رواية حب خارج سيطرتي الفصل الثاني والثلاثون 32 - بقلم فاطمة أشرف

قرب من ليان من ضهرها: ههههه بتكلمي نفسك ولا إيه؟ ليان بصدمة وحضنتها: نيهال! يخربيتك خضيتيني. عاش من شافك. بتعملي إيه هنا؟ نيهال بسخرية: حبيبتي أنا معاكي في سنة رابعة تجارة على فكرة. ليان: أوف والله ناسياك. اقعدي اقعدي. نيهال قعدت بتعب. ليان باستغراب: مالك يا بنتي؟ فيه إيه؟ نيهال بتعب: مش عارفة، عندي مغص من الصبح. ليان: تتلاقي واخدة برد ولا حاجة. نيهال بتعب: يمكن. إنتي إيه أخبارك إنتي وأدهم؟

ليان بابتسامة: الحمد لله كويسين. أدهم اتغير أوي وبيحاول يعمل أي حاجة عشاني. نيهال بابتسامة: ربنا يهنيكوا ببعض يا رب. عيونك بتلمع على طول أول ما بتيجي سيرته. ليان ابتسمت بحب: طبعًا وعمر اللمعة دي ما هتروح أبدًا. هفضل أحبه لحد آخر نفس فيا. المهم إيه أخبارك إنتي ومصطفى؟ نيهال بحزن: مصطفى بقاله فترة مش مهتم بيا خالص. ليان: ليه كدا؟

نيهال اتنهدت: مش عارفة. مش مهتم وعلى طول قاعد على اللاب توب بيشتغل ويرجع من الشغل ينام على طول. حتى مش بيسألني عاملة إيه. ليان طبطبت عليها: معلش يا قلبي. تتلاقي عنده ضغط شغل ولا حاجة. نيهال: يمكن. وبعدين جريت على الحمام. ليان بتجري وراها: إنتي يا بت فيه إيه؟ ودخلت وراها الحمام وكانت نيهال بترجع. ليان بخضة: إنتي تعبانة ولا إيه؟ نيهال بصتلها بتعب وعينيها باين عليها: مش عارفة. معدتي وجعاني أوي.

ليان بصتلها بصدمة: لا تكونيش حامل يا بت وإنتي متعرفيش؟ نيهال بصدمة: لا يا ستي حامل إزاي بس؟ ليان: ههههه إنتي مخضوضة ليه؟ إنتي متجوزة فطبيعي تبقي حامل يعني. نيهال مش عارفة توصف إحساسها: مش معقول يعني. ليان: طب ونحير نفسنا ليه؟ هروح أجيبلك اختبار حمل وأجي. خليكي هنا. ليان مشيت. ونيهال مخضوضة وابتسمت وحطت إيدها على بطنها: معقول هشيل حتة منك يا مصطفى؟ "أنا هتعود وإنت كمان لازم تتعود. عمر البعد ما كان بيموت."

دينا التعب بقا يزيد عليها لأنها في الشهر التالت ومش عاوزة تاكل أبدا وخسّت جامد. جاسر حاطط قدامها الأكل: يلا يا دينا كلي بقا. كدا غلط على اللي في بطنك. دينا بدموع وتعب: يا ريت أموت أنا وهو ونريحك منا. جاسر بغضب: إنتي إيه اللي بتقوليه ده؟ دينا بدموع: بقول الحقيقة اللي إنت نفسك تحصل. نفسك تخلص مني. جاسر بصّلها بحزن وغضب: مين اللي قالك كدا؟ لو كنت فعلاً نفسي إنك تموتي كنت عبرتك ولا زرتك ولا حاجة.

دينا بدموع: إنت بتزورني عشان خاطر ابنك مش عشاني أنا. جاسر اتنهد بحزن: مين قالك كدا؟ قبل ما ابني يتكون جواكي إنتي اللي كنتي في قلبي. أنا اتعلقت بأبني قبل ما اتعلق فيكي. ليه دايما بتظني الوحش فيا؟ أنا بعملك كل حاجة عشان تكوني مبسوطة وإنتي مش شايفة أي حاجة من الحاجات دي وشايفة الظنون بتاعتك وبس.

دينا بدموع ومسكت إيد جاسر: أنا عمري ما ظنيت فيك حاجة وحشة أبدا. أنا دايما بقولك إنك الحاجة الحلوة اللي في حياتي. بس بموت كل يوم وإنت مش بتسامحني. لو بتحبني بجد سامحني. جاسر شد إيده منها: مش أنا اللي المفروض أسامحك. أنا هدعي ربنا إنه يسامحك. إنتي عارفة إن البنت اللي أذيتيها دي عملت إيه؟

اتنزلت عن المحضر اللي ضدك. يعني إنتي محبوسة بس عشان إنتي مش عاملة رخصة سلاح. ها عرفتي بقا إنك عاملة تحدفي في الناس أذية وهما بيردّوها ورد إزاي؟ دينا انصدمت واستغربت: معقول تعمل كدا؟ جاسر: أيوه. مش كل الناس بتنتقم من اللي أذاهم. فيه حاجة أحلى بكتير من الانتقام. فيه حاجة اسمها التسامح. بس إنتي للأسف الانتقام عمى عينيكي. دينا بدموع: أهو أديك قلت التسامح. سامحني بقا. جاسر بعصبية: مش قادر. أنا مش قادر أسامحك. أعمل إيه؟

دينا بدموع: يا جاسر أرجوك. إنت الحاجة الحلوة اللي في حياتي. أرجوك حاول تسامحني. جاسر قام وقف: هحاول. عن إذنك. دينا مسكت إيده: رايح فين؟ جاسر: هروح عشان أجيب رنا من المدرسة. دينا بدموع: أرجوك يا جاسر متحسسهاش بغيابي وحاول إنك تخرجني من هنا عشانها. هي صعبانة عليا أوي. جاسر: مدة سجنك بقت سنة عشان رخصة السلاح ومقدرش إني أعملك حاجة تاني. ده أخف حكم ليكي. دينا بصدمة بدموع: هو أنا هقعد كل ده وهولد هنا؟

طب بنتي يا جاسر أنا قلقانة عليها. جاسر بتأنيب: هي فعلا لو كانت صعبة عليكي مكنتيش هتعملي ده كله. عن إذنك. وسابها ومشي. دينا بدموع: يا رب سامحني عشان خاطر ولادي. مش عاوزة حاجة تانية يارب. "حد يقوله إني بحبه. الحب ده كله." ليان راحت جابت اختبار الحمل وادتها ل نيهال. ليان بتحمس: يلا اعمليه بسرعة. نيهال: ههههه إنتي متحمسة كدا ليه؟ ليان: فرحانة إني هكون خالته.

نيهال ضحكت ودخلت تعمل اختبار الحمل. دخلت وواقفة تبص عليه ومتوترة. الشريط جاب شرطتين حمر. نيهال بقت مخضوضة وإحساس بالفرحة والخوف بنفس الوقت. نيهال خرجت وعملت نفسها زعلانة. ليان بسرعة: ها طلع إيه؟ نيهال بحزن مصطنع: للأسف. ليان بحزن وطبطبت عليها: معلش يا حبيبتي. العمر قصادك كبير. هتجيبي عيال وهتوجعينا دماغنا. نيهال ضحكت: ههههه أنا حامــــــل! ليان بفرحة حضنتها: يالهوي على الفرحة! مبروك يا حبيبتي مبرووووك!

نيهال: هههه الله يبارك فيكي. عقبالك يا قلبي. ليان: ههههه إن شاء الله. عمة البنت أو الولد اللي هيجوا هياخدوا حد من عيالك. نيهال: ههههه طبعًا. تخيلي ردة فعل مصطفى هتكون إيه؟ ليان: هيفرح طبعًا. هو إنتي مش بتقولي إنه بقاله فترة مش مهتم؟ إنتي خليه مهتم. نيهال: إزاي؟ ليان: هقولك. وبدأت ليان تشرحلها هتعمل إيه. نيهال: امممم. لما نشوف هيجيب نتيجة ولا لا. ليان: هههه لا هيجيب. متخفيش. يلا باي. أدهم بيرن.

ليان جريت على باب الكلية وأدهم كان قاعد في العربية مستنيها. جريت عليه وهي بتضحك وركبت جنبه. أدهم بصّلها: إيه مالك فرحانة كدا ليه؟ ليان: ههههه الله مضحكش يعني. أدهم: لا يا ستي اضحكي براحتك. ليان: مالك يا أدهم؟ فيه حاجة؟ أدهم بتعب: لا مفيش حاجة. تعبان. كان عندي دروس كتيرة انهاردة. ليان بخضة وحطت إيدها على دماغه: جسمك دافي شوية. إنت أكلت؟ أدهم: آه. لما فطرت معاكي. أنا مرهق بس مش أكتر. مش بنام بالليل خالص.

ليان مسكت إيده: ليه بس؟ فيه حاجة تعباك؟ أدهم بغيظ: أنام إزاي وإنتي بعيدة عني؟ مش عارفة أنا ليه أبوكي مصمم يبعدني عنك؟ إنتي مراتي على فكرة. ليان: ههههه بيعلمك الأدب. وبعدين ما إنت طول عمرك عايش لوحدك يعني. أدهم مسك إيدها: قبل ما أقابلك يا ليان. يا ليان أنا مبقتش أقدر أبعد عنك أبدا. ليان بابتسامة: وأنا والله مش بقدر أبعد عنك. وبعدين يا عم أنا عايزة فرح. ولا إنت هتنام عن إنك تعملي فرح؟ ولا إيه؟

أدهم باس إيديها بحب: أحلى فرح في الدنيا لأحلى ليان. ليان ضحكت من قلبها: وأنا كلامك ده اللي جابني على وشي. أدهم بضحكك: والله العظيم ضحكتك دي هي اللي جابتني ورا. ليان بابتسامة: تخيل بقا أنا سمعت أحلى خبر انهاردة. أدهم: خبر إيه؟ ليان بتحذير: هقولك ومتقولش لمصطفى عشان متبوظش الخطة. أدهم: هههههه قولي ياستي. ليان بفرحة: نيهال حامل! أدهم: هههههه آه يا مصطفى الكلب هتبقى أب هايف. ليان: ههههههه آه والله يبوظ عياله.

أدهم ابتسم: وهو ده الخبر اللي مفرحك؟ ليان: جداً. أنا بحب الأطفال أوي يا أدهم. أدهم: وأنا بحبك أوي على فكرة. ليان بغضب طفولي: قصدك يعني إني طفلة؟ أدهم: ههههه لا ده إنتي عاقلة العاقلين. وبعدين قوليلي خطة إيه اللي عملتوها؟ ليان: ملكش فيه. حاجات ستات. وبعدين إنت رايح فين؟ ده مش طريق البيت. أدهم: عندي درس صغير كدا مردتش أاديه غير لما أجي آخدك الأول. ليان: أوكي. أدهم: قلبه. ليان بابتسامة: إنت بتحب الأطفال؟

أدهم: جداً. هو فيه حد مبيحبش الأطفال؟ ليان بابتسامة: يعني نفسك لما نخلف ولد ولا بنت؟ أدهم بابتسامة: كل اللي يجيبه ربنا كويس. ليان بابتسامة: أنا نفسي أول خلفة ليا تكون بنت. أدهم بابتسامة حب: وأنا نفسي عشان تبقى كلها إنتي. بس هل إنتي مستعدة تخلفي دلوقتي وسط مذاكرتك والكلام ده؟ ليان بحيرة: مش عارفة. أنا سايباها على ربنا. أدهم: ونعم بالله. انزلي وصلنا. ليان نزلت وطلعت هي وأدهم وماسكين إيد بعض.

البنات بصوا على أدهم بصدمة ومكنوش مصدقين اللي هما شايفينه. ليان كانت ماشية ماسكة إيده بحب وبتفتخر إنها مراته كأنها بتقول لكل اللي حواليها إنه ملكها هي وبس. أدهم دخل حصته وليان قعدت مستنياه برة. لقت بنت بتعيط على جنب. ليان راحت لها بخضة: مالك يا حبيبتي بتعيطي ليه؟ البنت بسرعة مسحت دموعها: لا أنا مش بعيط. ليان بابتسامة ومسكت إيدها: إزاي بقا ده إنتي دموعك مغرقة وشككك. قوليلي إيه اللي مدايقك. البنت: أصل... أصل...

ليان: قولي حبيبتي متخفيش. البنت دموعها بدأت تنزل: أنا كنت بحب مستر أدهم. ليان بصدمة: ..... نيهال روحت البيت وبدأت تنفذ خطة ليان. عملت جو رومانسي، شموع وورد. عملت عشا ولبست فستان أسود لحد الركبة، كت ومفتوح من الضهر، وقعدت تستنى مصطفى. مصطفى دخل البيت لقي البيت هادي وشموع في البيت. "نيهال؟ نيهال خرجت ووقفت قدامه. "انت جيت يا حبيبي." مصطفى انبهر من جمالها. "ايه الجمال ده؟ نيهال بفرحة. "بجد؟ مصطفى ابتسم ومسكها من وسطها.

"انتي طول عمرك جميلة في نظري." نيهال لفت إيدها حوالين رقبته واتكلمت بحزن. "وعلشان كده مش مهتم بيا." مصطفى دفن راسه في رقبتها. "غصب عني ظروف الشغل، لكن انتي عارفة مقدرش أبعد عنك لو حتى ثواني." نيهال بعدته عنها وبصت لعيونه. "يعني لسه بتحبني؟ مصطفى ابتسم بحب. "وعمر حبي ما هيقل أبداً." نيهال ابتسمت وهو قربلها وطبع قبلة على شفايفها بحب. نيهال اتجاوبت معاه بس بعدته علشان تكمل المفاجأة. مصطفى بإستغراب. "بعدتي ليه؟

نيهال بتوتر. "مش هتغير الأول." مصطفى. "ههههه ليه، رحتي وحشة للدرجادي؟ نيهال. "ههههه مش قصدي والله." مصطفى. "ههههه على العموم ماشي يا ستي، هاخد دش وهرجعلك." مصطفى دخل الحمام واخد دش. وهو بيبص في المراية لقي مكتوب بالروج "Hello dad" واختبار الحمل ملزوق جنبه. مصطفى بقى واقف متنح. أحاسيس كتير جواه هو مش فاهماها. أخد اختبار الحمل وبص فيه وخرج. كانت نيهال واقفة قصاده بتضحك على رياكشن وشه. مصطفى بص لها بصدمة. "ده بجد؟

نيهال ضحكت وهزت له راسها بأيوة. مصطفى الفرحة مبقتش سايعاه، جري عليها حضنها ولف بيها، ونيهال بتضحك. مصطفى ونيهال لسه في حضنه. "ده أحلى خبر سمعته في حياتي، أنا هبقى أب! نيهال كانت فرحانة لفرحته. بصت له بحب ومسكت وشه بإيديها. "هتبقى أحلى أب في الدنيا كلها." مصطفى باس إيديها. "أنا بعشقك، من ساعة ما دخلتي حياتي وانتي غيرتيها. وأخيراً هكون عيلة صغيرة منك." نيهال. "ربنا ميحرمني منك أبداً." مصطفى. "ولا منك يا أم العيال."

نيهال. "هههههه انت هتكرّهني فيك كدا، إيه أم العيال دي؟ مصطفى شالها. "انتي أم العيال وبما فيهم أنا. هو انتي قولتي إنك مكنتيش مهتمة بيكي الفترة اللي فاتت تقريباً." نيهال. "ههههه أيوه." مصطفى. "طب ما تيجي نعوض قلة الاهتمام دي." نيهال ضحكت بدلع وذاهبوا إلى عالمهم الخاص.