رواية حب خارج سيطرتي الفصل الحادي والثلاثون 31 - بقلم فاطمة أشرف

ليان قربت على دينا ووقفت قدامها: أنا مش جاية ولا أشمت فيكي ولا أنا جاية أقولك إني أنا ولا هنتقم ولا هعملك حاجة، بس صدقيني لو قربتي مني تاني وحطيتي في دماغي لهتشوفي مني سوااااد. دينا بغضب: أنتي بتهدديني ولا إيه؟ ليان بهدوء ورفعت حاجبها: أنا ولا بهددك ولا أي حاجة، وبلاش تنفعيلي علشان خاطر ابنك. دينا حطت إيدها على بطنها بخوف: أنتي عايزة مني إيه؟ ليان بسخرية: ههههه فاكراني زيك ولا إيه؟ هاخطف وأقتل؟

أنا بس مش عارفة أنتي ناقصك إيه علشان تنتقمي وتعملي كل ده؟ معاكي بنت زي القمر ربنا يحميها وجوزك بيحبك، عايزة إيه تاني؟ أنتي اللي زيك مش بيشبع أبداً، كل ما تاخدي حاجة بتبقى عايزة تاخدي أكتر. أنتي ما يملى عينك إلا التراب. أتمنى إنك تتغيري قبل ما حاجات كتير تضيع منك وأنتي مش هتقدري تعملي حاجة. عن إذنك. وليان خرجت بغضب.

دينا قعدت وعيطت، لأن فعلاً أول مرة حد يفوقها من اللي هي فيه. هي معاها نعم كتير جداً، ليه بقا تبص في اللي في إيد غيرها؟ اتنهدت بتعب ومدت على السرير بتعب وبتفكر هتعمل إيه. هي مش هتقدر على حالة الحبس كتير. جاسر جاب بنتها ودخل. رنا جريت على مامتها: مامي وحشتيني. أنتي تعبانة ولا إيه؟ دينا مسحت دموعها وحضنت بنتها بحزن: أه يا حبيبتي تعبانة شوية. رنا بحضنها جامد: خلاص هبات معاكي هنا، أنا مش عارفة أنام من غيرك.

دينا غمضت عنيها بندم: معلش يا حبيبتي مش هتأخر، وبعدين أنتي معاكي باباكي مالك بقا. رنا بدموع: بس أنا عايزة أنا. جاسر بص لدينا بغضب وكأنه بيقولها: أنتي اللي وصلتينا لكده. معلش يا رنا يا حبيبتي مش هينفع، ويلا علشان نمشي. رنا مسكت في مامتها أكتر وبقت بتعيط أكتر: لاااا أنا عايزة مامي. تعالي روحي معنا يا مامي. دينا دموعها زادت وحضنت بنتها أكتر: معلش يا حبيبتي يلا روحي مع باباكي وتعالي بكرة.

رنا بدموع وعند: لا أنا هبات معاكي. جاسر غمض عينه بضيق: يلا يا رنا يا حبيبتي. وبيحاول يشيلها من حضن أمها. رنا بدموع: يا مامااا لاااا تعالييي معايااا. دينا بدموع وقلة حيلة: ياريت كنت أعرف يا حبيبتي ياريت، بس خلاص فات الأوان. جاسر شال رنا وهي بتعيط وباصة لمامتها بدموع. جاسر بص لدينا بغضب: عمري ما هسامحك على اللي أنتي عملتيه فينا ده. وخرج بغضب تحت صراخ رنا. دينا كان قلبها بيتقطع على بنتها وندمت على كل حاجة عملتها.

ليان بعد ما خرجت من عند دينا وهي مدايقة. أدهم بص لها وهو جنبها في العربية: مالك؟ ليان: ها لا مفيش. أدهم: لا والله ده أنتي سرحانة خالص، فيكي حاجة؟ ليان بإبتسامة: لا يا حبيبي أنا كويسة. أدهم: ههههه الله حبيبي طالعة منك إيه عسل. ليان: ههههه. أدهم بطل قلة أدب، وأنت مش ناوي تنزل شغلك ولا إيه؟ أدهم بغمزة: والله نفسي أفضل جنبك كده وآخدك ونحبس نفسنا في مكان ومحدش يعرف لنا طريق.

ليان: ههههه بقا مستر أدهم الروبوت الآلي اللي كل حياته الشغل يقع الواقعة دي؟ أدهم اتنهد: أعمل إيه؟ مش قادر أبعد عنك. ليان باست إيده بحب: متحرمش منك أبداً. أدهم ميل عليها وباسها من خدها بحب: ولا منك أبداً. ليان انكسفت: احمم ركز في السواقة بقا علشان ما نعملش حادثة يا عم. أدهم: هههه ماشي. هتنزلي الجامعة بكرة؟ ليان: أه يدوبك الحق أي حاجة. أدهم: تمام. ووداها على بيت باباه ووقف العربية. أدهم: مش كنا روحنا على بيتنا؟

ليان: بلاش يا عم الحاج اللي فوق ده هيشلوحنا. أمي أصلاً ما قلتلوش إني أنا بايتة عندك. أدهم: أنا مش عارف فيه إيه هو شاقطك؟ أنا جوزك على فكرة. ليان: ههههه معلش استحمل. يلا باي. أدهم مسكها من إيدها: إيه رايحة فين؟ ليان: نازلة. فيه إيه؟ أدهم بخبث: من غير مقابل. ليان: بطل قلة أدب بقا إحنا في الشارع. أدهم: يلا يا ليان بدل ما أعمل حاجة تانية. ليان: ههههه وباسته من خده. خلاص بقا سبني أطلع.

أدهم: مع إني مش راضي بس يلا أهي حاجة تحت الحساب. خدي بالك على نفسك. ليان ابتسمت وطلعت بيتهم. عدى شهر على أبطال روايتنا. مصطفى ونهال الحياة جميلة معاهم. ودينا في السجن وبقت في الشهر التالت، وجاسر بيزورها كل يوم هو ورنا ومش راضي يسامحها. وأدهم رجع شغله من تاني وليان نزلت جامعتها والدنيا جميلة نوعاً ما معاهم وبيخطفوا أي لحظات علشان يعبروا بيها بحبهم.

ونغم دايماً جنب والدتها في المستشفى مش بتسيبها، ومراد يدوب بيروح الشغل ويرجع لهم تاني. نغم بدموع وهي ماسكة إيد والدتها: مش ناوية تقومي بقا؟ واحشني حضنك وصوتك حواليا يا أمي. مراد دخل: إزيك يا نغم؟ نغم: الحمد لله. مراد: ما تسمعي الكلام وتروحي تستريحي في البيت. أنت مش بتنامي خالص. نغم بحزن: مش هقدر أدخل البيت وهي مش موجودة فيه يا مراد. مراد: ربنا يقومها بالسلامة يارب. نغم قامت وقفت: ماما أنتي فووقتي؟ حبيبتي. فتحية

فتحت عنيها بالراحة وبتعب: نغم. نغم قربت عليها بدموع فرحة: حبيبتي أنتي كويسة. مراد بفرحة: حمدلله على سلامتك. كده تخضينا عليكي. فتحية ابتسمت بتعب: الله يسلمك يا بني. نغم: يلا خفي بقا علشان تروحي معانا. فتحية بتعب: إنشاء الله. خد بالك على نغم يا مراد لحد ما أخف. مراد بص لنغم بإبتسامة: مش محتاجة توصيني. فتحية: ربنا يكرمك يابني. مراد: هروح أشوف الدكتور علشان يطمن عليكي.

والدكتور كشف على فتحية وقال إنها ممكن تروح بس لازم الراحة التامة. وروحوا البيت. نغم بفرحة: نورتي البيت يا أحلى أم. فتحية: منور بيكم يا حبايبي. مراد: هنسيبك ترتاحي بقا ولو عايزة حاجة كلنا معاكي. فتحية: ما كنت نزلتني مكاني يابني؟ إيه لازمتها الأوضة دي؟ مراد بإبتسامة: إزاي بقا. أنا من زمان وأنا بقولك بطلي تشتغلي في البيت بس مكنتش بترضي. وده بيتك أصلاً يعني تقعدي في الحتة اللي أنتي عايزاها. فتحية: تسلم وتعيش يا حبيبي.

نغم باست إيد مامتها بإبتسامة: هنسيبك ترتاحي بقا. أنا جنبك، دوسي على الزرار ده هتلاقيني عندك. فتحية: ماشي حبيبتي. وخرجوا وسابوها. نغم أول ما خرجت برة حضنت مراد بفرحة: أنا مبسوطة أوي إنها رجعت. كنت هموت من غيرها. مراد ابتسم: بعد الشر عنك. نغم اتكسفت: احممم. هتعمل إيه دلوقت؟ مراد: فيه شغل هخلصه. وأنتي كفايا إجازة كده وتعالي فيه حاجات كده محتاجة مراجعة. نغم: اوكي هغير وهحصلك. مراد: تمام. ونزل غرفة المكتب.

نغم دخلت غيرت ولبست فستان بيبي بلو بحمالة من قماشة الحرير ولحد الركبة وفردت شعرها وحطت برفان وحطت روج فاقع وبصت لنفسها بثقة ونزلت. خبطت على الباب. مراد وهو باصص للورق اللي قدامه: أدخل. نغم بإبتسامة: احممم. مراد وهو لسه مركز في الورق: اقعدي. نغم فضلت واقفة. مراد بص عليها وتنح: إيه ده؟ نغم بضحك: إيه فيه إيه؟ مراد قام وقف بغضب: إيه اللي حطاه في وشك ده؟ نغم بإستفزاز: وأنت مالك؟ مراد طلع منديل وبحاول يمسحه بغضب.

نغم بتحاول تبعد إيده: يا مراد بطل ده من النوع اللي مش بيتمسح. مراد بخبث: هتمسحيه ولا أمسحه بطريقتي؟ نغم بلا مبالة: هتعمل إيه يعني؟ مراد في ثواني زقها لزقها في الحيطة ودقق في ملامحها أكتر.

نغم دابت فيه وبقت تبص لملامحه بسرحان. مراد بدون وعي لف إيده حوالين وسطها ونغم لفت إيديها حوالين رقبته ومراد ميل عليها وباسها بهدوء ونغم دابت فيه وتجاوبت معاه. مراد بدون وعي بدأ يفتح سوستة فستانها والباب خبط وهما ده كله مش سامعين دايبين في بعض وفاقوا لما لقوا الخبط زاد. مراد بعد عنها بإحراج. نغم خدودها احمرت من الخجل وبتحاول تظبط نفسها. مراد بيحاول يهدي نفسه: أدخل. الشغالة: مراد بيه الغدا جااااهز. مراد: تمام أنا جاي.

وكانت نغم ماشية مسكها من دراعها. نغم بغيظ: سيبني لأن أنت أوقات مبتكونش في وعيك. مراد: ده على أساس إنه كان غصب عنك ما أنت كنتي عادي يعني ومقاومتيش. نغم شدت إيديها منه بغيظ: قصدك إيه؟ مراد: مش قصدي حاجة بس ياريت متحاوليش تجتمعي معايا في مكان لوحدنا علشان الشيطان شاطر. يا إما تصرفي مش هيعجبك. نغم عيونها دمعت: قصدك إن كنت بعرض نفسي عليك؟ مراد: واحدة جاية لي المكتب ولابسة عريان وحاطة ميكب ده تسميه إيه؟

نغم بغضب: اسمه إنك إنسان زبالة. مراد ببرود: كويس إن أنت عرفتني. نغم بصت له بقرف ومشيت. مراد بغضب: غبييي غبييي ليه مش بتعرف تمسك نفسك قدامها؟ لازم أكرهها فيا بدل ما تحبني. ليان خلصت محاضراتها بتعب وخرجت مستنية أدهم. ليان: الله يقطع التعليم على سنته السودة. ماله بيت حبيبي ده قمر. حد قرب عليها من ضهرها: ههههه بتكلمي نفسك ولا إيه؟ ليان بصدمة: ..