حلقة في ودنك: يونس ابني مابيحبكيش ولا هيحبك. يووم ما هيحب هيحب واحدة محترمة، واحدة ليه هو وبس. كُل اللي بيعمله معاكي دا شفقة مش أكتر، أو يمكن بيتسلى. ولحد ما يوصل للي عاوزه هيفضل يعاملك بحنية وطيبة، فما تتغريش أوي وتطمني كدا. واه، في مفاجأة عملهالك، هي على وصول، وهي دي اللي هتثبتلك صدق كلامي. قاطعهم دخول يونس: السلام عليكم. كيرال: وعليكم السلام. يونس باستغراب: في إيه يا امي؟ خير؟

قدرية بنظرات تحذيرية لكيرال: مافيش، بس خوفت لتكون كيرال لسا زعلانه. وبفكرها إنكوا هتتعشوا معانا، بس صح يا كيرال؟ كيرال هزت راسها وقالت بصوت مهزوز: آيوا ص صح. قدرية ابتسمت برضا ومشت. كيرال لسا هتمشي، يونس مسك إيدها بسرعة. وبحركة سريعة قعدها على رجله: مش قايلك تربسي عليكي حلو؟

كيرال بعصبية: معرفش بقا. ولو لو سمحت ابعد عني. بعد كدا، إنت في حالك وأنا في حالي لحد ما الـ 6 شهور يعدوا من غير مشاكل. ولو سمحت تاني مرة ما تسمحش لنفسك تقرب مني كده. ومشت. يونس اتعصب من كلامها وحس إن كبريائه اتهان: استنييي عندك!

إنتي باين شكلك نسيتي نفسك. إنتي هناااا خدامة ليا، أووعي تكوني صدقتي الكلمتين اللي قولتهُم تحت. أنا عملت كدا بس عشان كرامتك من كرامتي، إنما هتسوقي فيها هكر*هك في اليوم اللي شوفتيني فيه، سااامعه؟ وقرب منها وهمس في ودانها: وأنا ما بلمسش حاجة غيري لمسها. وسابها ودخل الأوضة بعصبية. كيرال قعدت على الكنبة

بقهر ودموع في عينيها: كلامها صح. مابتكذبش عليا. ااه يا وجع قلبي. وأنا اللي فرحت وحسبت إن الحياة ابتسمتلي أخيراً. حتى إنت يايونس؟ وأنا ههه اللي بحس بطمأنانة معاه هههه غبية غبية. ثواني ويونس خرج من الأوضة ولابس شورت قصير بس. هي فضلت باصة له ووشها أحمر أوي. يونس بسخرية: إيه مش هتخبي وشك وتتكسفي وكده؟ كيرال مثلت القوة: لا دا شُغل روايات.

قرب منها وأصبح مافيش فاصل، وانحنى وجهه أمام وجهها مباشرة. ومشا أنفه على طول وجهها، وبحركة سريعة قعدها على رجله ودفن وجهه في شعرها يشمه باستمتاع شديد، وقد أعجبته رائحتها. كيرال بخجل شديد: إيه دا؟ ابعد كدا، ماينفعش اللي بتعمله دا. يونس وهو مازال على وضعه: مابعملش حاجة حرام. كيرال بخجل: ابعد بقا. يونس بسخرية: طب ما إحنا بنتكسف. اهو، أومال عاملة فيها جريئة وجامحة ليه؟ كيرال بغضب طفولي: أنا... جريئة وجامحة؟

يونس باستمتاع بالوضع: أنا قولت عاملة، مش كدا؟ كيرال بغيظ: بارد. يونس مرة واحدة طبق قبلة حانية في ثنايا عنقها، خطفت أنفاسها. وهمس في أذنها بهمس مثير: عايز أعرف إيه اللي شقلب حالك من ساعة ما خرجتي؟ هي أمي قالتلك حاجة ولا إيه؟ كيرال الدموع لمعت في عيونها: مافيش. ولو سمحت سيبني، إنت جرحتني زيهم ومبقتش تفرق عنهم بحاجة. يونس بنبرة حانية: إنتي اللي عصبتيني يا كيري. كيرال بطفولة: كيري؟

ماما كانت بتقولي كدا. تعرف إن بحب الاسم دا أوي، ماحدش قالهولي خالص غير ماما، وإنت دلوقتي. يونس بابتسامة على طفولتها: عجبك خلاص، هقولك كدا على طول. بس متزعليش مني. كيرال ببراءة: مش زعلانه. بس ارجوك يا يونس بلاش تتعصب كدا تاني. أنا أنا بخاف أوي ومش عايزة أشوفك زيه تاني أبداً. يونس بغيرة واستغراب: هو مين؟ ابتعدت عن أحضانه وهي تمسح دموعها بظهر يديها ببراءة كالأطفال: أنا جعانة. نزلها بدهشة،

ثواني وانفجر في الضحك: هههههه مش معقول ياا كيري هههه تعالي يالا نشوف أي حاجة ناكلها. أنهى كلامه وهي ينحني حاملاً إياها برقة بين ذراعيه. كيرال بدلال فطري: يونس نزلني! يونس بضحك وبلا وعي: لا ياقلب يونس، على المطبخ عشان جعان أنا كمان، بدل ما آكلك أنا. كان يتابعها وعينيه تشع بحنان. كيرال بطفولة: كُل عشان بالشكل دا مش هتلاقي حاجة تاكلها، وأنا هاكله كله. أنا نبهتك أهو. يونس بضحك: كُلي إنتي بس، وأنا كأني أكلت.

رفعت عينيها على جملته وتلاقت أعينهم في نظرة طويلة، كلا منهما يحتاج للآخر فيها. اخفضت عينيها بخجل: الحمد لله شبعت. ولسا هتقوم. يونس شدها ليه وأجلسها على فخديه، وبدأ يطعمها بحنان كالاب وابنته: يالا افتحي بوقك. كيرال بكسوف: لا لا، معتش قادرة خلاص. بطني هتوجعني. وبعدين نزلني من على رجلك، عيب كدا. يونس بسعادة بهذا الوضع: يالا بقا، هتسيبيهم للشيطان ياعني؟ يالا افتحي بوقك، معتش حاجة في الصحن، يالا.

كيرال ابتسمت بفرحة: إنتي محسسني إني طفلة. يونس بخبث: طب ما إنتي طفلة بالنسبالي. كيرال بغضب طفولي أحبه: لا على فكرة أنا كبيرة، أنا عندي 19 يعني كبيرة. وبعدين فرق السن مش مهم بالنسبالي. يونس بلهفة: بجد يا كيري؟ فرق السن مش هامك؟

كيرال برازنة أعجبته: اه، العمر دا مجرد رقم بس مش مهم، إنت عندك كام سنة. المهم إنك تعرف تعيش حياتك صح، صغير كبير، عيشها صح. وفرق السن مش مهم. مش يمكن اللي أكبر بكتير دا هو اللي يعوضني عن اللي شفته مع اللي من سني؟ أكيد فهم ودرس الحياة. وبرضو مش نحكم من غير ما نشوف، ممكن اللي أصغر بردو يكون كدا، الله أعلم. بس اللي فهمته واللي شوفته أثبتلي إن فرق العمر مجرد رقم بس.

يونس بإعجاب معرفش يخفيه: إنتي جميلة أوي أوي، مش بس من برا، لا ومن جوا كمان. أي رأيك نسهر مع بعض ومش مهم ننزل النهارده؟ كيرال بلهفة: بجد؟ اشطا! وأنا هعمل فشار بالكراميل تكون خلصت. يونس بفرحة لفرحتها: وأنا هاخد شاور وأصلي، تكوني جبتي لنا فيلم كدا على ذوقك. كيرال بفرحة: عيوني. تايتنك، بعشقه بجنون ومهما اتفرج عليه مش بزهق. يونس بهيام: يابخته.

كيرال قامت بكسوف. ولسا هتدخل، يونس انحنى وطبع قبلة طويلة على وجنتيها ومشى. وهي فضلت واقفة مكانها مش مصدقة اللي حصل، ودقات قلبها سريعة جداً. جرس الباب رن. كيرال بخوف جريت على أوضة يونس: يونس الباب بيخبط. يونس بحنان وهو يرتب على ضهرها: ما تخافيش، هروح أشوف مين وجاي. هزت راسها بتوجس. يونس بيفتح الباب وفجأة اتصدم واتعصب جامد وراح موارب الباب. كيرال بفضول: مين ياترا؟ مين يا يونس؟ البنت أول ما شافت

كيرال اتصدمت من جمالها: قولها مين يا يونس. قولها. أقولك أنا يا حبيبتي.. مراته. كيرال بصدمة: