رواية حب خارج سيطرتي الفصل العشرون 20 - بقلم فاطمة أشرف

مراد كان لسه هيخرج من أوضة ليان صوت ضرب النار اشتغل. ليان بخوف: إيه الصوت ده؟ مراد مسكها من إيديها ودخلها غرفة الهدوم: مهما يحصل يا ليان متخرجيش، انتي فاهمة؟ ليان بخوف: هو فيه إيه؟ مراد بسرعة قفل عليها الباب: آسف، لازم أقفل عليكي. ليان بخوف قعدت في ركن الأوضة وضمت رجليها ونفسها ابتدى يضيق. بدأت تظبط نفسها زي ما أدهم ما علمها وعيطت: انت فين يا أدهم؟ محتاجالك يا حبيبي. يارب بقا تعبت والله تعبت.

مراد أخد مسدسه ونزل براحة. ملقاش حاجة خرج بهدوء على الجنينة لقي الحراس بتاعه واقفين واتكلم بالفرنساوي: مراد: ما الذي حدث؟ الحارس: سيدي، لقد كان شخص يريد أن يدخل إلى القصر. نعتقد أنه لص، ولكنه هرب. مراد: وما صوت ضرب النار الذي سمعته؟ الحارس: نحن الذي أصدرنا هذا الصوت لكي يتوقف، ولكنه هرب. مراد: هل تعرفتما إلى شكله وهيئته؟ الحارس: لا، سيد مراد. إنه كان ملثم وملابسه سوداء. مراد: حسنًا، اذهبوا إلى عملكم وكونوا على حذر.

الحارس: حسنًا، سيد مراد. مراد دخل القصر تاني لقى فتحية واقفة بخوف: هو فيه حاجة يا مراد باشا؟ مراد: لا مفيش حاجة، ادخلي نامي يا فتحية. فتحي: طب الست هانم بخير؟ مراد: آه بخير. لحقتي تعرفيها؟ فتحي: دي طيبة أوي والله، ربنا يجعلها من نصيبك. مراد بإبتسامة كسرة: ما خلاص، مينفعش. فتحي: ليه يابني بتقول كدا؟ مراد: أصلها متجوزة. فتحي بشهقة: ياحوستي! وإيه اللي يخليك يابني تجيب ست متجوزة هنا؟

اياك تعملها حاجة يا بني. أنا واثقة إنكك عمرك ما تعمل حاجة وحشة أبدا. أمك مربياك كويس، الله يرحمها. مراد: الله يرحمها. ومتقلقيش من حاجة. وطلع فوق ودخل أوضته وفتح أوضة الهدوم على ليان، لقاها ساندة دماغها على الحيطة ودموعها نازلة وبتحاول تنظم نفسها. جري عليها بخضة. مراد بخوف: ليان، انت كويسة؟ ليان بدموع واحاول تتكلم: مش قادرة آخد نفسي. مراد سندها وخرجها وقعدها على الكنبة وليان بتحاول تنظم نفسها. مراد بقلق: بقيتي كويسة؟

ليان بدأت تهدي: الحمد لله. ممكن أعرف إيه اللي حصل تحت وإيه ضرب النار ده؟ مراد: مفيش حاجة. مجرد حرامي كان عاوز يدخل القصر. الحراس ضربوا عليه نار علشان يقف، بس هو هرب. متقلقيش. ليان: طب الحمد لله. أنا عاوزة أمشي من هنا. أنا مش مستحملة أقعد بعيد عن أهلي طول المدة دي. مراد: أنا مش هقعدك معايا غصب عنك والله، بس هنا أمان ليكي. ليان: طب وأهلي اللي قلقانين عليا؟ أعمل إيه ها؟ مش هينفع. طب حتى يطمنوا عليا.

مراد: لازم دينا تتأكد إنها مش هتعرف تلاقيك تمامًا علشان أضمن إنها متأذيكيش. ليان بنفاذ صبر: والله تعبت. أنا مش مكتوب عليا أفرح أبدًا. مراد ابتسمالها بأمل: متيأسيش أبدًا يا ليان. انتي دايما قوية. ليان بصتله بإبتسامة: مش كل اللي بيدينا أمل بيكون قوي من جواهه، وأولهم انت. دايما بتظهر عكس اللي جواك. عيونك بتكشفك دايمًا. مراد: ههههه. هو أنا مفضوح أوي كدا؟

ليان: هههه جدًا كمان. إنساني يا مراد وعيش حياتك. انت شخص ميستهلش كل اللي بيحصلك ده. بتشيل نفسك هم ليه؟ مراد بإبتسامة حب: حبك عمره ما كان هم أبدًا يا ليان. ده أحلى حاجة حصلتلي. حتى لو مش هتكوني من نصيبي، أهم حاجة أشوفك بخير ومبسوطة. ليان بصتله ومعرفتش تقوله إيه. ابتسمت وبس. مراد: ههههه. مبلاش الابتسامة اللي بتجبني الأرض دي. ليان: ههههه خلاص سكت. مراد: ههههه. ماشي، هسيبك تنامي بقا.

ليان: ممكن تبعت طنط فتحية تنام جمبي علشان أنا بخاف أنام في مكان كبير كدا لوحدي. مراد بخبث: وليه طنط فتحية؟ منا موجود. ليان بشرشحة: نعم يا عنيا؟ ده عندها؟ يلا بقولك إيه، أنا ست متجوزة. ابعد عني يلا بدل ما أوغزكك. مش كفايا ما طلعتش زي أبطال الروايات وتجلدني وتحبسني؟ مراد: ههههه. لو ده هيريحككك، قشطة. معنديش مانع. ليان: نعم يا أخويا؟ ده أنا أقتلك يلا لو تقرب مني. فاكرني زي البنات اللي في الروايات ولا إيه؟

ابعتلي فتحية يا مراد، خليني ساكتة أحسن. مراد: ههههه. خلاص خلاص. طب أبعتلك إنجل أو جيسكي؟ ليان: أفندم؟ دي أسماء دواء ده ولا إيه؟ ابعتلي يا ابني فتحية. الاسم المصري الأصيل. قال إنجل وجيسكي قال. مراد: ههههه. ماشي. فتحي طلعت عند ليان. كانت ليان قاعدة على السرير بزهق: القمر مش عارف ينام ليه؟ ليان: هههه. تعالي اقعدي جمبي. مش عارفة أنام لوحدي. فتحي أخدتها في حضنها: تعالي يا ست البنات نامي. مالك بقا؟ حساكي خايفة.

ليان: بصي، هو أنا هحكيلك لأنكك زي مامتي وفيكي منها كتير. فتحي: احكيلي يا قلبي. وليان حكتلها حكايتها كلها. فتحي: يا حببتي يا بنتي. ده انتي عنيتي كتير أوي. بس على فكرة أدهم بيحبكك أوي. بس هو من الرجالة اللي بتكابر. ليان: مهو ده اللي مدايقاني. كل أفعاله بتوحي إنه بيحبني، بس مش بيقول. فتحي: مش مهم يا حبيبتي الكلام. أهم حاجة إنه موضحلك. مهو ياما الكلام بيتقال. الأحلى للي بيعمل ومش بيقول.

ليان: عندك حق. بس مراد صعبان عليا. هو ميستهلش كل ده. فتحي: سبحان من زرع حبكك في قلبه. ولحد دلوقتي مش عارف ينساكي. هو محكليش قبل كدا، بس من الكلام اللي قالهولك بس. ربنا أكيد ليه حكمة في كدا. يعني مثلا لو مراد مكنش ظهر، كان زمانك بعد الشر اللي متتسمي عملت فيكي حاجة. ليان: عندك حق. أنا هنام بقا. فتحي ملست على شعرها: نامي يا حبيبتي. ليان بدأت تروح في النوم وفتحي بتقرألها قرآن. *** وصلت طايرة نيهال ومصطفى لأراضي فرنسا.

نيهال: الله! أخيرًا. من زمان نفسي أزور باريس. مصطفى: ههههه. أي خدمة. بحققلك أحلامك أهو. مش عارف أنا إيه لازمة الشحططة دي، بس ما شرم الشيخ جميلة بدل الفرهدة دي. نيهال: لا يا حبيبي. ده أهم حاجة إنني أسافر برة البلد بقا وأتصور صور بقا كتيييير أوي بقا وأنزلها على الانستا زي بطوط كدا. مصطفى: آههه. قولتي لي بطوط. اللي يخربيت الانستا على سنينها. تعالي يا آخرة صبري علشان نطلع على الفندق.

نيهال: لا يا با. أنا عاوزة أفسح الأول. مصطفى: يابنت المفترية! دنا جسمي مهدود من السفر. ربنا يهديك. يلا نروح وبكرة هفسحك. نيهال بعند: مليش فيه. هتفسحني يعني هتفسحني يا مصطفى. مصطفى بنفاذ صبر: طب يلا يا آخرة صبري. مصطفى أخدها يفسحها وقضوا وقت جميل مع بعض وبعديها راحوا الفندق. نيهال قعدت بتعب: ياههه. كان يوم مرهق النهارده. بس فرحانة أوي.

مصطفى: آه. افرحي انتي ياختي. وأنا رجلي توجعني عادي جدًا. طب والله ما هرحمك يا نيهال. نيهال وقفت وهي حاطة إيديها في وسطها: نعم يا عنيا؟ هتعملي إيه يعني؟ مصطفى قام ومسكها من وسطها وقربها ليههه: أنا مش بقول، أنا بعمل على طول. نيهال بكسوف: إيههه يا مصطفى يا حبيبي. بهزر معاك. وبعدين آه. يا دماغي وجعاني والله. ابعد بقا. مصطفى: ههههه. نعم يا عنيا؟ بقا أنا منتظر تلت سنين وتيجي تقوليلي دماغي وجعاني؟ دنا أعملكم مصيبة هن.

نيهال: ههههه. استهدي بالله يا عسل. والله. طب بص هنام وبكرة نبقى نعمل اللي عاوزينه. مصطفى: ده عندها. تعالي. ومصطفى شالها. ونسيبهم بقا علشان عيب. *** صحى أدهم من النوم على رنة فونه. جسمه كله مكسر وكان بهدومه من امبارح وعيونه حمرا من كتر العياط وقلة النوم: أدهم: الو يا وليد. فيه أخبار؟ وليد: أدهم. العربية اللي خطفت ليان في كاميرا مراقبة رصدت إنها طلعت على المطار. أدهم بفرحة: بجد؟ يعني عرفتوا مين اللي خطفها؟

وليد: لسة معرفناش. احنا هنروح دلوقتي نشوف الطيارة طلعت فين. أدهم قام جري من على السرير: أنا جايلك حالا.